蘇山雞飯(Susan Chicken Rice)

今次呢度食呢就係因為朋友介紹所以嚟嘅，話性價比好高之餘食物亦都好好味。

呢度絕對好啱啲好貪心嘅人嚟食，因為佢嘅主菜，好多都可以雙拼，可以俾你試多幾款唔同嘅嘢食。

咁我哋呢就揀咗個芽菜走地雞飯拼白胡椒肉骨茶，啲雞就幾滑，肉骨茶呢就白胡椒味比較重，所以肉骨茶味唔係好出。

另外再叫咗一個龍蝦喇沙配咖央多，
個假樣多一嚟到見到超級罪惡，但係食咗第一啖之後簡直停唔到，真係好好食，我想講加央多都係必嗌嘅。至於個喇沙，因為有龍蝦，所以已經好搶眼但係食落龍蝦嘅肉正常一般未至於好出色，喇沙就好夠味，所以成個餐我都好滿意。

另外呢個晚市套餐仲可以加錢配小食，我哋就叫咗雞翼同埋全消，估唔到兩樣嘢嚟到都咁大份，真係有啲嚇親，呢度嘅份量真係好多。

另外呢再叫咗個玻璃魷魚炒通菜，味道係麻辣嘅，可以揀小辣，但小辣都幾辣下，要食得辣先好叫呀。

嘢飲方便就叫咗一個椰青，要加錢嘅。另外在叫咗個青檸菠蘿梳打，菠蘿味好出好Fresh。

絕對會回頭嘅一間餐廳，但係都要注意呢度嚟都要排隊㗎，好多人食。

之前已經想試間餐廳好耐，早幾日終於有時間去試吓😀，放咗工之後我同朋友都好肚餓，所以都叫多咗😂

今次我哋叫咗個招牌海南雞飯配冬瓜湯，另外仲叫咗個小食孖寶（春卷+魚餅），之後仲叫咗個香辣龍蝦海鮮炒粿條，再加多個參巴辣蝦醬通菜同鮮油咖央多士，最後叫咗兩杯嘢飲-青檸菠蘿梳打水同椰青🤣

鮮油咖央多士塊牛油好厚，仲要有兩塊，夾住d咖央醬，充滿罪惡感😈

另外海南雞飯份量都好大，雞肉都好滑同冇骨，飯都充滿咗雞油香😬

香辣龍蝦海鮮炒粿條，其實都唔係好辣，而且龍蝦都好大隻，仲有啲魚塊，魷魚，青口，啲餸都好多，炒埋一碟好好味，都唔會太油😆

參巴辣蝦醬通菜，初頭以為都會好啦，但係其實都唔係好辣，有少少蝦醬味

另外小食-春卷+魚餅都不錯，兩個人share剛剛好，依家天氣咁熱，叫個椰青超解渴🤗

價格合理而且味道不錯！

蘇山雞飯店，D雞不錯，肉骨茶我不太喜歡那種味，價錢稍貴，不會再光顧😑 …

怕您坐得耐！盡快收碗碟！員工其實好有禮貌，但外於您荷包的錢！客氣說話無謂講！唔好期待食物有質素，菜肴有色可供拍攝！記得飲多啲水！味味都好重味精！唔怕咸就挑戰下！成個情況就係食物質素價值不值呢個價

海南雞好滑，有水準，唯一決點係坐位有點窄

📍長沙灣
前幾日放工就fd去食海南雞飯😆 呢間嘅海南雞飯同肉骨茶都好多人叫 一於試下😆

🐣海南雞飯配白胡椒肉骨茶
海南雞份量都好多 有差唔多十舊🤣 雞飯有雞油和斑蘭嘅香味 另外雞嘅烹調方式係用上日本花菇、元貝同廿種香料 無論雞胸定雞肉都咁嫩滑👍🏻 跟餐嘅肉骨茶好大碗 湯底係比較易入口 飲落無藥材嘅苦味 反而白胡椒味比較突出😋😋 胡椒味又唔會太辣 飲落幾順喉🤤 配料有幾舊豆卜同肉骨 肉骨好淋 而且有兩大條 豆卜索晒白胡椒味味好惹味😆

🦞星洲龍蝦叻沙摻摻
朋友就叫咗個龍蝦叻沙配咖央多🤤 呢個叻沙都好好食😋 喇沙湯底比較多椰香味 油面同米粉軟硬適中😝 龍蝦有半隻 有好多蝦膏 肉質幾彈牙鮮甜😆 配料仲有豆卜、魚片同魚蛋 咁大碗都唔洗一百蚊超抵食😍 呢度既鮮油咖央多士一定要叫🤤🤤 多士烘得金黃酥脆 咖央多士嘅牛油好厚 牛油味好重 咖央醬偏甜 配埋半溶嘅牛油好夾🤣🤣

📌長沙灣元州街411號義華大廈地下

這間位於長沙灣的餐廳，主要吃馬來西亞菜，而且價錢不算很貴，晚上9時來到仍然是很多人!

新加坡白胡椒肉骨茶配白飯及油條，這款肉骨茶胡椒味較突出，不是藥材味行先，材料都很多，有不少掛骨和豆卜，味道較平時吃的肉骨茶清新，配上白飯一齊食味道也不錯!油條炸得脆口，不會很多油，加入肉骨茶食更能吸收湯的味道!

星洲叻沙海南雞米線，湯底味道不錯，椰汁味都幾濃，叻沙米線還有豆卜、魚片、魚蛋，豆卜吸了湯的味道十分惹味!而海南雞份量也不少，雞肉嫩滑juicy，再點上酸辣汁味道更惹味!

鮮油咖央多士，咖央多士的牛油非常厚切，很久沒有吃過咁厚的牛油，加上甜甜的咖央，有種冰火交融的感覺，很美味!

超冰凍椰青，椰青很冰涼，椰青水清甜，很透心涼!

恐龍美祿，食馬來西亞菜必有這杯我最愛的飲品，美祿飲落不會很甜，上面的美祿粉令飲品口感十足!

這家集合星馬越美食的蘇山雞飯，近日已經在各大社交網站上冒起，門外等候的食客多的是，看來蘇山雞飯經已成功在長沙灣突圍而出。招牌海南雞飯配輕怡新加坡白胡椒肉骨茶，十分豐富，深受食客歡迎，難怪枱枱都見有人食。雖然雞看起來份量比較少，但是肉質就普通一些，不過就已經去了骨。油飯相當滋味，每一口都帶有油香。隨招牌海南雞飯套餐附上的輕怡新加坡白胡椒肉骨茶，共有兩支肉骨，胡椒味十分重，沒有了馬來西亞那種藥材味。

用料豐富的星洲喇沙摻摻，配有半邊龍蝦、魚蛋、雞蛋和豆卜，可惜喇沙湯底未算好喝。米粉油麵配，都是星馬摻摻的特色，辣醬表現親民。檸檬薏米水(熱)是跟諶指定飲品，有袪濕之效，而且味道不錯，所以在下都不作他選。最後，還有很邪惡的鮮油咖央多士是必食。多士烘得尚算香脆，咖央甜美，牛油厚度十足，十分邪惡！

很棒的海南雞飯，但總是吃飽！

#獅城comfort food肉骨茶
–
食過麻辣曲奇水煮魚之後 欲罷不能 繼續搵重口味特色食物 最後拍板 係新加坡靈魂食物肉骨茶
–
🍲🍚#白胡椒肉骨茶配白飯 $63
先嚟幾啖補身湯水 入口有一陣藥膳味道 唔算強烈但巧妙咁同排骨嘅肉香濃骨味配合 熬過湯嘅排骨條軟腍好食 肉味夾雜玉竹黨參甘草等等嘅甘香 個湯仲越飲越有辣勁
–
🐓#芽菜走地雞飯 $68
雞皮爽滑 雞件肉質鮮嫩 雞味唔算突出 反而係芽菜搶鏡 外型短少彎曲但茁壯 夾一箸入口 爽甜多汁 份量加倍一樣食得落 油飯加咗香料提味 值得一試
–
🍋#檸檬薏米水
隨午市套餐奉送 薏米加糖冬瓜粒 飲落清甜檸檬味唔強烈
–
🥪#鮮油咖央多士 加$15
多士塗上厚厚一層咖央醬 加埋厚切牛油片 鹹鹹甜甜好好食 溫馨提示 多士要趁熱食溶牛油厚片嘅口感 最好”後上”
–
🍤#脆炸鳳尾蝦春卷 加$18
香脆感鬆化感同空氣感 三樣有齊 蝦肉爽口
–
📍#蘇山鷄飯
長沙灣元州街411號地下

🧉🧉🐔🍖🍱🍤🍗🐖🌶🦑🥬🦞🍜

朋友OT完就搵我陪佢一齊食晚飯，係長沙灣返工都有個好處就係夠多野食，佢今日就帶我去食蘇山雞飯，八點幾去到門口仲有人排緊隊，睇嚟幾受歡迎👏好彩等一陣就有位👍
兩個人岩岩好有卡位坐，唔使同人塔枱😜

鴛鴦海南雞飯$88
一次可食兩樣餸，嫩滑嘅三黃雞雞件仲有雞腎👍點埋醬汁食更加好味😋甜嘅辣嘅都有
另外有一細碗肉骨茶選用金沙骨夠多肉😋，豆卜可以索湯汁食
當然唔少得粒粒分明嘅油飯，好似用香茅炒過咁，好香好好食👍👍

龍蝦叻沙摻摻$88
有半隻龍蝦🦞，叻沙湯底味道濃郁惹味，油麵同米粉一齊食口感特別，魚蛋、魚片條好鬼彈牙😃而且豆卜浸滿湯汁咁食好正呀😋

特色小食拼盤$78
岩岩好每款兩件唔使爭有Susan雞翼、雞錘、豬肉串、蝦春卷、黑椒扎肉同埋魚餅😄，一碟可以食晒唔同款小食，唔使每樣都叫搞到大多食唔晒👍
小食都炸得脆口，仲有酸辣汁可以點

麻辣玻璃魷魚通菜$48
有啲油多，望落好似將通菜同魷魚炒完，再加辣椒油，不過食落幾惹味🤣

Susan豬手（全隻）$100
上碟果陣已經切好晒，我地唔需要再慢慢拆肉😄，肉同皮都炆得好入味，而且豬皮有煙韌口感，豐富嘅骨膠原呀🤩肉就有啲啲實，不過都好易咬

冰凍椰青$25
凍冰冰多水清甜解渴一流🤤

整體來講餐廳環境舒服，老細夥計招呼好好，食物性價比非常之高，值得一食再食👍👍👍

長沙灣開左一間人氣馬來西亞餐廳，今次專程慕名而來，食最有人氣既芽菜雞同鮮油咖央多士

獅城芽菜走地雞(半隻) $130
招牌菜芽菜雞，芽菜分量十足，雞肉肉質結實爽滑

鮮油咖央多士 $22
好邪惡，愈食愈內疚但又不得不食既鮮油多，多士香脆，食落甜甜既咖央味同香滑厚切牛油

Susan雞翼 $44
雞翼真係令我喜出望外，炸雞全翼即叫即炸，熱辣辣好香脆，另外加左香料醃製，好入味

整體食物質素：4 / 5
推薦指數：4 / 5

《😋親民價豐富馬拉菜🇸🇬》
突然跟朋友說起很久沒嘗星馬菜了 想念叻沙海南雞飯的味道 來到長沙灣便到這間新店☺️
–
🔻🔻🔻🔻🔻
✨鴛鴦海南雞飯 (HK$75)
鴛鴦的意思是海南雞飯+肉骨茶 雞肉已去骨 份量頗多好肥美 喜歡將雞肉加配不同醬汁一起吃(最愛醬油那款🤣
平常不太愛吃飯的都要讚一下這款油飯 很香雞油味 但又不太有油膩感 配雞件吃一流👍
肉骨茶超足料 入面有兩大件肉和豆卜 清淡易入口 而且還有淡淡胡椒味🥰
–
✨星洲龍蝦叻沙摻摻 (HK$88)
超級多料的一大碗叻沙!! 半隻龍蝦 魚蛋 魚片 豆卜 雞蛋 叻沙湯底好香濃 喜歡油麵和米粉的配搭☺️
–
✨鮮油咖央多士 (跟餐)
👍👍👍最推介的是咖央多士 多士烘得好脆 牛油是超大的兩片 內裡加了咖央醬 邊吃而牛油又在半溶的感覺真的好幸福☺️(把減肥這回事拋諸腦後…
–
✨參巴醬通菜 ($20加配)
第一次吃參巴醬 微辣惹味 如果可以再辣一點就好了🤣🤣
✨檸檬薏米水 ($9 加配)
清新的檸檬味 而且好多薏米👍
🔺🔺🔺🔺🔺
🔸環境：空間比較小 容不下太多人 但環境乾淨整潔
🔸價錢：性價比高 用這個價錢吃得超級飽
🔸服務：店員都算有禮貌 唯獨是晚餐時間較多人 應接不暇
🔸等候時間：6:30用餐 不需等候便可入座
🔸回頭度：是會回頭的餐廳 下次再去長沙灣的時候可以再試🤣
–
📍 蘇山雞飯 (長沙灣)
🗺 長沙灣元州街411號義華大廈地下

位於長沙灣荔枝角交界，店舖雖小但五臟俱全😬

鮮油咖央多 （$22）
咖央多適合鍾意食甜嘅女仔，甜得嚟有大大塊牛油中和返，個口感邪惡到呢😍

龍蝦喇沙滲滲 （$88）
喇沙湯底濃郁得嚟仲多份蝦香味。唔算好辣，半邊龍蝦都幾大隻連大蝦鉗。滲滲雙拼油麵同米粉都好入味，又彈牙。扣咗底份量都幾多，芽茶豆卜索晒汁，正

獅城芽菜走地雞配輕怡白胡椒肉骨茶 （$85）
肉骨茶見到個色水仲以為會好淡但原來係清香嘅藥膳味，少咗陣藥材嘅苦澀，都幾惹味。超多配料仲有大大條又多肉嘅一字骨。
走地雞好香参巴醬味，芽菜爽得嚟又入味。隻雞皮滑肉嫩，份量又多，成個套餐都好出色，推介！

拿手三寶飯（海南雞+豬手+滷蛋）（$88）
海南雞雞皮晶瑩嫩滑，同走地雞一樣滑漉漉😍雞皮夠晒鹹唔洗點醬都夠味！豬手同樣滷得出色，咸中帶微甜，皮肉比例均勻，煮到非常冧，近乎入口即溶！硬實嘅滷蛋似超濃郁嘅茶葉蛋，勁入味！
雞飯都唔失色，有雞油香但唔油膩！唔使點醬都可以扒晒成碗飯！

套餐配嘅湯更加清澈嘅雞腎冬瓜湯，啱晒送重口味嘅套餐。有幾片爽脆得嚟又唔苦嘅雞腎，解膩一流。

凍恐龍美祿 (跟餐$9）
另外竟然有買少見少恐龍美祿！唔洗講緊係衝左先🏃🏼🏃🏼有得揀多奶同少奶，唔會好似街外啲舖頭沖到淡茂茂咁，都好濃美祿味🥰落相當多美祿粉 好好飲！！
可以選擇走飲保，咁環保要加分！

味道滿意之餘佢哋嘅服務都好好，好友善親民🥰用手機點餐後，唔洗十分鐘就嚟齊，上菜速度快狠準🤪

推介走地雞同輕怡肉骨茶！
走地雞有蒜香，雞肉特別滑。
肉骨茶清清地易入口！

鴛鴦海南雞飯包括一碗迷你肉骨茶，熱辣辣的肉骨茶香濃之中帶點清甜，豬骨和豆卜都吸收了湯汁，吃完非常滿足😋

海南雞已去骨，非常嫩滑的雞肉，不用蘸醬汁也好吃，蘸了醬汁更有風味，配油飯很正😍

特色小食拼有雞翼、順化豬肉串、泰式魚餅、酥炸鳳尾蝦春卷、黑椒扎肉各款兩件，件件香脆可口。順化豬肉串和酥炸鳳尾蝦春卷吃起來都很有東南亞風味😋

麻辣玻璃魷魚通菜大大碗，翠綠的通菜拌著麻辣醬一起吃非常惹味，爽口的玻璃魷魚彈牙可口。

喝杯鮮檸檬薏米清甜解渴🥰

特式海南雞！豬手飯！

下午茶精選之必吃厚多士咖央

本來想在元州邨的花隧道，怎知花已謝得差不多。

位置：在美食街元州街一帶

環境：餐廳面積不大，呈長條形，兩邊牆色不同，一邊是粉紅色，另一邊是白色大理石，牆上鑲嵌兩幅金光閃閃的飾品。雖然座位夠多，但枱與枱之間距離短，兩人桌較小。

服務：上菜速度快。

下午茶：
鮮油咖央多士$28
多士烘得微微焦香，口感香脆，夾滿厚切牛油。一口咬下，濃稠咖央醬和牛油就爆出來，入口順滑帶有甜香，雖然是邪惡，卻是必吃推介。

輕怡海南雞飯配白胡椒肉骨茶$58＋鮮檸檬薏米水
這個下午茶餐可以一試兩個招牌菜，有海南雞、油飯、肉骨茶和三種醬料！雞肉嫩滑，沾上甜甜的黑醬油或泰式辣醬，會更加惹味；肉骨茶湯內配有吸湯的豆腐卜和煮得軟腍的排骨，輕輕一咬便骨肉分離，只可惜湯的胡椒味不濃。

娘惹咖喱牛筋腩烤餅$70
牛腩和牛筋的份量非常慷慨，而且炆得軟腍，咖哩汁濃稠，帶有椰香，只可惜烤餅過油，沒有印度烤餅薄脆口感。

自從老爺奶奶搬新屋後，多了到長沙灣覓食的機會，之前到過有60多年歷史的雪山冰廳，今日就來到元州街的『蘇山雞飯』，一嚐聞名已久的海南雞飯。✨

一行四人晚上8 時多到達， 幸運地不用等位，餐廳裝修 簡約，很有家的感覺。打開餐牌，原來這裏主打的是星馬菜， 海南雞飯，肉骨茶， 炒粿條，連印尼菜也有， 讓我覺得非常有新意。✨

先來的是奶奶點的星加坡「肉骨茶飯配炸油條」， 湯頭偏淺色， 胡椒味道濃厚，湯內配有吸味的豆腐卜和煮得軟淋的排骨， 香脆的油條沾上肉骨茶同食，別有風味。✨

屬於必點菜色的「海南雞飯」雞皮色澤金黃，很是吸引，配有冬瓜湯和香料飯一碗，下單後姐姐說只餘下最後兩份， 認真搶手。✨

去骨的海南雞不肥不瘦，入口非常嫩滑， 生熟度剛剛好，蘸上薑蒜油來食最為可口， 配的香料飯超級香，帶有點切碎的冬菇，元貝粒，非常美味，一口飯，一口清熱解暑的冬瓜湯，讓人非常滿足。✨

老爺是印尼華僑，看到餐牌上有「巴東牛肉飯」， 顯得非常高興， 淋上椰奶的巴東牛肉 份量頗多，炆得入味，就是不夠軟淋，除牛肉外，配料還有鹵蛋和蝦片。✨

嘴上嚷著要減肥的先生點了 「鮮牛油咖央多士」， 烘得香脆熱辣的麵包內夾著鮮牛油和咖央醬，熱力讓牛油不斷溶化，所以上枱要盡快食，看著他食得滋味的樣子，就知道這份咖央多士有水準。✨

香口炸物是我的最愛， 可以品嘗到不同款式的「小食拼盤」，分別有炸得香脆的雞髀和雞翼，用筷子串起的越南順化豬肉串，香辣味濃的泰式魚餅， 炸得金香酥脆的鳳尾蝦春卷和微辣的黑椒札肉， 一次滿足多個願望。✨

鄰桌食客座下後， 聽到店員說海南雞飯已經售罄，非常失望，說他特地坐車來品嚐海南雞飯，幸好店內還有走地雞， 讓他不至白行一趟。 總體店內的食物選擇豐富且取價公道， 不失為晚餐的好選擇。✨

總體店內的食物選擇豐富且取價公道，尤其 欣賞餐廳主打的海南雞飯，食得出的用心製作，雞隻選用不太肥膩的文昌雞， 肉質香軟嫩滑，有點像臘味飯的香料飯用料豐富，真心味美，絕對會讓我再次回頭光顧。✨

好耐冇去長沙灣區，原來周圍都起左好多新樓，正值午飯時間，周圍行吓睇吓有咩好嘢食，見到尼間門面很吸引，一向很喜歡食星馬菜的我一於拉住好友入去試下

小食點了蝦春卷，炸醬唔太厚一咬入口先是外皮香脆可口，內裏包著爽口彈牙的大蝦，點上帶酸甜的醬汁，更加惹味，值得一試

又想試海南雞，又想試豬手，但是二個人食唔晒，好彩佢哋有個三寶飯，三寶是海南雞，豬手，鹵水蛋， 海南雞質地嫩滑， 雞味香，肥瘦適中， 果然招牌菜出色，豬手鹵得入味，肉質軟熟， 點埋辣味十足的辣椒汁，味道更上一層樓，連豬皮一點也不肥朋上，不得不讚這個非一般的雞油飯，不是單單用雞湯做，食落會發現有一點香料味道，很有日層次感，還有飯粒粒分明

龍蝦炒粿粉，嘩！買相很吸引，大大隻龍蝦，啖啖肉，滿身蝦膏香，肉質煙韌彈牙，好好味，除左龍蝦仲有大大嚿魚柳，魚柳雖然不是新鮮貨，但一點雪藏味也沒有，還有青口和脆卜卜的一豬皮，自從在馬來西亞食過粿粉就一於試愛上，這個粿粉是用油麵和河粉炒在一起，食落雙重口味

檸檬薏米水，清新之選，將杯旁的檸檬放薏米水內，更美味，薏米很好味，大大粒又有口感

有朋友同我講長沙灣開左間星馬菜餐廳 作為東南亞之鬼嘅肥Glor又點會錯過😍一於就決定搵日放工去試下！門口寫住一口回味雞飯 入面嘅裝修同掛畫都充滿東南亞風味 未食已經充滿期待！當日禮拜五都有人龍 不過平均等10分鐘就有位 入坐安排掂👍🏻值得一提嘅係佢地嘅價錢真係唔貴 平過坊間唔少雞飯店！

·鴛鴦海南雞飯 $75
（迷你肉骨茶+海南雞）
一個價錢有哂海南雞+白胡椒肉骨茶+雞飯真係好抵！份量都唔少㗎👍🏻 海南雞雞皮滑而不厚 仲有少少啫喱狀嘅雞油 令雞件入口更嫩滑～三色醬-黑醬油、薑蓉同酸辣醬汁齊哂 雞飯仲做到粒粒分明並帶有香濃嘅雞油同香茅味❤️肉骨茶有香濃白胡椒味 豬骨炆得夠入味 入口微辣 好適合送飯👍🏻

·龍蝦叻沙摻摻 $88
叻沙我就食得多 將大半隻龍蝦放落個麵度我真係第一次見！龍蝦肉頗鮮嫩 仲有膏～至於個湯底同摻摻就好有驚喜🙌🏻湯頭濃稠 咖喱味同椰香味非常濃郁 米粉+油麵比例剛剛好 好有咬口！

·鮮油咖央多士 $22
有兩大件 多士熱辣辣夠香脆 牛油厚身帶軟滑口感🙌🏻咖央醬入口帶椰香同班蘭香👍🏻

·炸脆鳳尾蝦春捲（4件）$32
春捲皮夠薄身 咬落好脆口仲有滿滿蝦肉同蔬菜粒 令口感更有層次！

·鹹魚茸炒怡保芽菜 $40
一望到啲芽菜咁肥短身曲就知道一定怡保芽菜 食落非常有馬來西亞風味 爽脆多汁 真係一道必點小菜～

·恐龍美祿 $19（跟餐+$15）
新加坡小朋友好鍾意嘅野飲！冰面上有大量美祿粉 撈埋濃濃嘅美祿散發出嘅甜味 真係好適合夏天飲！

·超冰凍椰青 $35（跟餐+$25）
真係好冰 飲落鮮甜多汁 仲有少少冰粒 好清爽呢～

#𝙛𝙚𝙞𝙜𝙡𝙤𝙧_𝙚𝙖𝙩

📍 蘇山雞飯 (長沙灣)
長沙灣元州街411號義華大廈地下

–
今次去左呢間元州商場附近主打平民高質星馬菜😝
不嬲都鍾意食海南雞飯同肉骨茶嘅我 梗係要去朝聖一下啦
朋友住嗰邊附近就拉埋佢同我一齊去試吓

🔺星洲龍蝦叻沙摻摻 配鮮油咖央多士 $98
店員放低呢碗咁吸睛嘅摻摻 即刻心心眼
上面有大大隻龍蝦 肉質咬落彈牙 食落算新鮮
另外仲有一堆配料 豆卜 魚蛋 魚片
湯底辣辣地 加上少少椰香味 食完超滿足😍
🔸鮮油咖央多士
呢個多士眼見差唔多每一枱都有一份
⭐️人氣之選冇得輸⭐️
多士烘到脆卜卜 加上內裏成寸厚嘅牛油 勁抽
牛油味非常濃郁 咖央醬甜甜地 🤤邪惡又滿足
岩哂所有重味人士🤩

🔺獅城芽菜走地雞飯 配白胡椒肉骨茶 $85
海南雞飯就食得多 原來走地雞飯都唔錯
除左雞皮顏色比較白 唔係黃色之外
食落感覺唔算好大分別 會微微感受到肉質比較結實
不過就算係咁雞胸位置都唔會好硬
去骨走地雞 加上我最鍾意嘅甜豉油 一絕👍🏼💜
🔸白胡椒肉骨茶
肉骨茶嘅茶味唔算有好濃郁 有點兒被胡椒味蓋過左
不過可能係唔同嘅肉骨茶種類？
個人唔太鍾意藥材味濃既果種人😝
所以呢款胡椒味濃既肉骨茶 整體我都覺得好好味
配上兩條排骨同兩大舊豆卜 排骨肉質軟腍 但又不失肉味👍🏼

🔺巴東牛肉飯配江魚仔椰漿飯 配小食 $97
牛肉煮得好軟腍 份量都好足 🤤椰漿飯都好香
😋唔食得辣嘅朋友都叫得
旁邊仲放左少少辣醬 比食得辣嘅朋友撈埋一齊食
整體都好好食 但食完上面兩款之後再食呢款巴東牛肉
個人覺得有少少被比下去嘅感覺😅

🔺Susan雞翼 $44
一共有4件香脆可口既炸雞全翼
😮份量超大 以為只係雞中翼
脆卜卜嘅外皮加上鮮嫩juicy既肉質
即叫即炸 唔會太油膩 好惹味 同事亦都覺得熱氣 up up😂😂

雞肉鮮嫩，浸雞時間控制適宜。亦有雞味。有胸、肶、翼，分配均勻。
油飯香而不油膩。
湯有雞雜，即是冰鮮雞送貨時連雜，推斷是非常新鮮的冰鮮雞。

海南雞飯推介