漁初 · 魚丼(Isari Hatsu Sakana Don)

佐敦為向係多野食既地方😍
餐廳好多都好高Cp
最近愛既🐟漁初 · 魚丼 @isarihatsu.sakanadon
真係食完又會想再去

🍣海膽，磯煮鮑魚，皇帝蟹柳，玉子蛋丼
超大隻海膽啖啖肉
海膽香味十足又冇苦味
夠曬creamy
鮑魚爽口彈牙又唔硬
蟹腳同玉子蛋味道都相當唔錯

🐟鰻魚飯
超大條肥美鰻魚
完全冇骨
好香好好味
飯嘅份量非常多

🌶️辣味吞拿魚壽司
已經好少地方可以食到
欣賞佢嘅辣度偏高得黎
仲食到魚既香味

🐠醋鯖魚壽司
酸度適中
夠曬開胃呀

另外佢地仲有啲優惠㗎：
堂食自選魚生飯八折，只限星期一至四12:00-17:30 （假期除外）
外賣優惠 (此優惠只限壽司）： 滿 $150減$20， 滿 $300減$70， 滿 $500減$150
@s.n.sonia
@isarihatsu.sakanadon
.
.
.
.
.
#漁初魚丼 #全新開張 #佐敦美食 #佐敦日本餐廳 #佐敦食乜好 #魚生飯 #海鮮丼飯 #壽司 #刺身 #日本 #打卡 #火炙鰈魚邊丼 #三文魚丼 #吞拿魚丼 #海膽丼 #油甘魚丼 #必食推介 #生蠔 #三文魚 #活赤貝 #北寄貝 #玉子燒 #鮑魚 #海膽 #鰻魚 #牛舌 #蛋 #玉子#芝士 #白菌 #即叫即製 #佐敦 #外賣 #堂食 #優惠 #自選魚生飯 #新鮮 #足料 #無限添加 #酢飯

今次試食邀請係一個唔錯嘅體驗👍🏻值得回頭！ 鋪頭位於寧波街嘅一角，較寧靜，店內環境唔錯，有好多日式佈置，望住食都食得開心😍
最驚喜係刺身拼盤，一次食幾款唔同款嘅刺身，好鮮又抵食！
自選魚生飯幾得意，揀自己鍾意食嘅魚生擺埋一碗，飯仲可以任裝添，啲飯真係好好味😆
芝士玉子燒啲芝士幾足料，份量都幾多，甜中帶鹹，食落另一番風味～飲埋汽水又幾滿足😍
脆卜卜嘅明太子雞翼好香口，皮脆肉嫩，唔會好似之前食過嗰啲咁鹹🤡
服務態度唔錯，坐得舒服，約埋三五知己嚟食個飯係唔錯嘅選擇👍🏻😎

呢間係長沙灣同深水埗之間嘅日本嘢好有feel、想同大家介紹吓

叫咗個三文魚丼飯，有普通三文魚、灸燒三文魚🍣仲有熟元貝滿足晒我嘅喜好！三文魚肉質鮮美， 灸燒都啱啱好👍🏻

冬天咁凍，就叫多咗個壽喜燒牛肉鍋食暖下～ 呢一款都係唔會失望嘅選擇！甜甜嘅壽喜燒湯係冬天真係好吸引！

另外仲叫咗勁多串燒食，最推介大家食嘅係金菇肥牛卷，唔單止肉質鮮美而且仲爆多汁，食完一碟都唔係好夠，好想再食🤣

另外仲叫左燒雞翼、燒司華力腸同埋燒菠蘿、翠玉瓜！全部都好高質，另外值得一讚係職員好俾心機同我哋推介當日特別嘅食材，而且都見到好多新鮮魚喺吧枱度，感覺幾好，下次會再過嚟食
服務
內用
餐點類型
晚餐

【價錢親民海鮮丼】

位於佐敦「漁初．魚丼 」主打價錢親民海鮮丼，提供多款新鮮魚生，有雜錦系列、海膽系列、火炙系到等等…

◭ 三文魚| 油甘魚| 帶子| 北寄貝| 赤蝦| 蟹籽｜玉子燒 海鮮丼 $158
食材非常豐富嘅海鮮丼，三文魚、油甘魚和帶子好厚身，北寄貝好爽口，赤蝦好鮮甜。
玉子燒微甜，醋飯味道調得剛剛好👍🏻

◭ 火炙鰈魚邊| 火炙三文魚腩| 熟帶子| 玉子燒 海鮮丼 $88
火炙鰈魚邊推介必試，油脂極香，有種入口即溶嘅感覺。火炙三文魚腩肥美，熟帶子彈牙。

特別一讚係每款丼飯提供一隻小碟，我哋可以先將部分魚生放在小碟上，咁樣可以食到魚生下的醋飯。

◭ 吉列軟殼蟹反卷 $88
反卷上有一層蟹籽與牛油果，軟殼蟹炸得好香脆，加上每件反卷係「一口」size，食嘅時候非常方便。

漁初．魚丼除咗有好多款魚生丼，仲可以自選魚生丼，自由配搭自己喜愛嘅魚生，加上價錢親民，不妨一試。

👉🏻堂食自選魚生飯八折，只限星期一至四12:00-17:30 （假期除外）
👉🏻外賣優惠 (此優惠只限壽司）： 滿 $150減$20， 滿 $300減$70， 滿 $500減$150

海鮮丼選擇好多，好多款唔同配搭，睇到心細細樣樣都想食😂刺身都好新鮮，份量又多，仲有串燒食添～ …

雖然開返關，但仍然撲唔到機票，只好繼續喺本地食返夠本。今晚嚟左呢間魚生丼主打嘅日料新店，試吓質素如何。

見到海鮮吧擺咗今日時令鮮魚同埋蔬菜，聽師傅推介後就叫咗原條飛魚刺身($200)，師傅仲特地炮製咗一魚兩食，分別係薄切同撈薑蔥刺身粒，兩款食法都各有特色。為咗凸顯飛魚肉嘅爽口同清新，仲附上撈咗蔥花同辣蘿蔔蓉嘅柚子醋嚟點，非常開胃。

嚟到當然要試魚生丼，揀咗個火炙鰈魚邊、磯煮鮑魚、吞拿魚腩蓉、玉子燒($128)，最吸引嘅地方係鰈魚邊切得夠厚，燒得夠香，燒完食到佢豐富油香之餘，都仲可以保存到飽滿口感。磯煮鮑魚都煮得入味又唔韌，仲另佐鮑魚肝醬可以點嚟食，夠哂原汁原味。拖羅蓉同玉子燒都好好送飯。

除咗魚生之外，都叫咗幾款燒物，自家製免治雞肉丸($48)入面有加軟骨，惹味又富咬口，點埋蛋黃汁好正！燒牛舌心($58)好夠腍，亦燒得好香口，點少少黃芥辣，又有另一種風味。田戊茄子西京燒($38)上面層醬汁非常好味，同茄子一齊食好滿足。燒菠蘿($18) juicy又香甜，當甜品啱哂。

食得燒物，叫咗兩杯三得利黑啤($58/380ml)，麥香幾濃，仲做緊買一送一添！

無得堂食 只可以轉戰外賣 搵到間抵食壽司店 刺身新鮮 價錢又吾貴☺️

✨手握壽司 ($6-$18)
壽司叫咗三文魚、火炙三文魚、帶子、火炙帶子、象拔蚌、北寄貝、玉子、腐皮、花之戀、蟹子軍艦、熟蝦同螺肉軍艦 壽司用料新鮮 惟軍艦較為遜色 因為紫菜淋左少少 可能反屋企有一段距離 焗淋左🥲🥲

✨三文魚刺身 (5塊 $48, total 3份)
刺身新鮮 仲好好肥美 每一件都厚切 紋理清晰 啖啖肉😎

✨牛油果軟殼蟹卷 ($88)
大推😍隔左一個鍾先食 軟殼蟹仲好脆口 而且份量足 同牛油果好match

呢間長沙灣嘅日本餐廳小店，門面都係好似居酒屋，平日黎都幾多人食，一路食都見到都keep住有人流。店內設有生蠔吧🦪可以比客人職場挑選唔同種類嘅生蠔 ，更有活赤貝同其他新鮮刺身可以選擇
服務
內用
餐點類型
晚餐

佐敦抵食外賣日式丼飯🤩

$568 party set

✅沙律🥗：蟹籽野菜沙律
份量好多 味道唔錯 做前菜就非常開胃好清新🥳

✅刺身🦪(油甘魚/甘蝦/帶子)
雖然係外賣 但係刺身都好新鮮🥰 油甘魚甘甜甘蝦雖然細細隻但係食落去都好fresh💖 帶子都非常好！

Party 海鮮丼👑
佢可以俾你自選 8 款配料！
我就揀咗：帶子、三文魚丶劍魚腩丶甘蝦丶皇帝蟹丶希靈魚丶油甘魚丶象拔蚌😋
賣相超級靚！！好澎湃 非常豐富 就咁睇真係好難想像係兩個人嘅份量🤣 做到呢個價錢真係非常抵食💕
魚生全部都好新鮮 師傅排得靚一靚 不過有時按照供應唔同 可能可以揀嘅海鮮都變化 就要去到先知啦😋 我就特別鍾意油甘魚 劍魚腩 希靈魚！
不過佢飯嘅份量唔算好多 但咁樣都好好 唔會食到飽晒食唔晒啲魚生😍

✅小食🧆：芝士年糕
我好鍾意食芝士年糕😂😂所以覺得味道都唔錯正常水準！

✅飲品🍶🥤：清酒330ml 1支
呢個價錢仲包左支細枝嘅清酒真係好抵👍🏻即刻好有日本嘅感覺！

而家又冇晚市只可以外賣😵‍💫但其實外賣都好出色 攞到返去食都唔會覺得好頹 精緻又豐富😁好食得過！

呢個鋪位最近轉咗手，新餐廳叫漁初魚丼。除咗有丼飯，仲有一系列嘅燒物。串燒款式亦都包羅萬有。

揀多一款丼飯包括有三文魚、油甘魚、帶子、北寄貝、赤蝦、蟹籽、玉子燒，呢度嘅醋飯仲可以無限追加。

朋友就揀咗吞拿魚腩蓉、角切魚生、玉子燒。吞拿魚腩蓉份量勁多。

燒物方面就揀咗蟹膏蟹肉甲羅燒($58)。蟹膏蟹肉真係比較少有，上面仲加有蟹籽，更加能帶出鮮味。

美國安格斯牛小排($58)總共有三件，雖然價錢唔算平，就勝在牛肉夠多肉汁。燒雞髀肉($18)大大串幾抵食。

燒蟹膏特長蟹柳棒($28)就係小朋友嘅至愛，店員仲會奉上較剪，俾食客自行剪開。燒牛油粟米($22)真係有落重牛油，所以食到粟米嘅香甜之餘，仲有陣陣嘅牛油香味。
服務
內用
餐點類型
晚餐

吞拿魚腩蓉,角切魚生,玉子燒刺身丼
刺身丼以木托盤盛出,托盤內好貼心地帶碟去擺放刺身以便食用.重量級吞拿魚腩蓉味道甘甜,口感軟綿香滑.吞拿魚腩下鋪滿角切魚生,有三文魚,油甘魚及希靈魚,再加上蟹籽令口感更豐富.角切魚生口感彈牙唔會帶筋,入口帶魚鮮甘香再配上脆卜卜蟹籽令味道更鮮甜.

原味玉子燒
甜味玉子燒整個口感好鬆軟好似海綿咁,外層帶點金黃色焦香.充滿蛋香又濕潤,內裏蛋皮保持嫩滑唔會過老.

牛肉壽喜燒
以原個迷你鑄鐵鍋上枱配合火鍋內加熱.牛肉片肥瘦均勻,帶牛脂香,牛肉片唔會過薄帶有一定厚度夾起唔會好易散開.壽喜燒鍋底香甜,再配上牛香後,底下蔬菜吸收晒鍋內精華味道香濃.最後加上一顆生蛋令味道及質感更濃厚,增添一份蛋香.

中午定食非常好味，份量合適，價格中等，係一個優質之選，建議平日定位
服務
內用
餐點類型
午餐

而家晚市冇得堂食，唯有買外賣返屋企食啦💫
食材非常新鮮，店內除咗魚生飯、刺身、壽司、亦都有生蠔、多款飲料、小食選擇

•*¨*•.¸¸魚生飯🐟🍚🍙 •*¨*•.¸¸
🥢磯煮鮑魚·吞拿魚腩蓉·火焰碟魚邊·
三文魚子·玉子燒 $248

吞拿魚腩蓉清甜鮮味；鮑魚彈牙新鮮
火焰碟魚邊經過火燒一燒後油脂味香；✨
三文魚子每粒都脹卜卜💓 撈飯唔會有腥味✨

🥢甘蝦·帶子·蟹子·玉子燒 $118
帶子非常清甜新鮮；甘蝦都甜；✨
蟹子撈飯好正，好豐富💓；玉子燒微甜

•*¨*•.¸¸壽司🍣 •*¨*•.¸¸
🍣帶子$12/件
爽口新鮮，鮮甜✨

🍣油甘魚 $11 /件
厚切甜美✨

🍣象拔蚌 $6 /件
非常鮮甜爽，呢個正✨

🍣火焰油甘魚腩 $14 /件
🍣火焰三文魚 $12/件
火焰恰到好處，燒到魚嘅油甘味出黎💓

🍣鰻魚$12 /件
鰻魚味好香，新鮮冇魚腥味，好味😋

而家晚市禁堂食，唔想日日食住家飯，好多人都選擇外堂，今次去左佐敦「漁初・魚丼」外賣自取二人前，淨係個『Party 海鮮丼』已經夠豐富，仲包沙律、小食及飲品，真係好優惠，如果人多D，仲有個4人前選擇，遲D疫情舒緩，叫多幾個朋友來開 party都得。

2人前👫 優惠價$568(原價$688)
沙律(二選一)
豆腐野菜沙律
沙律菜新鮮，豆腐大大件又滑， 配埋芝麻醬一流。

刺身(六選三)
三文魚2片、甘蝦4隻及帶子2隻，都算砌得大片，擺放整齊，味道鮮甜。

2人『Party 海鮮丼』(自選 8 款配料)
份量十足，配料三文魚、劍魚腩、甘蝦、吞拿魚、象拔蚌、帶子、玉子及希靈魚，每款也算新鮮，食完非常飽肚滿足。

小食(四選一)
和風牛肉
肉質算嫩，不會靭，配埋醬汁，幾滋味。

另外仲包飲品，喜歡飲酒的，當然揀左1支清酒330ml，揀咗一款易入口嘅，配搭日本美食一流。

作為深水埗地膽，見過呢個舖位轉左好多手，以前嘅餐廳都冇咩人流。但最近幾次經過見到新開呢間日本野有唔少捧場客，所以決定試一試佢！
食物整體價錢都非常貼地，食物選擇都好多，刺身串燒主食都各有唔少選項，估唔到連生蠔都有得叫，仲要唔只一款～
舖頭雖然唔算好大，但裝修都幾精緻，相信店主都花左唔少心機係裝修呢方面，感覺幾舒服

我地首先叫左個火炙鰈魚邊、磯煮鮑魚、吞拿魚腩蓉、玉子燒海鮮丼。雖然份量唔算好大，但價錢實惠，又包晒幾樣魚生，算係平價嘅魚生丼選擇。個人好鐘意食火炙鰈魚邊，佢比起平時嘅火炙燒額外多左調味，令佢更惹味更好送飯。吞拿魚腩蓉份量都夠，鮑魚同玉子燒表現正常發揮

比起魚生丼，呢個原條鰻魚飯就真係抵食又好食又選！岩晒想食鰻魚但處於糧尾嘅人！無論鰻魚定飯嘅份量都勁大，呢個價錢就算去超市買條鰻魚都未必止，而且質素極對唔遜色，同埋汁嘅份量都唔吝嗇，食鰻魚飯的話汁都係個靈魂所在，呢個飯食完真係大滿足又唔肉痛！

蟹膏蟹肉甲羅燒，鐘意食蟹膏但平時都真係唔係好捨得叫，因為大部份餐廳嘅標價都好高，但呢度就平民好多！蟹膏蟹肉份量夠多，搽滿晒3塊包都仲有剩可以就咁食！蟹膏味夠香濃，呢個價錢極對值得用黎過下口癮！

燒蟹膏特長蟹柳棒，蟹膏fans 表示見到另外嘅蟹膏產品都忍唔住要叫埋！蟹柳彈牙，帶點甜味，同蟹膏味道嘅contrast令到整個鮮味提升左！

燒明太子雞脾肉，明太子味突出，雞脾肉嫩滑，明太子世一！
燒雞腎就覺得燒得乾左少少，唔夠juicy同彈牙，火候可以控制得更好～

自家製免治雞肉丸，呢個幾impressive，有時食肉丸會好怕個種絞得好爛同埋好多分好梅嘅口感，但呢個係有口感嘅肉丸，大粒得黎食得出真材實料，唔係成口粉嘅感覺！調味鹹甜balance 得好好，而且仲有蛋黃嘅香味！
服務
內用
餐點類型
晚餐

一家舒適的日本餐廳。

伊薩裡發坂丼
漁初．魚幗

– 食物非常新鮮可口。
– 無限量補充米飯。
– 裝潢很好，就像小餐館一樣。
– 非常靠近港鐵，佐敦A出口步行2分鐘。

試一試。

佐敦高質日本餐廳 自選精緻魚生飯😋
#PigPigJD
———————————————————————————-
冬至個日屋企人冇煮飯，小編負責買左啲日本野外賣反屋企食，@isarihatsu.sakanadon 既裝修好似整到漁市場咁，出面仲有啲許願牌，身處係日本一樣，仲有大大個牌寫住外賣壽司滿 $150減$20， 滿 $300減$70， 滿 $500減$150，真係好抵食，所以我咩都買左啲試下🤩

🐽自選魚生飯 $120
本身佢有啲配搭好既魚生丼，但見佢原來可以自選，就揀左啲自己鍾意既餸，一共叫左4款，包括油甘魚腩、三文魚腩、三文魚籽同赤蝦，油甘魚腩同三文魚腩都好新鮮肥美，三文魚籽好好撈飯，唔會有腥味，赤蝦好大隻，蝦頭多膏，有膠質😋

店員仲同我講佢地而家星期一至四12:00-17:30 （假期除外）堂食自選魚生飯有八折，即係$100內就食到呢個丼🤑
••••••••••••••••••••••••••••••••••••••••••••••••••••
🐽秘製牛舌塔丼 $88
呢個丼好誇張，牛舌真係食極都仲有咁，口感軟熟，一啲都唔韌，加埋個甜甜地既醬汁，真係幾好食，如果堂食個丼會砌到成個塔咁高，好壯觀😆
••••••••••••••••••••••••••••••••••••••••••••••••••••
🐽明太子雞翼 $68
雞翼裏面釀左明太子餡，辣辣鹹鹹，幾惹味😙
••••••••••••••••••••••••••••••••••••••••••••••••••••
🐽櫻花蝦豆腐 $58
外面全部都係櫻花蝦，十分香，但整體味道再鹹啲會更好😳
••••••••••••••••••••••••••••••••••••••••••••••••••••
🐽吉列軟殻蟹反卷 $88
上面有啲牛油果、沙律醬同蟹籽，入面包住吉列軟殻蟹，小編拎到反屋企都仲脆脆地，可能有牛油果既關係，多左份油香😍
••••••••••••••••••••••••••••••••••••••••••••••••••••
🐽壽司 $226
另外仲叫左啲壽司，有甜蝦、三文魚、火炙三文魚腩 、北寄貝、馬刀貝 、象拔蚌、帶子、火灸鰈魚邊 、油甘魚、墨魚、芥辣八爪魚、螺肉，最鍾意既係火灸鰈魚邊，好肥，入口即融🤤🤤，油甘魚、帶子同芥辣八爪魚都幾好，新鮮鮮甜😎
———————————————————————————-
滿分係🐷🐷🐷🐷🐷🐷🐷🐷🐷🐷
好味Level：7.5🐷
抵食Level: 7🐷

漁初．魚丼
地址: 佐敦寧波街27-31號地舖

見到有4.6星才來一試。結果不外如是。非常一般。放出$160元多的魚生飯相片，大家衡量。
服務
內用
餐點類型
午餐
餐點：3
服務：3
氣氛：2

我一直是日本料理的粉絲，在這家日本餐廳真的度過了一段美好的時光……菜單上的所有東西看起來都很棒（請參閱最後的視頻以了解他們的菜單），不僅僅是圖片，還有我們的所有東西。訂的味道也不錯！最重要的是，所有的工作人員都非常友好和樂於助人。 😍

它的價格也很平均，菜單上有非常實惠的食物套餐，當然有些價格也更高，具體取決於食物套餐的種類和海鮮的類型。

我們度過了一次很棒的經歷，我強烈推薦給大家.. 😉 如果你喜歡生魚片？什錦生魚片蓋飯就是你的最佳選擇！一頓飯就能吃到所有東西！炸豆腐也出奇的好吃！脆脆的櫻花蝦真是讓豆腐的味道升級了！牛舌牛丼的調味真的很好，卷也同樣好吃！

我們擁有什麼：
✨生魚片丼（混合托羅，切碎的生魚片，玉子燒）-98$
✨油炸軟殼蟹卷 -88$
✨牛擔蓋飯-88$
✨櫻花蝦炸豆腐-58$

信我！你一定會被佢精心設計的門面吸引~ 居酒屋感覺，掛住一排可愛雞泡魚燈籠、仲有許願板，感覺像去了一趟日本！

先講🍚酢飯係可以無限添加~ 亦都可以+$15加前菜小食🥗的~
🌸吞拿魚腩蓉、角切魚生、玉子燒 餐廳推介必食．魚生非常新鮮， 唔好睇佢細細碗，但係食到落底係非常飽肚， 醋飯超香甜好食，好有去左日本的感覺！

🌸火炙鰈魚邊、磯燒鮑魚、吞拿魚腩蓉、玉子燒 磯燒鮑魚夠鮮甜，魚邊食落口慢慢滲出油脂香味， 非常清甜好食~

🧈芝士玉子燒 鍾意食芝士的朋友可以一試， 記住一定要熱辣辣食，蛋好甘甜， 加埋芝士的香味，整個放入口即溶，勁正！

🌸燒明太子雞翼 將辛辣明太子釀入已去骨嘅熱辣辣香脆雞翼， 外表漲卜卜，入口啖啖肉，外脆內軟口感。

雖然本來因為海膽而去朝聖， 最後食唔到係有點失望， 但整體來說食材都係非常鮮甜， 即叫即整，熱辣辣趁熱食啊！

臨近聖誕節最想去啲有聖誕氣氛的餐廳，長沙灣一日日本菜小店佈置具日式風情，又有聖誕裝飾，一於入去試下。

餐廳有5-6張餐格，也有吧枱，睇到師傅即席煮食，坐低之後會有職員介紹本日推薦菜色～

自選丼飯$115
我揀左鮑魚，蝦，馬刀貝，刺身好食，唔會霉，醋飯仲可以添加，唔洗怕唔夠飽！

加拿大海膽軍艦$68/一件
海膽新鮮，入口好鮮甜，可以試埋日本海膽！

芝士玉子鰻魚卷$78
上層芝士包住鰻魚及玉子，食落軟滑富層次

美國安格斯封門柳$48
牛味濃郁

燒雞髀肉串燒$18
又滑又啖啖肉

很棒的鰻魚和豆腐天婦羅！肯定會為了這個而回來。

火炙鰈魚邊、熟帶子、火炙三文魚腩、玉子燒丼
丼飯醋味香，醋味不會過盛，火炙鰈魚油脂味重入口即溶感覺高，另外火炙三文魚腩肥美，整體感覺不錯，如果是一人進食，更可無限添飯。當然如果是二人共享就不能添飯吧。

碎葱吞拿魚腩反卷，吞拿魚蓉鮮味，青瓜包在內清新口感，完全沒有根在魚內。

蟹膏蟹肉甲羅燒是店舖推介，香濃蟹膏配蟹肉味道層次高，加上蟹籽粒口感更佳，有卜卜脆的感覺，一口大小的多士，外脆內軟，入口即化。

然後我還選了一些串燒，雞軟骨串香口配有檸檬在旁邊，可以榨出少許檸檬汁，把炸物鮮味帶出。另一份燒物是明太子雞肉串，明太子醬汁味道豐富，雞肉肉汁很多，不會把雞肉燒到乾柴。最後，金山寺味噌五花腩，五花腩肥瘦比例剛好，味噌有碎粒口感，個人挺喜歡，不像一般味噌醬已打成蓉的。
服務
內用
餐點類型
晚餐

三文魚火炙、三文魚腩、熟帶子、玉子燒
個人諗為呢間嘅三文魚很高質，肉質細嫩爽滑，又夠新鮮，而三文魚腩仲係厚切，所以即使係得三塊，都好滿足！熟帶子用醬油簡單燒，簡單又好味!

吞拿魚腩蓉、角切魚生、玉子燒
吞拿魚腩蓉脂香十足，配上大蔥嘅微辛，吞拿魚腩蓉亦都夠新鮮，每一啖飯都鮮甜美味！呢個飯抵食，角切嘅份量都唔少，所以仲加多咗碗飯🤣

芝士鰻魚玉子反卷
蒲燒鰻魚、蛋香玉子及燒香的芝士，每一口三種味道，但亦都好夾！

鹽燒三文魚頭
自己係屋企真係唔知點樣燒到咁香脆，三文魚頭連魚鮫油香十足，十分邪惡！

⧐ 回鄉吧🇯🇵有被驚豔到既長沙灣日式居酒屋🎏⧏

長沙灣一向有好多特色餐廳🏡
今次到訪嘅係一間日式餐廳🇯🇵
門口嘅裝修已好有日式居酒屋嘅味道😝
餐廳面積雖然唔算太大
但係都預留左位置做日式吧台😎
更加有居酒屋味道👍

食物款式有好多款🤩
除左刺身壽司外🍣 仲有串燒🍢 ShabuShabu🥘
同埋好多特色佐酒小食🍺
份量仲好足tim😄
新張期間啤酒仲有買一送一優惠🥳
非常抵食🤑

👉🏻 吞拿魚腩蓉。角切魚生。玉子燒丼
💰HKD 7️⃣8️⃣
呢款丼飯價錢雖然唔貴
但係份量非常充足👍
飯面鋪滿厚厚刺身😋
醋飯仲要任添🍚
對對係抵食之選💵

👉🏻 三文魚。火灸三文魚腩。熟帶子。玉子燒丼
💰HKD 1️⃣2️⃣8️⃣
呢款飯價錢貴過上面果款少少
但係份量真係有跟足😍
足足有五大塊厚切三文魚🍣
加埋帶子真係食刺身都飽🤣

👉🏻 鰻魚豆腐天婦羅
💰HKD 7️⃣8️⃣
餐廳既必食推介👍
從來冇係其他地方見過
鰻魚夾條兩塊豆腐中間
再成個包係炸紫菜入面🍙
口感外脆內軟👅
成個好有新鮮感
黎到一定要試下😋

👉🏻 燒芝士年糕
💰HKD 3️⃣8️⃣
平時食芝士年糕都係放題多🧐
而家先知原來可以口感濃郁得黎
味道仲可以咁細膩食得到年糕嘅甜味😂
同放題年糕完全係兩個層次🙉

👉🏻 自家製免治雞肉丸
💰HKD 4️⃣8️⃣
雞肉丸係餐廳自己製造
唔係冰鮮貨😜
配上新鮮蛋汁🥚
啖啖滋味😏

👉🏻 秘制豆卜
💰HKD 3️⃣8️⃣
豆卜加上咸香嘅明太子做串燒
味道出奇不意地夾😜

加一服務費✅
服務
內用
餐點類型
晚餐