蘇山雞飯(Susan Chicken Rice)
營業時間
| 星期六 | 11:00–22:00 |
| 星期日 | 11:00–22:00 |
| 星期一 | 11:00–22:00 |
| 星期二 | 11:00–22:00 |
| 星期三 | 11:00–22:00 |
| 星期四 | 11:00–22:00 |
| 星期五 | 11:00–22:00 |
服務選項
外送
外帶
內用
無障礙程度
不支持無障礙座位
不支持無障礙停車場
產品/服務
咖啡
用餐選擇
早午餐
午餐
晚餐
餐飲服務
甜點
設施
洗手間
適合兒童
距離長沙灣地鐵站唔算遠；餐廳座位闊落，款式都算多，而且份量好大。可以試下咖央多同海南雞飯
服務
內用
餐點類型
晚餐
食物一般，稍貴海南雞飯$7O份量小，雞
今日行左去長沙灣食海南雞，最近又最好食又最出名就係蘇山雞飯，平時叫外賣要運費，今次自己行去食 首先都係點一個豐盛海南雞飯，有半隻雞，油飯，雞什冬瓜湯 雞好滑，肉又滑皮又滑，無骨又多肉，食得出有陣好香花菇同元貝味 油飯好香，每粒飯都吸收到雞油同斑蘭香味 雞什冬瓜湯好多雞什，味好鮮甜 龍蝦喇沙有豆卜魚片魚蛋雞蛋芽菜 龍蝦好大隻，重點係好多蝦膏，龍蝦啖啖肉，湯底夠濃 另外點左一份小食炭燒豬肉條，幾香口 加多一杯檸檬薏米水，跟餐加$9 ，好豐富好滿足
0
服務
內用
餐點類型
晚餐
走地海南雞超正，雞有雞味，有咬口👍👍🌟
白胡椒肉骨茶味濃，胡椒味重
咖哩惹味，牛筋腩軟諗入味，正！👍👍🌟
服務
內用
餐點類型
晚餐
[長沙灣高質星馬菜]
📌 蘇山雞飯 – 長沙灣元州街411號義華大廈地下
🗓(12/10) 星期三 ⏰ 晚上7:15左右
💈特式：之前係長沙灣返工時，lunch都會不時去食呢間星馬菜嘅海南雞飯，個時佢先啱啱開張無耐，今日咁啱經過就再去同大家食下先。
🥩🍔🌭🌮🥗🥯🥘🍲🍝🍣🥟🍤🍱
食物：之前食開佢個lunch海南雞飯，認真唔錯，今次就試下佢d晚餐精選：獅城芽菜走地雞飯配白胡椒排骨茶同招牌Susan豬手飯，等我再同大家講下味道先……
獅城芽菜走地雞飯配白胡椒排骨茶 – 佢d雞肉好嫩滑又唔靭，香口又入味，食得出係新鮮雞唔係雪藏野，飯我揀左油飯，個飯好香雞油味，仲有少少斑蘭香；個白胡椒排骨茶我好鐘意，佢唔似傳統肉骨茶咁重藥材味，佢改左用白胡椒做底味，但入口清清地又唔嗆喉，而家天氣剛剛轉涼飲一流，又醒神又暖胃。
Susan豬手飯 – 呢個豬手飯用得自己舖頭名就一定唔小野啦，個豬手炆到好淋，味又入到晒，香得嚟又唔肥唔油膩，豬皮仲好爽口，個汁應該用唔少香料去烹調，仲有一隻滷蛋同一d炸菜配埋，用嚟送飯無得頂。
小食 – 跟餐加左1個参巴醬通菜同1個黑椒扎肉，另外正價再加左1個順化炭燒豬肉串，問過店員，餐加配同散叫份量是一樣的，所以加配平一半真係抵加。
鮮油咖吔多士 – 每次嚟到呢度，就算食到幾飽都會叫呢個鮮油咖吔多士當甜品，本身咖吔多士都已經係星馬菜嘅名物，佢加埋鮮油就真係邪惡又美味，必點。
☕️🍵🥤🧋🍺🍷🥃🍹🧉🍾🍶🥛
飲品 – 飲品就叫左1杯青檸菠蘿梳打水同1杯香茅薄荷特飲，幾好味，流打唔太甜幾fresh，另外杯香茅薄荷特飲值得推介試下，幾特別，香茅配薄荷原來出嚟個味道都唔錯。
🍽環境：餐廳環境裝修上都好有馬拉feel，以前我去食個時得一間細舖，地方唔係好大，枱亦都唔多，但佢而家擴張到有兩個舖位，大左好多，位置亦都多左好多，又舒適左，所以唔會好似以前咁要等好耐位。
🤵🏻🤵🏻♀️🤵🏻♂️服務：店員服務態度都ok，見佢都會同未嚟過嘅客人講下店舖有咩特式/推介，上菜/執枱速度亦都好快，落單就係用QR code落單，介面都好清晰。
💰💸價錢：今日兩個人叫左2個晚餐，加埋3個小食，再加埋咖吔多士做甜品，餐飲轉埋特飲，埋單都唔洗$300，份量其實3~4個人都夠食，呢個價錢加咁好嘅質素，一定係抵。
🐲💬總結：大約係佢年半前剛開張已經有食開呢間，真心覺得唔錯，雖然個時成日要等位，但都會成日幫襯，而家佢間舖大左就更加好，價錢又抵，質素又高，推介大家可以嚟試下。
推薦指數：❤️❤️❤️❤️❤️
難得兩個姊妹可以偷到少少時間一齊食午餐，當然要食好啲，之前食過外賣都覺得好好食，今次再黎食過，
—
星洲龍蝦叻沙摻摻
一上枱見到成舊龍蝦🦞好正，喇沙味好正勁喜歡，食到米粉同油麵兩種唔到口感。
—
鮮油咖映多士
見到多士入面夾一塊厚厚牛油，嚇親，但是食落去滑好正。食完都覺得好飽。
—
鴛鴦海南雞飯
雞腎好好味，好有口感，
啲雞食落去好滑⋯
—
雪糕奶茶
第一次飲雪糕奶茶好正，
奶茶再溝雪糕個味道好有奶味。
—
椰青
勁大個，仲要勁新鮮，
服務
內用
餐點類型
午餐
走地雞萬歲
來試一次下午茶，點了海南雞飯（$60）轉肉骨茶（+$10）配凍咖啡走甜（+$3）
整體是高質的！
海南雞淋滑有雞味，3款醬有自己特色，薑茸有點沙薑味，橙紅的辣醬剛好帶一點辣，黑醬油則很杰身但不重甜。
雞飯粒粒分明有雞湯香和香料
肉骨茶是胡椒那種，配2條豬骨1件豆卜，不錯。
凍咖啡走甜的咖啡亦好飲。
在荔枝角和長沙灣間的轉灣位，下午茶都不缺乏食客。
下午茶海南雞飯在這區叫價$60，可見對自己出品的信心。
明顯價格反映質素。
另外，裝修新淨有特色，座位空間可以，衛生算好。
服務員勤快有禮。
會再黎，希望試其他出品。
無得頂，海南雞食轉埋肉骨茶，下午茶餐$68。雞夠滑勁有雞味。個所謂油飯唔同出面食既油飯﹏又香又一粒粒。
疫情咁耐最掛住就係新加坡🇸🇬 次次去到一日三餐都狂食海南雞飯 真係好懷念 聽講長沙灣呢間食星馬野超正宗 即刻撲過嚟試試🤤
❣️豐盛海南雞飯(半隻) $128
半隻雞都咁大碟 雞飯用上特定份量電飯煲煮 令每粒飯都平均可以吸收到🐥油同斑蘭香 雞件則用上日本花菇🍄元貝同廿種香料一齊烹調 份外入味😋
❣️ 砂煲新加坡白胡椒肉骨茶 $120
新加坡潮式肉骨茶做法以胡椒味行先 即使係咁湯底亦做得比較清淡易入口 食唔慣重口味嘅都一定一試難忘🤩煲湯時仲加入豆卜 吸盡肉骨茶精華 一咬噴湯 胡椒味持續喺口腔徘徊 冬天飲極度暖身💗
❣️鮮油咖吔多士 $28
好耐冇食過啲咁邪惡嘅嘢🤤烘脆左嘅麵包餘溫溶化兩片不吝嗇嘅牛油🧈麵包完全吸收 咖哋醬加上微鹹嘅味道 仲有牛油嘅涼浸浸嘅口感好似食緊甜品 店員仲好貼心提醒記得趁熱食💜
❣️ 怡保扎肉雞絲湯粿條 $55
芽菜、通菜、扎肉、雞絲完全遮住曬個麵 超級足料🥳 四片扎肉超大塊 唔似出邊嗰啲得扎肉粒或者扎肉條 去咗皮嘅雞絲依然保留到肉質滑溜嘅口感 將青🍋同🌶加入湯中 粿條配搭清甜嘅湯底 就算食晒成碗都唔會飽濟
❣️凍椰奶 $12(跟餐價)
飲完香濃胡椒味嘅肉骨茶 最後用一杯冰凍嘅椰奶結束 即使食到啲冰融晒都唔會話將濃稠嘅🥥香味溝淡 超級推薦❗️
服務
內用
餐點類型
晚餐
推介下午茶$58招牌海南雞飯 配 雞雜冬瓜湯
加$10就可轉輕怡白胡椒排骨茶
主打海南雞，名副其實又吾貴
服務
內用
餐點類型
午餐
餐點：4
服務：4
氣氛：5
早前同朋友黎長沙灣蘇山雞飯食lunch，估唔到咁好食，一定會再幫襯🤣😍 我同朋友叫左2個lunch set 同 2款小食，咁小食跟餐叫會平D！！我同朋友都係揀左熱檸檬薏米水，唔洗額外加錢🤣 餐廳係用QR code落單，好方便同埋上菜都好快👍🏻👍🏻
🔹招牌海南雞飯 $68 油飯好香！！同平埋黃色油飯好唔同，呢個食到少少焦香飯焦香味😋雞雜冬瓜湯好大碗，入面都好足料好多冬瓜同雞腎，湯好清爽👍🏻 海南雞雞肉唔係話好嫩滑個款，但係雞皮係爽口彈牙，好驚喜🤩
🔹新加坡白胡椒排骨茶配白飯+油條 $65 油條好脆，浸落湯度同豆卜一樣吸曬湯汁👍🏻👍🏻排骨茶飲到胡椒味外，仲會飲到淡淡當歸味😋排骨煲到好淋，D肉好易咬但又唔會煮到太老好嚡，沾埋甜醬油膏好食！
🔹鮮油咖央多士 $18 好邪惡！！鮮油有厚度😂咖央醬落左好多，好甜😂一口落去多士，牛油開始溶連埋D醬，好食但邪惡😭😭食一件就夠啦🙈
🔹麻辣玻璃魷魚通菜 $28 真係麻同辣，唔會只有辣冇麻，醬汁既辣係可以接受唔會過辣，但食食下就會開始麻👍🏻👍🏻 玻璃魷魚係彈牙咬得開👍🏻👍🏻
環境十分濶落，卡位設計坐得舒適又夠私隱度，夜晚去又唔會趕人走。
鮮油咖央多士嘅多士烘到金黃色，入口脆卜卜好香口。每件都滿滿地塗上香滑咖央醬再夾厚厚嘅鮮牛油，口感香濃又邪惡
Susan豬手飯：分量極多，豬手質感有彈性。多汁味道好入味，撈飯一流。另有花生同酸菜做配菜，酸菜好爽口，味道帶咸酸，食落非常開胃又解膩。
招牌海南雞飯：雞肉無骨好鮮嫩，有雞味，雞皮爽滑！油飯口感好似有啲飯焦咁好有咬口，油香味重帶有斑蘭香，但一啲都唔覺得油膩。
參巴醬通菜：通菜好鮮嫩爽脆，參巴醬汁好香好濃，炒得好有鑊氣。
雪糕斑蘭奶茶：奶茶茶底好滑，斑蘭味亦好突出，仲加埋雲呢拿雪糕，雪糕控嘅我覺得呢個飲品無得輸！東南亞style 嘅奶茶，味道會比港式偏甜少少。鍾意甜味嘅人不容錯過。
恐龍美祿：餐廳落大量美祿粉，攪拌後飲味道好濃郁
服務
內用
餐點類型
晚餐
不好
驚人的雞肉飯。雖然有點鹹而且貴。
📍蘇山雞飯 (長沙灣)
成日喺IG見到有人介紹呢個蘇山雞飯，我呢個海南雞飯迷終於黎到試下啦😚！佢地既環境都幾寛敞，坐得幾舒服。餐廳採用左掃QR code既方式落單既，非常方便衛生！佢地既食物選擇都幾多，而且價錢好親民。落左單之後5-10分鐘左右就上齊哂菜，👍超快捷!!
𝑰𝑻𝑬𝑴𝑺 𝑶𝑹𝑫𝑬𝑹𝑬𝑫:
▪️豐盛海南雞飯(招牌海南半隻 配
雞雜冬瓜湯及油飯一碗) ($128)
🐥海南雞有足足半隻，份量十足。呢到既雞係文昌雞黎，雞肉皮薄肉厚，仲係無骨架，食落啖啖肉超正！🥰雞肉既肉質好肥美嫩滑，肥瘦均勻，雞味濃郁，而且一定要連埋雞皮食呀，雞皮既光澤好靚，望落好油亮吸引，口感爽滑。佢地跟配既3款醬汁都好出色，分別係黑醬油、薑蓉同酸辣汁，一定要點黎食呀！🍚油飯係偏乾身既，粒粒分明，充滿雞油香味，唔會太過油膩。💕而雞雜冬瓜湯好好飲，味道好清甜，湯入面好足料，雞雜更加令成個湯嘅味道昇華左，變得更加鮮甜！
▪️拿手三寶飯(海南雞＋豬手＋滷蛋) ($88)
另外都想試吓佢哋嘅豬手所以就點左呢個拿手三寶飯，入面有齊晒海南雞、豬手同滷蛋。🐷豬手煮得好腍身，皮香肉滑，肥瘦均勻，好入味！佢都係會配埋雞雜冬瓜湯同油飯，好豐富，呢個價錢黎講性價比超高!!
▪️鮮油咖央多士 ($28)
呢個多士會係我超想encore既原因！😍佢係超邪惡之選，金黃香脆既多士入面塗滿左咖央醬同夾住勁厚既牛油🧈，塊牛油甚至仲厚過塊多士！多士既餘溫將塊牛油慢慢溶化，食落好濃牛油味好香甜，同時唔會覺得油膩，咖央醬仲有好香既椰香味，超正!! 😈雖然食呢個係好肥但係都願意為左佢而肥~
▪️迷你星洲叻沙 ($38)
😚好開心叻沙有迷你版，咁就可以同時試哂海南雞飯同佢~ 叫得做迷你叻沙但係都好足料，有豆卜、蝦、魚蛋、魚片等配料。湯底味道好濃郁，有好香嘅椰汁味。🍜入面混合左油麵同米粉，口感豐富，整體食落好滋味！
▪️凍恐龍美祿 (+$18)
恐龍美祿面層有好多美祿粉，超吸引！🦖呢到既美祿味道濃郁，奶味偏重，甜度剛剛好，幾好飲~
𝑨𝑫𝑫𝑹𝑬𝑺𝑺:
📍長沙灣元州街411號義華大廈地下
G/F, Yee Wa Building, 411 Un Chau Street, Cheung Sha Wan
#蘇山雞飯 #hkfoodie #foodie #hkfood #HongKongFood #HongKonger #hkfoodblog #foodstagram #hkfoodlover #instafood #hkrestaurant #foodporn #香港美食 #長沙灣美食 #長沙灣 #相機食先 #香港好去處 #食好西 #打卡 #打卡美食 #香港美食
蘇山雞飯 (長沙灣)
.
麻辣玻璃魷魚通菜- 30幾蚊好平所以份量唔係一大碟但都好夠食，仲要有玻璃魷魚，通透！
.
鮮油咖央多士-超邪惡之物，勁厚嘅牛油配上炳奶，真係百吃不厭
.
芽菜走地雞飯配白胡椒肉骨茶- 新加坡潮式肉骨茶，一入口就充滿胡椒味但絕不肥膩！要一讚呢到連個油飯都勁好食，有雞油香，雞件又嫩，呢個套餐真係推介大家到來必叫
.
胡椒海南羊腩湯跟油飯- 暖身滋補之選，同上面嘅走地雞類似，但想食羊嘅絕對要叫！羊腩本身就暖胃，再加上有胡椒湯做底
.
咖哩牛筋腩烤餅- 可跟飯或烤餅，但個人推薦後者，夠酥香，咖哩唔會太辣，牛腩牛筋海量仲要係燘煮左好耐，無牙都食到勁腍！
.
星洲叻沙摻摻- 蛋，大蝦🍤丸，青口等，轉米粉更加索味，但唔算椰奶味好重，偏微辣
.
特色小食拼盤 – 多人食先好叫🤭因為好多野食，有雞翼，魚餅，鳳尾蝦春卷等全部香口又好食！
.
蘇山雞飯 (長沙灣)
長沙灣元州街411號義華大廈地下
見到食物的擺設，提供食具的質量，係細心嘅。
如果食物質素再保持得好啲就更好。
下午茶：招牌海南雞飯+輕怡排骨茶 $70
排骨茶喊左少少，雞飯好好味
好味道👍 …
海南雞飯同冬瓜湯都好味， 價錢貴少少但係整體質素滿意
服務
內用
餐點類型
午餐
🐓蘇山雞飯
同朋友去長沙灣搵雞食, 去到已經排晒長龍,都等咗一陣
見個套餐都幾吸引,再簡幾個小食嚟試吓
🐓海南雞飯配雞雜冬瓜湯 HKD$78
份量十足, 用既係文昌雞, 雞味濃, 雞皮爽滑, 肉質肥美
🥣雞雜冬瓜湯
好清甜飲落似冬瓜盅, 雞雜有雞心同雞腎, 食落新鮮冇腥味爽口
🐓獅城芽菜走地雞飯配輕怡新加坡白胡椒肉骨茶 $88
用既走地雞, 雞皮爽口, 啖啖肉
唔點汁都食到雞既鮮味
啲汁配埋大豆芽菜一流
🍲肉骨茶
同傳統嘅肉骨茶唔同, 唔係好重藥材味
佢係白胡椒味重個種, 清淡得嚟易入口
有3件肉排同豆卜, 豆卜索哂啲湯, 勁入味
2個套餐都跟咗
油飯:飯粒軟硬適中. 油香重但唔油膩, 好香斑蘭同乾蔥味
黑醬油、薑蓉，酸辣醬比較惹味, 酸酸辣辣幾開胃
🍤脆炸鳳尾蝦春卷(4件) $32
用絲網狀嘅春卷皮夾埋鳳尾蝦同蝦仁肉拎去炸, 炸得夠脆口
🥗參巴醬通菜 $20(跟餐)
微辣,惹味開胃. 通菜夠新鮮
🧈鮮油咖央多士 $28
勁厚牛油, 勁重牛油味但唔油膩. 多士夠脆,味道甜甜地
恐龍美祿 $9(跟餐)
味道濃郁, 唔太甜. 最頂鋪滿哂美祿粉
青檸菠蘿梳打 $9(跟餐)
多菠蘿粒, 清爽解膩
2個人埋單 $264
又套餐又小食仲要有特飲，一人都係一百多少少
淨係食餐其實都夠飽，有飯又有湯
嚟開呢頭既朋友真係可以試吓
不過就早啲嚟，如果唔係又要等好耐🙌🏻
高質星馬菜
海南雞飯果然世一😋晚餐CP值都好高！
獅城芽菜走地雞飯🐔
配輕怡新加坡白胡椒排骨茶 $90
雞肉超級爽滑😍佢既雞飯每粒飯都可以吸收到雞油和斑蘭嘅香味！
跟飯仲配輕怡新加坡白胡椒排骨茶，屬新加坡式以胡椒味行先。
星洲龍蝦🦞叻沙掺掺配鮮油咖央多士$128
大大隻半邊龍蝦😍真係足料，肉質爽口彈牙！
鮮油咖央多士，熱熱的包半溶牛油👍🏻
順化炭燒豬肉串,免治豬肉食落都可以彈牙👍🏻
🧈鮮油咖央多士💰$28
極邪惡但不能不吃🤣牛油好厚身，好香咖央味，又甜又香，快啲食先食到多士仲係脆口嘅口感🉐
🐥招牌海南雞飯配雞雜冬瓜湯💰$88
海南雞好滑，可配白飯或油飯，冬瓜湯清清地都幾好味
🦴砂煲新加坡白胡椒肉骨茶💰$120
第一次食肉骨茶，幾清但又好濃胡椒味，肉骨都好多肉可以食到，唔會太鞋口，幾鐘意濃郁胡椒味
🥬參巴辣蝦醬通菜💰$38
好濃味嘅參巴辣蝦醬，好開胃食唔停口
🥥超冰凍椰青💰$42
好清甜，好耐無飲，夏天飲好爽
芽菜雞飯加咗個肉骨再加多個參芭醬通菜：啲雞口感都唔錯，芽菜都幾好味，個參芭醬通菜咸咗啲，重有個油飯就一般，味道唔係好突出，整體都可以。個醬有豉油、蒜泥同酸醬，唔係太特別。
服務
內用
餐點類型
午餐
餐點：3
服務：3
氣氛：3
整體食物都唔錯 價錢合理
海南雞，鮮油咖央多士，豬肉串同恐龍美祿
招牌海南雞飯配雞雜冬瓜湯 $80
海南雞飯必備3款醬有齊，海南雞都幾嫩滑，重點係個雞飯好好食🤩個人覺得將薑蓉撈埋落個飯度好惹味😆如果唔鍾意食咁多飯都可以叫少飯～冬瓜湯都係好多料，味道唔會清淡👍🏻
另外加咗$35配輕怡拼盤，有春卷、魚餅、滷蛋、雞翼尖😃叫咗呢個拼盤就完全可以話唔使再叫小食，因為咩都有齊🤣滿足晒所有希望🤣
獅城芽菜走地雞飯配輕怡新加坡白胡椒排骨茶 $90
走地雞加咗啲特製醬汁好好食！排骨茶嘅胡椒味都算濃，岩哂秋冬暖笠笠🔥仲有兩件排骨，性價比高啊👏🏻
另外加咗$20要參巴醬通菜，呢個價錢以為細細碟，點知黎到好surprise😳似正價嘅一碟菜！叫咗走辣，都好惹味😋值得加錢叫👍🏻
仲記得疫情前去左次新加坡，雖然人人都話新加坡無嘢好玩，但我覺得馬拉嘅食物好岩我胃口，好好味😋今次黎左食呢間位於太子既蘇山雞飯，位置係太子地鐵站附近一出就見到，好易搵同就腳，滿足下我想食星馬菜嘅慾望😍
鮮油咖吔多士 $28
嗰塊鮮牛油真係好邪惡好好味😆，多士烘得啱啱好卜卜脆，咖吔味道唔會好假，唔會過甜，推介🥰
胡椒海南羊腩煲配油飯 $118
呢個係冬季限定，今日咁凍冰冰叫呢個就啱晒啦！上枱嘅時候仲要熱到出晒煙，食完個身真係會暖笠笠。羊肉望落都有七八舊，好足料，我好鍾意食羊腩，呢個羊唔算好羶，配菜仲有好索湯嘅豆卜同蘿蔔。
獅城芽菜走地雞油飯配白胡椒排骨茶 $95
見到幾乎每台都有嗌呢個雞飯，我哋當然梗係要叫黎試吓啦，雞肉好嫩滑，而跟餐既油飯真係好好味，同平時出面街食到嘅油飯唔同，油飯有淡淡嘅斑蘭嘅香味同索晒雞油，好好味，食咗一碗真係唔夠喉，下次黎要叫多飯先得🤤🤤而肉骨茶胡椒味香濃，唔係平時見開黑蚊蚊嗰隻，呢隻比較清淡易入口，一樣咁好味。跟餐+$20叫左小食順化炭燒豬肉串（3串），外皮香脆肉汁好juicy👍🏻👍🏻
恐龍美綠 跟餐+$12
表面鋪咗滿滿嘅美綠粉，真係超邪惡嘅肥仔水，但真係好好味😋😋推介大家唔怕肥嘅話都可以叫黎試吓🥰
🎈 蘇山雞飯 (太子)
太子彌敦道759-761號藍馬之城地下2-3號舖
朋友整親隻腳🥹
所以就佢去左佢屋企附近果邊食飯
佢就話要帶我試佢個飯堂 蘇山雞飯🤣
🐓 豐盛海南雞飯(半隻) $128
叫得蘇山雞飯 唔係唔食雞飯掛
朋友都話佢個雞飯好食 所以嗌左半隻share
但放心佢係有其他少啲平啲既選擇的
就算一個人食都唔怕食唔哂😜😜
最後黎到果然無令我失望
雞既份量好多 話半隻係無呃人😋
而且肉質鮮嫩 而且雞皮爽滑
最正係佢個油飯一啲都唔漏
有雞油同斑蘭香味 但又好乾身唔係好爛好濕果種👍🏼
🦐星洲叻沙摻摻 $62
好癲 想講呢個啲配料多到嚇親
有豆卜 魚片 魚蛋 海蝦 蛋 青口 通菜😱
有種淨係食配料都飽嘅感覺 超豐富🤤
同埋出面唔係間間都有得食摻摻
呢到仲可以簡摻摻 食到兩種口感
而且個湯好濃 椰香味十足
🥬 參巴辣蝦醬通菜 $38
同出面既普通蝦醬唔同 好特別
鹹鹹辣辣 非常惹味
而且通菜好爽口 最緊要無渣👍🏼
🥪 鮮油咖央多士 $28
呢個好推薦 食左咁多鹹野可以當甜品😋
多士哄到好熱好脆身 但又唔會燶底
再配上咖央醬 仲有舊半融厚切牛油
雖然真係好邪惡但超好食
不過建議呢個要兩份分
如果唔係真係太漏啦🤪🤪
麻麻地 食物大部份太油膩。
湯太鹹。
服務
內用
餐點類型
晚餐
餐點：2
服務：4
氣氛：4
建議的餐點
招牌海南雞
停車位
停車不方便
附近的停車場
不提供停車位
停車場
沒有
食物質素相當不錯，性價比很高。食物種類很多，叫到一枱都係!!最喜歡砂煲白胡椒肉骨茶 白胡椒味突出，比較輕盈。鮮油咖央多士 都係必食!!熱量爆炸，但係好滿足~
服務
內用
餐點類型
晚餐
建議的餐點
鮮油咖央多士, Toast, 砂煲新加坡白胡椒肉骨茶
最近愛上食星馬菜，肉骨茶、咖央多、叻沙等都係「賣飛佛」
今次嚟到「蘇山雞飯」潮聖一下
裝修帶懷舊馬拉餐室風格，木系檯櫈配藍調椅背，座位寬敞；牆上掛著一些浮雕，整體感覺簡約優雅
正值下午茶時間，點咗幾個下午茶餐，實惠抵食更奉送飲品，又可以優惠價轉特飲/椰青/手作蛋白杏仁茶
🔹招牌海南雞飯配雞雜冬瓜湯 $60 (轉輕怡排骨茶 +$10）
▶招牌海南雞飯
正宗的海南雞，配三款醬料：酸辣汁，薑蓉及甜醬油
雞皮軟滑帶啫喱層，雞肉嫩滑，用上日本花菇，元貝及其他香料調味；酸甜汁最醒胃，薑蓉配油飯最夾
油飯濕潤帶雞油及斑蘭香味
▶️輕怡肉骨茶
肉骨茶屬新加坡潮式做法，以胡椒味行先，湯底清淡藥膳味道輕柔易入口
兩件排骨均帶軟脆骨，排骨肉厚豬香重
推介指數：9/10
🔹星洲叻沙摻摻 $55
(豆卜，魚片，魚蛋，海蝦，芽菜，通菜，蛋，青口)
材料豐富入味，配料大多有兩件
青口鮮味；海蝦爽鮮；魚片彈牙帶魚味；魚蛋爽彈；豆卜吸湯力強
摻摻係油麵及米粉；油麵嫩滑，米粉連湯食夠滋味
湯底濃而不膩，椰香味重
推介指數：9.5/10
🔹麻辣玻璃魷魚通菜 (少辣) $48
碧綠的通菜鮮嫩爽脆，玻璃魷魚呈透光狀態，煮得夠腍
麻跟辣的比例剛好，夠惹味
推介指數：8.5/10
🔹Susan 雞翼 $38
非常細心的跟上半個青檸以減炸物油膩感
雞翼外皮香脆，內裡嫩滑，經油炸後仍能保持肉汁，雖為油炸油卻不多
推介指數：9/10
🔹鮮油咖央多士 $32
烘至焦脆的多士夾著厚厚的鮮牛油
即使放涼後才吃多士仍保持脆口
有鹽牛油鹹香重，呈半溶狀態，同咖央醬完美結合，甜度適中
即使已經食飽還是不由自主地將它吃光
推介指數：10/10
🔹手作蛋白杏仁茶 (下午茶餐 +$25)
叫咗兩份，份量充足的甜品
食得出係鮮磨杏仁而非使用杏仁精，杏仁味香醇
蛋白超香滑，甜度適中
推介指數：9.5/10
🔹熱鮮檸檬薏米
加入冬瓜粒
檸檬新鮮夠香，薏米份量足味道突出
用以解膩係一流
推介指數：9/10
免加一埋單$2️⃣9️⃣3️⃣
整體用餐體驗非常滿意，食物質素超出預期，基本上無可挑剔，加上價錢貼地親民，性價比超高
朋友也不斷大讚，絕對係值得回訪的餐廳
服務
內用
餐點類型
午餐
鑑於這是一家雞飯專賣店，我會給這家三星級的評價，因為我希望它是非常正宗的雞飯。然而我覺得這種雞飯對於我熟悉的任何類型的雞飯來說都不是正宗的。它不是特別泰國，不是新加坡，也不是怡保。成分質量不錯。這三種醬料都不太對。我想如果你想吃雞飯並且恰好在這個地區可以來這裡嘗試一下。
服務
內用
餐點類型
晚餐
一向都喜歡星馬菜，在長沙灣的「蘇山雞飯」是住在附近親友的介紹，這家主打星馬菜的小館，絕對是平靚正的街坊飯堂。餐廳地方不少，而且頗深長，一室木系配上藍調座位，地下黑白色大方格地磚，帶點馬拉懷舊茶室的風情，加上牆上掛了不少浮雕木繪，讓簡潔的裝修又不失雅氣。
菜式選擇多，由招牌雞飯、推介、湯粉、蔬菜、小食、特色飲品到甜品，都充滿星馬風味，此外，亦有一系列午餐、下午茶、個晚餐精選……等等，已有多款招牌菜式供選擇，包飲品，並有多種升級及加配優惠，難得價錢貼地 ，又不收加一。
以優惠價加配了「順化炭燒豬肉串」及「參巴醬通菜」，主食選了「獅城芽菜走地雞飯配輕怡新加坡白胡椒肉骨茶」及「星洲龍蝦叻沙摻摻配鮮油咖央多士」，餐飲同樣地揀了「鮮檸檬薏米水 」，果然抵食，百多元就吃到捧着肚子走，而且，味道非常之好，做得很有地遁風味，例如走地雞皮下近乎零脂肪，肉質嫩滑，雞油飯色香味全；叻沙亦出色，更伴一整份鮮油咖央多士，大滿足。
多謝親友推介，招呼也很好，值得再光顧！
服務
內用
餐點類型
晚餐
有天經過看上不錯，下午茶價錢合理，便試一試，10分滿分享，可有6分，整體上可以，飯可以熱些，不至於生冷邊，雞不夠滑，冬瓜湯反而夠熱，湯裡內脏好吃，滲滲味道不錯，份量夠，叻吔三文治略貴
2023-1-6
濶別一年再光顧，怎麼水準差了那麼多，海南雞飯，飯不熱，冬瓜湯好喝，雞一般，靠醬汁，但給的醬汁太少，老公要的叻沙，味道偏淡，套餐跟正餐的價錢差不多，它開了分店在太子，有機會試試分店的味道
餐點：3
服務：4
氣氛：3
🚸 咖哩同杏仁茶好正
🥢咖哩牛筋腩配薄餅：牛筋腩炆得好淋，咖哩充滿椰香🥥，好有東南亞風味！
🥢Susan 豬手飯：豬手皮厚彈牙😳，用黑豉油調味，甜甜地當冷盤食又得。
🥢小食拼盤：小食夠特別，有自家製黑椒扎豬、鬆脆鳳尾蝦🍤春卷等，同朋友share啱啱好！
🥢蛋白杏仁茶：✨冬季推介✨，蛋白好滑，杏仁味唔太重，飲完暖呼呼舒服曬😌。
味道：🔅🔅🔅🔅
新鮮：🔅🔅🔅
分量：🔅🔅🔅
速度：🔅🔅🔅🔅
（5🔅為滿分）
服務
內用
餐點類型
晚餐
好好食
服務
內用
餐點類型
午餐
建議的餐點
招牌海南雞
雞肉飯和豬腿飯味道鮮美，而且價格合理。其他菜也不錯。
服務
內用
餐點類型
午餐
餐點：3
服務：2
氣氛：3
📍 蘇山雞飯 Susan chicken rice
🌍 長沙灣元州街411號義華大廈地下
G/F, Yee Wa Building, 411 Un Chau Street, Cheung Sha Wan
📝 整體評分：9／10
🥢砂煲白胡椒肉骨荼🥢 $120
以白胡椒為主，藥材味唔重，清淡易入口，餘韻回甘。肉骨荼唔少得既肉都係勁多，蘸稠密醬油，甜甜蜜蜜。以為淨湯，仲包飯，份量勁多。
🥢孖寶芽菜走地雞飯🥢 $90
呢到D雞好正，皮薄嫩肉，淋上炸蒜油，味道係印尼撈麵個蒜油，仲要更香~其實食完呢飯都飽，仲有碗喇沙，very full!
🥢Susan豬手飯🥢 $78
豬手Q彈，醬油香濃，配酸菜同燈籠椒辣醬，多重刺激~
Add-on小食🥢Susan雞翼🥢 $28/3隻
香脆外皮多汁雞肉，雖然唔係好大隻，但係是雞全翼~
🐥招牌海南雞飯配雞雜冬瓜湯
掂呀！雞肉嫩滑，皮薄爽脆，仲有D呈啫喱添( ´▽｀)配埋三色醬(黑醬、薑蓉、酸辣醬）一絕👍🏻
雞飯出色✨ 每粒飯都吸收囇到雞油和斑蘭嘅香味，食曬成碗都唔覺油膩😚 …
長沙灣呢邊成日聽到啲街坊有介紹話好好食，今晚可以一睹風采啦🤩行到入去，佢真係好好生意，不停有外賣單，堂食客又不停入🤣我見7點已經要等位！
走地雞半隻+雞雜冬瓜湯+油飯 $138
聽到店員介紹話想食嫩嘅就食雞，而走地雞啲肉相對比較實淨!!無叫錯！好高質，都無嘜脂肪同無想象中咁硬！雞皮亦好彈牙，中間有一層
啫喱咁好好食🤤有啲芽菜係底，我哋都食哂！
龍蝦摻摻+鮮油咖央多 $128
性價比非常高！強烈推薦里個餐！一次過滿足兩個願望！龍蝦有半隻，都幾大隻，而且湯底好好味，唔算好辣😍不論係米粉定係油面都好正!!
鮮油咖央多-簡直係邪惡之選🤣中間嗰層牛油好厚，但夾住脆卜卜嘅多士，令人好難抗拒!!如果唔係因為健康我會食多好多🤣🤣🤣
拿手三寶飯 $88
相對比較失色少少！不過勝在食物種類多，好豐富!!有滷水豬手，滷水蛋，豉油雞😗豬手好淋好入味👍🏼同樣有湯有飯！
特色小食拼盤 $78
超抵食呀!!有成5款野食，包括雞翼，炸雞，炭燒豬肉串，蝦卷，魚餅!其中入面豬肉串同雞翼最好食😍得2串豬肉串唔夠喉，我再加$20要咗3串🤣🤣雞翼外脆內juicy!!
蛋白杏仁茶 $38
真係有蛋白㗎!!成個甜品唔會太甜👍🏼同唔會太杰，好食咼！
=====================
蘇山雞飯 (長沙灣)
長沙灣元州街411號義華大廈地下
=====================
服務
內用
餐點類型
晚餐
建議的餐點
鮮油咖央多士, Hainanese Chicken Rice
滋味正宗海南雞+ 新加坡肉骨茶飯
蘇山雞飯 （長沙灣）
～～～～～～～～～～～～～～～～～～
小編 一向都對海南雞飯情有獨鍾，今次來到長沙灣蘇山雞飯試下佢哋嘅海南雞飯同埋正宗肉骨茶飯～～～～
今次小編order 了 海南雞飯加肉骨茶，辣死你媽，招牌介鴦多士，班蘭雪糕奶茶🥰🥰全部都非常有特色～～～
海南雞飯，油飯吸收了雞油和斑蘭嘅香味，味道一流， 配上無骨海南雞，超級正宗～～～～另外新加坡白胡椒肉骨茶，湯底比較清淡易入口，兩種配料超撘～～～
味道：8／10
賣相：8／10
環境：8／10
服務質素：8／10
✏️總體評分：8／10
📍蘇山雞飯
長沙灣元州街411號義華大廈地
服務
內用
餐點類型
午餐
高質海南雞飯
今日去左長沙灣上左之前間公司搵舊同事聚下舊，傾到興起甘岩又夠鐘收工甘就一於就一齊食個飯，係到講返以前公司既趣事😂同事話想食海南雞飯就係附近搵到呢間蘇山雞飯，一於就試下佢😎
.
望到餐牌好多野都想食，不過我地成日都眼闊肚窄🤔諗左好耐最後叫左兩個飯一個小食同一個多士，下次要試埋佢哋個喇沙😩
.
獅城芽菜走地雞飯配輕怡新加坡日胡椒肉骨茶 $90
走地雞肉質嫩滑結實雞皮滑溜唔油膩，雞肉底下墊既芽菜爽口入味，油飯好惹味，每粒飯都吸收到雞油同班蘭既味道😍
.
肉骨茶唔會好重胡椒味亦唔會有好濃既藥材味，呢個味道係我想要既味道，平時飲既都好濃藥材味所以係我印象中肉骨茶係唔好飲😂今日飲完呢個肉骨茶個味道我鐘意啊！而且仲有大舊豬肋排係入面
.
巴東牛肉配江魚仔椰漿飯 $78
本身係配椰漿飯，不過我加$5轉左油飯，好難得唔係食海南雞飯都可以有油飯食😉油飯惹味，每粒飯都吸收到雞油同班蘭既味道😍牛肉好腍配埋辣醬一齊食好惹味
.
炭燒豬肉串(三串) $20 (加配)
呢個豬肉串同我想像唔同，我以為係好似泰國個隻豬肉串燒😂原來佢係豬肉棒，豬肉似免治豬肉但係好juicy唔會好乾，不過就唔太食到炭燒香味
.
鮮油咖央多士 $28
烘過既多士再夾上厚厚既牛油，就算擺到最後先食都唔會林依然仲係好脆，牛油半溶咬落去好creamy再加埋咖央醬，係完美既組合！食完雖然好有罪惡感但係又好好食(´▽｀)肥？唔理啦，食左先減啦😂
.
熱鮮檸檬薏米 (跟餐)
檸檬新鮮夠味而且薏米份量多亦唔會太甜
.
乳酸碟豆花梳打 $12
顏色好靚，乳酸味濃，好飲！
服務
內用
餐點類型
晚餐
獅城芽菜走地雞飯配輕怡新加坡白胡椒排骨茶 $90
雞肉🐓有質感又易咬，就算雞胸都唔嚡口🥰，而且有淡淡嘅雞香味☺️。
油飯🍚偏深色，以為會好鹹😅，原來唔會，不但止唔鹹，仲好香好好食😋，而且香得嚟又唔油膩🤗。
肉骨茶🍵有少許中藥味，還帶有白胡椒的香辣味道，入面仲有2️⃣嚿大大件嘅一字排骨，排骨一咬就骨肉分離😋。我friend 其實不太喜歡帶有中藥味道嘅食物，但呢個排骨茶，佢越飲越覺得好飲😂。
星洲龍蝦叻沙摻掺配鮮油咖央多士 $128
有半隻龍蝦🦞，肉質爽彈有蝦味😋，油麵和米粉煮得剛剛好，湯底香濃帶椰香🥥味，配料非常豐富。所有材料掛上湯汁，真係非常好食😋。
🧇多士烤得香脆，加上厚切鮮牛油🧈，一口咬下，滿口牛油香味又帶咖央的獨特味道，好邪惡😈，但好好味😆！
Susan 雞翼(三隻) 跟餐+$28
加$28竟然有雞全翼🫢？！而且絕不欺場，隻隻都炸得皮香肉嫩，而且係即叫即炸，熱辣辣🔥，特別好食😋。
順化炭燒豬肉串(三串) 跟餐+$20
🐖肉串似漢堡扒嘅質感，外面燒得焦香🥰，入面又好juicy😋。
青檸菠蘿梳打水 跟餐+$12
淡淡的青檸味加上菠羅🍍香味，混合梳打水，非常清新又解膩🥰。
雪糕班蘭奶茶 跟餐+$12
班蘭與奶茶味道好夾，非常好飲😋。上面又有雲尼拿雪糕球🍦，慢慢溶咗之後，全杯奶茶更加creamy🤤。
整體而言，食物分量多又好味，叻沙🍜和雞飯🍚真係非常出色，而且價錢又合理，絕對值得回頭再去❤。
服務
內用
餐點類型
晚餐
餐點：5
服務：5
氣氛：4
下午茶$120有湯有飯包野飲 可以多飯少飯👍🏻👍🏻QRcode落完單兩三分鐘就有得食 …
味道還可以，啲雞唔夠滑，而且坐位太迫，其他冇乜大問題
服務
內用
餐點類型
晚餐
餐點：4
服務：4
氣氛：3
建議的餐點
招牌海南雞
餐廳環境闊落，光線充足，菜式選擇眾多！
🔹星洲龍蝦叻沙摻摻配鮮油咖央多士
呢個份量十足，大大隻龍蝦好吸引。
🔹獅城芽菜走地雞飯配輕怡新加坡白胡椒肉骨茶
大大碗油雞飯配上海南雞，真係好吸引！
《蘇山雞飯》 ▪️▪️▪️▪️▪️▪️▪️▪️▪️▪️▪️
🔸檳城黑豉油叉燒油飯配魚丸湯 ($80) 黑豉油叉燒調味上帶有少少甜味，非常適合配油飯食~ 🤪叉燒頗有口感，亦不會太肥或者太瘦，非常有水準!
🔸海南雞飯配雞雜冬瓜湯 ($78)🐔 海南雞肉質非常嫩滑 ， 油脂滿滿嘅雞皮點上甜酸 、豉油及薑蓉三種醬汁 ， 實在令人食不停口欲罷不能 ！ 鍾意食海南雞嘅絕對要一試🥰
🔸Susan 雞翼 (跟餐+$28)🍗 Cp值極高嘅跟餐小食，完全沒有諗過只加28蚊就可以有雞全翼同雞鎚食! 除咗份量充足之外，雞翼及雞搥都炸得非常鬆脆，配埋檸檬汁解膩，係又抵食又好食 ！ ！
🔸參巴醬通菜 (跟餐+$28) 炒過嘅通菜配埋微辣醬汁非常下飯，菜嘅份量亦都畀得非常多，整體而言兩個小食嘅cp值都非常高😎
🔸恐龍美綠(跟餐+$12) 椰青 (跟餐+$28) 恐龍美綠滿滿既嘅美祿粉真係見到都令人好滿足，兩杯飲品都唔錯，兩者相比味道恐龍美綠會更加出彩😤 🔸鮮油咖吔多士 ($28) 大大塊鮮牛油同埋咖吔醬配埋鬆脆多士~邪惡又好食!絕對係必叫食品😍🌟
▪️▪️▪️▪️▪️▪️▪️▪️▪️▪️▪️
不設加一收費
▪️▪️▪️▪️▪️▪️▪️▪️▪️▪️▪️
今次幫襯📍長沙灣元州街411號義華大廈地下
太子彌敦道759-761號藍馬之城地下2-3號舖
#波比出沒長沙灣 #CheungShaWan #CheungShaWanfood #長沙灣美食 #hkfoodie #hkblogger #foodie #hkfoodblogger #hkinfluencer #hkkol #hkfood #hkfoodlover #hkfoodstagram #hkigfood #igfood #food #hkeat #hkrestaurants #食好西 #香港美食 #餐廳推介 #香港好去處
服務
內用
餐點類型
晚餐
💛好味指數:4.5/5💛
💜回頭指數:4.1/5💜
呢度嘅海南雞飯同肉骨茶都係非常出色，次次都好多人排隊，見條龍唔算好長即刻去食🐥
✅獅城芽菜走地雞飯$95
配雞雜冬瓜湯
雖然呢度嘅肉骨茶好正，但係我更加中意呢個雞雜冬瓜湯，好少有雞雜食，中意嘅朋友唔好錯過！走地雞雞味濃，配怡保芽菜正😋
✅煉奶炸饅頭$36
炸饅頭擺盤幾精緻，仲有把紙扇插係上面，即刻勾起兒時回憶☂️饅頭外脆內軟，最中意點勁多煉奶😍🤭
✅鮮油咖央多士+$15
加咗個咖央多士，如果可以多咖央就更加好🤤啖啖牛油好邪惡😈
✅超冰凍椰青+$35
椰青大大件，相當解渴🥥
📍 蘇山雞飯 (太子)
太子彌敦道759-761號藍馬之城地下2-3號舖