The Salted Pig (Lai Chi Kok)

食物尚算Ok，分量足夠，但不算有驚喜，飲品如雞尾酒的調酒就明顯為差，水準之下，服務方面也一般般，待應的服務態度有改善空間，環境方面我覺得算是清靜舒服的，朋友聚餐的話，算是不錯的選擇。

The Salted Pig
———————————————————
1. 慢煮脆皮豬腩 💸$228
呢個五花腩得好脆口，因為用慢煮方法，入邊啲肉都好淋，切開嘅時候仲有好多肉汁，勁好味，配菜有薯仔沙律同埋甘筍。

2. 美國特級安格斯肉眼扒 💸$328
叫咗五成熟，啲坑紋燒得幾靚，切落去都好多肉汁，配菜有薯條，唔會好油幾香口，正正常常，可能叫豬會有多啲驚喜🤣

3. 西班牙海鮮飯 💸$228
飯上邊都幾多海鮮，蝦、蜆、青口、魷魚，仲有啲煙肉，個飯有啲蕃茄同埋芝士味，加埋海鮮味，好濃郁。

嘢飲叫咗兩杯Cocktail同埋一杯啤酒，全部都幾好飲～
———————————————————
The Salted Pig (D2 Place) (荔枝角)
荔枝角長順街15號D2 Place二期地下G02號舗

環境及食物都值得一試。

《The Salted Pig》

今日同男朋友拍拖仔去咗D2 Place，見到位於地面嘅呢一間The salted pig，突然諗起去德國旅行嘅日子，餐餐食德國腸同豬手，一諗返起都已經流晒口水！

🍡太平洋蟹餅 HK$138
蟹餅既外皮炸得好脆，唔會太鹹都唔會太淡，配埋蛋黃醬就啱啱好夠調味！但就唔係好食得出蟹味，而蟹餅嘅餡料咬落比較鬆散！

🍡墨西哥芝士新豬肉薄脆 HK$158
一開始見到咁大盤真係有啲嚇親，見到好多芝士同橄欖，配上Nacho，而且個菜式係用咗素菜嘅豬肉，所以食素人士唔使怕人哋可以食肉你唔可以食啦🤣🤣！但我會稍嫌配料實在太多！會容易令人覺得濟！

🍡招牌德國咸豬手 HK$308
我同男朋友實在太高估自己嘅胃，估唔到佢嘅豬手真係好大份，三至四人食都仲得！豬手塊皮真係好脆，而啲肉都好嫩滑，而且肥膏部份亦都唔算太多！尤其是配埋酸酸地嘅酸菜，減低左豬手本身所帶來的油膩感！

🍡香蕉船 HK$88
其實真係唔可以睇少呢間餐廳嘅菜式份量，本身以為香蕉船都只係一兩球雪糕再加一兩條香蕉，點知見到咁大塊朱古力waffle餅🙈🙈窩夫餅真係整得好好，好脆身，但如果糖嘅份量減少返啲會好啲！而且仲配咗個雲呢拿同朱古力雪糕，係咁炎熱嘅夏天下食杯雪糕真係好透心涼！

🔸🔸🔸🔸🔸🔸🔸🔸🔸
🍽 The Salted Pig
📍 荔枝角
💰人均消費: HK$@400
🕊餐廳傳送鴿： @thesaltedpighk
🔸🔸🔸🔸🔸🔸🔸🔸🔸

#ivykomenu
#hkfoodie #foodie #hkblogger #hkfoodblogger #hkinfluencer #hkkol

#hkfood #hkfoodlover #hkfoodstagram #hkigfood #hkeat #hkrestaurants #香港好去處 #食好西 #香港美食 #食評 #手機食先 #香港餐廳 #餐廳推介

#laichikok #laichikokfood #荔沙枝角 #荔枝角美食 #荔枝角餐廳 #西餐 #德國豬手 #打卡餐廳 #聚會餐廳

🐷
好多人鍾意食牛，但其實豬肉都可以好好味！呢度仲有新豬肉菜式，素食人士也可以吃～墨西哥芝士新豬肉薄脆（$148）有滿滿的配料，味道豐富，「肉粒」都有好多。蒜辣欖油大蜆意粉（$168）蜆肉多且無沙，配上蒜頭、辣椒同欖油簡直絕配。最期待的慢煮脆皮豬腩（$228）口感外脆內軟，配上微甜的醬汁，除卻油膩感。最後當然要叫個蜜糖蘋果脆脆（$82），特別喜歡一大球雲尼拿雪糕，有很香雲尼拿味～

The Salted Pig👻
依間食豬專門店
大部分菜都係同豬有關
鍾意食肉既食肉獸一定好滿意
啲菜式好有德國style
仲要夠哂大碟份量好多
真係抵食又好食😛
.
🔅香煎雞肉忌廉青醬貓耳朵粉 HKD 178
雞肉係雞胸位
不過食落都係嫩既
滿滿既蛋白質
個青醬都幾掛汁
調得好好
貓耳朵粉又唔會煮到太淋😙

🔅墨西哥芝士新豬肉薄脆 HKD 158
好大碟既Nachos
配料有蕃茄酸辣椒橄欖
仲有牛油果醬同埋cream cheese
好清新既前菜
慢慢食食食下又食得哂🤣

🔅腸遊世界拼盤 HKD 248
好多好多腸🤩
足足有七款腸
款款都唔同味
芝士腸最正
一咬落去就爆芝士出黎😛

🔅瘋狂！香蕉雪糕新地 HKD 88
甜品都好大杯
有兩球雪糕
仲有窩夫同埋香蕉
加咗少少朱古力醬
成個配搭都好完美

🔅Vodka Punch HKD 68
伏特加賓治
配上橙汁菠蘿汁
仲有熱情果
幾fresh又甜甜地

🔅The salted pig “Tea” HKD 88
揀咗classic既長島冰茶
有gin有rum有vodka
酒味都算出
不過都有可樂味中和下
.
整體黎講：
高質好食 份量夠足😚
.
🎈 The Salted Pig (D2 Place) (荔枝角)
荔枝角長順街15號D2 Place二期地下G02號舗

舒適的地方有美味的食物
香蕉聖代很棒！

#cassiegolaichikok
–
D2 Place附近都幾多餐廳選擇，今次瘦編同朋友係附近搵食，揀咗依間「The Salted Pig」以英倫鄉村風格為主調，專門食豬🐖。瘦編其實之前都食過沙田分店，印象幾好。👍🏿
–
前菜揀咗個小食分享拼盤同烤原個芝士椰菜花。小食分享拼盤非常豐富，可以一次過試好多野食。雖然大部分都係炸嘢，有少少熱氣，不過真係炸得好鬆脆。瘦編最鐘意裏面嘅酥脆魷魚圈同豬皮脆片，好有口感。原個芝士椰菜花都好特別，第一次見咁大個椰菜花，拉絲芝士好芝味。🧀
–
另外主菜揀咗烤斧頭豬扒，好大份，食落無雪藏味，肉質厚實，有口感。雜菌松露意大利飯味道香濃，忌廉用量剛剛好，不會令人覺得很滯，喜歡黑松露味道的人可以試下。😋
–
味道評分▶️🌕🌕🌕🌕🌗 (4.5)
抵食評分▶️🌕🌕🌕🌕🌗 (4.5)
回購評分▶️🌕🌕🌕🌕🌑 (4)
–
➡️ The Salted Pig (D2 Place) (荔枝角)
📍 荔枝角長順街15號D2 Place二期地下G02號舗
–
IG: @cassiecwy/ @cassiegetfat
FB: @cassiegotravel
OP: cuisine_revolution (Lv4)
DianPing: cassiegetfat (Lv6)
TripAdvisor: cwycassie

Nice food in Lai Chi Kok

之前食過 The Salted Pig 其他分店，今日就黎到荔枝角 D2 place二期分店食 dinner，原來間間分店都咁有水準😍

呢度除咗豬肉，亦有其他唔同菜色選擇😊

🔆招牌燒雞胸沙律 🥗
Grilled Chicken Breast Cobb Salad
沙律入面嘅燒雞胸扒，還有烚蛋、青瓜、粟米、煙肉粒、菲達芝士，新鮮嘅蔬菜加上燒香嘅雞扒好好味😍

🔆新豬肉肉醬意粉🍝
Spaghetti ‘Omnipork’ Bolognese
雖然係素肉，但係做出嚟嘅醬都一樣好香好入味😋

🔆經典英式炸魚🐟薯條🍟
Beer Battered Fish and Chips
炸香嘅魚柳加上薯條充滿英式嘅風味🥳

🔆香蕉雪糕新地🍨
Go Banana Sundae
雲呢拿加朱古力嘅雪糕，有香蕉，還有一塊大窩夫，非常吸引，配合雪糕嘅味道簡直一流😋

記得第一次係喺沙田食呢間豬豬，印象好深刻服務好食物好而且周圍嘅裝修都充滿着豬好得意。

今次就黎到佢荔枝角嘅分店再食，依家荔枝角好多嘢行又有好多新餐廳林立，佢就開喺荔枝角站行5分鐘嘅位置 ,行完d2place 又可以去一間環境不錯的西餐廳吃晚飯呀

環境舒服，服務又好，價錢合理。👍今次我都試左之前未食過既菜式。

蒜辣欖油大蜆意粉 ($168)
辣就小小辣，而蒜香味好香。🤤個蜆我覺得係超級正，入口好爽，而且好鮮甜又無沙，真心超高質。😋意粉都好爽口好彈牙！

墨西哥芝士新豬肉薄脆 （$148）
我甚少食墨西哥薄脆，覺得呢度既好香好脆。芝士同新豬肉都好正！🥰我覺得佢個牛油果醬係超級加分。👍另外，佢用料豐富同埋份量極多。

招牌手撕燒烤豬肉三文治電腦配薯圈 （$178）
個三文治超級大份，而且薯圈都極多。手撕豬肉超香口，而且好易入口，麵包又鬆軟，調味適中，唔會覺得鹹！係超高質之作！😆薯圈都好脆好夠薯味，正。

藍莓芝士忌廉奶昔 （$68）
Oreo曲奇朱古力忌廉奶昔 （$68）
2杯都香滑，奶味都好夠，又唔會覺得好甜。成杯飲曬仲想飲多杯🤣

瘋狂！香蕉雪糕新地 （$88）
呢個正呀。窩夫外脆內鬆軟，再配埋個雲呢拿同朱古力雪糕，真係超正。👍
#d2place #hk #lck #food

三熟馬鈴薯未煮熟，鹽也不夠。廚房工作人員走了太多捷徑。麵包烤得不好，很軟，同時又燒焦了..沙拉醬很稀

工廠大廈𝗼𝗳𝗳𝗶𝗰𝗲林立嘅𝗗𝟮 𝗽𝗹𝗮𝗰𝗲附近一間酒吧西餐，自然聚集唔少放工人士黎放鬆一下☺️𝗘𝗮𝗿𝗹𝘆 𝗱𝗶𝗻𝗻𝗲𝗿鐘數由寥寥可數幾檯客人到全店滿座都係一瞬間嘅事，好受𝗼𝗳𝗳𝗶𝗰𝗲人嘅歡迎，食物質素有保證，今次就試左….

🍽
重點係塊牛扒🥩炭燒風味十足，中間突然粉紅幼嫩，胡椒同鹽比例適中，帶出原本牛扒原味，加埋好𝗳𝗿𝗲𝘀𝗵嘅沙律菜，係一個好開胃嘅𝘀𝘁𝗮𝗿𝘁𝗲𝗿👍🏻

🍽
好大份，抵啊！4-5人嗌一份都唔過份，香口爽脆，清新牛油果醬加芝士唔會太淡，一啖健康加一啖酒，認真一流，不過今次係搭𝗡𝗼𝗻-𝗔𝗹𝗰𝗼𝗵𝗼𝗹

🍽
今餐最高質嘅出品，份量十足的，上檯前已經好窩心地起曬肉，每一啖都好飽滿，肉質嫩多汁，外皮好𝗝𝗲𝗹𝗹𝘆好膠，配合忌廉汁好好味，加埋焗烤嘅薯件同甘筍，無得彈

🍽
好好好好大粒嘅雪糕，成份有多層次嘅質感，有蘋果嘅香甜，脆脆嘅爽脆，核桃嘅風味，以及底層特有𝗰𝗿𝗲𝗮𝗺再加蜜糖，自由配搭互𝗺𝗶𝘅，一定有你鍾意嘅一層😋

🍹
巧妙地將𝗢𝗿𝗲𝗼曲奇融合成一杯𝗢𝗿𝗲𝗼飲品，鍾意𝗢𝗿𝗲𝗼嘅可以試下

🍹
好清爽嘅配搭，完全可以化解豬手，墨西哥薄脆好𝐡𝐞𝐚𝐯𝐲嘅感覺
⁣

喺豬門店唔食豬一樣得😝🍔🐟
.
呢排收得早，放工近近哋去荔枝角睇戲，但事前梗係要食飽飽。朋友話想食「The Salted Pig」，話說之前我一直未食過，但估唔到最近獻出第一次後，咁快就食第二餐🙈。不過上次好好食，反正食物款式又多，所以無所謂啦。
.
D2店舖環境舒服，燈光暗暗哋，對比下覺得呢度裝修更有氣派☺️。我仲留意到佢擺放咗唔少舊式鐵衣車做裝飾，唔知有乜含意呢。我哋獲安排坐喺圓枱，可以同朋友並肩坐，更加開心🍽。
.
迷你牛肉漢堡Mini Beef Burger($138)，朋友好鍾意食Burger，但我唔肯陪佢食大嗰啲🤣，所以最終轉戰迷你版。迷你版一客有三件，唔好睇佢細細個，但其實都幾足料㗎。🍔麵包層微脆鬆軟，塊牛肉漢堡扒幾厚身，肉味濃兼Juicy，並配埋車打芝士、蕃茄同酸瓜一齊食，口味正宗。
.
墨西哥芝士新豬肉薄脆Cheesy ‘Omni Pork’ Nachos($158)，想食啲脆口嘢於是就揀咗墨西哥脆片Nachos🌮🇲🇽，佢超大兜呢！脆片上面撒滿新豬肉粒、蕃茄莎莎、牛油果醬、橄欖同純素車打芝士，賣相色彩繽紛，味道層次豐富。新豬肉Omni Pork像真度高，唔覺食緊素肉，但份量偏少兼較為細粒，做唔到呢道菜嘅主角。
.
煎原條海鱸魚柳海鮮燴Pan-Seared Whole Sea Bass Fillet($178/Half)，即使係半份，但份量都唔少，特別係爐魚柳好大件🐟。鱸魚去咗骨，食得方便，魚肉肉質出奇地幾爽，又唔腥。其他配料仲包括鮮蝦、蜆、辣肉腸同麵包粒等，🦐蝦大大隻兼彈牙，蜆亦都鮮甜。辣肉腸係採用咗西班牙臘腸，鹹香味濃，同蕃茄辣汁好匹配。但麵包粒太硬，浸咗汁都無變淋，扣咗少少分。
.
蜜糖蘋果脆脆Apple Delight($82)，本身睇圖以為係普通蘋果金寶🍎，但實際上佢更別出心裁。肉眼可見嘅部份包括頭頂球雲呢拿雪糕🍨、蘋果肉粒、核桃同埋金寶脆脆，整體唔太甜，又唔太酸。食多兩啖發現甜品底部有層奶凍，但口感再厚實啲，個味亦都唔同，再望返餐牌先知原來係馬斯卡邦忌廉Mascarpone Cream，即係提拉米蘇會用嘅食材，第一次就咁食，都幾得意。
.
飲品方面，睇戲要集中精神，為咗唔眼瞓就唔飲酒喇，我哋要咗芒果青瓜特飲Mango Mule($62)同埋薄荷提子梳打Minty Grape($58)，兩杯都好甜啊…，要溝水先得，但溝完係好飲嘅🤤。前者比較啱飲，因為用上薑啤底，有汽啲。後者薄荷味較淡，但提子味好重🍇，而且仲有好多提子肉食添。
.
總括嚟嚟，喺豬門店唔食豬一樣得😝，一班朋友嚟食各自可揀自己嘅心儀菜式，食物份量多，似美國菜。D2店員工好忙，但無時無刻都保持禮貌，並主動提供協助，抵讚👍。

今日放工近近地去咗公司附近嘅呢間餐廳食飯，我哋三個人叫咗：

1. 牛油果🥑香芒🥭大蝦🍤沙律 $158，啲芒果🥭好甜好新鮮，最正係個汁，酸酸甜甜好有泰國🇹🇭feel，非常之醒胃👍🏼

2. 烤斧頭豬扒🍖 $238，跟薯條同椰菜仔。嘩！呢個份量十足！塊豬扒肥瘦適中，好冧好多汁，一啲都唔會鞋口，上枱嘅時候仲係熱辣辣，一定要試吓！

3. 白酒煮藍青口 $168，跟薯條。相比之下呢個較為普通，同埋啲青口偏細粒。如果改為跟麵包，可以點啲白酒汁食，我覺得會仲正😋

4. 香蕉雪糕新地 $88。如果同小朋友嚟，記得叫呢個，包保佢哋一定鍾意❤️ 𥚃面有舊窩夫🧇、雪糕🍨、香蕉🍌、藍莓🫐同士多啤梨🍓

5. 白酒 $78

呢度環境幾好㗎，好濶落唔會迫，坐得好舒服😌 晚上燈光偏暗，影相會有啲難度。如果要打卡，可能日頭嚟會好啲⋯⋯

服務方面都幾好，店員好有禮貌，我問佢要杯冰水都好快送上。

整體嚟講各方面都幾好，下次可以再encore！

高質西餐，推薦豬手必點

想食西餐諗唔到邊啲地方好，又成日淨係食牛扒果啲，朋友就推薦黎呢到，因為呢到好多食豬嘅菜式，聽講佢地豬手最出名🤩

❣️太平洋蟹餅🦀·青檸蒜香蛋黃醬
蟹餅有兩件，非常大份，仲大個個拳頭，外層炸到金黃色，切開入面有厚厚嘅蟹肉，配埋蛋黃醬好夾，一啲都唔膩

❣️墨西哥芝士新豬肉薄脆（素）蕃茄莎莎、牛油果醬🥑、橄欖🫒、純素車打芝士🧀
本身諗住佢只係一個小食 ，冇諗過會咁大份，真係嚇一嚇，呢碟就啱晒素食人士，因為係全素嘅，材料好豐富，全部都好惹味，牛油果醬配nachos 非常之夾，
建議呢個可以食快一啲，因為材料多，耐左nachos會冇咁脆

❣️招牌德國鹹豬手🐷、烤薯、酸菜、芥末籽忌廉汁🇩🇪

我會為左呢隻豬手一黎再黎🥳豬皮烤得超酥脆！咬落去脆卜卜，入面肉質嫩滑多肉，而且夠熱，夾埋忌廉汁食香口而不膩，重點係上碟前已經起晒啲肉出黎，完全唔需要自己用力切，好貼心，食得出隻豬手用料新鮮，揀過先整俾客人。配菜亦都酸酸甜甜好開胃。豬手份量好多，一隻足夠兩個人食，大滿足❤️❤️！

❣️Chocolate Molten Lava Cake 🍫
外層熱辣辣，一切開啲朱古力就湧晒出黎，流心朱古力香濃幼滑，而且唔會太甜，夾埋雪糕一凍一熱咁食，超正！

❣️Vodka Punch🍹
夏日伏特加賓治、橙汁、菠蘿汁、熱情果
果汁之外帶微微酒味，味道清新，有淡淡果香，夏天熱辣辣必點，消暑解渴

❣️Passion Apple🍎
熱情果蘋果特飲、桃、士多啤梨
比Vodka Punch 甜，果汁味重啲，如果接受唔到酒味建議揀呢款，桃加士多啤梨令成杯野都變成粉粉紅紅，少女心出晒黎

除左豬之外，亦都有牛扒，fish and chips等等嘅菜式選擇，朋友話seabess都好唔錯，下次可以試下。呢到啲食物都偏大份，所以價錢都算適中，有環境、服務同質素，絕對係同朋友食飯嘅聚餐點👍🏻

The Salted Pig (D2 Place) (荔枝角)
📍荔枝角長順街15號D2 Place二期地下G02號舗

今次小編既好閨密生日 去完D2 place two 睇完戲就黎左附近既餐廳食
當初揀呢間系覺得環境吾錯就book左呢間了👏🏻
去到之後環境真系吾錯 服務都真系幾好，識得睇我地既眼識上蛋糕🎂 不過個砌餅費我覺得有啲貴 要成$100 仲要事前無同我地講 系睇張單先發現咁貴

四個女生 不嬲都吾大食既 所以要四款食物就夠了
食物:
👉🏻Pulled pork cheesy nachos 手撕豬肉配墨西哥芝士粟米薄脆 $148
上面會有啲橄欖、青瓜、蕃茄、醬，薄脆都好夠脆👍🏻 不過不失既小食

👉🏻 Grilled Prawn & Avocado Salad
牛油果香芒大蝦沙律、車厘茄、甜不辣沙律醬 $158
大蝦沙律得四隻大蝦🍤
岩岩好 每人一隻 分得平均
仲配埋啲fresh 既生果 都吾錯既

👉🏻Forest Mushroom Risotto 雜菌松露意大利飯 $168
普普通通既飯 無咩特別之處
佢個飯上面有啲一條條既芝士
如果啲芝士系溶既 我覺得會更好吃

👉🏻Slow-Cooked Crackling Pork Belly 慢煮脆皮豬腩、薯仔沙律、烤金筍、香辣醋汁 $228
呢個脆皮豬腩 個皮都脆 但真系好肥 佢仲配左個汁 我覺得個汁有啲酸酸既 所以點少少汁就好夠

#全力食｜#密密食｜#情侶檔搵食｜#小店推介｜#餐廳推介｜#情侶

呢間Salted Pig🐽都幾出名架！之前食過沙田同尖沙咀店～
荔枝角呢間真係第一次黎 係D2 place地舖🤩
望落環境好chill！比其他分店裝修更有格調😛樓底好高 空間感好👏🏻

呢度係以🐖招牌菜式而聞名 會選用豬嘅最好部位 確保用優質同埋新鮮食材製作食物👩🏻‍🍳
除咗豬肉亦有其他菜式選擇 seabess亦都係一個唔錯既選擇🤣
令我地幾surprise既係～menu竟然有素豬肉揀😲 素食者都岩喇！

1️⃣Starter/Salad/Pasta
頭盤六揀一！沙律／凍意粉／炸物都有😍
我地就揀左Calamari fritti🦑 即係酥炸魷魚圈～
配埋青檸蛋黃醬 食落香脆又開胃 炸到金黃色好靚！

2️⃣Green pig menu
💚呢個二揀一 兩款都係純素！vegan friendly🍏
分別係cheesy omnipork nachos 同spaghetti omnipork bolognese~
我地食香口野😝 所以揀左nachos😍
成碟擺得好有心思 見到咁colourful都流晒口水！
呢個係有tomato salsa🍅 牛油果醬🥑 橄欖🫒 同純素車打芝士🧀
食落惹味！送酒一流🍻

3️⃣Main course
主菜就五揀一～既然呢度以豬命名 豬又係招牌菜！
我地就揀左食Slow Cooked Crackling Pork Belly啦🐽
呢個慢煮脆皮豬腩好吸引架😚 層次分明 彈彈下有質感🤩
夠晒入味但一d都唔鞋！兩個人分剛剛好！
配埋薯仔沙律🥔 烤甘荀 同spicy vinegar sauce🤓解滯tim！

4️⃣Dessert
完結美好既一餐 當然要叫甜品🥰
我地食既係Go Banana Sundae 🍌🍨 好大杯！仲有雜果、waffle、同棉花糖配搭👏🏻

5️⃣Beer🍺 + mojito🍸
係d環境咁正既地方 食肉又有格調～梗係要摸酒杯底😎
呢度drinks menu係超多選擇 實有一款岩飲🤪
離遠見到open kitchen見到d野食同飲品製作過程都幾正架😆

#荔枝角
💃閨蜜遲來的生日飯! 朝早先去錦田又食又買, 之後就到 D2 再買….買到攰就坐低食個靚飯! 早早訂定枱, 安排坐靚卡位, 讚! 👍

店內燈光柔和, 木系搭配設計! 間間 Salted Pig 設計都唔同, 有新鮮感!

🦐Garlic Prawns 西班牙香辣蒜片蝦、辣肉腸、多士 $142 ~ 好多隻大蝦, 隻隻爽口! 醬汁微辣, 配上辣肉腸及蕃茄, 以多士沾醬汁食, 秒清!

🦀Crab Cake 太平洋蟹餅、青檸蒜香蛋黃醬 $138 ~ 絲絲蟹肉, 外層炸得香脆, 好厚實好滿足的蟹餅體驗! 以蛋黃醬點綴, 增加不同口感!

🥘Seafood Paella $228 ~ 西班牙海鮮飯乃西班牙菜最具代表性食物之一, 先煮後焗, 火喉控制得不錯!超多海鮮最啱我哋! 青口、大蜆、蝦、魷魚、魚柳、辣肉腸、煙雞肉!

💃Tango $62 ~ 柚子茶、西柚紅莓菠蘿汁、士多啤梨、薑汁汽水， 好清新解渴!

🍹Sangria $ ~ 第一次有朋友係選白酒而非紅酒, 別有一番風味!
.
.
.
📍The Salted Pig
🚦荔枝角長順街15號D2 Place二期地下G02號舗
.
.
.
@thesaltedpighk #hkig #hkigers #hkfoodblogger #foodie #foodies #hkfoodie #igfood #hkfood #greatfood #foodblog #foods #food #foody #foodieHK #美食 #香港美食 #食 #食評
#吃貨 #食好西 #相機食先 #instafood #instagood #foodgasm #foodoftheday #ilovefood #yummy #gourmet #saltedpig

Salted Pig
開心仔，有時要說說才讓心情放輕，有時累了彼此擁抱一下又可以迎接明天，和友人說起近況，說起又大一歲，祝你快樂。
人均：$434
.
太平洋蟹餅
蟹餅沾上青檸蒜香蛋黃醬，耳目一新，炸得香口，食後會有陣檸檬味，size大過我拳頭！

墨西哥芝士新豬肉薄脆
番茄莎莎加上牛油果醬、橄欖、純素車打芝士，口感好豐富，又脆又點點酸，好多層次。

煎原條海鱸魚柳海鮮燴
除咗豬肉之外，seabess 會是一個好好的選擇，有鮮蝦、蜆肉、辣肉腸、麵包粒，好豐富呢，一口魚椰加上麵包粒好好食！

香蕉雪糕新地
謝謝餐廳細心安排，甜品為晚餐最後十分出色，有三款水果加窩夫和雪糕，很滿足。

Macallan 12yr
今晚要盡興，威士忌不可少。

Salted pig tea
友人選擇了士多啤梨味，好易入口，舒服。
.
@thesaltedpighk

位處D2 Place的「The Salted Pig」累積了不少人氣，雖然來過D2 Place吃飯好幾次，但「The Salted Pig」是第一次到訪。餐廳地方大，樓底高，空間感強，座位又闊落，在柔和燈光下，都頗有氣氛。

在周末日子，午市提供「早午餐」套餐，選擇非常之多，包基本餐飲，可加錢轉其他飲品，亦可加$28升級要多一份餐湯或前菜。故加了一份「水果沙律」及一客「是日餐湯」，前者有菠蘿、士多啤梨、藍莓、火龍果、無花果，全是新鮮貨，所以份外鮮甜；後者是煙肉薯仔湯，非常大份量，還伴有一片酸種，入口很有煙肉的煙燻香，又帶有少少薯仔味。

「賓尼迪蛋」（$118）可選配巴馬火腿、牛油菠菜或煙三文魚，兩隻水煮蛋煮得剛剛好，蛋漿流心效果強，而荷蘭汁酸酸甜甜，將酸種包、巴馬火腿、水煮蛋同吃，真是百吃不厭。

在餐牌中，已有列出「英式早餐」（$158）有甚麼食材，包括炒蛋、英式香腸、煙肉、黑布丁、炒雜菌、蕃茄、烤薯、茄汁焗豆及多士，看到都讓人興奮。整體而言，用料及製作都有水準，用上英國腸，又加入黑布丁，夠地道，多士又烘得脆口。

經典英式菜，就不得不提這一道「經典英式炸魚薯條」（$188），除有兩大件炸魚之外，還伴有大量炸薯條、他他醬及烤檸檬，製作絕不馬虎。魚柳很有魚鮮味，脆漿又薄又脆，重點是不油膩，灑下檸檬汁，再沾些他他醬，食味一流，而薯條亦都是脆口不膩。

看到這一款「瘋狂！香蕉雪糕新地」（$88）真是要叫一聲瘋狂！杯內以朱古力雪糕及雲呢拿雪糕做底，再加上香蕉、窩夫、鮮忌廉，再加些士多啤梨做裝飾，最後淋上朱古力漿，賣相已很賞心悅目，吃罷真是令人開心很多喔。

今日同朋友去咗d2 place睇戲 睇完戲好肚餓所以落樓下即刻搵咗間餐廳食，有一間名叫豬門店嘅餐廳， 好明顯就係食豬， 原來星期一去食嘅話主餐main course係可以買一送一， 不過今日唔係星期一， 因為喺餐廳我已經聞到香味，而且肚餓，所以決定入去一試

蘇格蘭糖心炸雞蛋配煙肉醬
溏心蛋嘅外邊被一層豬肉包圍住，酥炸嘅表皮 鎖住豬肉汁同鮮蛋汁， 有多重口感味道也很豐富，必定要一試

香煎牛扒沙律藍芝士烤核桃煙肉車厘茄炸洋蔥圈配蟹餅， 另外有青檸蒜香蛋黃醬， 香煎過嘅牛扒香味同牛油， 滲入咗沙律入面，另外有藍芝士嘅鹹味令整盤沙律味更突出， 烤過嘅核桃煙肉，令到清甜嘅沙律，有多層口感，仲有車厘茄同炸洋蔥圈， 一盤沙律開始主菜咁豐富
， 另外再配咗塊香煎蟹餅， 成塊餅由蟹肉組成， 啖啖蟹肉，食到停唔到口

西班牙辣肉腸炒八爪魚芫茜薯仔
香煎一整條八爪魚鬚，送上辣肉腸加蕃薯仔汁，魷魚味十足之餘，仲有鹹鹹辣辣帶出嚟嘅 味道

煎海鱸魚柳海鮮薈，鮮蝦，蜆，辣肉腸，麵包粒， 鱸魚鮮甜多汁，新鮮嫩滑，鮮蝦大大隻爽甜，再有辣肉腸帶出嘅鹹辣味， 真係好滋味
， 加上有蜆肉嘅陪襯，麵包粒吸收成碟嘅精華 分外惹味

最後仲有個甜品，朱古力心太軟， 加香草雪糕，朱古力醬 一切就流出嚟， 食完成餐真係好飽滿

西式 🔥 The Salted Pig 🔥

👉🏻瘦豬豬菠菜藜麥沙律（西柚，烤杏仁，橘子汁，菜頭）
沙律控既朋友讚不絕口，酸酸甜甜又的確好開胃

👉🏻墨西哥芝士新豬肉簿脆（蕃茄，牛油果醬，橄欖，純素車打芝士）
賣相超吸引，食落好香口

👉🏻招牌德國咸豬手 👍🏻
足足成 1kg 咁多，豬手咸度我覺得岩岩好，豬皮夠哂脆，肉汁好 juicy，配埋芥末籽忌廉汁，酸菜，焗薯仔同蘿蔔。

👉🏻瘋狂香蕉雪糕新地 👍🏻
入面有成條香蕉同好多士多啤梨，雪糕好軟，有朱古力同忌廉，入口即溶，仲有好大塊既窩夫

👉🏻熱情果蘋果特飲。桃，士多啤梨

👉🏻薄荷提子梳打。青檸，蘋果汁，蜜糖柚子👍🏻

地址：荔枝角長順街15號D2 Place二期地下G02號舗

🐖聽餐廳名就知呢間有靚豬食
好耐冇食豬手 所以衝著佢個招鶴立豬群用嘅招牌咸豬手而來！

🥦烤原個芝士椰菜花 $118
上碟時係有煎pan上 好少見一整個椰菜花 佈滿左芝士 🧀芝士控必點 椰菜花本身都好淋 點埋芝士醬 係好正嘅前菜 建議三人或以上叫

🐖Crispy Pork Knuckle $298
召喚食肉獸！有一公斤嘅德國咸豬手 適合二人享用 豬手個皮真係好脆 👦🏻形容係食過最脆 同凍左之後都保持到脆👍
至於肉 真係好厚肉但好淋 雖然叫咸豬手 但食落唔會好咸 唔駛係咁飲野 好高質
仲有 切好晒一件件真係好啱我呢d懶人🤪

⭐️值得一提 個芥末籽忌廉汁 好特別 有少少蜜糖芥末醬感覺 亦都唔辣 完全再提升左豬手嘅美味指數 我地點到一滴都冇淨😛

配菜有烤薯同酸菜，烤薯外皮微脆 好香口 酸菜好有心思 有煙肉一齊炒 酸菜比起其他餐廳嘅唔酸 我比較啱胃口

🐖新豬肉肉醬意粉
用左omnipork 烹調 但完全食唔出同真豬肉有咩分別 意粉硬度適中 好掛汁 肉醬嘅蕃茄同”肉”比例都好好 唔會覺得酸

雖然豬嘅菜式好出色 但其實除左豬都仲有好多其他選擇 例如fish &chips , seabess 但我地得2個人 再叫真係變豬🐷

🍨Apple Delight $88
以為豬已經好正 甜品都一樣咁高質 底層係mascarpone cream , cream其實冇咩味 但配埋蜜糖蘋果脆脆同雲呢拿雪糕食 好creamy 又有honeycomb嘅脆脆咬口 好好食
😋

就算你平日唔太食甜點 呢個都一定啱你 佢係蘋果嗰種清甜 係食完🐷🐷之後食真係perfect!

🍹Elderflower Highball $68
呢個係餐廳新出嘅summer drinks, 有whisky, 青檸汁，接骨木花同soda 飲落酒味唔算重 接骨木花嘅drinks 唔係好常見

🍹Sangria
西班牙水果酒+brandy+梳打 可揀選配紅/白酒 呢個酒味相對較重

西式餐廳，以豬仔及懷舊裝飾做主題，環境舒適。主打優質豬肉，新豬肉，也有其他肉類，意粉等提供，除一般飲品，也有餐酒提供。
前菜香煎牛扒沙律，沙律菜新鮮爽脆，伴有軟滑藍芝士，炸得酥脆的魷魚圈，亮點是煎得粉嫩粉嫩的牛扒，整個組合清新不油膩，非常適合做前菜。
新豬肉肉醬意粉，除了滿滿的肉醬，還有海量的芝士。意粉軟硬度適中，同新豬肉的配搭有驚喜。
重點是招牌德國鹹豬手，店員已經將豬手切好，非常細心。豬皮焗得非常香脆，豬手肉咸香，配搭酸菜絲及薯角，既可解膩又飽足。
甜品為朱古力心太軟，切開後濃濃的朱古力醬馬上流出，伴雪糕食，一冷一熱的配搭，大滿足。
餐廳的特飲類，賣相吸引。可惜當天剛淋雨，只好乖乖叫熱飲。下次有機會必定一試。