黑布小巷 〈荔枝角堂食店〉(Hak Po Alley)

特色臺灣小吃！芝味！

之前係旺角開過外賣店嘅黑布，轉戰了荔枝角工廈，開左堂食分店😝每次見到依份厚厚的吐司就會知係佢地嘅出品！

𓃟𓃟𓃟𓃟𓃟𓃟𓃟𓃟𓃟𓃟𓃟

🧀慢烤雞腿芝士蛋吐司🥪 $53（8.1/10）
吐司好足料😚！黎到嘅時候蛋汁已經爆晒出黎～厚厚唔乾嘅雞肉再配埋蛋汁芝士同類似沙律醬嘅醬汁，咬落去勁滿足！店舖仲好貼心切開左一半同提供埋手套以防爆汁爆到周圍都係✨

🍚古早味手工滷肉飯 $48（7.7/10）
滷肉飯比想像中大碗！建議一吐司一碗飯同fd share🤎滷肉偏鹹味重加肥瘦均勻～個汁唔會好油膩，撈埋飯食啱啱好！

🦑花枝丸配淮鹽 $38（7.4/10）
就正常脆口的花枝丸😛

🔮黑糖紅棗薑三色圓 $38（7.9/10）
揀左比較養生似唔會好甜嘅黑糖薑母茶做糖水底🤓，芋圓份量都幾多，凍凍地咁食幾正！

🥤桂花雪梨羅漢果茶 +$12（7.2/10）
🥤冬瓜茶 +$5 （7.8/10）
飲品正正常常，全部都唔會過甜，易入口。羅漢果茶可以再濃啲😚

𓃟𓃟𓃟𓃟𓃟𓃟𓃟𓃟𓃟𓃟𓃟

𝗺𝗮𝗴𝗮𝘇𝗶𝗻𝗲 𝘃𝗼𝗹.35⭐️
【荔枝角。神隱工廈台式輕食】
今日介紹一間位於工廈之中嘅小店，專門售賣台式輕食吐司+小食+芋圓+茶飲，食完都真係幾值得推薦！

【慢烤雞腿芝士蛋吐司】$48
😜台灣好流行以美奶滋配搭雞扒+起司製作三明治（完全用了台灣腔），而黑布小巷就用左自家製口味醬汁製作，雞腿肉好滑好惹味，咸香味重，開胃啊！

【麻辣鬼椒豬扒蛋吐司】$48
🥳呢個麻辣口味比原味更出色！果個麻辣味勁香濃好刺激，真心想一人食哂成份停唔到，夾埋芝士豬扒一齊好好食！但我覺得如果揀麻辣雞扒應該更正😍

【魯肉飯】$48
🤨呢個魯肉飯好唔台灣口味，因為佢似港式豬軟骨飯，唔係用五花肉，好多瘦肉+軟骨，咬落無台灣魯肉飯咁多豬油肥膏香。
☹️而醬汁都唔夠甜+咸，無台灣重口味嘅感覺。
😅或者佢想調整到適合香港人口味，因為我地怕肥？味道唔係差，就只係感覺唔正宗。

【花枝丸配麻辣鬼椒粉 5粒】$28
🔥真係好辣！除左辣味我無其他味道食到，完。🥺

【芋頭椰汁三色圓】$46
😳呢個好好食！
蕃薯圓+芋圓+紫薯圓，好鬼大粒！
好足料粒粒都食到芋頭泥+蕃薯泥嘅口感！😍一流！
個芋頭椰汁糖水底都好濃好足料，超正好好食！😍😍

🌟整體我最推薦「麻辣雞扒吐司」「椰汁芋泥芋圓」超高性價比極好食！

🔥最唔推薦係「古早味魯肉飯」，性價比同味道都係想像之外，完全食唔到台灣味。

見到勁多唔同平台都介紹呢間，今日我都興緻勃勃泥打下卡~環境幾寬敞，不過因為要保持社交距離，佢係坐一張2人枱block一張2人枱咁，咁就唔會同隔離枱太近，令人食得安心d🤩不過都因為咁，坐到用餐嘅人都會減少左，可能人流多嘅時候都要等下位~

✨慢烤雞腿蛋芝士吐司 – 我嗰時已經爆肚餓，個吐司又勁惹味，流心蛋汁滿滿+邪惡芝士，仲有啖啖肉雞腿，唔洗幾分鐘俾我ko左😂

✨古早味手工滷肉飯 – 好足料，飯粒係用珍珠米，滷肉夠淋夠入味，正👍

✨花枝丸 – 揀左配淮鹽，味道幾夾，口感彈牙

✨芋頭椰汁三色圓 – 三色圓係包括左芋圓，紫薯圓，紅薯圓，一碗勁多粒，煙煙靭靭，係我最愛嘅質感

✨三花凍頂烏龍茶 – 茶味幾香，解膩一流

✨桂花雪梨羅漢果茶 – 幾潤喉，好啱呢排轉天氣飲😻

《黑布小巷. 必食爆餡流心蛋吐司💖》
呢間良心小店一直想去食好耐！完完全全俾佢地嘅吐司吸引住😆 今次仲叫咗好多佢地嘅小食！等我分享下食後感先～

🍭麻辣鬼椒雞腿芝士蛋吐司($55)
一場嚟到一定要叫佢地嘅signature! 佢地嘅麻辣系列幾特別就試下！雞腿好嫩滑，流心蛋啲流心勁吸晴！仲幫助提升口感～ 芝士香口，麻辣好惹味刺激！加埋佢哋個自家製醬料真心好食，不過我唔食得辣唔敢食咁多🙈

🍭花枝丸配淮鹽(跟餐+$28）
🍭黑布台式香腸($28)
🍭甜不辣($38)
小食一口氣點咗呢3樣～ 岩晒2個人share食😊 我自己幾鍾意台灣腸，食到台灣味道😋 甜不辣就大大塊，包你食到飽！花枝丸彈牙好食～

🍭桂圓杞子玫瑰三色圓($38)
食台灣嘢又點少得芋圓😍 叫咗呢款幾岩女仔食嘅三色圓～ 份量唔多，一個人都清到成碗～ 芋圓煙靭q 彈❤️

🍭凍頂烏龍(跟餐+$8）

黑布小巷相信大家不陌生😂特別是其招牌菜吐司可謂一眾foodie打卡之選！

▪️慢烤雞腿蛋吐司
店內招牌😝幾乎每枱都必點！大大份超級飽🐽雞腿肉厚，一拿上手蛋汁立即湧岀🤩調味帶少許酸甜，如果麵包烘得更脆，及點魔辣鬼椒版會更惹味。

▪️古早味手工滷肉飯
超大碗！滷肉半肥瘦，入口不會太肥膩👍🏻飯粒軟硬度亦不錯。

▪️花枝丸配准鹽
花枝丸比想像中鮮味，簡單的美味🤤

▪️黑布台式香腸
外皮烤得薄脆，豬肉味濃，甜度略低於其他台式香腸。

▪️芋頭椰汁三色圓
三色圓都可以，尤其紫薯圓味道最突出！😋椰汁味濃，不錯的飯後甜品！

叫左個慢烤雞腿芝士蛋吐司加古早味冬瓜茶。個吐司都好味，唯獨係醬汁偏甜同太多，食左半件已經飽飽滯滯。如果醬汁可以輕手點更佳。冬瓜茶甜度適中不俗。

💛黑布小巷

麻辣鬼椒慢烤雞腿芝士蛋吐司 $55
慢烤雞腿好厚肉, 睇落比起豬扒更澎湃, 肉質幾嫩滑而且醃得入味. 半溶芝士🧀、半熟日本流心蛋同佢個秘製醬汁幾惹味, 而最估佢唔到係個麻辣鬼椒真係幾辣wor, 有驚喜呀🌶️ 對半切開好彩我攞左份多辣粉嘅😆

古早味手工鹵肉飯 $48
好足料, 用左半肥瘦豬腩肉, 不過個自家配製滷水汁差咁d 香味… 飯反而唔錯, 用左珍珠米濕度同軟綿嘅口感剛好

台南蝦卷 $28/3條
比想像中好食，幾彈牙有d 似蝦丸咁幾香

芋頭椰汁三色圓 $46
好大碗, 芋頭椰汁略偏甜. 入面三色芋圓份量唔算多, 都係自家製, 其中最欣賞芋圓, 帶芋香偶爾仲會食到芋頭粒, 紫薯圓同地瓜圓相對無咁香, 不過口感都唔錯, 幾Q彈煙韌.

三花凍頂烏龍茶 +$12
無糖冷泡茶, 凍頂烏龍茶加上玫瑰花、桂花、茉莉花，無加冰或糖, 幾欣賞natural 茶香幾解渴解膩

凍桂花雪梨羅漢果茶 +$12
以雪梨乾、桂花同羅漢果煲製, 帶清甜味道. 據說可清肺潤喉，止咳化痰🍐

講唔停之前已經到訪過呢間餐廳幾次 真係好鍾意佢哋嘅吐司🥰 所以前牌又回訪咗佢哋嘅荔枝角分店～

✔️麻辣鬼椒雞腿芝士蛋吐司 $55
呢個超級無敵好食‼️ 佢個醬汁甜甜辣辣好好惹味 🤤不過如果唔係食得好辣嘅朋友會建議嗌返普通嗰款 因為平時食開譚仔小辣嘅講唔停都覺得有少少辣🌶 而雞腿好厚同嫩滑 個人覺得雞腿比之前食過嘅豬扒好食😚 加埋芝士同蛋汁成個吐司都好濕潤 一定會encore🙌🏻

✔️古早味手工滷肉飯 $48
滷肉嘅份量好多 夠晒撈飯😝 味道都有surprise 重口味得來又唔會太鹹 幾唔錯💫

✔️甜不辣 $28
有三大塊 完全唔油膩 不過講唔停覺得煎開佢會方便啲食🙈 同埋口感如果再煙靭啲就perfect啦❤️

✔️台南蝦捲 $28
講唔停覺得呢個小食比甜不辣更加出色 煙韌得來中間有夾住好似馬蹄嘅東東 值得一試😋

✔️芋頭椰汁三色圓 $46
呢個甜品都好正 芋圓煙靭唔粉 椰汁好濃🥥 加埋細細粒嘅芋頭一齊食好滋味☺️

整體來講 講唔停覺得呢間台式餐廳真係十分值得一試 最推薦係麻辣鬼椒雞腿芝士蛋吐司😆

呢間小食店最近殺上工廈開堂食，供應招牌足料台式吐司，另有多款台式小食、滷肉飯、芋圓糖水、台式茶飲🇹🇼
💗慢烤雞腿雙重芝士蛋吐司 ($53)
香烤吐司金黃微脆，搽上自家秘製醬汁，鹹甜相宜🥪慢烤雞腿厚肉嫩滑，充滿肉汁，醃得香惹入味🐓配上半熟日本流心蛋同半溶拉絲芝士，口感非常豐富🧀
💗凍芋頭椰汁三色圓 ($46)
將芋頭壓成蓉加入椰汁，糖水帶濃郁芋香同椰奶味，甜而不膩🍠三色圓全人手製作，包括有芋圓、紫薯圓、地瓜圓，口感更加煙韌彈牙🍡
💗古早味手工滷肉飯 ($48)
慢煮豬腩肉肥瘦得宜，但滷肉未得鬆化軟嫩，而且自家配製滷水汁唔夠香濃入味🐖但飯值得一讚，用上珍珠米所以口感較煙韌軟綿，另配酸蘿蔔解膩🍚
💗黑布台式香腸 ($28/ 2條)
台式香腸燒至外皮焦脆，肉質紮實彈嫩，充滿油脂香，鹹香入味🐷
💗凍桂花雪梨羅漢果茶 (+$12)
以雪梨乾、桂花同羅漢果煲製，味甘清甜，有清肺潤喉，止咳化痰功效🍐
💗凍冬瓜茶 (+$5)
選用台灣空運冬瓜磚煲製，味道冰凉清香，略為偏甜🧋

荔枝角工廈真係好多好野食😋

✨慢烤雞腿芝士蛋吐司 $53
其實我係為左呢個吐司而黎🤤
真係超邪惡 本身呢個雞腿同流心芝蛋組合已經冇得輸🤩
雞腿肉又嫩 最特別係個醬應該加左少少蜜糖同檸檬汁 甜甜酸酸 減低芝士既膩😌
職員仲好貼心咁比埋手套我地食吐司~
不過對我黎講食半份都好夠!! 之後既滷肉飯淨係食到少少😂😂

✨古早味手工滷肉飯 $48
滷肉既份量比想像中多😆滷水汁唔會過鹹 滷肉肥瘦適中 唔會乾身~

✨芋頭椰汁三色圓 $46
芋圓地瓜圓大大粒 比想像中煙韌同埋味道突出😆芋頭椰汁糖水底重椰香 如果有埋芋頭粒會更出色😁

跟餐加小食/飲品都有優惠~台南蝦捲幾出色($28/3)😋台式小食有花枝丸 甜不辣等
如果有埋蛋餅就好啦🤤
飲品主要係冷泡茶 加$8-$12就飲到啦😁

二訪🥰Encore台式肉蛋芝士吐司！芝士一大Pat真係好正！ …
服務
內用

呢間黑布小巷嘅台灣小食一向好出名，終於有時間可以試吓。星期六日嚟到都坐滿晒人。必點嘅一定係麻辣鬼辣雞腿芝士吐司，芝士份量非常多，鬼辣辣到流眼水，鍾意食辣嘅可以挑戰。雞腿肉醃得好入味，而且非常嫩滑。爸爸非常鍾意食古早味手工滷肉飯，採用珍珠米好有口感，飯粒汲索滷汁味，滷肉肥瘦，用咗豬軟骨嘅部份，整個飯嘅感覺唔會好油膩，食得好舒服。

椰汁芋圓真係數一數二，店舖自家人手製作，口感好煙靭，椰汁非常香濃，可以話係香港比較出色嘅芋圓，有台灣嘅味道。小食方面好想試吓蝦卷，可惜賣晒，花枝丸都幾出色，炸到非常香脆。

抵食台灣餐廳🇹🇼選擇
大推台式招牌吐司

⌖ 慢烤雞腿芝士蛋吐司 $53
必食之選 烘底吐司無得輸～
雞腿肉質嫩滑 配有流心蛋汁同拉絲芝士

⌖ 黑布台式香腸 $28 （跟餐價）
油脂感十足 正啊！

⌖ 冬瓜茶 $5（跟餐價）
台灣空運冬瓜磚 自家煲製 又不含防腐劑 不錯不錯

⌖ 古早味手工滷肉飯 $48
肥瘦均勻 份量足

⌖ 蝦餅 $28 （跟餐價）
炸至脆身嘅三塊 同隔離嘅泰式酸辣醬幾夾

⌖ 凍頂烏龍茶 $8 （跟餐價）
無糖且係台灣茶葉 健康之選

⌖ 芋頭椰汁三色圓 $46
濃郁椰汁配煙韌三色圓 share就最啱～
服務
內用
餐點類型
午餐

吐司好出色，特別係流心芝士同流心蛋，性價比高。
服務
內用
餐點類型
晚餐

葵廣嘅黑布小巷，原來喺荔枝角開咗堂食店！呢間小店好有台灣早餐店嘅咁感覺，地方寬敞，坐得舒適👍 而且仲可以手機落單同網上付款好加分👍

重點推介！佢嘅即叫即製芝士爆蛋漿吐司真係好高質！芝士+醬汁+蛋液份量多到預咗食到成手都係🤣 食到舐曬手🙈 不過店家都好好，一早已經準備哂手套畀客人👍 個人好鍾意佢嘅秘製醬汁，非常之夾之餘又加好多分！令成個吐司變得味道唔普通👍 拉絲熱溶 芝士+爆蛋漿半熟滑蛋都冇得輸😍 唯一可能要挑剔嘅就係塊豬扒太薄，同埋如果個吐司皮烘得脆啲、或加有多啲牛油會更正🤤

跟吐司加$3 就可以有杯冬瓜茶😆 應該冬瓜茶係經典家特製調配嘅少甜配方，好好飲👍

滷肉飯正常發揮，$48都算幾大碗👍 而且肉燥嘅份量多，舖滿成個飯面，夠曬撈飯！

芋頭椰汁三色圓幾有驚喜！鍾意椰汁嘅朋友就唔好錯過！ 糖水底係濃濃嘅椰汁再加少少嘅芋頭蓉， 椰汁就好夠多，不過三色芋圓嘅粒數就唔算多，但粒粒都好夠大粒，煙煙靭靭，整體都唔錯👍

《Taiwanese style toast sandwiches | 人氣台式吐司 滷肉飯 芋圓 | 🎗》

📍 黑布小巷 Hak Po Alley🎗
📍 荔枝角 𝗟𝗮𝗶 𝗖𝗵𝗶 𝗞𝗼𝗸 • 億利工業中心4樓405室
\ & a takeaway shop @ kwai chung plaza /
〔 follow me on instagram @sikbaobaola ! ^^ 〕

had their first shop on Hak Po Street, Mong Kok. It was a small takeaway shop but still attracted crowds with their famous Taiwanese style toast sandwiches which feature runny egg, pork chop / chicken thigh, cheese and their secret sauce.

Their Mong Kok shop was earlier closed and they went on to open a restaurant in Lai Chi Kok.
Here they offer a lot more dishes, including Taiwanese braised pork rice, plenty of Taiwanese snacks and taro ball desserts, at affordable prices.
Recommended if you’re looking for some Taiwanese treats!

人氣台式吐司良心外賣店《黑布小巷》終於有堂食店啦！
這裡依然提供招牌吐司，還有其他台式美食，包括滷肉飯、台式小吃、手工芋圓、茶飲
價錢貼地、味道有水準、服務親切，推薦！

〔慢烤雞腿芝士蛋吐司 ($53)〕
只看橫切面已經看到厚厚的雞腿 還有 快要湧出來的流心蛋，非常吸引！
吐司烤得微脆、口感鬆軟，雞腿厚身又嫩滑
加上蛋味香濃的半熟流心蛋、份量豐富、味道濃郁的「雙重瀑布芝士」還有「自家秘製醬汁」，美味十足！

〔古早味手工滷肉飯 ($48)〕
〔黑糖紅棗薑三色圓 ($38)〕全人手製作，真材實料！
〔各類每天新鮮製作茶飲〕不添加糖及防腐劑！

幾年前由黑布街起家嘅呢間小食店💛 由一間外賣店做到幾間外賣店🥡 宜家終於有堂食店喇🥢 人氣仲非常之旺盛 排曬長龍🔥

˜”*°•麻辣鬼椒慢烤雞腿蛋吐司($48)•°*”˜
新品超人氣台灣招牌吐司🥪 用上厚嫩嘅慢烤雞腿肉🍗 肉汁豐盈 加埋金黃色嘅半熟流心蛋🥚 賣相真係超澎拜勁吸引 拎上手感覺實在 咬落去感覺亦都相當滿足 麻辣鬼椒後勁凌厲 成個嘴唇都feel到辣👄 好在有酸酸甜甜嘅自家秘制醬汁中和 味道豐富 辣得過癮👍🏻 食嘅時候真係要小心爆汁啊💥

˜”*°•麻辣鬼椒肉蛋芝士吐司($55)•°*”˜
呢個係餐廳嘅第一代人氣招牌吐司🍞 用上美國大草原穀飼豬扒🐷 相對上比較薄身 容易入口 除左同樣有金黃色嘅半熟流心蛋漿🥚 今次仲加左瀑布芝士🧀 味道更濃郁 食落更漿口

˜”*°•花枝丸($38/5粒)•°*”˜
可以選擇配淮鹽或者鬼椒辣粉 花枝丸大大粒 夠軟彈

˜”*°•夜市蝦捲($38/3條)•°*”˜
感覺比較油膩 味道普通

˜”*°•桂花雪梨羅漢果茶(+$12)•°*”˜
聽個名都覺得養生 餐廳自家煲制 清肺潤喉 止咳化痰 不加糖 飲得到羅漢果天然甜味

˜”*°•黑糖紅棗薑三色圓($38)•°*”˜
我覺得佢大粒到嘅程度已經唔係芋圓 可以叫佢芋方 因為真係方形成粒骰仔咁㗎 手工三色圓包括芋圓 蕃薯圓🍠 同紫薯圓 口感超好 非常Q彈煙韌 最愛淺紫色芋圓💟 芋頭味十足 仲食得到芋頭粉粉嘅口感👍🏻

⭕️ 黑布小巷 (億利工業中心) (荔枝角)
荔枝角長沙灣道883號億利工業中心4樓405室

好靚

平日嘅十二點入坐，大把位仲，睇完menu可以用電話掃QR code落單畀錢，如果係要cash或現金就要到cashier落order。
兩人點咗兩份吐司同兩杯茶。
差唔多等咗有15-20分鐘就黎，除咗流出黎嘅蛋黃，仲有煮溶嘅芝士！
豬肉同雞腿肉各有各好，但如果係鬼椒嘅會更加將成個吐司昇華。佢嘅辣度唔算辣，剛好過到下癮，唔會食到成頭汗個種。
茶飲黎講，都係出色嘅，黑豆蕎麥茶嘅色水未必討人歡喜，但味道混合得好飲，起碼出面嘅飲料店少見啲。
以前喺黑布街都有食過佢嘅台式腸，仲有其他嘅小食，畀而家呢度多啲。
呢度仲有招牌滷肉飯同埋芋圓，都係多人會點嘅，款式唔太多，但樣樣都精。

《黑布小巷》想食好耐，成日見其他foodie影嘅吐司相片好吸引😗果然賣相好靚之餘，味道都不會失望😝😝😝

☘︎︎ ☘︎︎ 麻辣鬼燒雞腿芝士蛋吐司$55👍
☘︎︎ ☘︎︎ 台式肉蛋吐司🍞$53 👍👍
➪ 白麵包烘過，但太多餡及醬汁，難以保持脆身口感🤓麻辣燒雞腿嫩滑多汁，麻辣程度是入門級，不用怕很辣。兩款吐司都用甜甜的秘製醬汁，像美乃滋的酸甜，是吐司的靈魂，十分開胃！

☘︎︎ ☘︎︎ 花枝丸配准鹽 跟餐 + $28/5粒
➪ 小食都要叫先夠台灣風味嘛！少少咸香炸香的花枝丸，台灣必吃小食之一！！！😍

☘︎︎ ☘︎︎ 冬瓜茶 跟餐 +$5
➪ 台灣空運冬瓜磚😝我朋友說冬瓜味重，而且比平日的台式冬瓜茶相對地低甜度，朋友說很喜歡😘

☘︎︎ ☘︎︎ 凍頂烏龍 跟餐 + $8
➪ 選用台灣茶葉，冷泡8小時的自家制凍頂烏龍茶☺️毫無糖分及防腐劑，可以解辣及油膩感😉

▼・ᴥ・▼

慢烤雞腿蛋芝士烤吐司
烘過既多士夾住嫩滑嘅雞腿🍗、流心嘅半熟蛋🥚、加上海量嘅芝士🧀呢個組合真係無得輸😋🥰回味緊 …

台式肉蛋芝士吐司🍞 $53
呢一個台式肉蛋芝士吐司有超高人氣，係我食過最好味嘅toast🧡，香烤吐司外皮酥脆，自家秘製醬汁有少少似馬拉咖映醬甜甜地，裏面有半熟流心雞蛋🍳、香煎美國大草原穀飼養豬扒🍖，加埋雙重瀑布cheese 🧀成分吐司足料又高質，一定要食呀

芋頭椰汁三色圓 🍡 $46
三款芋圓、地瓜圓、紫薯圓係全人手製作，地瓜圓同紫薯圓有濃郁嘅番薯同紫薯味，真材實料，口感煙韌😍，而芋頭椰汁嘅甜度適中🥥，裏面仲有粒粒芋頭蓉

甜不辣 $38
不辣其實係炸薄薄地嘅新鮮魚塊🐟，味道似港式魚腐，豆腐做嘅外皮食落去香脆，加埋酸辣醬係個開胃小食🌶

凍頂烏龍茶 (L) $28
桂花烏龍茶 (R) $28
桂花雪梨羅漢果茶 🍐 (M) $32
中間嘅羅漢果養生茶係每日新鮮製造🌿，冇加任何糖同添加劑，清肺潤喉，止咳化痰👍🏻，至於另外兩杯自家製烏龍茶選用台灣茶葉，用8小時低溫冷泡❄️，好健康

慢烤雞腿芝士蛋吐司
吐司香脆，夾住雞腿肉
流心蛋、芝士

古早味手工滷肉飯
鋪滿半肥瘦滷肉
入味，啖啖肉
酸蘿蔔解膩

芋頭椰汁三色圓
三色圓煙靭，甜度適中

花枝丸
酥脆彈牙

冬瓜茶
微甜，清爽
服務
內用
餐點類型
早午餐

荔枝角👣- 黑布小巷🥪

呢間透過網上得知新開喺億利工業中心嘅台式店，見到佢地嘅招牌台式吐司🥪超吸引！於是搵日去D2 place行街個時 就順路過埋去食🥰

❣️台式肉蛋芝士吐司 $53
吐司會免費跟一杯凍頂烏龍，亦可以加錢轉其他飲品🤩烘得香脆嘅吐司夾住2塊嫩滑嘅豬扒、滿滿嘅芝士同半熟嘅流心蛋，流心蛋黃沾滿整個吐司😍一咬落去，味道有驚喜😳竟然食到檸檬醬嘅味道😲，味道唔酸易入口，估唔到加咗檸檬醬都好夾😳好食之餘仲有種清新解膩嘅感覺！令整個吐司嘅味道無咁單調🥰食個時要好小心，因為蛋黃醬會好容易流到成手都係🤣不過店員會提供手套🧤超貼心☺️整體嘅味道同口感相當豐富，超值一試‼️

❣️台南蝦捲 $38
外皮好酥脆又香口🤤裡裏軟軟蝦味濃郁，絕對係好食嘅蝦捲！必試！🤩

❣️古早味手工滷肉飯 $48
一般嘅滷肉都係肉碎，但呢間嘅滷肉係一粒粒類似五花腩嘅肉粒，而且鋪滿整個飯面，賣相更為吸引😍 滷肉鹹度適中有咬口🤤表面仲放咗兩片蘿蔔片，可以解膩👍🏼同樣可以免費跟凍頂烏龍，呢個價錢當午餐都係一個唔錯嘅選擇🤤

❣️芋頭椰汁三色圓 $46
糖水一上枱，我地呆咗呆😳我地淨係見到滿滿嘅奶白色，以為有咁多椰汁一定好甜，點知！奶白色係由芋頭同椰汁打成嘅汁😳味道一啲都唔甜！芋頭同椰汁嘅味道好均勻，而且好夾，好有驚喜😍芋圓味道正常，有咬口但唔算好煙韌，份量亦唔少😙我會因為個芋頭椰汁製成嘅糖水底而再嚟食😆

飲品🧋
-凍頂烏龍
-黑糖紅棗薑茶(熱) +$15
呢間嘅黑糖紅棗薑茶絕對係女性嘅恩物，黑糖味道濃郁，薑味拿捏得好好，濃郁得來又唔會太重而導致有辣薑嘅味道，冬天飲完都有暖入心嘅感覺☺️

📍 荔枝角長沙灣道883號億利工業中心4樓405室
💰 $50-$100