味道樂居酒屋(Ajidourakou)
評分：3.7 
地址 : 香港長沙灣元州街498號青華閣
Address : 青華閣498 Un Chau St, Cheung Sha Wan
訂位電話 : +852 2989 1128
附近：長沙灣日本餐廳
營業時間
| 星期六 | 12:00–15:00 |
| 星期日 | 18:00–23:00 |
| 星期一 | 12:00–15:00 |
| 星期二 | 12:00–15:00 |
| 星期三 | 12:00–15:00 |
| 星期四 | 12:00–15:00 |
| 星期五 | 12:00–15:00 |
服務選項
外送
外帶
內用
無障礙程度
不支持無障礙入口
不支持無障礙座位
不支持無障礙停車場
產品/服務
小菜
烈酒
酒精飲料
啤酒
用餐選擇
午餐
晚餐
餐飲服務
甜點
設施
洗手間
客層族群
適合團體
規劃
接受訂位
付款方式
信用卡
一排隊我第二張枱,等左半個鍾,入到去環境極擠迫,因我時入去時已差不多過晚飯時間,有其他位置可以坐得鬆動啲,但都唔主動比我地坐,直到我地主動要求轉坐,佢叫我地自己攞返柸茶,以上是表示環境差,服務態度差,都不止,食物仲要唔好食,都唔明點解咁多人讚,簡直就係垃圾!一定唔會再食!
附近較好的日本嘢，但不算最好食
幾好食
晚餐味道不錯
2個食物一半半有改進空間，有空過澳門台山xx店的曼魚飯參考一下
價錢唔係平 ……店名都講咗…味道樂
是期廚師推介
午餐特價……
疫症當前 ，暫停營業7月29日， 先恢復營業
星期六午飯時候於長沙灣搵食，經過一間裝修很有日本風味的居酒屋，就決定來個日式午餐。我和朋友各選了一個午市套餐，包括沙律、麵豉湯、蒸蛋和主食。
沙律蔬菜爽脆，配上芝麻醬，清新美味。最驚喜的是還有一小塊日本甜薯，粉糯香甜。
麵豉湯簡單美味，熱騰騰，不會死咸，有很多海帶和豆腐粒，喝完全身暖笠笠。
蒸蛋滑嘟嘟，底下有小蜆、八爪魚粒，鮮味滲入蛋中，很滋味。
原條炭火燒鰻魚飯
鰻魚超級大條，賣相很震撼。鰻魚厚肉肥美，啖啖肉，沒有太多幼骨，燒汁滋味十足，配珍珠米飯一流。
海膽三文魚子甜蝦蓉丼飯
第一次吃甜蝦蓉，很鮮味，有一點點像帶子的鮮甜，有一點點比較大的幼粒，有點口感。三文魚子脹卜卜，每一口咬下去都有爆汁的效果。加上鮮甜甘香的creamy海膽，好吃到不得了。
不知所謂嘅服務態度(男人)！！虎蝦大細等於一隻手指公咁大🤬……仲要喺毫無味道！！ …
味道不錯，今次飯略為硬。
食物種類繁多，即使很忙，氣氛也很好，服務也很好。從來沒有真正喜歡過鰻魚，但這裡的鰻魚飯很好吃。
沙律及魚生不夠新鮮
風味獨特
服務態度一流
價錢合理，刺身新鮮
食物味道做得好
居酒屋小店, 食物好食, 價錢實惠
必食石鍋鰻魚炒飯❤️
長沙灣區比較出名的日本居酒屋小店，算是數一數二，尤其鰻魚最出名， 要必食
日式居酒屋裝飾，由於小店坐位不多，長期都比較滿座，所以記得要預早訂位
menu 多選擇，有刺身/壽司/拉麵/小食/串燒
石鍋饅魚炒飯
事源我見隔離枱有對夫婦不停讚賞這個石鍋鰻魚炒飯，原本打算叫原條鰻魚壽司既我，即改叫這個鍋飯
嘩～ 一上枱，熱辣辣，一食入口，驚喜萬分，炒飯很香口乾身，還帶一點飯焦香味，超級好食，饅魚亦夠入味，我認為係我食過最好味既鰻魚炒飯！！！
每款串燒都很惹味
特別推薦芝士免治雞肉棒亦十分出色，厚厚芝士，香濃又彈牙，一流
壽司卷物亦很新鮮
香濃蟹膏配燒火炙帶子卷，味道很匹配
流心芝士魚餅
內裡流心芝士很正，熱辣辣，拉絲芝士，搶了魚餅不少分
最後加杯巨峰乳酪梳打， 透心涼快感覺
記得必食石鍋鰻魚炒飯，包無介紹錯！
點了吞拿魚蓉刺身飯，飯還是暖的，隨餐而上的蒸蛋水汪汪還欠一點火侯才全凝結，只好叫侍應更換。最令我受不了的是員工態度，用力把食物上檯。我全程沒有出聲，快快吃完就算，沒下次
今日去咗長沙灣，行街嘅時候見到呢一間裝修有啲似佢酒屋嘅日本料理，就揀咗佢嗰度食午餐。我同朋友一人叫咗一個套餐，我嘅套餐就配有沙律、燉蛋同味增湯。味增湯適合暖一暖個胃。沙律用嘅係芝麻醬，仲有甜薯，非常開胃而且驚喜。燉蛋質地好滑，材料都豐富，加入左八爪魚粒。我叫嘅係半燒火炙四色魚生丼，有蟹柳、左口魚、三文魚同帶子，足料厚身之餘非常鮮味，而且因為火炙嘅關係，食落同平時刺身嘅口感唔同，更加有層次，醬油都調配好淋喺飯上面。朋友就叫咗個鰻魚飯便當，都有沙律同味增湯。仲有枝豆、炸雞、餃子、糖心蛋（上面仲有黑松露！）做配菜，已經非常豐富抵食。另外再配有三色刺身，有三文魚、油甘魚同赤蝦。偷咗少少鰻魚食，鰻魚非常肥美結實，肉質嫩滑。
又係同媽媽食飯拍拖嘅日子，諗諗吓真係好少同佢食日本菜，於是就同媽媽嚟咗長沙灣嘅味道樂居酒屋。一入門口見到呢到嘅裝修拍得住日本嘅居酒屋。
媽媽就唔鍾意食刺身，所以都係叫咗熟食為主。
點咗嘅嘢食包括：
– 黑松露帶子刺身沙律配柚子醬
– 三點漬物
– 蟹膏帶子壽司
– 流心芝士魚餅
– 泡菜黑豚肉
– 黑蒜豬軟骨拉麵
黑松露好香，配埋柚子醬酸酸嘅味道好啱夏天食。
三點漬物包括有牛蒡茶漬、蒜子同芥辣八爪魚。
蟹膏帶子壽司嘅帶子大大隻好飽滿，配上蟹膏嘅香味真係好好食。
流心芝士魚餅都幾特別，芝士又爆出嚟，啱哂芝士控嘅我。
泡菜黑豚肉熱焫焫，黑豚肉夠滑。
黑蒜豬軟骨拉麵嘅豬軟骨係超淋，媽媽牙力唔係咁好都食得到，最緊要夠入味！
原來長沙灣都有間好味又抵食嘅居酒屋，今日同朋友一齊去食，店內裝修日式風格，好多不同日式布置及清酒樽擺設；再睇埋好多款日式美食嘅餐牌，真係吸引我嘅眼球
首先叫番個小食先【燒鱈魚干 $48】焗得夠香脆好味，仲可以點沙律醬一齊食；帶有辛辣味嘅【明太子雞翼 (2隻) $58】外皮香脆，肉質嫩滑，明太子做夾心，正
串燒係即叫即燒嘅【醬油燒年糕 (2件) $48】咬落去熱辣辣，內裡煙煙韌韌，真係必食之選；再嚟2串燒得好香嘅【鹽燒雞脾菇 $38】口感熱辣辣
去居酒屋食晚餐，當然要嗌埋壽司，就揀咗【三文魚壽司 (2件) $38】鮮甜厚切美味；【海膽壽司 (1件) $38】新鮮海膽，味道一流；【帶子壽司 (2件) $58】鮮甜肥美；【芝士蟹柳火灸壽司 $38】燒溶咗嘅芝士舖上蟹柳；【玉子壽司 (2件) $28】甜甜厚身玉子，蛋香嫩滑；頂層有大量蟹籽嘅【加州反卷 $68】口感夠哂豐富，好味夠飽
今晚晚餐，兩個人都係食咗五百蚊到，款式選擇多又抵食，滿足又飽肚
味道樂居酒屋 (元州街)
長沙灣元州街498號青華閣地下C舖
約了同學出來吹水行街。因我倆皆很喜愛食日本嘢，而她在長沙灣收工；故提議在附近有間日式酒居很想去試。於是當晚就由她帶路和發版。食肆裝修得有日本格調，但地方不大只能容納二三十人；但餐廳內坐滿食客，好有氣氛。
富士蘋果蟹子沙律
這道沙律在夏天食最佳因蘋果爽口清甜，菜新鮮翠綠；加埋蟹子不單令口感豐富，還顏色搶眼。
燒汁銀雪魚腩
銀雪魚本身肉質嫩滑唔多骨是我的favour。今次揀選魚腩部份贪其油脂豐富，加上燒汁來燒烤皮脆肉滑。
鹽燒澳洲羊架
用秘製醃料來醃製的羊架，以燒烤烹調後，把水份銷住令肉質鬆軟唔鞋口；而且一點都唔膻。
牛肉壽喜燒 Beef Sukiyaki
熱辣辣的壽喜燒末食已香噴噴。牛肉份量很多，上檯時已半生熟。我們不喜愛太熟;所以淥一陣便可。牛味濃郁和很嫰滑，再沾上煱內半生熟蛋更覺香甜。而配菜豆腐亦很多，吸收哂甜甜地D湯底;食落更添味美。
梅子梳打
酸酸地很開胃。
食物好吃
之前去過呢間喺尖沙咀嘅分店，今次經過長沙灣再嚟食日本料理😍
全店以極為和風🇯🇵嘅裝飾，木製嘅枱櫈，日式嘅掛飾，入到去好想講番幾句日文😂
深海池魚王刺身（薄切）
成碟都有好多塊，每一塊都晶凝通透相當吸引🤩 池魚入口爽脆清甜，仲有淡淡魚油香😌，再點中間嘅醋，鮮味更突出😍
大蔥特上吞拿魚腩卷
另一推介，吞拿魚腩蓉呈粉紅色，鮮甜香濃，配上大蔥和芝麻，味道好豐富
煙肉荔枝卷
半肥瘦嘅煙肉，肉香滿滿，包住清甜嘅荔枝，食落香口，完全唔覺膩。
清酒煮大蜆
蜆肉大大隻脹卜卜，湯底清酒味香濃，伴蜆肉食，更顯鮮甜。
香煎鵝肝雜菌石鍋飯
熱騰騰🔥嘅石鍋，滋滋聲，發出陣陣鵝肝及雜菌香😌 鵝肝外脆內軟，甘香鮮味，同雜菌飯好夾
之前食開中午都唔錯 ，但唔知點解晚市就即刻唔同曬～ 已經叫咗少鹽少油但係都好咸～ 期待改進～ 唔知點解到7點 ， 餐廳還是沒有客人😅 我們沒有預約，但給一個風口位給我們， 問可否調教冷氣， 最後不能， 身邊其他枱有沒有人， 但不知為何不安排我們調枱～ 安排我們一個沒有風口位的位置～ 對客人不夠細心體貼～ 服務員態度也不友善～ 期待改善～ 但在短期內應該都不會再去了～ 蜆肉 內有沙～ 炒菜也很鹹～ …
長沙灣親民價日式居酒屋
好耐冇去過居酒屋，同朋友去開長沙灣，搵一搵，原來長沙灣都有一間居酒屋，所以二話不說，就揀咗呢一間。
點咗:
🐟味醂魚乾$48 – 味醂魚乾基本上係去居酒屋必叫的，呢間都做得唔錯。
🐥芝士免治雞肉棒$58 (一碟兩串) – 鍾意食芝士嘅，一定唔可以錯過。因為芝士同雞肉棒嘅配搭真係好正🤤
🍣原條穴子(鰻魚)火炙壽司$48 (一碟一件) – 又係一個啲叫嘅選擇，成條鰻魚配搭壽司，真係啖啖肉😆
🐮鹽燒厚切特上牛脷$78 (一碟兩串)- 叫燒物，喺居酒屋係必不可少，厚切嘅牛脷，加埋鹽燒，鹹香惹味。
🐷煙肉荔枝卷$58 (一碟兩串) – 煙肉同荔枝嘅配搭，自從試過一次，就每一次都會叫。因為呢個組合同埋配搭入面嘅荔枝有效咁將肉嘅油膩感減低，食肉之餘又可以食到荔枝嘅酸甜味。
🍱迷你三文魚籽甜蝦蓉丼$88 – 最後黎到重點主食，三文魚子同埋甜蝦蓉都勁鮮味，迷你丼細細碗，唔驚會太飽食唔到其他嘢，食埋就啱啱好😙
總括而言，呢間居酒屋食物嘅味道都唔錯，而且價錢非常親民，絕對值得來一試再試😆
🇯🇵味道楽居酒屋 | #FoodieS長沙灣
📍長沙灣元州街498號青華閣地下C舖
火炙左口魚邊$48
火炙先是帶點香烤味，上面一層醬汁令魚的層次更多🤤
蟹膏蟹肉炸豆腐$68
蟹膏蟹肉味鮮甜濃郁，加埋豆腐清清的味道，好食😋
煙肉荔枝卷$58
這個很特別就想試一下，荔枝有香濃酒香，面層煙肉包住一起吃，咸香加荔枝酒香，很夾👍🏽
鹽燒海蝦$98
一碟有3只大大只，一上枱已流口水，蝦頭多汁蝦肉大只鮮甜😋
牛肉壽喜燒$108
份量十足，材料很多，牛肉片、娃娃菜、大蔥、雞蛋，豆腐、菇等，食材吸收了湯底精華，惹味極
石鍋鰻魚炒飯$138
這個份量也很大啊，炒飯底好香很多鰻魚粒粒，飯面滿滿醬汁的燒鰻魚，好腍好食😋
食得非常满足，服务周到👍🏽
偶然放工經過在長沙灣元州街這間「味道樂居酒屋」， 都好想入去飲番杯🍻食串燒， 可惜每次都趕頭趕命。 今晚不用 OT 就約咗屋企人去開餐。
坐低咗之後更加覺得店內好有日式居酒屋氣氛。
座位唔多， 六點半已差不多坐滿～
炸軟殼蟹蟹子沙律
即叫即炸， 軟殼蟹好脆好香口。 原隻蟹身都頗大隻， 蟹肉仲相當juicy～ 沙律汁唔會好多啱啱好。 蟹籽卜卜脆， 青瓜入囗好爽脆唔係腍曬嗰種， 只是一份普通沙律也用心製作！
三色魚生丼
飯量好多， 三文魚，吞拿魚和甜蝦不過不失沒有太大驚喜。 假如甜蝦換上一隻牡丹蝦會比較有睇頭～😍
三文魚鮮甜， 如果厚切更加美妙～
明太子免治雞肉棒
免治雞肉混合少許雞軟骨， 配上燒汁和明太子醬， 經典美味！😋
香煎鵝肝什菌石鍋飯
估唔到鵝肝反而厚切， 煎得好香又唔會散開， 入口甘香美味～ 更出色嘅係佢嘅鍋飯， 夾雜著許多雜菌， 香氣十足， 調味啱啱好唔會過咸， 越食越滋味，吃不停口。 難得個鍋熱辣辣又唔會產生飯焦。 推介！👍👍
服務唔錯，店員會主動斟茶。
總括熱食比較出色～ 下次唔趕時間必定再來。
🍽🍽🍽🍽🍽🍽🍽🍽🍽🍽🍽
清酒煮大蜆 $88
流心芝士魚餅 $48
牛肉壽喜燒 $108
蟹膏蟹肉炸豆腐 $68
煙肉櫻花蝦炒飯 $58
蟹籽壽司 $28
鹽燒虎蝦 $68
🍽🍽🍽🍽🍽🍽🍽🍽🍽🍽🍽
🔼呢間居酒屋裝修擺設幾用心，牆上擺滿居酒屋唔少日本酒同酒海報，加上柔和燈光，令人一入嚟就有種放鬆感覺
🔼碟都係一set，上面係魚圖案，好得意🐠
🔼前菜叫咗清酒煮大蜆、流心芝士魚餅同蟹膏蟹肉炸豆腐。 三樣送酒飲都非常適合❤️ 大蜆味道清新唔辣口，蜆肉大大隻有鮮味。 芝士魚餅拉絲邪惡又好味😆。 蟹膏蟹肉炸豆腐脆口，炸漿唔厚重，面頭淋上蟹膏蟹肉，每舊都食到蟹之味🦀
🔼 主菜叫牛肉壽喜燒、煙肉櫻花蝦炒飯同蟹籽壽司。壽喜燒好多塊肉肉😍，食極都有好開心，而牛肉原汁同湯底滲滿鍋物其他配菜中，入口香濃鮮甜。炒飯粒粒分明唔多酒，加上煙肉同櫻花蝦，增添咸香同鮮味。蟹籽壽司入口卜卜脆。
🔼最後見到隔離枱食鹽燒虎蝦幾好食，自己都叫咗一份。 虎蝦肉質彈牙，可以吱上檸檬汁提鮮
味道很好，食物質素唔錯，迷李三文魚籽甜蝦蓉丼、螢光尤魚漬物、蟹膏炸豆腐都好深印象，值得來吃!
👍🏻火炙北海道帆立貝蟹膏卷
一份有六件 面鋪帆立貝，再加上滿滿既蟹膏，帆立貝唔會燒得太熟，入口軟綿綿。蟹膏味道鮮甜帶少少回甘。飯卷實淨，配上青瓜等小配料，不俗 !
👍🏻醬油燒年糕
小編係一個煙韌控，所以見到呢款小食就必點。醬油甜甜地，趁熱食咬落去口感更佳，亦會有小小黏咀，兩件真係唔太夠喉 !
👍🏻壽司刺身
三文魚腩刺身、深海池魚腩、大赤蝦都係好厚好厚，魚腩超超超肥美，滿口油香，近乎入口即化，火炙即燒即上枱！赤蝦爽甜，大隻新鮮！玉子壽司蛋味濃郁，甜蛋長長嘅一片！
👍🏻火炙左口邊魚丼
大約有四至五片左口邊魚，火炙恰到好處。入口即溶，魚脂好豐厚。壽司飯醋味相當足夠，小黏，帶點火炙燒燶嘅味道！真的很不錯！
這次在長沙灣覓食，經過見到有家日式小店，所以決定進去吃吃吧。店舖位於元州街，環境燈光柔和舒適☺。餐牌上有多款不同的壽司/刺身/小食/主食等等供應，選擇多元化。
💥流心芝士燒年糕 HKD$58 / 香炸一口芝士 HKD$48，食物即叫即做，上菜時聞到很香的味道🤩。芝士味道濃郁，燒年糕口應煙韌，還有流心芝士很香口。一口芝士口感酥脆，熱辣辣味很棒，芝士控表示喜歡❤。
💥辣三文魚魚碎卷 HKD$78，這個卷物口應豐富，一份有六件。微辣的三文魚碎拌著蟹籽，卷物裡面有青瓜絲所以口應豐富😋。這個直接吃味道也不錯，可以不用放醬油☺。
💥三色魚生飯 HKD$128，這個魚生飯賣相不錯，三色魚生有正文魚/油甘魚/牡丹蝦。魚生食材新鮮，而且是厚切版本😍，口感嫰滑無骨無筋，配著醬油吃味道更好😚。
💥原條成秋醬炭火燒鰻魚飯 HKD$138，這個鰻魚份量十足，原條鰻魚鋪上飯上，鰻魚是厚切版本賣相吸引🙈。醬汁味道咸咸的拌飯不錯的，吃完這個很飽肚。
我們也吃到飽飽的，食物價錢一般，食物份量挻多的。
很久沒有吃日本菜😋，於是晚上與家人搵到長沙灣這間居酒屋吃晚餐。👭
坐下後發現店裏面嘅餐具都好特別，而且精絰！😍
今天選了五道菜式🍙🦪🥘🌯
「香煎鵝肝帶子卷」🤗入面的帶子清甜可口👍🏻
「牛肉壽喜燒」🥰里面有牛肉片、娃娃菜、雞蛋、大蔥、豆腐等，娃娃菜吸收所有精華！❤️❤️yummy
「香蔥吞拿魚腩碎手卷」😙 日本菜點少😂🤣😂
「蟹膏醬燒虎蝦」😋有雙重口感，蟹膏配上大蝦❤️❤️
「燒日本播磨蠔」❤️有三種口味，有雙色芝士、煙肉櫻花蝦和辣蒜味，今天當然是試晒三種不同味道啦！口感各有不同，本人就喜歡芝士味喇！
放工有時想dap兩杯舒緩吓壓力，都會嚟呢間居酒屋坐吓飲吓嘆吓！呢度除咗飲酒之外，嘢食都好OK ！
特大牡丹蝦壽司🍣😋😋😋😋😋超巨型的牡丹蝦非常震撼眼球👀厚厚的背肌刺激着我的口水分泌🤤軟綿綿嘅口感和甜美的味道，大隻到讓整個舌頭都可以充分感受到，完全係味覺大滿足！30幾蚊一件真係抵爆！記得仲有個非常鮮甜嘅大蝦頭😎貪婪地給啜着當中的蝦膏，爽😊
火炙北海道帆立貝蟹膏卷😋😋😋😋鮮甜的帆立貝會議香濃的蟹膏，蟹膏一放入嘴裏面即刻醬住舌尖，清新嘅帆立貝在其中跳脫了出來，so yummy!
黑松露和牛炒飯😋😋😋😋😋超足料炒飯！有和牛粒雜菜碎還配上濃郁的松露香氣，和牛黑松露的香味互相輝映，一放入咀就好似香味炸彈咁正！這個配搭比較少見估唔到咁好食！
原條成田醬炭火燒鰻魚飯😋😋😋😋😋小腿咁粗嘅鰻魚睇見都心心眼！隊友至愛！食到啖啖血的口感，軟綿綿嘅質地，仲加咗啲蛋絲，佐飯佐酒都一樣咁正！
網池刺身😋😋😋😋份量剛剛好兩個人食，而且價錢唔貴，幾十蚊就食到新鮮刺身！魚肉爽實鮮甜，就算完全唔加Wasabi都唔腥，夠晒鮮味！
味道樂居酒屋 (元州街)
地址: 長沙灣元州街498號青華閣地下C舖
性價比不高~
壽司從冰箱裡拿出來是冷的，需要等待幾分鐘才能恢復到室溫。
羊架煮得很好，但肉本身很差。
對這個價格水平感到失望。
多款小食，串燒，每次食不同也感到樂趣。
餐點：5
服務：5
氣氛：5
今日放工去咗深水埗玩具街，之後同老公喺附近搵食，最後揀咗喺長沙灣嘅🇯🇵日本居酒屋🏮。入到去真係以為自己去咗日本旅行一樣，環境同設計都好日式，以木🪵為主，餐廳內亦播放住日文歌，燈光昏暗舒適。
1️⃣ 深海池魚王刺身薄切 $128
見好多人推介，當然要一試究竟！擺盤賞心悅目，刺身晶凝通透，真心佩服師傅嘅刀功，真係少少手震都切唔掂！刺身爽脆有彈性，新鮮味美，配上醬油鮮味更突出。
2️⃣ 蟹籽壽司 $28
我老公最愛嘅壽司❤️。本身我自己麻麻哋，不過見到塊紫菜好新鮮，又脆卜卜咁，忍唔住試一件，結果無令人失望。蟹籽份量好多，口感清脆，味道新鮮且帶少少鹹味，好食😋。
3️⃣ 大蔥厚切日本煙豚腩 $68
氣味香噴噴，未食已經流晒口水！塊煙豚腩🐖好好食，燒到外層脆卜卜，裡面鮮嫩有彈性，帶淡淡鹹香味，唔使點任何醬汁已經好惹味，超香口。
4️⃣ 燒日本播磨蠔 $100
一共三款口味，包括雙色芝士、煙肉櫻花蝦同辣蒜。賣相非常吸引，蠔🦪新鮮厚肉，份量十足，味道高質。櫻花蝦配蠔哩個配搭好特別，鮮味加倍。我最鐘意嘅係辣蒜，味道濃郁醒胃。
5️⃣ 原條成田醬炭火燒鰻魚 $138
今晚嘅主打！我同老公都忍唔住「嘩」咗一聲🤩，條鰻魚真係好巨型，份量驚人！鰻魚肉質鮮嫩，散發住淡淡嘅炭香味，醬汁香濃味甜，美味可口，配上煙韌嘅珍珠米，真係一大享受！
大滿足！
服務
內用
餐點類型
晚餐
味道正常 但係價錢真係太貴 性價比好低
週末午餐在「味道樂居酒屋」，小店鋪用上木材舖牆，配合木質椅桌感覺舒適雅致。
兩款午餐定食：
香煎厚切黑豚煙腩肉配溫泉蛋丼、脆炸芝麻雞翼配溫泉蛋丼，
沙律、日式蒸蛋和味噌湯。
很開胃的香麻醬沙律。
非常滑溜溜的日式蒸蛋還有蟹柳絲。
味噌湯味道很濃郁。
服務
內用
餐點類型
午餐
食物ok~
但男店員服務態度差
我地午飯時間入座，用膳時間還不到40分鐘
就被逼要求立即埋單離座
服務
內用
餐點類型
午餐
餐點：4
服務：1
氣氛：1
特色裝修居酒屋🏮
雖然元州街附近都有d偏僻，唔太近地鐵站，但呢兩條街都好多餐廳。今次見到呢間日式店幾有feel，裝修有特色👍🏻
迷你三文魚籽甜蝦蓉丼💰88
真係迷你版😂 不過都係真材實料，有好多蝦蓉同三文魚籽，鮮味十足。細細碗，好似食緊甜品咁～
三文魚手卷💰48
厚厚既三文魚，應該有一半都係三文魚，另一半先係飯👏🏻 正！
大蔥特上吞拿魚腩卷 💰98
幾推薦幾個卷，好大份，吞拿魚腩幾香，呢度既卷物都抵食😋
日本燒蠔 💰100
一套三款口味，最好食係芝士個款，最夾個口感，其他兩款口味較濃，蠔係新鮮的，值得一試！
野菜牛肉湯烏冬 💰98
都幾大碗，牛肉分量好多，有牛味同唔韌的，又有幾款菜做配料，幾好食🤓
梅子燒酌梳打 💰58
喜歡酸既朋友可以一試，酒味不太濃，適合食串燒時飲
檸檬威士忌梳打 💰58
呢杯係威士忌🥃 酒味好出，可能岩男士多啲
–
總括然而，呢間居酒屋細細地，幾適合情侶談心去，裝修都幾值得欣賞下，好日本vintage
–
餐廳：味道樂居酒屋
地址：長沙灣元州街498號青華閣地下C舖
日式裝潢風格的小店。食物很好，不便宜但可以接受。生啤酒很涼爽。
好難想像 米是生的 個心有骨 都俾客人食
鰻魚是腥同有骨
另一加奇景
壽司飯都是生的有骨
燈光暗暗的、頗有𝗙𝗲𝗲𝗹的居酒屋。這裡空間不大，但座位也不算狹窄，食物種類很多，質素也不錯！
香炸日本池魚仔
不常在居酒屋找到這種餐前小食，炸到金黃色的原條小池魚，無論是單吃或者沾點沙律醬，簡簡單單是很好吃，即使冷卻後也不油膩。
火炙北海道帆立貝蟹膏卷
壽司飯簡單包著青瓜和蟹柳，上面有厚厚的火炙帆立貝配上蟹膏，濃郁中帶點鮮味。
原條成田醬炭火燒鰻魚飯
超級大和厚肉的鰻魚，足足要𝟮個人才能𝗞𝗢。鰻魚肥美，魚皮被燒得入味帶膠質感，伴隨著蛋絲和惹味的成田醬，完全是白飯小偷。鰻魚帶點小魚刺，但仍然啖啖肉不影響進食。
迷你火炙左口魚邊丼
丼飯上有大約𝟱-𝟲片火炙左口魚邊，魚油香滲進米飯中，很治癒。略嫌醬汁有點太多，稍為蓋過魚的鮮味。雖然醬汁甜甜的，用來拌飯也很好吃。
朋友居住在長沙灣佢經常盛讚他樓下的日本餐廳料理食物質素佳味道好，見近來疫情穩定佢邀請我到這間店晚膳我當然應承，這店舖位置尚算方便地鐵站行數分鐘便到，
店內不算大但沒有擠迫的感覺；
頭盤當然點沙律我點了黑松露帶子刺身沙律賣相相當不錯帶子鮮甜再加上柚子醋好清新，黑松露味道濃郁mix 埋柚子醋令沙律菜有不同層次的味道好特別；跟住上菜分別有牛油煎銀鱈魚及牛油炒野菌，銀鱈魚香滑食極都食唔厭，是我其中一個不二的選擇👍！我朋友輕食不吃飯類佢就選了牛肉壽喜燒當中的湯吸收了牛肉的精華令蔬菜十分清甜，佢連湯都飲哂！😂我再order一個迷你火炙左口魚邊丼，嘩！雖然是迷你但滿滿的左口魚邊好足量又好食😋
地點有點偏，但食物質素高，店員親切友善
又到咗捐窿捐罅搵小店食飯嘅時候！因為知道長沙灣有好多小店，所以今日我同朋友就黎到呢度搵食。日本嘢食真係食極都唔厭，於是我哋就以搵日本餐廳為目標。行吓行吓就搵到呢間味道樂居酒屋，居酒屋嘅位置唔近港鐵站，不過由港鐵行過去都只係10分鐘。
店舖細細，但佈置裝修十分有地道日本居酒屋嘅風格。
➺➺➺芝士鐵板餃子$78
鐵板餃子上枱嘅時候仲係熱辣辣，加上芝士鋪喺餃子面上好邪惡！
➺➺➺三文魚火炙壽司$42
火炙焦香，三文魚厚切，有口感！好味！
➺➺➺火炙北海道帆立貝蟹膏卷$98
份量多，食到裏面青瓜清新嘅味道！
➺➺➺煙肉荔枝卷$68
煙肉包住一小塊荔枝肉，清新解膩！
➺➺➺石鍋鰻魚飯$138
飯係用日本珍珠米，而且石鍋有飯焦，脆卜卜好好味！
➺➺➺巨峰提子乳酸梳打$38
大部分日本居酒屋都會提供嘅飲品，依家天氣咁熱，飲落去真係透心涼！
服務
內用
餐點類型
晚餐
自從有人調離長沙灣後，近排都少咗嚟呢區搵食。
之前同朋友到訪過位於元州街嗰間「味道樂居酒屋」，覺得無論食物同服務，各方面嘅質素都唔錯！見今日放假，專登過嚟逛下，順便吃頓午餐。
冇嚟一排，餐廳的格局和家具的擺放變化不大，仍舊以一室傳統居酒屋裝潢作設計，和風感滿滿。
餐廳午市以供應定食為主，選擇好豐富，共有廿幾款，定價由 $58-$198 不等，全部午餐均配有沙律、日式蒸蛋及味噌湯。
沙律菜新鮮爽脆，配料有車厘茄、一口甜薯及粟米粒等。日式蒸蛋嫩滑非常，入口熱度十足。麵豉湯味道不會過鹹，內有豆腐粒同海帶。
牛油香煎銀鱈魚拼大蝦丼 ($108) 銀鱈魚簡單落鹽及黑椒煎香，食落肉質好嫩滑，入口即溶。大蝦爽彈有致，鮮味十足。飯選用日本珍珠米，粒粒分明，與醬汁撈勻，再配埋半隻溏心蛋，美味又飽肚。
至於另一客原條炭火燒鰻魚飯 ($108) 用料亦不欺場，鰻魚足足有差不多兩部手機咁長，足料到爆！魚肉富彈性，軟腍又不失肉感，食落有魚油香。醬汁亦下得毫不吝嗇，既稠身又香甜，調味亦恰好，用嚟配珍珠米飯吃，味道一流。
順帶一提，呢間餐廳無論午市抑或晚市，都非常旺場，我哋入座唔夠 10 分鐘，就已經全場爆滿，所以如果想食嘅話，就要早啲去，或者打電話預約啦！
賣相嚇人，味道不錯，價位合理
朋友帶路嚟呢間裝修充滿日本味道居酒屋，入面地方吾算大，不過坐滿客人，氣氛超好，見到張張枱都有啤酒，嗰個收工約埋朋友一齊放鬆下，邊飲邊食，呻下d累氣，同朋友吹水聚頭特別開心。
🖍居酒屋最正係有齊刺身、壽司、漬物、燒物、料理等選擇，啤酒、清酒、梅酒、梳打樣樣有😋
🖍有我至鐘意螢光迷你魷魚、海膽、鵝肝多士、燒雞皮、雞軟骨、炙左口魚邊、軟殼蟹手卷，叫左是日精選北海道真蠔，估唔到甘大隻
🖍最後食埋甜品，水信玄餅大滿足👍😊
尖沙咀味道樂居酒屋
📍 尖沙咀河內道2號地舖 ☎️ 電話號碼 39563122
服務
內用
餐點類型
晚餐