Le Viet
營業時間
| 星期六 | 11:30–23:30 |
| 星期日 | 11:30–23:30 |
| 星期一 | 11:30–23:30 |
| 星期二 | 11:30–23:30 |
| 星期三 | 11:30–23:30 |
| 星期四 | 11:30–23:30 |
| 星期五 | 11:30–23:30 |
服務選項
外帶
內用
無障礙程度
不支持無障礙座位
不支持無障礙停車場
產品/服務
小菜
咖啡
酒精飲料
啤酒
用餐選擇
午餐
晚餐
餐飲服務
甜點
設施
適合兒童
氣氛
氣氛悠閒
環境舒適
客層族群
適合團體
規劃
接受訂位
付款方式
信用卡
環境尚可。食物上台速度快。
不過碟有少污積要改善
好耐好耐無食越南菜啦！雖然無得去旅行，但係係香港都有唔少食越南嘢嘅餐廳，都可以過下口癮！Lunch嚟食都幾抵架。
生牛肉河
牛肉上枱嘅時候仲係粉紅色嘅，無過熟嘅情況！河粉份量都幾多，仲有兩舊蘿蔔，吸曬湯底精華。
豬頸肉撈檬
豬頸肉嘅燒烤味濃，真係幾惹味。檬粉配大量蔬菜同埋酸辣汁，非常之清新，真係會食到停唔到口。
柚子海鮮沙律
有青木瓜沙律，柚子，墨魚仔，鮮蝦，同蜆。食落好清新，酸酸甜甜，夠曬開胃。以沙律嚟講份量都可以話好多
串燒
豬牛雞，每款各兩串，肉質唔會過老，夾埋沙嗲汁一齊食，正呀。
可能啲職員太忙，每次問佢地要嘢都要問超過一次先有
佢哋個海南雞飯啲鷄夠大件
Food are good, but service is so so, always needed to ask for 2nd /3rd time to get what you want.
去按摩?之前食返個??生牛河??先每次嚟到呢到都有選擇困難症??到底系??招牌飯?好定生牛河好定?豬頸肉撈檬好呢
今次就要食下呢款煙三文魚米紙卷?平時都好小見
仲有必食一定系佢地牛油雞翼??我一個人真系可以食得曬5隻唔系講小???就算食到幾飽甜品的胃還是有的 嚟多個芒果?糯米飯呀唔該 超級甜呀個芒果???旺角同尖沙咀分店水準都系一樣 the one分店仲好近我平時按摩?嗰到Tim ?✌? …
之前食過佢地旺角店已經覺得好好食。今日黎到尖沙咀再次幫襯。好中意佢地嘅牛肉沙律，清新又開胃，係夏日必食開胃之選。
另外佢地嘅牛肉火鍋真心好足料，每片都是上級質素，絕對唔係是彈比d平價野。湯底越煲越入味，一定要飲喔
呢間係食過咁多間越南菜最好食既一間。
今次又試新野，真係任何菜餚都唔會令人失望！
最想讚既係大蝦菠蘿飯 103蚊
仲以為份量好少，估唔到一黎到份量係超多，3隻大蝦已經幫我地去埋個壳，非常細心。 個飯係我最鐘意既配味，有少少咖喱粉味，再加埋新鮮菠蘿粒，d飯再放係菠蘿肉到，真係超級甜。
牛油雞翅 72蚊
呢個絕對係呢間既黃牌，不過有少少熱氣，但5隻大大隻既雞翅真係好抵食，好香牛油味。
炒通菜 65蚊
好香好辣 如果唔食得辣既就揀其實比較好，食得辣既一定好愛，因為都幾辣。
豬頸肉炒金邊粉 82蚊
豬頸肉大約有5 6片 ， 炒邊粉都好香好正。
串燒沙嗲牛 3串 58蚊
好香好有牛味，加埋d汁真係好好食。
越級小分量，d手撕雞完全不是雞絲同埋個札肉係薄，肉質無味！個杯滴漏式越南咖啡，十分難飲完全無咖啡味
Terrible service. Very bad attitude. Avoid this restaurant at all costs
The One的優質越南菜
今日去尖沙咀The One食飯兼睇戲, 買飛後就食呢間越南菜。餐廳裝修為開放式帶頗有時尚感, 七點未夠已經坐無虛席, 好彩我哋早少少已經入座！
越式春捲
皮薄香脆內裏有肉碎、洋蔥、雜菜絲, 用新鮮生菜包裹嚟食, 清爽唔油膩！
椒絲炒椰菜
鑊氣十足, 椰菜新鮮爽口, 帶微辣不搶口十分惹味。
特別火車頭
材料有牛丸、牛肉、牛腩、牛柏葉, 嗜牛人仕一定要試。牛肉軟嫩鮮甜, 牛柏葉煙韌爽口, 湯底用牛骨淆製, 牛尾濃郁！
香茅豬頸肉炒金邊粉
份量很多, 豬頸肉無骨啖啖肉, 用香茅醃製非常入味, 炒金邊粉有鑊氣, 煙韌爽口！
三色冰、椰汁綠豆冰
三色冰顏色鮮豔賣相吸引。椰汁綠豆有椰味清香, 冰涼解渴！
Tasty Vietnam food
Good food .
係尖沙咀食嘢，梗係要揀番間坐得舒服又有冷氣嘅地方慢慢嘆一餐啦。
係The One嘅 le viet真係一個超值得推介嘅選擇呀！係the one 4樓，超就腳！
一早嚟到都唔算多人，坐一個半開放式嘅座位，非常舒服，一啲都唔迫夾。
Menu方面，越泰式嘅嘢食非常多，亦都好齊，最緊要係價錢都好合理，要平平哋，可以淨係嗌一碗河粉，只係需要$60左右。
我哋帶咗嗰幾樣嘢食全部都非常高質素，冇乜嘢可以彈嘅位置，份量亦都非常之多！抵到爛呀！
咖喱牛腩鍋配法包
超級推介！呢度嘅咖喱好香，一食就知係用心烹調出嚟嘅，而且牛腩分量亦都好夠，唔會硬骨骨，重有幾舊牛筋添！仲有入面嘅薯仔都係世界級，唔單止甜，仲因為佢係煎過先再擺落咖喱入面，所以好香！
配法包呢樣嘢真係抵讚，唔使加錢之餘，個發包仲要係外脆內軟！配咖喱一流呀！
小食拼盤只係$98咋，勁抵玩！我超鍾意食佢嘅越南扎肉蒸粉包，超級好食呀，入面嘅料有冬菇木耳，有種家鄉嘅味道！豬頸肉都非常好味，唔會太柴皮，又夠香～
另外一樣係海南雞半隻，雞肉好嫩滑，雞皮又爽脆～唔太肥，骨頭起得好乾淨！唔錯唔錯！
最後一味係簡單但係維持水準嘅朝思炒通菜，呢美簡單嘅餸反而需要更加高超嘅廚藝水平先可以煮到出嚟！味道同埋火候掌握得非常之好！
埋單都只係450左右！
食飯講求味道同時我最講究是要坐得舒服，Le Viet位處尖沙咀The One，空間闊落，環境亦相當舒適，坐得舒服享受美食人生一大樂事。
午餐好抵食，一個大蝦菠蘿飯唔洗$80仲要配埋飲品及餐湯，二話不說點咗個先，朋友好想食咖喱火鍋，於是再點一個炸軟殼蟹鍋再加埋杯越南特產滴滴咖啡及青檸梳打，完美!
黃咖喱軟殼蟹鍋配印式薄餅，本身可配法包，但食咖喱當然配薄餅才是王道，咖喱上枱用爐一直熱著，軟殼蟹另上，食之前將軟殼蟹拖一拖咖喱汁就入口，超好味！咖喱味香而不辣，印式薄餅軟腍煙靭而不油膩，就咁食都好味，配埋咖喱更是一絕!
大蝦菠蘿飯是午餐Menu來的，原只菠蘿上枱，賣相一流，大蝦蝦身已脫殼，保留蝦頭及蝦尾，食用方便又不失美感，要讚! 菠蘿炒飯材料豐富，有肉鬆有大蝦有蔬菜粟米火腿等等，每一啖都滿載美味食材，炒飯好爽口，酸甜菠蘿加啖啖咖喱味，好正!
食飽主菜未夠喉點埋甜品 – 焦糖燉蛋，焦糖夠哂香口，入口爽爽脆脆的，燉蛋夠香滑又不會過甜，水準之作! 至於香芒糯米飯，有紫米飯同糯米飯，配埋香滑椰汁及香甜芒果，幻想一下自己又走返轉泰國，想一食再食！
Le Viet已放入可再encore list內下次再食～
呢間餐廳之前試過好滿意?，已經有一排無黎過，今日就同朋友去嘆個lunch啦?。
.
大蝦波蘭飯? $78
首先就當然唔少得我最愛嘅菠蘿炒飯?，用左鮮菠蘿炒更加香?，而且仲有三隻大蝦好滿足?。
.
咖喱牛腩撈檬 $65
咖喱汁撈檬粉其實我都係第一次試?，估唔到味道驚艷?，咖喱汁好濃郁，而且牛腩口感一流，呢個撈檬真係好正?。
.
炸蝦餅 $68
小食方面我就試左炸蝦餅?，炸得好脆之餘亦都好厚肉?，而且點埋泰式甜酸醬汁就好夾❤️。
.
椒絲炒通菜 $62
蔬菜就當然唔少得?，通菜夠曬爽口，而且加左椒絲有少少辣味更加正?。
.
焦糖燉蛋 $36
最後想食甜品就叫左個焦糖燉蛋?，甜度同口感都一流?。
.
飲品：凍咖啡+凍檸茶
行尖沙咀the one , 咁多年我最常食嘅就係4樓金寶同Le Viet。一邊食泰國菜，另一邊食越南嘢，天口慶就想食凍濛。
午餐有豬頸肉撈濛，切成薄片嘅豬頸肉，燒得香口，配上越式酸撈濛汁即刻有胃口。
雖然熱但係嚟到依度一定要叫個咖喱牛腩，小窩咖喱一直滾住香噴噴，配手抓餅更香。
友人喜歡食得豐富有變化，就點咗個招牌飯，扎肉雞翼豬扒酸菜乜都有，仲有隻煎得好靚嘅太陽蛋，將飯同蔥油、脆蒜片加上蛋黃撈埋，已經好食。見到隔離枱食豬扒粉，大大塊豬扒分開放，似乎好好食，下次食依個。
睇完醫生趕住六點前堂食，5:15就衝左入黎食個quick dinner！
估唔到呢個鐘數仲有lunch set嗌！包埋餐飲！
越式生牛肉粉
腸胃唔好，唔想食生牛肉，staff話牛肉可以well done！好體貼！
Le Viet越式拼盤
有扎肉蒸粉包、蝦餅、春卷同豬頸肉
大推蝦餅！熱辣辣，有口感，好扎實！
豬頸肉炒金邊粉
睇落平平無奇，無乜色水，但食落幾香口，再叫staff比d fish sauce我加落去幾好食！
唔記得左拼盤有豬頸肉?！lunch menu 有海鮮炒檬粉嗌仲平d?，下次可以試下！
椰青?
青甜！但係飲幾啖好快就啜哂?
份量足！係呢個商場黎講算係比較抵食既餐廳！平靚正！
【美食】性價比高嘅越南餐廳
食晏時間今日黎到The One呢間越式餐廳。中午一點零鐘左右餐廳差不多已全滿。
??大蝦菠蘿焗飯 $78
配有消暑冬瓜餐湯、有三隻大蝦?、菠蘿粒、腸仔、多肉鬆鋪面，大蝦鮮味，整個焗飯都沖滿住菠蘿香，酸酸甜甜好開胃。
?生牛肉湯粉 $62
今次特別要求全熟牛肉，廚師控制得時間非常好，湯粉放上枱面時，生牛肉還有少許粉紅色，但浸泡在熱湯幾秒就變成全熟，呢個時候口感真係啱啱好，一啲都唔鞋口。仲有索晒湯低嘅白蘿蔔，清甜得黎又入味。
??牛油雞翼 $72
好好食嘅牛油雞翼?，係必點之選。勁重牛油和蒜蓉醬料，香脆外層肉質鮮嫩多汁，加少少青檸汁感覺無咁滯。
??香芒糯米飯$55
有紫糯米和白糯米飯，喺上面淋上椰汁?，甜而不膩，側邊就鋪滿芒果肉，自己就比較喜歡紫糯米。
飲品點了☕️熱檸水（跟餐）和?咸檸梳打（跟餐+$8）
尖沙咀THE ONE呢個商場好好行，而且又多唔同款式既餐廳，所以我都好多來呢個場消磨下時間。今日就LUNCH來試下越南野，
呢到有午市套餐，價錢$60-$70左右另加一，就包埋飲品，價錢都抵食，同埋都有唔同既款式。仲有呢到幾好坐，樓底好高，感覺有空間感，同朋友傾計好舒服。
海鮮炒檬粉$68
呢個午餐 好抵食，真係好多海鮮，有蝦、墨魚、蜆，全部都大大粒。個粉炒得夠干身，而且唔太咸，好食。
扎肉蒸粉包
好大件呀，仲有4件TIM~熱乎乎出來真的好香，而且大大盤真係好吸引。入口皮好滑，料亦好多，有肉碎同木耳真係好好食~面有D炸蒜超正
炸蝦餅 $68
厚身，脆卜卜好好食，而且好靚仔╴非常之東南亞風味的小食。
香茅豬頸肉米紙卷 $42
好FRESH的小食，豬頸肉配粉絲包埋的卷物，好好食~口感很好~清清地正。
咸魚炒芥蘭 $62
濃味之選，非常惹味的芥蘭，份量都可以。
越南滴滴咖啡 餐+8
餐飲加$8就飲到，正宗越南風味呢
今日lunch想食泰國嘢，同個同事去左the one食呢間平時食開既Le Viet
Lunch set 叫左兩個野
大蝦菠蘿炒飯 $78
面頭就有幾隻大蝦同肉鬆，仲有好多新鮮菠蘿，口感豐富，炒飯乾身
生牛肉湯河 $62
湯底濃郁但唔會好咸，牛肉新鮮有咬口
跟餐+$5 凍咖啡
+$8 青檸梳打
成支泰國chang梳打水另上既，本身冇加糖十分好，唔駛咁肥
另外仲叫左d小食同菜
燒豬頸肉米紙卷 $42
4舊大大舊，入面仲有好多粉絲同生菜，好fresh咁配埋豬頸肉薄片，唔錯唔錯
沙嗲串燒3串 $56
剛燒好熱辣辣，豬牛雞都好滑，醃個味好地道，沙嗲汁好香花生味，必食推介
蒜蓉炒椰菜苗 $66
炒得幾香，清清地唔會好咸
今日去THE One 買化妝品，行到餓餓地就上左去4樓食越南菜——Le Viet。
一坐底，嗌一份越南拼盤(HK$ 98)﹑咖哩牛腩鍋（HK$105）﹑特別火車頭(HK$78)同埋一份通菜。
茶包覺得咖哩牛腩鍋最好食，香料味好足，食到好多層次，而且香而不辣，肉質炆到淋淋地。配上外層脆脆既薄餅，簡直一流！
越南拼盤(HK$ 98)
一上枱個份量拋到茶包同同行朋友！越式小食款款都有啲，真係好抵嗌。
小小既春卷外皮脆；蝦餅QQ彈牙，鮮味十足；扎肉蒸粉包，包有肉﹑菇﹑洋蔥，清清地都唔錯既。
同行朋友大讚通菜！話夠晒穫氣，不過茶包就希望可以加多小小辣，就會再香口啲啦！
火車頭都唔錯，但湯底有小小淡，如果再濃啲就正正!
?食物分數率：6分（10分為滿分）
?comfort food：炒通菜﹑咖哩牛腩鍋⠀⠀
=ll Le Viet ll= 地址：尖沙咀彌敦道100號The ONE 4樓L402舖
#HK茶包日記 #茶包泡港島 #茶包泡九龍 #茶包泡新界 #hkfoodie #852girl #discoverhongkong #foodie #訪店日記 #茶包脂肪紀錄 #hkig #hkg #igfoodporn #hkfoodblog #yummylicious #thefeedfeed #instafood #hkfoodie #hkfoodblogger
美味越泰菜
上星期食完隔離間泰國菜，今晚就輪到食依間越泰菜啦。餐廳環境唔錯幾開洋摩登feel，美食選擇多價錢唔貴，食物非常美味，CP值高抵食。
串燒 (半打) $89
串燒三串$60加多$30多三串，揀六串感覺較抵食。
雞和豬串燒各三串，兩者同樣肉質嫩有肉汁，醬味較濃唔醮碟旁的沙嗲醬都好夠味，串燒大串啖啖肉食落都幾滿足的。
香茅燒豬頸肉撈檬 $65
檬粉大碗有七塊爽口彈牙的豬頸肉，拌有生菜、青瓜絲、蘿蔔絲非常健康，檬粉彈牙，淋上檬汁魚露，味美清甜開胃，凍食非常好食。
咖哩炒大虎蝦 $168
大大碟咖哩汁滿滿的，味道甜而不辣，勁多蛋花好充實，配料十足青椒、紅椒、洋蔥、芹菜皆見。主角大虎蝦開邊六件，經走油處理嘅虎蝦，迫出蝦殼香味，蝦殼連肉一起啜最好食，蝦肉厚肉質爽，好味到呢。
印尼薄餅 $25
前提係咖哩汁咁好味，當然想一滴不留想清晒啲咖哩汁，不油不膩的薄餅一片剛剛好，滿足晒。
另外，枱上兩杯清水飲晒一杯冷一杯熱的，我地示意添加，侍應前來同時拎晒兩壺冷熱水來，服務貼心效率高依方面值得一讚。
近期疫情開始穩定下來，久違的外出用餐感覺，我和同事來了這家在The One 的越南菜。
久違了感覺，令人不期然點了很多食物，有Le Viet招牌飯，越式生牛肉粉，柚子海鮮沙律牛油雞翼，越南綠豆拉椰糕，青檸梳打和凍咖啡。
先來的是沙律，沙律裏柚子肉，蝦，墨魚仔，蜆肉，加上濃濃的香菜味，十分開胃。
招牌飯有煎蛋，豬扒，扎肉和雞翼，十分豐富，隨飯還附有冬瓜湯和特別醬汁。
生牛肉粉剛上菜時牛肉是粉色的，被熱湯慢慢浸熟。 麵吸收了湯和牛肉的味道，令都麵條味道也帶鮮味。
牛油雞翼是我最喜歡這小食，香脆的炸皮滿滿的牛油味，肉質軟滑，十分美味。
拉椰糕也是令人驚喜的，上菜時是溫暖的，質感很軟，要費點力切開，又牢牢地黏在碟上，吃下去的時候就像有綠豆和椰汁味的麥芽糖。
凍咖啡很好喝，有點像以前在越南旅行時喝的滴溜咖啡，青檸梳打也很特別，是用了越南進口的瓶裝梳打水。
整體來說都很好吃，值得再來。
Nice food, not expensive.
越南表妹
朋友約我去尖沙咀The One 食飯，四樓全層有不同種類的餐廳，朋友就係喜歡食越菜的Le Viet ,佢話餐廳嘅海南雞係最好食，叫我不訪試吓！去骨海南雞半隻，份量十足又新鮮，已經去骨啖啖肉，雞皮爽口，肉質嫩滑，配以酸辣醬汁和甜醬油，更添美味！大蝦菠蘿飯，用半個新鮮菠蘿盛載上枱，三隻大蝦好吸睛，蝦身已去殼方便進食，蝦肉新鮮彈牙，飯加入新鮮菠蘿粒、火腿和粟米粒炒到粒粒分明，上枱再加上肉鬆增加味道，啖啖飯都香噴噴有咖喱香味！蝦餅，又脆又彈牙既蝦餅配泰式雞醬拌食，酸酸辣辣特別惹味。椰汁紅豆冰，紅豆夠林，椰汁味香甜。
Lemongrass pork vermicelli and rice spring rolls (non-deep-fried)(扎肉米紙卷）were ordered. The former was highly recommended while the latter was banal and just so-so. Red bean coconut juice beverage was ordered, which was also fantastic. Staff were quick to respond and in general amiable. Comfy seats.
Yes the owner of this restaurant they think they have very good managers inside their restaurant but that is not true infront of my face and other staff also especially in the bar when they are busy they get more crazy mad. well pls. try to check it out!!
味道不錯的越南菜
在尖沙咀區工作完到The One食午餐，朋友介紹這間越南菜餐廳，地方寬敞舒適，價錢亦算親民。
點了一份午餐菠蘿焗飯($88)，午餐包餐湯及飲品，焗飯用料十足，配上幾隻大蝦，份量2個人食都還足夠。
另外加點了蔗蝦 ($45)、柚子海鮮沙律 ($78)。蔗蝦彈牙、鮮味。 柚子海鮮沙律有魷魚、鮮蝦，除柚子外還有木瓜絲，沙律汁酸中帶辣，越食越開胃。
值得一試的是越南滴滴咖啡($35)，配煉奶又滑又香濃。
我和朋友都是甜品控，所以最後再點了越式甜品拼盤($108)，有多款甜品，焦糖燉蛋、越南綠品拉椰糕和香芒糯米飯，非常滿足。
青木瓜絲大蝦沙律: 呢個青木瓜絲沙律我覺得啲青木瓜絲都算幾新鮮，而且個沙律汁亦都幾開胃，而且啲蝦有幾大舊，夾埋真係幾開胃，餐前小食係幾好的。
越式拼盤: 咁裏面有越式春捲、扎肉蒸粉包同埋炸蝦餅及豬頸肉， 其實自己就比較鍾意食炸蝦餅，因為炸得都幾脆，同埋都食到裏面真係有蝦肉唔係得啲麵粉，扎肉蒸粉包 入面都有幾多料， 做得真係幾好。 不過可能太多料啦，所以個皮被我攪穿咗。 整體嚟講佢呢個拼盤係幾好，好似食咗好多餸咁， 每樣一啲。
去骨海南雞飯
咁呢一個海南雞飯最特別之處就係隻雞幾新鮮，所以我覺得好意外，而且海南雞都幾嫩滑， 因為近排我著重咗健康所以將個油飯改造白飯， 咁亦都可以試清楚隻雞嘅味道 。另外海南雞醬汁酸酸辣辣咁樣幾開胃 。所以我覺得呢個海南雞飯真係幾健康 ，同埋真係幾好味。
香茅豬頸肉湯粉: 呢個豬頸肉係我朋友叫嘅，咁我覺得個河粉做得唔錯，因為個河粉 都幾通透及幾滑，而且豬頸肉燒得都幾好， 全部豬頸肉都唔算好肥，瘦之餘幾幼嫩。
??????????
青木瓜蟹肉雞絲沙律 $92
煙三文魚米紙卷 $48
炸蝦餅 $72
綠豆拉椰糕 $38
Mojito $63
??????????
? 青木瓜蟹肉雞絲沙律清涼爽脆，食用前可淋上青檸魚露汁增加甜酸度，蟹肉雞絲量多，入口唔會dry
?米紙卷捲上煙三文魚顏色豐富，口感煙韌
? 炸蝦餅香脆彈牙，入口足料，啖啖蝦肉非常扎實
? 綠豆拉椰糕記得趁熱食先好食。入口Q彈煙韌，椰汁同斑蘭味道一層層係口腔上滲出，係幸福嘅味道
? Mojito易入口，具清新嘅甜酸度口感，配越南菜食好適合
我食過最難食既越南河！！！！一堆打手? …
陪女兒去尖沙咀The One 買嘢，之後上咗去四樓Le Viet 食越南菜，之前都食過，海南雞最好食。但今晚去到已經賣晒！串燒雞中翼：一上檯已經聞到陣陣炭燒香味，雞翼皮脆肉嫩，而且好入味，點些醬汁辣辣地，可令味道提升。
海鮮炒檬粉：蝦、墨魚仔彈牙，檬粉加左芽菜和蛋絲炒，特別香口！
黃咖喱軟殻蟹鍋：軟殻蟹和黃咖喱分開上，重有一條法包。黃咖喱用火熱住食，內有薯仔、洋蔥和青椒，軟殻蟹炸得香脆，浸一浸黃咖喱食，啖啖肉好香脆，更有咖喱香甜味！將法包撕開一件件浸入咖喱汁，索曬啲黃咖喱，一口咬下去，滿口咖喱汁，相當惹味。
香茅豬扒湯河粉：大大塊豬扒用香茅等香料醃製過，再煎炸至金黃色，味香甜又有口感。湯底香甜，河粉吸收湯底，再加入洋蔥、芫荽蔥和炸蔥頭，更香更美味！
今日特別想食越南野，咁啱search 到The One有一間，見坐得都舒服，所以入去試吓。
串燒沙嗲，分別有牛，雞，豬，燒到外面焦焦脆脆，但又唔會太乾，d肉質仲好juicy,點埋d沙嗲醬一齊食，好有風味。
食越南野唔少得食火車頭，所以叫咗個特別火車頭，入面材料都幾豐富，有牛腩，牛丸，肥牛，牛栢葉，羅白，d材料都幾新鮮，個湯底清得黎又有濃郁嘅牛味。
咖喱炒大虎蝦下，配印式薄餅，個咖喱唔算辣，有勁多蛋絲煮咖哩，虎蝦都好大隻，爽口彈牙，仲入晒d咖哩味，好惹味，個汁用薄餅點黎食，勁正。
??越南菜 Le Viet
早幾日喺 The ONE 做完嘢好肚餓想食個lunch
見到呢間
醒起好耐冇食喇
Lunch set 都係 $6x 到 $8x
我啲friend話幾抵
.
.
大蝦菠蘿飯 ($88 lunch set 包餐湯餐茶) : 大大碟，抵食，好重菠蘿香味，夠晒鑊氣
.
.
香茅豬頸肉炒金邊粉 ($82) : 炒得乾身，豬頸肉有少少韌
.
.
牙車快 ($72) : 睇個名完全唔知係咩，其實係salad，分量大，好多雞絲
.
.
香芒糯米飯 ($59) : 每次嚟都會叫
.
今日出去TST攞報告?
兩個老人家?????very Good??
傻佬??話要慶祝?
有俾個藉口佢食嘢??
今日唔食佢嘅家鄉菜?
走咗去食越南??嘢
food court個名似曾相識?
原來我喺旺角食過㗎啦??
傻佬??話今日清清地???
叫咗個海南雞飯?
係咁讚個飯?好食??咁你食飯我食雞啦?、?去晒骨??又滑?又嫩?
粵式拼盤～豬頸肉、春卷、蝦餅、越南粉絲包全部都係我最鍾意食嘅yummy Yummy ?
我就冇理佢我就叫咗咖喱牛腩鍋配薄餅~呢排愛上左食咖喱?薄餅脆卜卜?大塊個傻佬??個頭??咖喱薯仔好惹味?
當然飲我最鍾意嘅珍多冰啦?最鍾意裏便啲一粒粒一條條嘅嘢好有口感???
傻佬???話越南梗係咖啡最好飲啦?
我哋好彩時間早去??晏啲就要等位啦?
佢仲有啲set lunch都幾經濟實惠幾多人食???下次再嚟試吓你個set lunch啦?
#食飽飽周圍逛
#同你影張相先
很一般
The one就快變咗我同朋友嘅食堂，今晚我哋揀咗食越南菜。
柚子海鮮沙律
呢個柚子海鮮沙律食材好豐富，包括有蜆肉、蝦、青木瓜等等，柚子多汁清甜，食完好開胃。
越式拼盤
一個拼盤可以滿足我哋想食小食嘅慾望。越式春卷口感香脆；扎肉蒸粉包令我有驚喜，上面加左炸蒜，食落好香口，內裏包左餡料，提升口感嘅層次；香炸蝦餅幾Q彈；香茅燒豬頸肉有嚼勁，同樣都好香口。
越式咖喱鮮雞鍋配印色薄餅
咖喱甜甜地，唔會好辣，印色薄餅沾滿咖喱汁非常好味！內裏的雞件肉質幼滑，入面仲有薯仔、洋蔥和青椒等，整體非常惹味！?
服務態度好差，生牛肉湯粉d肉超少，嚟到嘅時候又過熟，肉質差
LE VIET
尖沙咀 The one 4樓 L402
牙車快 (越式前菜沙律)
配料有雞絲、甘筍絲、青瓜絲、椰菜、花生和薄荷葉，加上特製的醬汁，酸酸甜甜，好Fresh，咬一口薄荷葉，感覺很清新。
LE VIET 精選拼盤
拼盤有炸蝦餅(香脆煙韌，不太鹹)、炸春卷(薄薄的春卷皮又香又脆，配料新鮮)、越式粉包(面層放了乾蒜、香蔥扎肉，粉包的外層處理得很好，不會太硬，餡料新鮮無味精)、燒豬頸肉 (肉汁豐富，很香)。先試原味，再點醬汁效果更佳，必食!
扎肉燻蹄米紙卷
米紙卷面層十分煙韌，硬度剛剛好，米味香濃。卷內放入生菜、米粉、扎肉和燻蹄，加了秘製醬汁，超級開胃。
越式火車頭酸辣鍋
很有特色的酸辣鍋，湯底用鮮番茄和鲜菠蘿帶出酸味，少甜少辣。配料有豬肉丸、牛腩、鮮牛肉、牛柏葉。內層有很多芽菜，吸收了酸辣湯底的精華。最後成個湯底喝光了，有驚喜，推薦!
越南綠豆拉椰糕
香濃的椰子和綠豆味，口感煙韌，不太甜，越食越過癮。
越南滴滴咖啡
煉奶底的越式咖啡，用不銹鋼的 filter 將咖啡滴進盛載的杯，香甜滑，有特色！
✨The One食乜好✨
今日去8F做facail，因為做140分鐘treatment 有排訓?所以想食飽啲
?#辣椒膏炒大蜆 $158
真•大蜆?隻隻都開口無沙，加咗洋蔥同三色椒?一齊炒，醬汁均勻沾上每一隻大蜆
?#海南雞飯 $78
有碗冬瓜湯送，入面有幾舊紅蘿蔔?同一大舊冬瓜，幾有誠意
去骨海南雞肉質嫩滑，蘸上辣醬汁滋味倍增，更香辣惹味，配上粒粒分明嘅邪惡雞油飯一齊食?值得一提係雞肉下鋪滿椰菜，大家都知出街食飯叫蔬菜?食幾貴，甘樣有肉有菜營養均衡幾好～
?#三色冰 $28
好香椰味，有三色馬蹄、綠色澱粉條等，好有食中式糖水feel，材料好豐富
總結?下次帶老公嚟食Pho同撈檬先，見好多人都食
Ig?搜尋 #金魚姬食在尖沙咀
??♀️@leviettst
#LeViet
?尖沙咀彌敦道100號The ONE 4樓L402舖
#尖沙咀美食 #撈檬 #越南菜 #越南河粉 #尖沙咀午餐 #午餐
#美食推薦 #香港美食
#手機食先 #吃貨人生 #食記
#yummy#like4likes #followme
Normal taste!
lunch hour去咗The ONE一間食越南菜, 整體野食味道驚喜好味, 異口同聲bookmark日後會再幫襯。
午市有lunch-set供應, 11點左右入座, 時間尚早, 未算多人, 可以順利安排入座。
餐廳環境開揚, 地方乾淨企理。
我地幾個人order咗all day menu share食。
【串燒(3串)】HK$58
可自選豬、牛、雞, 我地order了兩豬一牛。每串串燒都keep到juicy肉汁。牛肉惹味, 豬肉有肉嘅彈性唔會好乾身。配上了有花生幼粒嘅沙爹醬, 更提升味道。
【煙三文魚米紙卷】HK$48
濕濕地嘅米紙卷包住了生菜、薄薄小片嘅煙三文魚同埋大量粉絲, 一咬整個很易散開, 食得狼狽。由於大量沒有調味嘅粉絲平衡下, 令小片煙三文魚味道不太突出, 需要額外點醋調味。
【去骨海南雞飯】HK$78
海南雞肉質超鮮嫩, 皮下沒有多餘脂肪, 啖啖肉, 點兩款醬食令味道再次升呢。油飯很有油香, 唔會過於油膩, 飯粒粒粒分明, 推介!
【超載椰青焗飯】HK$103
估唔到份量真係咁大!!! 焗飯疊得好高, 再淋上了滿瀉椰漿, 焗飯飯質軟熟, 撈埋椰漿食, 香甜椰香味濃郁, 焗飯中配有好爽而去咗殼嘅蝦、蜆肉、墨魚仔、提子乾、青豆、紅蘿蔔粒、粟米粒, 豐富了層次。
【椰汁紅豆冰】HK$28
紅豆夠林, 有椰奶香, 不過嫌甜咗d。
海南雞夠滑
這裡的越南菜份量夠也好吃，值得光顧
都不容易找
Not bad
同朋友喺the one睇完戲搵嘢食，見到呢間越南野之前食過都唔錯，就再嚟試下。呢間餐廳環境較開揚，座位都幾多。
串燒 $58 三串可自選豬牛雞
串燒好juicy，肉質唔會太乾，唔洗點醬已經好惹味！點埋沙嗲醬食好味到想encore！
鮮蝦米紙卷 $38
一件都幾大，點埋汁食酸甜又爽脆！好開胃！
蒜蓉炒西蘭花 $65
份量都幾少，質素正常，不過點都會嗌返碟菜嚟食下
豬頸肉炒金邊粉 $82
上菜見到成碟白色以為好淡味，點知味道啱啱好，配搭埋大大件嘅豬頸肉成碟食晒！
椰汁紅豆冰 $28
好耐無飲紅豆冰喇！好夠椰香味，紅豆都超多～
下次嚟再試下湯粉類先
Le Viet
精緻惹味越南菜
Le Viet @ The One 主打越南菜式，沙律、米紙卷、串燒、小食、主食、甜品都有齊，選擇多元化，佢地嘅 set lunch亦好抵食呢
?香茅燒豬頸肉撈檬
CP值超高，豬頸肉分量真心多，食落有香茅味，肉質juicy仲有燶邊㗎，高質！
撈檬色彩繽紛，有生菜絲、青瓜絲同蘿蔔絲，加上酸酸甜甜嘅撈檬汁，完美
?大蝦菠蘿飯
呢個 signature 嘅大蝦菠蘿飯，賣相超吸引，一上枱好有氣勢！炒飯嘅餡料豐富，有蝦、肉鬆、紅腸仲有菠蘿粒
炒飯底粒粒分明，有陣陣咖喱味，絕對值得 encore
?牛油雞翼
即叫即整嘅牛油雞翼果然特別好味 牛油香突出，上面仲鋪滿蒜蓉，邪惡度爆燈 。外皮嘅脆漿薄而酥脆，脆卜卜嘅口感一試難忘
?芒果糯米飯
芒果糯米飯係必食嘅甜品，有啲驚喜嘅係糯米飯係熱㗎
配搭澎湃嘅椰漿令煙韌嘅糯米飯味道更提昇，呢個甜品有誠意
#eatisfun #hkfoodie #hkig #hongkong #hkfoods #foodie #foodpics #foods #hkfoodstory #hkfoodguide #hkfoodie #foodies #foodphotography #foodstagram
#yummy #leviet
➖➖➖➖➖➖➖➖➖➖➖➖
Le Viet
尖沙咀彌敦道100號The ONE 4樓L402舖
超載椰青焗飯，份量很多，椰汁很彭湃，建議2人一起吃，內裡的材料有很多，蝦，墨魚仔，雜菜，蜆，魷魚及提子乾，口感很豐富，椰香味香濃，特別在椰青內的飯，充滿椰青味!
小食點了牛油雞翼及串燒豬，先說牛油雞翼，炸得很鬆脆香酥，牛油味很香，雞翼亦很大隻嫩滑，肉質還很有水份質感;而串燒豬豬肉很冧軟，吃時沾一下甜甜的沙嗲醬更惹味!
飲品點了椰青，椰青很大的一個，椰青水很清甜，喝起來又潤又解渴!
還有很多午餐選擇，看起來也很抵食，有包飲品