Le Viet
營業時間
| 星期六 | 11:30–23:30 |
| 星期日 | 11:30–23:30 |
| 星期一 | 11:30–23:30 |
| 星期二 | 11:30–23:30 |
| 星期三 | 11:30–23:30 |
| 星期四 | 11:30–23:30 |
| 星期五 | 11:30–23:30 |
服務選項
外帶
內用
無障礙程度
不支持無障礙座位
不支持無障礙停車場
產品/服務
小菜
咖啡
酒精飲料
啤酒
用餐選擇
午餐
晚餐
餐飲服務
甜點
設施
適合兒童
氣氛
氣氛悠閒
環境舒適
客層族群
適合團體
規劃
接受訂位
付款方式
信用卡
剛剛出trip去完越南工幹，放工經過the one呢間越南餐廳，同事就想回味下越南美食，見walk in有位當然要滿足下吧！睇睇menu，價錢都幾親民呢！
兩個女子不是十分肚餓，簡單order 了飲品、拼盤、炒檬粉和鮮蝦卷！
椰汁綠豆冰
椰汁味香噴噴，綠豆份量唔算剛剛好唔會太甜！
青檸疏打
是泰國既疏打水黎喎有驚喜呢，夠冰涼！
坐左一陣小食拼盆就端出來了！炸蝦餅、春卷豬頸肉及紮肉蒸粉皮！
坐左一陣小食拼盆就端出來了！炸蝦餅、春卷豬頸肉及紮肉蒸粉皮！
個人較喜歡吃豬頸肉！豬頸肉肥瘦平均，香口帶有小小麻油味好夠香。不過另外三款小食都很美味呢！
蝦餅熱騰騰食最好味，蝦餅啖啖肉，皮脆脆都幾入味。而春卷就炸得酥脆的，皮不厚面包著菇及肉碎。
紮肉蒸粉皮
入面有鮮味紮肉、面層有麻油、䓤及蒜香。
蝦卷
蝦幾新鮮大大粒，有花生、粉絲及麻油既香，幾野味，可以點埋個甜酸醬幾醒胃！
海鮮炒檬粉
海鮮料也廷多的，材料豐富加了蛋絲，幾香口野味！個人認為熱食較好味呢！
Was having lunch with an India friend, she doesn’t eat pork and beef, so thought this Vietnam/ Thai restaurant has good options.
We went for lunch and the lunch set is a good deal!
.
Bun Cary Bo ($65)
Beef and noodles in curry soup.
With 4 big pieces of beef, the portion is good. Every bit of noodle is full of curry, bravo!
.
Fresh Coconut ($48)
Entire coconut is yours! And I think the layer of flesh inside the coconut.
.
Com Xao Khom Tom ($78)
This is the best one in lunch menu. Fried rice with season in pineapple. Sweet and spur of pineapple penetrated into the ingredients, makes it refreshing and tasty.
.
Iced red bean with coconut milk
Classic drinks I guess, great too.
.
BBQ chicken and Squid Ball
They were so freshly hot, and truly in BBQ favour.
.
Good price and nice food, worth to come again!
Le Viet
前排同朋友去完越南玩，心掛掛想食返越南嘢，見平時呢間嘢咁高人氣，出面望入去環境幾好，價錢又唔貴，咁就嚟試下佢啦?
香茅豬扒湯粉
個湯底落咗好多香料好濃味，河粉質感好滑漏，豬扒煎得好香，香茅味濃烈，咬落仲有肉汁，份量好多，差啲食唔哂?
豬頸肉
我個人本身鐘意食豬，所以嗌多碟豬頸肉嚟食? 肉質肥瘦均勻，外層燒得啱啱好，油脂嘅香味配上麻油嘅香味，好食啊，仲可以配埋酸甜醬嚟食，又幾開胃啵！
大蝦菠蘿炒飯
去親東南亞餐廳都必點菠蘿炒飯，今次都一樣☺ 菠蘿味好新鮮，大蝦真係好大仲好彈牙，肉鬆好香仲多到就滿瀉，飯粒炒得好乾爽分明，全部嘢加埋，Perfect啊！
青檸梳打
青檸同梳打另上，樽梳打個外型好有泰國風味，自己可以一路倒一路飲，清新嘅青檸味配上有氣嘅口感，好過癮??
咸檸梳打
都係梳打水分開上，咸檸味好重，令我喜出望外，配埋冰涼嘅口感，係爽嘅??
Slow service, mediocre food. The waitresses don’t speak English (or barely). The meat in the Pho tasted strange… Like it wasn’t that fresh and it was too thick and chewy. Broth and noodles were ok. The spring rolls were pathetic and thebsize of vienna sausages. There was more salad leaves than pieces of mini spring rolls. When you ask for sauce they give you a tiny saucer rather than the bottle as with most Vietnamese restaurants. Oh did I mention the slow service (20min for a Pho) and that they forgot parts of the order…
今晚約左朋友去The One 睇戲
睇戲之前就當然要食個晚飯先啦
見到呢間Le Viet 價錢唔貴又多選擇
岩晒我地
?超載椰青焗飯
賣相吸引 份量真係超多
用料都頗多
有大蝦 墨魚仔 蜆肉 提子乾 雜菜
而且加入左大量椰漿同椰子肉
D飯食落甜甜地 有少少似椰汁糯米飯
味道唔錯 而且好抵食
?手撕雞撈檬
雞肉唔鞋口 檬粉軟硬度適中
加入了大量芽菜增加口感
最喜歡用來撈檬嘅醬汁 好惹味
?蝦餅
一份有4件 size唔算大
食落真材實料 有啖啖蝦肉
外皮炸得好脆好香口
入面爽口彈牙
?串燒雞
燒得好香 食落唔乾有肉汁
?鮮蝦米紙卷
薄薄嘅米紙包住大蝦 粉絲同生菜
清新又開胃
兩個人食左咁多野
夾埋都係$370
算係抵食 味道又唔錯
價錢偏貴, 味道OK
越南菜, 有波羅飯,檬粉等,味道不錯
✨愛食越式菜✨
我哋選擇入去食個lunch，裝修設計colorful用木制長枱置身於熱帶地方感覺好舒適
.
❥ ❥ ❥
Le viet 招牌飯
聽到個名都好特別仲要系招牌飯真系要試嚇，即煎雞翼皮脆肉質唔’鞋’有少少咸味，有札肉 ✨炸蒜片?加入煎蛋?蛋黃流入白飯撈埋一齊食真系絕配 ?
.
❥ ❥ ❥
越南滴滴咖啡
越南嘅滴漏咖啡豆特別甘香，重點系加咗煉奶攪埋一齊成杯咖啡會更加香濃幼滑
.
❥ ❥ ❥
越式生牛肉粉
生牛肉有7成熟用牛肉湯底熱度令牛肉熟透，牛肉嫩滑配埋洋蔥?香葉自由加辣椒粒 青檸，我喜歡多辣椒??️而湯底清得嚟一點不油膩??，幼身河粉好薄夠滑✨
.
❥ ❥ ❥
越式拼盤
炸蝦餅 ~外表到索索聲，蝦肉夠彈牙?
越式蒸粉包~薄薄一層粉皮餡料好多料木耳爽口，香菇仲有扎肉加炸蒜片香蔥，一齊食好香蔥油味
春捲~松脆春捲皮點埋酸辣醬愈食愈開胃
豬頸肉~最怕食到好」鞋」豬頸肉，燒過後好腍身仲有食到炭燒味道?
.
❥ ❥ ❥
咸檸梳打
泰象梳打加咸檸，消暑解渴
.
❥ ❥ ❥
串燒沙爹
豬肉串燒得太乾身有點失色醃過牛肉串肉汁鮮美帶少少牛肉味道口感比較腍，燒過雞肉串一啲都唔鞋，配埋個秘制沙嗲醬好惹味
黎到越南餐廳例牌會叫「越式拼盤」，一共有四款，有豬頸肉、越式春卷、扎肉蒸粉包、炸蝦餅。全部既配料非常豐富，二人份量綽綽有餘！
咖哩味濃而不辣！牛腩夠淋，牛筋又吾“un”, 加上用鍋上有好處，可以保持溫度，幾時都可以熱食。如果冇咁快食住，可以先熄火！印式薄餅好鬆化，配咖哩簡直一流！
好戲在後頭，還叫了超載椰青焗飯。 上台個視覺效果超正， 海鮮堆滿椰青頂，就好似火山岩漿爆發出黎咁，白汁之中又夾雜啖啖椰香味，混入飯同海鮮配料同椰青肉，正！
檸檬梳打， 又解渴，又夠fresh, 又吾甜！
喺尖沙咀the one經過咁多次
終於有機會嚟食lunch啦???
咖喱牛腩撈檬$65
生牛肉湯河$62
加$8有嘢飲
喺呢度食lunch來講都唔算好貴
但真係幾好味！
尤其是咖哩牛腩撈粉，超級惹味
薯仔入味，牛腩又淋 正呀！
生牛肉湯河 湯底唔油膩，但係有幾夠味
河粉夠薄，好食??????
次次食越南野都一定會叫滴滴咖啡
真係比一般港式咖啡味道唔同，好飲好多！
最後仲叫咗個甜品焦糖燉蛋
估唔到呢度都食到咁好味嘅甜品
滿足?
今日約左朋友晚上來到The One的Le Viet食晚飯，呢度環境闊落，半開放式
這裏有一個美女侍應態度非常殷勤
前菜Tenderloin salad
牛肉爽口
沙律酸酸甜甜的勁開胃
滿載椰青海鮮飯
椰漿飯真係超抵食呀
個飯兩個人都食唔晒呀
而且非常入味超香濃啊
越式甜品拼盤
越式春卷，越式炸蝦餅 即叫即炸的好脆呀
燒豬頸肉配上醬汁簡直一流
越式蒸粉包皮薄餡靚
炒通菜稍為辣了一點
如果喜歡吃辣的朋友別錯過
椰青
非常清甜，椰肉爽滑
清熱解毒一流
最後食埋個甜品拼盤
超豐富分別有
焦糖燉蛋 蛋勁滑
椰汁千層糕 個椰汁味超香濃呀
芒果糯米飯 個芒果勁新鮮
糯米飯超入味
正
可惜因為太夜嘅關係
想吃的牛油雞翼和蟹都沒有了
下次來要再吃啊
First day on the new job and I was too busy to get some lunch. That’s why I rushed to TST to meet my friend right after work and ate as much as I could at Le Viet!?
We arrived pretty early at 6ish and we were seated immediately.
My favourite dishes were the butter chicken wings and the mango stick rice.
The chicken wings smelled so good seasoning garlic and butter. And the salad at the bottom cleverly absorbed most of the oil so the chicken wings didn’t taste too greasy. And the crispy chicken skin tasted so good!!
The mango sticky rice was a perfect dessert to end a Viet/Thai meal. The sticky rice had a nice sticky texture, which tasted great with the rich coconut sauce. The mangoes were quite sweet too
Some were ok, some not within my liking like.. the rice in fresh coconut, it just filled with a lots n lots of rice?
今日約咗老公去尖沙咀睇電影
貪方便就喺商場行下睇下有咩好食?
見到呢一間越南嘢好多人排隊
甚至排到要截龍要喺扶手電梯隔離等
望下個鐘時間都仲幾多 所以跟大隊試下
?咖哩大虎蝦配薄餅
蝦好大隻亦都新鮮 口感幾好
幾彈牙 咖哩好香椰汁味
加咖哩汁點薄餅好正 可惜份量有啲少
?精選拼盤
越式炸春捲味道幾好仲脆脆地
蝦餅交到功課 好香蝦味又夠彈牙
可惜得三粒唔夠喉 點埋酸甜醬 勁開胃?
扎肉蒸包 扎肉好好食 可惜得好少 個包皮薄 唔會黐牙真心好食?
豬頸肉 醃得好入味表皮脆脆地 好ok?
?芒果糯米飯
有白糯米同黑糯米 再加兩排勁甜嘅芒果肉
糯米飯粒粒分明痴痴地牙 好煙韌 正！芒果夠甜好滋味??
?椰青
非常新鮮 好清甜 超解暑
其實呢一間越南餐廳之前都試過，不過今日有朋友話未試過，所以就同佢走入去試下。 睇下有冇驚喜。 我哋叫咗以下:
扎肉蒸粉包: 呢個蒸粉包其實係我最鍾意食嘅越南小食之一，呢一間餐廳整到個粉包都幾大件，我覺得真係大件亦都夾抵食。 因為包裏面啲餡料我覺得都算幾足料，點埋個酸汁真係好似喺越南食嘅粉包咁樣。
青木瓜大蝦沙律 :我食到青木瓜算幾新鮮， 蝦易幾大隻， 雞肉亦都唔係肥，雞胸肉健康同埋再撈埋個酸汁，作為一個餐前小食，我覺得係很開胃，同埋呢一碟青木瓜係幾fresh。
泰式去骨海南雞: 呢個海南雞其實我自己覺得佢個雞都幾嫩滑，同埋都食到雞肉嘅鮮味， 同埋都去曬骨畀我哋食 ，大家記住食埋啲雞皮我覺得咁樣先至叫做食海南雞， 同埋最重要就係要點去啲醬，我自己個人認為點醬就好味D， 大家不妨試下。
香茅豬扒湯粉： 呢個湯粉不得不介紹佢，個粉真係幾滑， 另外佢將個豬扒分開上， 感覺亦都幾貼心。 而且個豬扒又炸得幾好食， 個肉亦都幾juicy 所以鍾意食河粉嘅朋友可以試下。
最後我同朋友飲埋個椰青就走囉， 其實呢一間餐廳啲食物水準我覺得都保持到， 而且坐落去亦都算寬敞，所以如果大家鍾意食一啲越南嘢嘅話，可以試下呢度啲越南河粉我覺得都唔錯嘅。
尖沙咀?最近迷上了吃 #越南菜 ，今次試咗呢間係商場 #THEONE 入面嘅?坐得舒適，上菜時間亦都非常之，食物質素價錢合理！
~*~*~*~*~*~*~*~*~*~*~*
扎肉粉皮包 皮略嫌有少少厚，但係非常足料，比平時出面食到嘅多好多，豬肉碎半肥瘦，咬落去仲有肉汁！每一個粉皮包下面都有塊炸蝦片，建議唔好食，因為非常油膩！
~*~*~*~*~*~*~*~*~*~*~*
牛油雞翼 分！ juicy得嚟又一啲都唔油膩！ 炸粉厚度剛剛好！
~*~*~*~*~*~*~*~*~*~*~*
香茅豬扒pho 皮煎得好脆口及乾身，但係咬落去仲保持到入面肉質！
~*~*~*~*~*~*~*~*~*~*~*
咖喱鮮雞鍋 黃咖喱，椰汁味比較重，跟同上嘅 #法式麵包 非常夾！ 雞件數量多而滑，食晒啲包都未食晒啲汁，所以叫咗個 #印式薄餅
午間在嚐“越”
餐店環境不錯，即使滿座亦不覺擠擁，坐得舒適：）
午餐時段有提供套餐，除了主食外，配備飲品，冷熱同價！
甜品拼盤味道出色，焦糖燉蛋更有buy one get one free的優惠～
斑蘭綠豆千層糕甜度得宜，口感煙韌，確值一讚！
芒果香甜，紫糯米尤其有嚼勁，整體為佳：）
喝上青檸梳打後，暑氣全消，尤如置身在東南亞地區的感覺xpp
加上店員友善勤快，用膳感覺整觀良好！
之前食過旺角分店, 對咖哩大蝦念念不忘, 今日放工經過the one, 就拉住先生去回味下?
見餐廳做緊promotion, 海鮮酸辣鍋做緊特價, 於是放棄咗咖哩大蝦, 試下新嘢, 另外仲叫咗黃咖喱軟殼蟹配法包同埋滿載椰青海鮮飯
呢間餐廳做嘅咖哩果然出色, 從來都冇令我地失望??黃咖哩非常香濃, 配上香脆嘅炸軟殼蟹同外脆內軟嘅法包, 簡直係完美配搭??
相比之下, 本來我哋寄予厚望嘅海鮮酸辣鍋, 就冇咁吸引, 可能我哋食慣泰式酸辣湯, 以為佢呢個味道係類似冬陰功, 但原來唔係, 佢嘅酸味比較重, 但值得一讚嘅係, 海鮮份量算多??
另外椰青海鮮飯份量超級大, 其實一早都見其他評論話份量好大, 三個人食都得, 我哋仲以為自己咁大食一定食得哂?但原來真係唔得, 好推薦一班人嚟食先叫
Le Viet (尖沙咀)
尖沙咀彌敦道100號The ONE 4樓L402舖
今天和媽媽兩人一起到尖沙咀逛街，因為下晝吃得太飽，晚上只點了兩個菜來試試，走進這間泰式越南餐廳，點了一個一叫即到的咖喱鮮雞和配印度薄餅 ，真的快到有點驚人，哈哈，10分重口味，雞也非常入味，雖然我並不覺得是鮮雞，但也非常好吃，印度薄餅也是份外香脆，和咖喱汁非常配搭！還點了一個我媽媽最喜歡的泰國燒烏頭，這一道菜是我媽媽每次吃泰國菜都喜歡點的，等了有點久，但它是用火爐一直熱著，真好，吃到最後一口都還是熱的！一整條烏頭都非常嫰和香口，在魚肚的位置放了很多香菜，怪不得這麼有味道，真香！我很喜歡這條魚呢！
今晚同朋友一齊去開尖沙咀The 0ne，咁啱有啲想食越南嘢，見到Le Viet好多人排隊，咁就入去试下。 我哋叫左^^
越式拼盤: 見佢做緊特價，於是order=)蝦餅炸得幾香口啲蝦亦都爽口，豬頸肉亦都比較瘦唔係太肥，幾健康，春捲細細條而入口。 越式蒸粉包入面有紮肉香菇等點埋啲酸汁食，自己覺得幾好食。
青木瓜大蝦雞絲沙律: 我食到青木瓜新鮮，蝦亦都甜，雞肉亦都唔係肥，雞胸肉健康同埋再撈埋個酸汁，作為一個餐前小食，我覺得係很開胃，同埋呢一碟青木瓜係幾fresh。
滿載椰青海鮮飯： 有墨魚仔、少少蜆肉、蝦、粟米、乾提子等，飯有超重椰汁味，同埋 如果兩個人叫呢個飯我自己覺得都夠食，因為份量都頗大純屬個人意見。 兩個人嗌嘅話我覺得都幾抵食同味道Ok。
豬頸肉湯粉： 呢間餐廳都算細心，醬豬頸肉同埋個湯飯分開上，因為通常有啲餐廳唔夠細心，就會將個豬頸肉擺埋個湯河度，令到肉嘅味道消散，同埋令到個湯河嘅湯底變得不一樣。
今日午餐去左theone行街，咁岩見到4樓有間越南野
好耐冇食過，一於試一試
一個環境好開放式
午餐套餐都幾抵，普遍都係六十幾蚊
但係今日我地想食番d地道小食
叫左好多煎炸炸燒野，緊繫叫番粒椰青飲
好清甜，仲可以食埋d椰肉
叫左碟炒椰菜苗，好香，好有鑊氣
炸蝦餅，粒粒都好肥大，入面好實淨既蝦膠，點埋酸酸甜甜既梅醬一流！！
越南火車頭酸辣鍋連埋個爐上，滾住上特別過癮
有好多料，丸呀，牛肉，牛柳粒，牛柏葉，而且個湯既味道好豐富有層次
酸酸甜甜辣辣，仲加狙好多蔬果，有菠羅，蕃茄，菜
牛油雞翼，渠d雞翼上方只，外面好香脆，加埋d蒜蓉，冇得輸
串燒豬牛雞，串串份量都勁大，而且厚切，醃到入曬味，唔洗點個醬都ok
串燒雞中翼，燒到個皮勁香勁好食，入面d肉又岩岩好熟，嫩滑！！
最後仲叫左一個甜品，芒果糯米飯，芒果好甜冇根，糯米份量唔會好多，岩曬做飯後小食
野食唔會太過越南風味，反而迎合左香港人既口味！！值得再戰
Not a revelation but ok, Taste right!
普通
1. 柚子海鮮沙律（$78）
好大碟，超抵食！入面除左有好多meet左皮既柚子肉之外，仲有腰果，最驚喜既係有三大舊大墨魚仲有幾隻蝦同蜆，仲仲有好多木瓜絲，酸酸味味好好食，呢個十級推介
2. 越式拚盤（$98）
本身以為$115，點知原來有discount!! 拚盤total 4款，最中意係蝦餅，新鮮炸起好脆，入面係好似魚肉咁彈牙，但同時會厚實少少；豬頸肉又係好香、d邊位燒到脆脆地架！另外有兩件好似粉果咁既正方體，入面好多肉碎同菇，；最後係幾粒小春卷入面係有d粉絲咁，但呢兩款就比較油啦
3. 蒜蓉炒椰菜苗（$66）
椰菜苗有大有細，細既會相對嫩d，蒜蓉爆炒好香，都幾大碟
4. 香芒糯米飯（$55）
呢個又係驚喜之選！首先好多芒果，芒果仲要好甜?? 椰漿飯有兩款，一款係普通，另一個係紫米，紫米呢個好好食? 雖然兩款加左椰漿都幾甜，但d飯好熱辣辣，個椰漿又凍冰冰，加埋一齊食真心好味
呢間好抵食，係商場4/F 環境舒服，真心推介
除了很飽 還是很飽
牛仔骨甜甜的 與想像中有點不同 但還挺好吃
沒有黑椒的辣味 但調味仍然不錯 而且肉質軟腍 很易入口
但這晚上的重點是「海南雞」！我們兩人特地叫半隻雞 然後加一碗雞油飯
海南雞是無骨的 容易吃 非常好
而且肉也夠滑 也有肉味 配油飯特別好吃
其實Le Viet選擇很豐富 下次來也要試試其他菜式！
Le Vietnam
今晚有些不開心。因工作壓力太大。今朝開會有俾老闆插。一個人無無聊聊地行商場。經過一間餐廳門口幾舒服開揚。不自覺地行了入去。
咖哩炒大虎蝦
咖哩每間餐廳都各式不同。但咖哩個人認為必定要配合到白飯與薄餅的配食。咖哩大虎蝦本人先先取所有大虎蝦出碟。細心地點一點數。大虎蝦有成十隻之多。
印度薄餅。其實有好多地方都會提供。但極小地方為客人準備十足。它們就做到本人的要求。它們真的好有心地將整塊薄餅拼熱。普通餐廳只懂係和燈下保持溫度。但長時間保溫會令到它乾枯。
火車頭湯河。配料十足。粉質滑喉。濃湯生牛更是美配
去完尖沙咀The One行街，決定試一試Le Viet的越南菜！
串燒沙爹3串
串燒即叫即燒，充滿燒烤的香味！
豬、牛、雞串燒表面焦香，內裏充滿肉汁！點少許沙爹醬，很滋味！
LE VIET 招牌飯
招牌飯有炸雞翼、煎太陽蛋 、煎香茅豬扒和扎肉，認真豐富！雞皮炸至脆卜卜，雞肉保持嫩滑多汁，正！豬扒大大塊又夠厚！
椒絲炒通菜
通菜炒得夠獲氣！有辣椒，蒜粒等作調味，鹹香中帶少少辣，十分惹味！
香芒糯米飯
芒果多汁又甜美， 有紫糯米飯和白糯米飯，同樣煙煙韌韌！再加上椰汁令糯米飯更香甜軟滑，好味道！
Tiger Draught
清爽帶甜，有驚喜，good try!
早前同同事開完會一齊午餐，去左the one 呢間 le viet ，唔錯架。
.
.
?大蝦菠蘿飯??（$96）
?串燒半打???（$89）
?越式牛柳沙律??（$85）
?香茅豬頸肉米紙卷?（$42）
?椰汁綠豆冰?（ $28 ） .
.
—————————————— .
.
全部食物都高分，最愛越式牛柳沙律， 牛肉好出色，好濃郁，配合薄荷青檸味的青木瓜沙律?，好清新好好味???！另外大蝦菠蘿飯?都相當唔錯，蝦好新鮮爽脆?，炒飯多料，粒粒分明??！ .
.
臨走前發現原來有外賣美食到會服務，大家party可以試吓呢間越式菜！
點了四款食品，分別是精選拼盤、沙爹串燒6串、滿載椰青海鮮飯及青檸梳打。精選拼盤有炸春卷、蝦餅、扎肉蒸粉包及炭燒豬頸肉。蝦餅同蒸粉包最吸引，蝦餅咬落熱辣辣香脆彈牙，而粉包材料豐富口感扎實。沙爹串燒有雞、牛、豬各兩串，燒得剛好，不會太乾。滿載椰青海鮮飯，份量真係好澎湃，除左椰青上嘅飯之外，椰青裏面都是滿載飯的，材料除了有蝦肉，飯裏面還混合了絲絲椰青肉、葡萄乾、粟米粒、甘筍粒等，椰漿味味道香濃，椰青裏面的椰青肉受熱力影響，變得淋身，一片片慢慢用匙羹舀出來食，好滋味！青檸梳打用泰國梳打水，賣相精緻，價錢合理，與餸菜配合，感覺非常清新。
越式咖哩牛腩鍋配印式薄餅
咖喱牛腩鍋很豐富，有牛筋、牛腩肉、薯仔、蔬菜。咖喱的味道調得不錯，散發着椰香，甜中帶辣，還挺合我們口味的。印式薄餅跟咖喱更是匹配，薄餅醮過咖喱，更加係色香味俱全。
越式拼盤
四款口味有越式炸春卷、越式炸蝦餅，燒豬頸肉和越式蒸粉包 。蒸粉包皮薄餡靚，內裡包扎肉、香菇。蝦餅同春卷都是即叫即炸，炸得好香脆，而蝦餅厚身彈牙，配上甜酸醬開胃醒神。
豬頸肉炒金邊粉
炒金邊粉罕有地見到是白色，看似無味，但吃落不會太淡，有胡椒粉吊味，面質煙韌。而豬頸肉有烤過，與越式拼盤豬頸肉一樣香脆可口，肉質嫩滑，再帶多少少臘肉味道。
椰青
體積不小，宜且非常清甜，椰青肉亦爽滑，很好味。
鹹檸蘇打
用上泰象蘇打水，夏天飲用可生津止渴。
「 Le Viet」的菜式味道比預期中好，價格相宜，而且食物質素好，位置又方便，下次聚會可再考慮選擇來這裏。
今日約左舊同事食飯傾下計聚下，本來都唔知食咩好，係the one 行行下見到哩間餐廳，就被吸引左入去。
一開始仲早，都未算多人，到左大概7點幾就爆滿！果然沒令我失望，菜單上好多菜式都有，越南粉，小食，咖喱，串燒…??好多野都想試下，可惜得2個人??唯有忍手。
最後叫左小食拼盤，貪佢咩都有，新鮮即炸，熱辣辣，蝦餅夠曬彈牙?燒豬頸肉juicy?
再黎咖喱炒?，配料十足，咖哩香濃???
仲有個好特別既椰青???飯 ，賣相非常吸引，配埋d咖哩汁食用，味道十分配合❤❤❤
飲品就叫左椰青，鮮甜解渴，椰汁紅豆冰，椰味香濃，就係咁飲飲食食再傾下計，好快就渡過小聚時光?
越式咖喱軟殼蟹鍋 (配法包) $113
軟殼蟹大大隻，都炸到金黃香炸，再加上長長嘅法包，岩晒我，澱粉質好重要！咖喱配上洋蔥青椒，椰香味濃，夠重味，配個包一齊食就岩晒。
春卷 $52
炸到金黃色，夠晒脆卜卜，包埋生菜食，一流呀。
串燒雞,牛,豬 $89
我地揀左雞配豬，串燒唔會燒到乾，裏面仲好juicy，配埋沙嗲醬，完美。
香茅豬頸肉米紙卷 $42
大大舊，份量十足，值得一試。
青檸梳打 $28
酸酸地，幾清新，食完d煎炸野，去一去油膩感。
三色冰 $28
椰奶味十足，好味道。
好味越南菜！
推薦椰青焗飯，超香椰汁味，份量大，四個人share都夠
咖哩配薄餅都係一流
意想不到極高質越南菜
黎到尖沙咀食嘢，可以試吓黎The One呢一間Le Viet! 勁推薦！
裝修好舒適，枱同枱之間唔會太逼，夠哂私人空間，同朋友食飯啱哂！
Menu選擇好多，基本上泰越菜式都齊。
我地好耐冇食咖哩，叫咗咖喱牛腩加法國面包。咖喱黎到香噴噴，座個火爐仲kepp住熱辣辣，勁正！味道方式亦都好出色！咖喱夠香夠惹味！牛腩同牛筋煮到好腍，好入味，連咖喱入面嘅薯仔超甜！
法國面包超大舊，而且仲係又熱又脆，但又唔會硬到食唔到，用黎送咖喱就啱啱好！
少通菜呢味咁簡單嘅餸都炒得咁好味就顯出廚師夠實力！
牛油雞翼係呢到嘅招牌菜！枱枱都叫咁濟。個人就覺得還好，因為我唔係好鍾意牛油味，覺得有啲油膩、有啲濟，但如果係食PHO嘅話，呢碟絕對夠好味！
小食拼盤特價，$98，每款都過得去，蒸粉包係超好味！下次一定會單點！勁飽滿！味道亦都唔話得！
埋單都只係371，抵食！
#cassiegotst
–
平時經過THE ONE見到依間餐廳，裝修顏色好豐富，以為係食西班牙菜，仔細一睇原來係越南菜，好特別。瘦編終於有機會去試吓～
–
Menu有好多選擇，Lunch Set平均$70包一杯普通餐飲，尖沙咀正常價。瘦編揀咗越南菜嘅經典生牛肉湯粉，熱辣辣嘅湯底將牛肉輕輕灼熟，食落口有濃郁牛肉味，口感好嫩滑！朋友就揀咗香茅燒豬頸肉撈檬，烤撈檬味道酸酸甜甜，可以刺激食慾。豬頸肉咬落口爽口彈牙，好惹味，唔錯！
–
小食揀咗個小食拼盤，當中有新鮮炸起嘅越南炸蝦餅，無油膩感，好有咬口。最後食翻個芒果糯米飯，有白糯米同黑糯米，我自己鐘意食黑糯米多啲，更煙韌。芒果肉厚多汁，夠甜，滿足！
–
味道評分▶️????? (4.5)
抵食評分▶️????? (4)
回購評分▶️????? (4.5)
–
➡️ Le Viet (尖沙咀)
? 尖沙咀彌敦道100號The ONE 4樓L402舖
–
IG: @cassiecwy/ @cassiegetfat
FB: @cassiegotravel
OP: cuisine_revolution (Lv4)
DianPing: cassiegetfat (Lv6)
TripAdvisor: cwycassie
–
Portion too small. Dont think I’ll come again.
a value for money if you like authentic vietnamese food, about 120 dollars per person
Yummy food
餐廳有好多泰式同越式嘅選擇。價錢亦十分實惠。
青檸梳打。好refreshing。食濃味野最佳配搭。
柚子海鮮沙律。有柚子同大量青木瓜絲。味道輕酸微甜好開胃。
香茅燒木棉魚。有好香香茅味。魚面嘅鹽又唔係一般食鹽唔會死鹹。幫忙帶出左唔少鮮味。
咖喱炒大蜆。味道偏甜好少辣。岩哂啲驚辣又想食咖哩香嘅人。啲蜆好大隻。數量都好多。配料亦十分充足。
?尖沙咀
琴日日中午同fd行街去咗呢間主打越南野嘅餐廳食lunch? 之前食過都唔錯 所以又試下?
?咖喱炒大虎蝦 $168
呢個係必食?? 大虎蝦有六蝦? 每隻都有手掌咁長 呢個價錢好抵食? 蝦肉爽口彈牙 肉質鮮甜 超好食? 而且仲有好多蝦膏 啖啖甘香?咖喱加咗青椒、洋蔥同蛋花?? 咖喱好香濃惹味 蝦肉好入味? 啲汁撈飯食一流 好快就食晒成碟?
?大蝦菠蘿飯 $78 +8 椰汁綠豆冰?
原個菠蘿裝住炒飯 加咗菠蘿粒增加風味? 炒飯有肉鬆、火腿片、三色豆 上面仲有三隻蝦 炒飯份量都幾多 可以同朋友share?
?海鮮炒檬粉 $68 例湯+熱奶茶
因為驚河粉太油嘅關係叫咗檬粉? 入面有好多海鮮 有蝦仁、魷魚同蜆肉 份量都幾多? 檬粉唔會炒到散晒 另外芽菜同韭菜都炒得好香?? 奶茶味道似港式奶茶 唔太甜 幾好飲❤️
❣️店內環境舒適 staff態度友善?? 值得一去❣️
上次去食，食物質素不錯。今次再次光臨，可能換了大厨，食物質素大打折扣。叫左個越式拼盤，啲蝦餅無蝦味、一啲都唔脆。最慘個春卷，有油益味，換了一次都一樣。叫了一個火車頭河，啲湯唔夠熱、啲生牛肉浸極都生的。招呼亦唔掂，叫左兩次佢攞魚露，第一次消失左；第二次連拼盤上，得一小碟，夠點湯、唔夠點拼盤。算了，唔想叫先三次，費事自已勞氣。
東南亞菜係我最鍾意既菜系，而越南菜係我數一數二鍾意。最近去左公司附近既連鎖越南餐廳【Le Viet.】食lunch。Lunch time有lunch menu同regular menu叫。我地就叫左兩個lunch set、兩個小食同甜品。
Lunch Set（包飲品一杯）：
越式生牛肉粉：分量超大一碗，湯底濃同鮮，但又唔會好重味精。生牛肉分量都好多，唔會因爲lunch而變少。而且新鮮熱辣！
香茅豬頸肉撈檬：豬頸肉分量好多，調味岩岩好，魚露酸味濃、非常開胃！
+$8轉特飲
青檸梳打&鹹檸梳打：泰國梳打水加青檸/鹹檸非常清新解渴
蔗蝦：味道中規中矩，同埋分量比較少。個人唔係太推薦
牛油鷄翼：5隻炸鷄翼再加牛油蒜蓉醬。鷄翼新鮮炸起、裏面肉好juicy！外面牛油蒜蓉醬味道好夠，但又唔會太油。非常推薦！
焦糖燉蛋：好重雲尼拿味、好creamy重蛋味。上面焦糖好脆！
Le Viet.
尖沙咀彌敦道100號 L4
菠蘿焗飯 $88
菠蘿焗飯用料十足，夠兩個人食飽，除咗鮮甜嘅菠蘿之外仲有好多肉鬆同埋鮮蝦，啱晒鍾意食海鮮同菠蘿嘅朋友。
咖喱牛腩煲 $108
冇人忍得住唔食熱辣辣嘅牛腩煲，價錢抵食之餘仲勁多牛腩，加埋長法包可謂係人間一大美食。
沙嗲串燒 $58
分別有牛豬羊三串，牛豬羊肉肉質爽口之外，配埋佢哋唔會太辣又唔會太鹹嘅沙嗲醬，簡直絕配呀！
Fresh grilled pork $48
地道越式嘅卷物，一個卷包住好多材料例如有鴨肉竹筍蘿蔔同生菜，一次過滿足你好多個願望，口感好特別，值得一試！
椰汁紅豆冰（+$8）
價錢合理，都幾好味
咖喱牛腩水準提升了
自從有疫情後第一次嚟呢度食，今次係同事叫我一齊，佢話好耐冇食越南食品。
午市套餐基本上都冇乜大嘅變動，$65包飲品，喺尖沙咀上班人士平價之選。
生牛肉湯河，牛肉質地嫩，上枱時生牛肉佔有7成，撈埋湯河一齊之後生熟度剛剛好，食得到牛肉嘅肉味。
咖喱牛腩撈檬，咖喱汁香濃，牛腩炆得好淋，你放咗好多青椒洋蔥等提升味道嘅層次，今次嘅水準比上年嚟食嘅時候提升咗好多。
青木瓜大蝦沙律，真係有好多蝦肉鋪面，青木瓜亦新鮮，加酸甜汁一齊食零瀉開胃。
蒜蓉牛油雞翼，高水準之作，蒜蓉香味洋溢，雞翼炸得酥脆，牛油味亦10分濃厚，外脆內軟好滋味。
難得有機會試一下呢度滴漏咖啡，都有傳統嘅越南水準。
朋友話呢間餐廳坐得舒服
而且位置好方便，禁不如就試下
餐廳位置好方便，the one一上就搵到
價位唔貴，可以話呢個質素抵食
去個陣唔洗等位，安排左圓台
無骨半隻海南雞，份量俾我想去中多
仲有醬汁配搭，最鍾意就係呢隻雞唔係好肥，同埋雞肉夠滑，切件嘅嗰個全部都有肉
試過有啲其他餐廳好多骨頭就唔好啦！
春卷扎肉撈檬粉，春卷嘅配搭都唔錯
真係熱辣辣炸過！配上汁，酸甜既滋味非常開胃
香茅豬頸肉燒得正好，非常入味又夠份量，微微脆皮，如果飲酒?都好夾
最後食埋沙爹串燒，有齊雞、牛、豬，配搭特質沙爹醬，更加有風味！
去尖沙咀The one 《Le Viet》食午餐，今日嚟個越式滋味先?
濃濃蕃茄甜味嘅越式火車頭酸辣鍋，牛油味十足嘅牛油雞翼同埋濃稠醬汁嘅咖哩牛腩撈檬? …
手撕雞札肉湯粉
清湯底帶一陣雞油香,手撕雞有嚼口又唔會好柴,入口雞肉唔會有雪味帶淡淡雞肉香.河粉香滑夾起唔容易斷.札肉帶一陣胡椒肉香,入口彈牙.河粉再加上附送既配料例如九層塔,青檸及辣椒食落加左陣檸香及少少酸味令整體更開胃.
黃咖哩軟殼蟹鍋
咖哩係烘爐上加熱,保持咖哩既温度,配上外脆內軟熟法包沾上溫熱既咖哩汁食,味道相當濃郁豐厚.黃咖哩味道帶薑黃香及淡淡椰香味,濃郁惹味.另外附上既炸軟殻蟹外酥內香,咬入口帶住蟹鮮香及咖哩香.
印式薄餅
帶住油酥香既薄餅,味帶麵粉香入口煙煙韌韌.吸汁力同樣夠強,每一口都食到濃郁既咖哩.
越式春卷
炸成金黃色又香脆既春卷賣相好吸引,咬開既時間係口中聽到清脆既咔嚓聲.春卷內裏帶住粉絲肉碎及蔬菜,外在再包上新鮮既生菜令油膩感減低.
越南滴滴咖啡
重焦香既咖啡經滴漏後更順滑香甜.底下以煉奶換上鮮奶味道更醇滑既同時亦帶住一陣奶香甜味.
原來呢度平日嘅午市都幾抵食，午市套餐由$65起，就已經包埋飲品，所以平日中午都不乏捧場客。另外主餐牌有更多選擇，我哋一行三人，但阿仔又食得唔多，所以就決定叫兩個午餐再加一啲小食。
首先當然係叫返個大人細路都鍾意嘅炸蝦餅($72)，總共有完整四件，蝦餅肉質都夠彈牙，炸得夠乾身，食起上嚟冇油膩嘅感覺。
牛油雞翼($72)就更加抵食，總共有五隻而且size都幾大，每啖都充滿牛油香味，再加上上面灑滿蒜蓉，真係非常惹味。
午餐方面就揀咗大蝦菠蘿炒飯($88)，上面有三隻大蝦，蝦身已經去殼，仲有啲豬肉鬆，而炒飯裏面就有菠蘿、火腿、三色豆等配菜，啱晒小朋友食。
海鮮炒檬粉($74)有原隻嘅蝦、小八爪魚、蜆肉，仲有炒蛋，檬粉炒得乾身，主要以胡椒粉作調味，清清地都唔錯。
跟餐飲品叫咗一杯凍檸茶同埋加$8轉紅豆冰，紅豆冰唔太甜，如果有多啲紅豆就更加正喇！
有時行過尖沙咀The One
都見到有兩間泰國/越南餐廳，
因為住得好近九龍城嘅關係，
多數食越南泰國嘢會去九龍城，
好少喺商場食，而且成日都會覺得好貴，
但係望一望Menu，
呢間le viet其實又唔算太貴，而且都幾抵食。
入去餐廳大概八點幾，
因為滿座嘅關係等咗一陣，
好熱鬧好受歡迎好多人食。
店員好好人好有禮貌，
帶咗我哋好大張嘅四人位，坐得幾舒服。
最鍾意係佢呢度嘅咖喱，
真係每一滴汁都好想食晒?
仲好想好想嗌多個薄餅，
不過驚食唔晒其他嘢所以冇叫到。
但係真係好值得一讚！
因為咖喱好多調味，好多層次，
講唔出係用咩煮但係就覺得好濃郁好豐富，
每一啖都同我老公講真係好好食?
我叫咗豬頸肉米紙卷，
平時老公唔太鐘意食米紙卷因為覺得好淡，
但呢一間配埋醬汁就剛剛好，好夠味。
包得脹卜卜，好多粉絲同豬頸肉都算大舊。
串燒覺得偏濃味，咸咗少少，
但整體都ok，如果醃料減返啲我就覺得岩岩好。
花生沙嗲醬好味。