蘇山雞飯(Susan Chicken Rice)

無骨海南雞飯整體唔錯，雞夠滑，雞雜冬瓜湯亦都幾特別，唯一扣分係個油飯，食到碗底有堆油。
推介喇沙，湯底蝦味好燶，好足料。👍 …

好食

～晚市套餐～

🦞星洲龍蝦叻沙摻摻🍜 配鮮油咖央多士🍞($128)

叻沙摻摻好豐富 面頭有半隻開邊龍蝦🦞
仲幾多膏添 令湯底鮮味十足 🧡但有少少韌
配菜仲有魚蛋, 魚片, 豆卜, 雞蛋🥚,芽菜⋯
叻沙湯底好香濃 香噴噴 濃郁椰香🥥
夾雜住米粉同油麵既摻摻🍜
囗感豐富 米粉好入味而且爽口彈牙💗好正
整體鹹淡調味啱啱好 唔錯(=´ω`=)

而鮮油咖央多士就更加正🤩
表面烘得好香脆 中間夾住一片片厚厚牛油🧈
沾滿香甜嘅咖央醬😚 外脆內軟嘅口感
😈咬落去一口一口都好邪惡 但好幸福🤤

🐥海南雞飯🍚 配雞雜冬瓜湯🥣($80)

無骨海南雞都幾嫩滑 有三款醬
有姜蓉//海南雞甜醬//酸辣醬🌶
❤️我就最鍾意點酸辣醬食 夠晒惹味
而油飯就比平日食開嘅冇咁油😆
食落比較粒粒分明 帶少少焦香☺️
💚雞雜冬瓜湯飲落幾清爽消暑
入面仲有爽口嘅雞腎食🧐 唔錯

🐖 炭燒豬肉串(3串）(+$20)

豬肉串肉汁滿滿 外層燒到微脆🖤
食落好香口好惹味＼(●´ϖ`●)／

🥬 參巴辣蝦醬通菜(+$20)

🦖恐龍美祿(+$12)

造型有趣 面頭仲撒滿美祿粉🍫
味道夠晒濃郁🤎🤎

🥥 椰青(+$28)

#eatwithkeikei #蘇山雞飯 #長沙灣
#sweetiedaily_cheungshawan
服務
內用
餐點類型
晚餐

雞飯和麵條不錯，但是吐司不好吃，麵包很有嚼勁

餐廳内空調温度不足！

呢間長沙灣馬來西亞菜真係好抵食！上星期同朋友一齊食Dinner，兩個人加埋$300左右就可以食到咁多嘢👍🏻
服務
內用
餐點類型
晚餐

油飯有少量生米，什湯裡雞腎有沙，海南雞有雞味，夠滑。

呢2日天氣好反覆呀, 忽然間涼咗好多, 今日去長沙灣時見到 ❥⧽蘇山雞飯 ❥⧽有肉骨茶食, 即刻入去食, 等自己可以暖笠笠。餐廳有好多卡座位, 枱與枱之間有足夠距離, 都坐得幾舒服。

𓊈白胡椒肉骨茶配白飯+炸油條𓊉
肉骨茶偏重胡椒味, 唔會太重藥材味, 容易入口, 肉嘅份量好多呀, 肉質軟腍, 配白飯食或者油炸鬼食都好好味。

𓊈炭燒豬肉串𓊉
大大力推薦呢個豬肉串, 燒得好香而d 豬肉好嫩滑亦充滿肉汁。

𓊈海南豬扒咖哩烤餅𓊉
豬扒好厚身有咬口, 咖哩香濃, 用嚟蘸烤餅食, 好好味。

𓊈恐龍美祿𓊉
面層有美祿同朱古力碎碎, 見到已經好開心, 充滿童真嘅感覺, 味道唔會太甜。

𓊈金裝柑桔蜜𓊉
酸酸甜甜好開胃, 裡面仲有薄荷葉, 加埋一齊好解渴。

✧✧ 整體食物同飲品都好好, 職員好 nice, 我唔知點解落唔到單就即刻幫我手寫落單, 值得再去呀。

❥⧽蘇山雞飯 ❥⧽
地址: 長沙灣元州街411號義華大廈地下

我自己不嬲好鍾意食海南雞，見之前喺海南雞關注群組好多人介紹過呢間，所以就去試吓

我地叫左招牌海南雞飯配雞雜冬瓜湯、星州龍蝦喇沙摻摻配鮮油咖吔多士、參巴醬通菜(走辣)、超冰凍椰青、凍恐龍美祿

雞夠滑， 龍蝦都好彈牙， 整體味道唔錯

走地雞飯好味道

蘇山雞飯 (長沙灣)
.
我爸爸就最鍾意食馬來野，適逢今日係Happy Friday咁梗係齊齊出去食💜
.
▪️麻辣玻璃魷魚通菜▪️
.
叫左少辣，啲汁喺晒個底，建議撈勻先食(⁎⁍̴̛ᴗ⁍̴̛⁎)但係玻璃魷魚有咬口！
.
▪️鮮油咖央多士▪️
.
鮮油奶四個人share啱啱好，絕對需要趁熱食，多士烘咗之後熱辣辣再夾住鮮牛油，極度邪惡但係好好食！
.
▪️芽菜走地雞飯配白胡椒肉骨茶 ▪️
.
嚟到蘇山雞飯點可以唔食佢嘅招牌菜之一雞🤭個雞好嫩口，有少少似海南雞，上面有XO醬。另外呢個餐仲加埋一個白胡椒肉骨茶，飲落少少胡椒辣但好正，天氣再凍啲飲一定好暖身！
.
▪️ 咖哩牛筋腩烤餅▪️
.
咖喱牛腩牛筋份量勁夠，咖喱跟烤餅就最好食(⁎⁍̴̛ᴗ⁍̴̛⁎)
.
▪️胡椒海南羊腩湯跟油飯 ▪️
.
呢個係期間限定產品，羊肉啱晒我爸爸食！
個湯又飲得，羊腩又嫩口微微嘅羶香，仲要有羊肉皮痴係肉邊！
.
▪️星洲叻沙摻摻 ▪️
.
轉米粉，入面仲有青口，蝦，魚蛋片等，不過米粉好快就索曬啲湯
.
▪️ 特色小食拼盤▪️
.
特色拼盤入面有雞翼，泰式魚餅，脆炸鳳尾蝦春卷等，特別個雞翼熱辣辣勁好食！
.
呢度嘅飲品仲有菠蘿梳打，椰青，檸檬薏米水等等 ！
.
📌 蘇山雞飯 (長沙灣)
長沙灣元州街411號義華大廈地下
.
環境：⭐️⭐️⭐️⭐️⭐️
味道：⭐️⭐️⭐️⭐️⭐️
服務：⭐️⭐️⭐️⭐️⭐️
價錢：⭐️⭐️⭐️⭐️⭐️

星洲龍蝦喇沙參參配鮮油咖央多士 $128

係超級邪惡同埋搓食嘅組合😍
喇沙湯底好香, 仲配咗啲醬可以自行增加辣度, 龍蝦都幾多肉, 配料好足！多士夾咗勁厚嘅牛油超級邪惡😂 中間咖央香甜,完全唔知食邊個先好😂 個餐仲要配飲品好抵！

獅城芽菜走地雞飯配輕怡新加坡白胡椒 $90

走地雞嘅好處係皮下脂肪超級少～ 雞皮好爽, 啲肉食落都唔會鞋, 下面啲芽菜吸晒啲汁, 所以俾我地清哂！
肉骨茶好香胡椒味, 原來新加坡潮式肉骨茶係着重胡椒味, 所以湯底相對比較清淡易入口, 口味比較大眾化啲🥳
個餐仲可以轉蛋白杏仁茶, 都好大碗, 同樣都係輕怡少少唔會好甜

輕怡拼盤加配 $35
呢個就一啲都唔輕怡🤣 春卷魚餅雞翼尖都有兩件仲有成隻滷蛋, 春卷都幾有驚喜入面竟然有好多蝦肉～ 滷蛋都做得出色

成餐食得勁飽都係$300唔洗, 真係超抵！😻

已經第三次食！
款式選擇多，味道對辦，質素保持水準！
推介海南雞飯，還有邪惡的鮮油咖央多士。
服務
內用
餐點類型
晚餐

嚟到長沙灣依間充滿東南亞風情嘅餐廳，味道非常正宗，性價比都幾高。

星洲龍蝦喇沙摻摻 配鮮油咖央多士
有半隻連埋大大隻鉗嘅龍蝦，肉質都幾爽彈。喇沙湯底除咗濃厚嘅蝦香味仲有惹味芳郁嘅香料，再滲出陣陣椰汁嘅香甜。
鮮油咖央多士入面咖央甜而不膩，配上成寸厚嘅鮮牛油真係極邪惡，冰凍嘅牛油同熱辣辣嘅多士簡直係絕配。

招牌海南雞飯 配雞雜冬瓜湯
肉質嫩又滑，啖啖肉。最出色係個油飯，充滿油香，而且有香茅味，夠濕潤，但吾會油膩~今日天氣熱，冬瓜湯為我消暑解熱！

參巴醬通菜
通菜鮮嫩，配搭充滿馬來西亞特色嘅參巴醬辣得嚟帶有鹹香。

脆炸鳳尾蝦春卷
採用絲網般嘅春卷皮，感覺更加鬆脆

海南雞饭，雞什冬瓜湯正

今天去蘇山海南雞食,簡直名過於實千祈吾好系openriseD食評,都系呃人~可一不可再👎👎
服務
內用
餐點類型
早午餐

海南雞係無骨，雞皮爽嫩Q
雞肉好嫩滑入味
雞飯粒粒分明，有少少焦香
冬瓜湯好清爽，雞雜份量都多

肉骨茶好順口，白胡椒味香濃
仲有淡淡當歸味，飲完暖笠笠

鮮油咖央多士好邪惡，但真係好好食
特色小食拼盤好豐富
參巴醬通菜爽脆惹味

長沙灣最hit海南雞飯

1.招牌海南雞飯配雞雜冬瓜湯
果然係招牌菜！去骨雞肉好嫩滑，而且好香，而且油飯每粒飯都充滿住雞油香🤤

2.白胡椒肉骨茶配白飯+油炸鬼
肉骨茶味道好特別，唔會太重藥材味，以白胡椒味為主，湯底較清淡，岩晒而家夏天食😍

3.鮮油咖央多士
Omg真係極邪惡😈😈😈但好好食😍😍啖啖鮮油😚

4.脆炸鳳尾蝦春卷 🍤
蝦春卷炸得外脆內彈牙，春卷入面除左蝦膠之外仲有一隻蝦，雙重享受
服務
內用
餐點類型
晚餐
建議的餐點
咖央鮮油多, 招牌海南雞

味道不錯

去長沙灣買野， 記得有朋友講話呢間餐廳好食，今日經過就嚟試下啦😍
我地食630，呢個時候都已經有唔少人， 地方都幾大，環境乾淨，坐得幾舒服。

獅城芽菜走地雞飯配輕怡新加坡白胡椒排骨茶
見到有好幾枱都係食緊呢個，我地都跟住叫, 有齊三種醬汁，薑蓉、酸辣汁、醬油，雞的確有少少唔同， 唔會好淋，有啲咬口嘅，但都係好嫩滑，沾晒三款醬，配搭油飯，一流！
油飯好香， 飯粒粒粒分明、食下食下唔覺意就食晒

呢個白胡椒排骨茶白胡椒味同藥材味都幾重，唔係特別偏重胡椒味。仲有幾舊排骨，同埋豆腐卜，排骨好淋， 入晒味。 一個餐可以試晒兩款野食，好抵！

巴東牛肉飯配江魚仔椰漿飯
椰漿飯好香， 牛肉好淋，而且好入味，見到表面有啲椰漿淋係度，食落好香椰味。仲有配一個辣醬，同埋魚仔、花生等配料，辣椒醬好好食， 一齊食味道好豐富。

另外我地加咗個小食拼盤，有齊春卷、魚餅、滷蛋同埋雞翼尖， 好豐富！

仙草椰奶冰
仙草同椰奶好搭、好香
碟豆花乳酪梳打
好清新，唔係好甜， 非常適合配搭野食

大推👍🏻超值海南雞飯🐓🍚

又係食海南雞飯😂自從上一次食完海南雞飯之後食出條引🤤咁就搵吓又有咩出名海南雞飯食，咁今日去長沙灣就喺長沙灣附近搵吓，見到呢一間勁多好評所以決定就過去試下佢先😋其實去到都成1點50分唔使排隊直入👏🏻用QR code自己點餐的，叫完5至10分鐘就會上餐，好快的！

招牌海南雞飯配油飯雞雜冬瓜湯 ($68)🐓🍚
雞🐓嘅份量剛好，唔會食到到喉唔到肺咁，肥瘦分佈均勻，雞肉嫩雞皮又滑雞味重🤤，重有一粒青檸🍋俾你吱啲檸檬汁出嚟送雞都幾好食。大大碗油飯，油飯🍚粒粒分明偏乾身，幾好幾好，加埋蒜片一齊食好正！另配三款醬汁，三款都好好味😋呢到嘅冬瓜湯🥣加咗雞雜令到碗湯嘅味道更加豐富有層次，飲完都唔口渴👍🏻

下午茶2點開始，雞飯係$58炸，好扺，早知我遲多10分鐘先入去😂

推薦？🟡🟡🟡🟡🟡性價比極高同埋分量剛剛好，一定會再去食🤤

🎈蘇山雞飯
地址: 長沙灣元州街411號義華大廈地下

蘇山雞飯(長沙灣)

拿手三寶飯 $88 （包雞腎冬瓜湯）
豬手皮食落好有膠質，肉都幾嫩
滷得入味
海南雞都食落好嫩
一啲都唔會柴
個飯食到有少少斑斕香同雞香😆

雞腎湯好有驚喜
雞腎爽口冬瓜解油膩

星洲龍蝦喇沙摻摻配鮮油咖央多士 $128
有半隻好大嘅龍蝦😍
喇沙湯底唔單止有椰香
仲有淡淡的龍蝦味！
湯底幾香
油麵都幾掛汁🥰
唔錯！

鮮油咖央多士
多士烘得熱辣辣同脆面
夾埋好厚嘅牛油
同甜度適中嘅咖央醬
入口好邪惡🤣

炭燒豬肉串 $38
用免治豬肉嘅形式燒
微微嘅炭燒味加上豬肉香
食落好滋味

仙草椰奶冰 $18(套餐價)
椰汁味唔係好重
不過配搭埋仙草食都唔錯😆

炭燒咖啡 $3 (套餐價)
咖啡味好濃
有少少似越南咖啡☕️

睇個餐廳名就知雞飯係最出名，聽佢介紹原來雞同雞飯既烹調方法都好講究🐓

｜煮雞飯係要用特定份量黎煮，先可以令每粒飯都可以吸收到雞油既精華同斑蘭既香味
｜雞用左日本花菇、元貝同約20種香料入味

♡ 獅城芽菜走地雞飯 配 輕怡新加坡白胡椒排骨茶 $90
🥢 走地雞飯附上三款醬：黑醬油、辣醬同蒜蓉

雞肉已經去左骨 啖啖肉，口感嫩滑，基本上唔洗點醬汁都已經好好味🖤；雞飯食落粒粒分明，有雞油同飯焦既香味，食哂都唔覺得太油膩，呢個油飯相當有誠意；跟餐既肉骨茶係新加坡style 偏重白胡椒味，清清地好易入口🙌🏻

♡ 星洲龍蝦喇沙摻摻 配 鮮油咖央多士 $128
有一隻頗大嘅龍蝦、魚蛋、魚片，豆卜、通菜、雞蛋🦞摻摻係有米粉同油麵撈埋一齊，大大碗又足料；咖央多士有厚厚嘅牛油夾住入面十分邪惡🤤

♡ 輕怡拼盤 (跟餐+$35)
｜有5款小食：雞翼尖、脆炸鳳尾蝦春卷、泰式魚餅、滷蛋同黑椒扎肉

建議人數唔多既可以加呢個小食拼盤，試足5款小食性價比好高；我最鐘意係脆炸鳳尾蝦春卷，香脆可口，真係可以食到原隻蝦肉 🍤

♡ 參巴辣蝦醬通菜 (跟餐+$20)
加左參巴辣蝦醬去炒通菜十分地道🥬 唔會過咸又食到醬味，份量好多 出面要$30-40嘅份量，呢度跟餐+$20就食到🤍

♡ 香滑奶茶 (跟餐+$3)
♡ 恐龍美祿 (跟餐+$18)
好耐冇飲過美祿，個造型好特別有把傘仔同上面撒滿美祿粉，味道濃得黎唔會過甜💚
服務
內用
餐點類型
晚餐

呢間係新開左1年既新加坡🇸🇬＋馬來西亞🇲🇾菜式餐廳，佢哋既海南雞飯好出名⭐️ 唔似坊間做法大大煲，佢地做法係4-5人份量電飯煲煮飯，令每粒飯都可以吸收到雞油同斑蘭嘅香味🤤

餐廳裝修好有東南亞風格，有黑白地磚⬛️⬜️ 環境都幾大，座位好多，而且都好乾淨衛生👍🏻 上菜速度好快～
🔸
🐔招牌海南雞飯 配 雞雜冬瓜湯 $80
我本身好鍾意食海南雞飯，因為好鍾意啲醬😍 而呢間既醬都調製得好好👍🏻 雞無骨，肉質好滑，點埋黑醬油更好食！黑醬油略帶甜味，好似令到啲雞更加滑🤤 酸辣醬都唔錯，好開胃，仲有薑蓉，令雞可以食出唔同風味。🌟值得一讚係個油飯，油飯好特別，每粒飯都有雞油同斑蘭嘅香味，粒粒分明🥰

雞雜冬瓜湯好清甜，啲料都算多，建議食飯前飲～

🐔獅城芽菜走地雞飯 配 輕怡新加坡白胡椒排骨茶 $90
走地雞調製得好好，用咗日本花菇、元貝同廿種香料入味，味道好豐富，食得出係有心機整🥹 好獨特！仲可以唧啲青檸汁，更加好食😋 肉質都好嫩滑，有好多粗身芽菜係底，一齊食好fresh🤩 醬料同油飯同上面一樣～

新加坡白胡椒排骨茶係新加坡潮式嘅肉骨茶，以胡椒味行先，唔係以藥材味行先，所以湯頭唔係又黑又濃，湯底係比較清淡易入口😚 肉既份量都多，而且好易做到骨肉分離～

🦖恐龍美祿 (套餐+$12)
賣相幾好，有把小遮仔做裝飾，上面鋪滿美祿粉，而且味道濃郁，幾正😋～

🥪鮮油咖央多士 $28
塊牛油超厚，極邪惡😈！咖央好好食，甜度適中，同鹹鹹地既牛油好match👍🏻 多士都烘得剛剛好，脆脆地～

🔸
味道：★★★★★
環境：★★★★★
服務：★★★★★
衛生：★★★★★
性價比：★★★★★

上堂前在附近食飯，好耐無食星馬菜，見佢哋評論都唔錯，價格亦唔貴。

獅城芽葉走地雞配輕怡新加坡白胡椒肉骨茶$110，呢個配搭幾好，一個價錢食齊兩種特色菜；雞肉10分嫩滑，好有雞味亦有菇味，原來佢哋混合廿幾種材料醃製，油飯亦有班蘭香味；肉骨茶辣度中等，湯底比較清，呢種原來係新加坡潮式肉骨茶，幾特別。

迷你星州喇沙$38，有一隻大蝦及魚蛋等，份量亦適中，酸辣程度都做得平衡。

特色小食拼盤（雞翼、泰式魚餅、脆炸鳳尾蝦春卷、黑椒扎肉）$78，雞翼用南乳醃製，好香南乳味道，炸得脆身，雞翼都應該係走地雞，所以好有雞味及肉質結實。

叫了兩杯飲品檸檬薏米水及雪糕薄荷咖啡，特色飲品都係加$12，雪糕薄荷咖啡擺設精美，薄荷混合咖啡後，亦可以增加咖啡層次感。
服務
內用
餐點類型
晚餐