長沙灣雪山冰廳
營業時間
| 星期六 | 06:30–23:00 |
| 星期日 | 06:30–23:00 |
| 星期一 | 06:30–23:00 |
| 星期二 | 06:30–23:00 |
| 星期三 | 06:30–23:00 |
| 星期四 | 06:30–23:00 |
| 星期五 | 06:30–23:00 |
服務選項
外送
外帶
內用
無障礙程度
不支持無障礙座位
不支持無障礙停車場
產品/服務
咖啡
用餐選擇
早餐
早午餐
午餐
晚餐
餐飲服務
甜點
設施
洗手間
適合兒童
氣氛
環境舒適
付款方式
只收現金
地方寬敞，位置方便，小菜一流，燉湯更好，奶茶咖啡都得
野食係ok，但係個男員工留長指甲係度傳菜，就黎插落d飯菜度。仲有廚房個個都完全無戴口罩既，野食幾好食都無胃口😩😩😩 …
呢間茶餐廳真係夠晒經典，我身為深水埗嘅街坊，唔會未聽過「雪山冰廳」🤩，由1956年開始已經開始經營，真係夠晒老字號！
夜晚大約7:30去到，都坐滿左2/3客人🙄果然深受街坊喜愛😁講到老字號茶餐廳，真係不得不食佢嘅懷舊食品！
🔹經典芝蛋牛肉漢堡$32：皇牌推介😎麵包好鬆軟，食落仲帶有芝麻香味😌入面隻蛋仲要係半熟㗎🤤啲蛋汁流晒出嚟😆好鬼正！塊漢堡牛肉仲要唔係薄㗎！厚身得嚟肉質鬆軟😍仲好Juicy！再配埋芝麻醬一齊食，真係不得了‼️
🔹榛子醬西多士$28：花生醬嘅西多就食得多！榛子醬真係唯佢獨創😆聽到都覺得邪惡😂其實食落唔會好甜，入面啲榛子醬都好足料！而個西多士炸得岩岩好，上枱時牛油已經半溶狀態，搞到好香牛油味😌
🔹招牌海南雞飯$58：原本都係諗住食小食，但見到好多食客都叫呢個海南雞飯，搞到我地都忍唔住叫左一份🙄賣相好吸睛🤩第一次見用竹籃嚟上菜，都幾特別！而佢個海南雞又真係幾好食，雞好滑溜👍🏻冇骨再加分😂份量都好多，呢個價錢真係冇得輸！伴碟嘅蘿蔔係餣制過的！夠晒誠意，一啲都唔hea👍🏻
🔹港式茶走紅豆冰$25：茶走紅豆冰又係經典中嘅經典，所以我每次都黎都會叫😊最主要係我好鍾意飲佢嘅奶茶，話晒都60幾年歷史！佢嘅奶茶真係好滑，茶同奶嘅味道做得好平衡👍🏻唔會各自搶味，鍾意飲奶茶嘅不妨去試下！
評分
味道：5/5
環境：4/5
服務：4/5
性價比：5/5
回頭率：5/5
懷舊冰室
來到長沙灣每次都會來到雪山冰廳，點解？
抵食之餘，質素仲要有一定的保證。
抵食同食物有質數外，環境都係一個因素，這裡地方光猛，位與位有一定距離，坐都坐得特別舒服。
下午茶時間唔係唔食下午茶呀？
價錢都只是$26 – $35，相當抵食。
當然要叫樽仔奶茶、樽仔咖啡啦！
貪佢夠哂足料，唔會因冰的關係變淡。
避風塘生炸脾 配 紅豆冰 – $35
避風塘生炸脾就夠哂香港風味，外層滿佈炸蒜，外皮香脆，肉質彈牙，口感十足。
經典芝蛋牛肉漢堡包 – $36
經典漢堡利用了煎蛋、芝士、手打漢堡、醬汁而成。
麵包軟熟，切開煎蛋，滿滿蛋黃覆蓋在漢堡上，一口咬下，非常juicy美味。
榛子醬西多士 – $32
西多士內加入了榛子醬，配上牛油、糖漿，味道又非常夾，鬆軟度適中，甜度又不會太膩，正。
早幾日同屋企人去長沙灣整野，整得來都晚上，咁大家話肚餓就找間餐廳食晚飯算，係門口睇餐牌覺得唔錯價錢合理就入左雪山冰室。
睇餐牌見二人餐都幾抵食就叫左，呢到二人餐選擇幾彈性，可以選蒸魚（每日有唔同魚選擇）或雞， 之後小菜又係選一款，包飯包燉湯兩位。
我地最後叫左呢到出名的海南雞， 果然名不虛傳，夠滑溜點一點黑醬油再提鮮，小菜我叫左XO醬海斑片炒西蘭花，估唔到份量咁大碟，海斑片大大件，用XO醬炒夠惹味， 而當晚燉湯係花旗參赤肉，每一口湯都有濃濃的花旗參味，我超滿意，因呢排都失眠，第二日都唔多精神，飲完個人感覺好舒服。
我們仲叫左碟黑松露沙拉一字骨，d 一字骨肉質好淋，每一條骨都掛滿沙律醬和黑松露超邪惡呀！ 但我都忍唔住食左3條。
呢到最驚喜係蒸隻蒜蓉扇貝竟然28蚊，都算抵食，火喉剛好，彈牙再加上d蒜蓉和粉絲加哂分。
屋企人食完都話抵食，好味。
今晚尼到長沙灣嘅雪山冰廳 深水埗都有總店嘅聽聞係老字號尼
舊店翻新 環境光猛新淨 牆上嘅鯉魚圖相當有氣勢
避風塘生炸脾size好大隻 皮夠脆不過肉質較乾
調味方面蒜味可以加重 唔夠避風塘
少少辣不過啖啖肉都好惹味
經典芝蛋牛肉漢堡包芝士汁味道夠芝又夠濃 半溶狀態嘅芝士更顯邪惡了
牛肉肉感軟腍夠厚身 漢堡包微溫軟熟多芝麻夠哂香口
加埋爆醬流心荷包蛋 係完美嘅配撘 一大啖咬落去 好滿足
原隻鮑魚福建炒飯 係好經典同足料嘅福建炒飯 有雞粒 蘿蔔粒 菜粒 菇菌 仲有幾隻原隻鮑魚仔
鐘意佢濕濕地夠哂多汁易入口 悶熱嘅天氣之下食零舍開胃
木魚花蝦球煎烏冬係一個好大好圓嘅煎蛋餅中間仲加左大量木魚同燒汁鋪面 係港式嘅大判燒
蛋餅入面有芽菜 韭菜同蝦仁 要一讚嘅係蝦仁又大隻又彈牙 而且蛋入面並非全熟 會有少少蛋汁溢岀 成件事唔會太dry 又靚又抵又好食
原盅燉湯 沙蔘玉竹麥冬燉雞腳湯
飲落清甜又清潤 完全係零味精嘅老火燉靚湯
忌廉薄荷朱古力 華田曲奇妙趣好邪惡嘅特飲呀 味道好濃郁 大大pat cream令佢更加幼滑 飲完甜野 人都開心啲
食物精美，只是座位有點窄
好味
古老名牌冰廳終於開分店了
午餐時間來到，人頭湧湧阿，果然很多捧場客喔！
細細個已經食開既常餐依然好吸引
小食選擇很多，適合下午茶邪惡下～
香港人最愛的樽仔奶茶和招牌熱奶茶
朋友説樽仔奶茶好像更好喝喔，奶同茶比例剛剛好，甜度也適中
最重要擺耐左不會溝淡左d味，讚👍
酸菜蒸排骨 $50
見到好多食客都揀左呢個，一於跟風
排骨肥瘦適中，啖啖肉，加了酸菜蒸，更開胃，輕易送到成碗白飯
很有家的味道
招牌海南雞飯 $60
油飯份量很多阿，而且完全不乾，是比較濕潤的飯，較易入口
雞的份量亦不少，完全是性價比高的午餐
雞肉頗嫩滑，連皮食最正，夠滑
旁邊的酸蘿蔔很開胃
海南雞醬汁都十分出色，夠辣，老抽都夠味
咁多年都keep到水準
芝士煎蛋牛肉漢堡包 $32
用上傳統的芝麻麵包，入口很香芝麻味，麵包烘得香脆
簡單是流心的，牛肉都係新鮮即煎，內裏還有小小粉紅色，火候控制一流
海苔炸薯條 $22
薯條厚身，很有國富感
加上海苔粉和調味粉，單吃不用蘸茄汁已經夠滿足
現在茶餐廳的標準，但價格對於學生來說似乎有點貴
在長沙灣這條巷，餐廳不算多
到時見到一間比較旺的餐廳就坐入去
.
芝士白汁巨大漢堡扒配蛋包飯
賣相很不錯哦，長長的碟又撒上香草，感覺似高級西餐呢
分成3部分，白汁、中間的是蛋包飯、漢堡扒
蛋呈螺旋形，煎得留有流心蛋漿，香滑伴飯食正
漢堡扒有2大塊，其中一塊更有芝士，塊塊厚切，juicy 惹味，啖啖肉大滿足呀！
.
經典蛋芝牛肉漢堡包
Haha 好似是用同一種漢堡
這個burger never dry 肉汁爆滿，加上流心煎蛋，一試就會難忘，大人小朋友相信都喜歡食
.
焗太極鴛鴦扒飯
用白汁及蕃茄汁焗，一次過滿足兩個願望
入面好多豬扒，食完會超爆
好有心思飯底是蛋炒飯，粒粒分明更加香口
.
另外還點了些小食
炸雞翼、櫻花蝦炒蛋多士
炸雞翼我自細鍾意食，零失敗之作
反而我更加欣賞炒蛋多士，其他茶餐廳最多有炒蛋煎蛋等等給你選擇，但這裏的炒蛋加入櫻花蝦非常有心思，令到炒蛋有濃郁的海鮮味。比平凡更突出。
.
樽仔奶茶、樽仔咖啡
見到餐廳內每人都有叫
我就覺得樽仔很可愛，可以帶著正宗的港式奶茶咖啡回到辦公室飲，絕對是一種享受
.
紅豆冰 & 華田曲奇妙趣
我還很欣賞他有創新的精神
除了普通的飲品他還有其他自創的選擇
.
雪山冰廳選擇多而新穎，是出色的茶餐廳
可能係我食過最好食嘅茶記❤️
.
芝士煎蛋牛肉漢堡包🍔 ($32)
一切開個包見到隻半熟流心蛋🍳，同一大塊無overcook嘅手打牛肉漢堡扒，加埋啲秘製醬汁同芝士🧀，就知會好好食！一咬落去食到塊麵包好鬆軟同有芝麻香，蛋黃溝埋啲醬汁同芝士好惹味，牛肉好juicy，絕對係一個高質抵食嘅burger😍。
.
榛子醬西多士 🌰 ($28)
花生醬西多就食得多，榛子醬嘅真係第一次試！一切開，流心嘅榛子醬就慢慢流出嚟🍫🌰，咁多榛子醬我哋就無再另外落糖漿。西多麵包鬆軟，唔會炸到好燶，好有蛋香🥚🍞。估唔到榛子醬加西多係咁夾嘅！
.
海苔炸薯條🍟 ($22)
食漢堡包又點可以無薯條呢😗！依到嘅薯條新鮮炸起好好食，厚切嘅薯仔好有薯味🥔，唔會林唔會油膩，絕對好食過一般茶記嘅薯條。加埋啲海苔嘅點綴，同大大枝蕃茄醬任我吱，我哋秒速就清曬佢💯。
.
芝士焗波士頓龍蝦海鮮飯🦞($108)
焗飯一嚟到嘅時侯，我同朋友都好驚訝，個焗飯居然會咁大個同有大半隻波士頓龍蝦係上面😱！攞開隻龍蝦之後，竟然發現個飯入面仲有超多其他海鮮同配料包括魚🐟，魷魚🦑，蟹柳，鳴門卷🍥，菇，西蘭花🥦等等。滿滿嘅芝士同白汁加埋炒飯，配上咁多海鮮，絕對係cp值極高嘅驚艷之作！
.
樽仔奶茶/咖啡 ☕️ (單點$25 跟餐$15)
我同朋友分別叫咗依到馳名嘅樽仔奶茶同咖啡飲。用樽裝嘅好處就係唔驚啲冰融咗之後溝淡野飲嘅味道。奶茶同咖啡都好滑好香奶味，唔會過甜，茶/啡同奶嘅比例balance得好好，推薦推薦～
食物質素ok, 價錢大眾化
雪最近發現它在長沙灣也開了分店😯就去試試它的質素，果然沒有令我失望☺️新店更闊落，光線足👍🏻下午兩時還是坐無虛席！
餐單一樣，有無窮無盡的選擇！下午茶抵食！值得欣賞它有很多南洋風味的選擇👍🏻
先來一杯樽仔奶茶(+$9)❤️，侍應很細心提我奶茶裝樽不久，未必夠凍，不過不減風味☺️奶香較濃，很滑，放久了也不會變淡😋
經典芝蛋牛肉漢堡包🍔($36)有着熱溶芝士🧀和半熟太陽蛋🍳，邪惡之餘，又令到口感更濕潤，牛肉有咬口，又juicy💦重黑椒味，包烘得外脆內軟，perfect match，果然係招牌菜👍🏻
避風塘生炸脾($35)🍗新鮮炸起，上枱金黃色很吸引！🤤「喀擦」一咬又熱又juicy💦，脆皮爆油香！加上炸蒜超香口！😋
炸魚薯條🍟($30)超抵食！炸魚長過手掌✋🏻連皮炸更能保存肉汁，不會乾柴👍🏻點上千島醬還可以解膩😋海苔薯條很香，還是我喜歡的粗薯條！
印尼炒飯($58)茶餐廳少見😯，比次機會佢！帶有蝦糕味，微辣超香口！炒得夠乾身👍🏻🍳蛋汁流出很惹味💕又蝦又雞翼又蝦片有誠意呢！
再叫碟蒜香田園炒時蔬($38)🥬均衡一下，用上金銀蒜，小細節也做得不錯！👍🏻
飽上頭頂都只要200左右，抵食又多選擇👍🏻用心小店不容錯過💕
幾ok
地方窄少,座位挾迫。
講起茶餐廳，其實我都幾鍾意食常餐嫁😍 最鍾意食滑溜嘅炒蛋同埋充滿牛油香嘅多士！而前排同屋企人去咗幾出名嘅雪山冰廳食下午茶，真心覺得好唔錯🤤，決定要喺度介紹下佢🤣
🔸雪山沙茶牛肉公仔麵常餐 $48
見到有常餐，當然嗌咗先！嗌咗我平時都好鍾意食嘅沙嗲牛麵🍜 炒蛋同多士當然跟埋，但佢唔同嘅係，多咗塊午餐肉同跟丹麥多士比我哋🙆🏻♀️
沙牛麵湯底好濃沙茶醬味，牛肉好滑，公仔麵軟硬適中，啱啱好，頗高質😆 炒蛋亦都好滑溜，而午餐肉同丹麥多士都正正常常，常餐嚟講咁多嘢食都幾抵！
🔸 爆餡蛋牛治(烘底) $28
而蛋牛治亦係我嘅favourite嚟，見到佢寫住「爆餡」，即刻都嗌咗份😍
意想不到嘅係佢加咗蔥花入去炒，即刻令到個炒蛋嘅香味提升咗唔少！炒蛋好厚身，咸牛肉嘅份量亦都唔少，呢份蛋治嘅性價比好高😋
不過唯一美中不足嘅係佢個多士唔夠脆，可以再烘耐少少就perfect啦！
🔸 經典芝蛋牛肉漢堡包 $35
呢個漢堡包都係見到好多人嗌，所以我哋都嗌埋一份💁🏻♀️
漢堡包烘到少少脆，唔係軟腍腍嗰種texture👍🏻 咬落牛肉漢堡都幾厚身，幾juicy，不過牛味就無乜🙈 隻蛋好流心，配埋芝士牛肉一齊食，呢個組合無敵！
港式漢堡包平時真係好少食，見佢呢個價錢但係份量咁大，覺得性價比真係好高，值得一試呀🤣
🔸 忌廉薄荷朱古力 +$9
我哋跟常餐加咗杯薄荷朱古力，冰廳嚟講都好少見有薄荷朱古力飲，估唔到呢度有😆 不過薄荷味較淡，飲落朱古力味會多少少，面頭仲有一堆彩虹糖，打卡幾靚，味道就不過不失啦！
🔸 華田曲奇妙趣 $25
另一杯因為唔係跟餐，所以單點$25，個外表除咗面頭塊Oreo之外，幾乎同薄荷朱古力一樣🤪 飲落係普通凍華田，味道正常，不過撈埋啲cream飲又幾好味😳 仲有塊餅食，不過單價嗌一杯就有啲傻仔，有啲少貴🤣
總括而言，️呢間冰廳雖然個環境幾新淨，但估唔到啲嘢食都幾懷舊，彩虹糖絕對係兒時回憶呀😳 不過另一方面，佢啲嘢食又幾新派喎，見到佢仲有酸菜魚食，幾追得上潮流🤣 而且性價比都算幾高，值得一再encore!
食物出品多元化多選擇，水準不錯，非一般連鎖式茶餐廳可比。
仲記得係深水埗店食過佢既避風塘炸脾, 留下深刻印象, 真係好鬼好食, 今日係長沙灣搵人, 係附近住既佢原來都係雪山既捧場客, 就一於去嗌餸食飯!
栗子燉烏雞湯
加錢就可以轉套餐, 十分建議大家揀燉湯, 因為真係足料又清甜, 熱辣辣原盅上, 好正!
蜜椒野菌薯角牛仔骨煲
上枱時仲係熱到滋滋聲, 望落都見到好豐富, 野菌, 三色椒, 薯角同埋牛仔骨既份量都好足, 沾滿哂黑椒粒, 賣相係吸引既! 薯角表面仲微微脆, 牛仔骨夠腍身, 調味出色, 入口香濃黑椒味帶少少甜蜜味, 好好食! 最想一讚既係, 食到底既時候唔會成底油係度, 反之係非常乾身, 唔怪得食落特別香口又唔會覺得好油膩, 真係高質!
咸魚蓉土魷香煎肉餅
6塊大大塊又厚身, 大啖大啖入口好滿足! 咸魚蓉已經完全融入左肉餅當中, 土魷則增加整體口感, 入口啖啖咸香惹味, 咬一啖再扒啖飯, 真係輕易撈到兩碗飯!
麻辣銀牙韭菜花炒鮮魷
幾特別既一個小菜, 唔係度度食到。麻辣味唔算好重但有其香味, 反而中意佢唔會太重口味, 唔會蓋過韭菜花既味道, 鮮魷份量多又彈牙, 又係撈飯一流!
今晚叫3個小菜都好高質, 而且份量又大, 再叫埋依度既樽仔奶茶同檸茶, 埋單都係300蚊, CP值真係好高, 如果中意嗌餸食飯既人真係可以試下!
平時都好鍾意食茶餐廳 食物款式多之餘 味道仲好有鑊氣 今次食呢間仲有好多獨有特色菜😋就好似有避風塘生炸脾同榛子醬西多🔥
– ✨榛子醬西多 ($32) 茶記有西多就好普遍 有榛子做夾心就少有 榛子同西多好夾 仲中和左西多既油膩感 食完一個吾夠喉添👅
– ✨避風塘生炸脾 ($30) 炸得岩岩好 食落脆口 雞脾上仲鋪滿炸蒜 香香辣辣 雞肉好嫩滑 仲有肉汁🤩
– ✨是日老火湯 (跟餐+$15) 湯係沙參肉竹雞腳湯 材料好足料 味道好鮮好清甜 飲落吾係味精湯🍽
– ✨樽仔奶茶 ($25) 好香滑亦吾會太甜☕
– ✨椒鹽鮮魷配金磚豆腐 ($88) 平時食大排檔都會糾結叫椒鹽鮮魷定豆腐好 今次一次過滿足哂我既願望 面頭好多炸蒜 好香 惟炸粉有啲厚🙈但整體黎講 個味道不錯
不錯
以前嘅冰室淨係買紅豆冰、咖啡、三文治呢啲輕食，宜家呢個年代嘅冰室就通常以懷舊做招徠，但係食物嘅種類就多好多，呢間冰室有小菜、焗飯、蛋包飯、喇沙等等等等….連下午茶嘅選擇都多到揀唔到
榛子醬西多士 $32
下午茶梗係要食西多士，呢度嘅西多士比邪惡更邪惡，一切開有滿滿嘅榛子醬，鍾意食甜野嘅我見到都開心😍大大啖放入口，咩叫減肥🤣🤣
咸蛋黃雞中翼 $35
另外一個比較特別嘅下午茶餐，香噴噴嘅鹹蛋黃，加上炸得香脆嘅雞翼，如果雞翼可以大隻啲就好喇
樽仔咖啡 +$9
冰室好鐘意用呢啲樽仔奶茶、樽仔咖啡做賣點，呢樽都唔錯，咖啡味都夠，奶夠滑
茶走紅豆冰 +$9
貪心嘅爸爸👨🏻想食紅豆冰，又想飲一杯冰凍嘅茶走，呢杯茶走紅豆冰一次過滿足佢兩個心願！
波士頓龍蝦喇沙滲滲 $78
大大碗嘅喇沙滲滲，除咗有半隻龍蝦🦞之外，材料豐富，有蛋、魚片、豆卜，油麵同埋米粉兩種口感，索滿香濃惹味、帶點椰奶香嘅湯底
始祖椒鹽豬扒飯(炒底）$62
侍應姐姐話好多人叫呢一個，話一定好食😆呢碟飯份量勁多，椒鹽豬扒有好多舊，炒飯好似食極都仲有咁！
炒飯嘅味道唔錯，辣辣地，椒鹽豬扒就略嫌乾身咗啲啲，不過整體嚟講都好惹味！ 呢間冰廳環境唔錯，光猛乾淨，座位闊落又好坐👍🏻
第一次光顧，性價比高，大大碗，又好味。
點了龍蝦摻摻和鮑魚西施湯飯。
食物熱辣辣，但唔係好新鮮，環境衛生麻麻，有食客帶狗隻入座一齊進餐，仲周圍行嚟行去兼唔帶口罩，但職員完全冇勸阻，職員寫水牌係踩上張枱上邊寫，非常唔衛生，疫情咁嚴重真係有啲驚，所以食完即走，下次都唔會再去。
喝茶的好地方，有很多食物可供選擇，更不用說價格還不錯了！強烈推薦他們的港式奶茶和法式吐司！
很好食
ℂ𝕙𝕖𝕦𝕟𝕘 𝕊𝕙𝕒 𝕎𝕒𝕟 長沙灣 • 雪山冰廳 🗻
📍長沙灣青山道𝟜𝟙𝟛號東景大廈地下𝟜-𝟝號舖
🔍長沙灣、深水埗
➰
在60年代，命名雪山是因對西方的憧憬，而一間茶餐廳可以告訴一個年代的文化，夾雜中式情懷卻帶點西方設計。然而，昔日的「雪山茶餐廳」已轉手為「雪山冰廳」，雖只保留舊時的兩幅畫，少了一陣懷舊感，不過食物依然有誠意，是比較有特色的港式茶餐廳。
➰
🔹椒鹽豬扒飯（炒底）$𝟻𝟾 🐖
店舖王牌的椒鹽豬扒飯，豬扒大件，炒底加入香蒜、椒絲及蔥花，大碟夠獲氣，微辣惹味。
🔹經典芝蛋牛肉漢堡包 $𝟹𝟼 🍔
芝麻漢堡包軟熟香口，芝士半溶加上爆漿流心煎蛋，特別地配胡麻醬，簡單美味。
▪榛子醬西多士 $𝟹𝟶
西多士酥脆香軟，入口軟綿，榛子醬本身帶甜，故無另加糖漿，甜度恰好，不然應該會很膩。
▪避風塘生炸髀 $𝟹𝟶 🍗
即點即炸，生炸的做法令雞髀鎖住肉汁，做到皮脆肉嫩，下足功夫，最後灑上炸蒜和七味粉加以調味。
▫️茶走紅豆冰 $𝟷𝟻 ❤️
賣相富層次感，紅茶底濃，撞上煉奶，紅豆佔大半杯，足料滿足。
▫️樽仔奶茶 $𝟿 🤎
樽仔奶茶醇厚幼滑，略厭偏甜。
見網上評價好好就來試下。
首先呢間冰室座位好逼，環境好嘈。長沙灣姐，又唔係中環洗唔洗逼到咁。
講返食物，星期日都有下午茶餐。所謂海苔薯條，海苔少之有少，薯條無調味同埋係凍嘅。
漢堡就不過不失啦，叫擺得入口。炒飯無乜料亦無乜調味，想加啲鹽又變咗加幾粒米（鹽樽入面嗰啲米粒） 。🤣唯一可取係樽仔奶茶。有奶香茶香不太甜，好飲。
服務方面，我地兩位一坐低就送錯咗個咖喱飯黎，果陣真係凳都未坐暖。有用腦都知未嗌野食啦，仲要我提😴。
之後另一個阿姐，拎住幾百樣野食咁行咗兩條巷，大大聲週圍問有無人嗌咗凍檸茶。唔講真係以為去咗街市。
短短一餐飯，俾伙記無禮貌咁打擾咗兩次：一次係我食食下飯，拎我枱旁邊份Menu俾第枱客；一次係拎我枱旁邊嘅叉俾第枱客。當中過程一句唔好意思都無。其實只要講多一句就無事，但偏偏呢間餐廳就係唔做。
食咗大概二十分鐘，女朋友嘅熱檸蜜仲未黎，因為已經催過一次，到就食完都未黎。
女友：杯熱檸蜜唔想要喇，等咗好耐，又催過一次。
阿姐：咁熱檸水要唔要呀，一秒鐘拎俾你。
女友：都係唔洗喇，麻煩取消咗佢。
阿姐：熱檸水好快咋嘛，咁都唔要～
咁耐無上杯飲品，想取消都要有說話聽真係🙄。差啲反枱爆粗。🤬之後另一同事唔出聲將新單擺係我枱面。又係唔好意思都無句，唔通我錯呀？
我都係錯嘅，無睇呢間野買咗幾多打手。😢
祝捱不過疫情。👋😏
個個google map view 都咁多字知咩料喇。😏😏😏
食物夠水準.服務好
雪山雖冷，人情卻暖。港式的六十載溫情就在老字號雪山冰廳。暖，在於熱呼呼的豉椒炒蜆，香噴噴，新鮮而肥美，是我的最愛；熱門菜中的椒鹽豬排飯，更是香脆；皆有鑊氣。豬排外脆內軟，用的是老字號特色炒飯底，一口炒飯咬下去，也彷如單可從飯中吃到豬排，層次感極具心思。一碟上湯菜，讓我大吃一驚的是，分量極其驚人，碗中碗上外凸都剩滿蔬菜，性價比高得令人意外。小吃方面點了菠蘿包漢堡，我雖吃不得膩，卻也能享受兩人分著吃一個。這種漢堡fushion我也是第一次，令人回味。冷，就在樽仔奶茶上，香濃而沒有茶鹼，不會太甜，在小瓶子配上迷幻的牆壁，文青味也十足！
豉椒炒蜆($88)
椒鹽豬排飯($62) (+$9奶茶）
上湯菜($35!!!)
芝士煎蛋菠蘿油漢堡($26)
榛子西多($30）
煮麵水準穩定
正， 份量大，服務好！
地方太細😅 …
最近疫情好轉，都係時候去同女皇嘅爹娘聚吓食餐飯。而對佢地黎講雪山冰廳就係佢地嘅食堂。
差唔多成年無黎，環境無乜點變，而疫情下大家當然要盡足責任做個安心出行同量個體温。
今晚最想試嘅就係新品，老壇酸菜魚。如圖所示有倆個size。
呢個係土豪份量，以冰室黎講真係好有誠意。味道酸辣適中，魚肉嫩滑，份量名副其實嘅土豪。
另外可選擇跟白飯或者寬粉。(個人建意跟飯，因為個魚本身都有寬粉底)
黎到雪山我有倆樣必點一係跟餐嘅燉湯，味道清得黎，食得出夠足料夠火喉。
另一樣就係樽仔奶茶–香同滑你找對了。
阿爹最愛嘅紅豆茶走冰
豉椒炒蜆—鑊氣十足，每隻蜆肉都十分肥美，送飯一流
去骨海南雞–皮下僅存嘅一層啫哩，令皮肉溶為一身唔好忘記佢嘅辣椒醬。
蜜椒野菌薯角牛仔骨煲—一樣係送飯之選。整體都唔錯，唯一失望係油飯似乎略為退步，偏濕軟嘅口感，唔夠香口。
食物好食, 餐廳裝修有一點懷舊元素, 整體餐飲體驗很不錯。
雪山冰廳@長沙灣
之前食過深水埗果間分店覺得性價比好好，食物質素唔錯，份量多價錢又唔算貴😍
所以今日去開長沙灣，再同朋友encore 多次呢間😄
員工仲要好好，會介紹我地有咩好食👍🏻
老壇子酸菜魚（迷你）跟寬粉 $98
雖然話就話係迷你，但酸菜魚嘅份量都好足夠，一啲都唔”迷你”🤣🐟魚片好滑同埋一啲都唔會話好易散，而且寬粉同配菜都好多，酸辣比例好好，寬粉好Q彈同入味😋
蜜椒野菌薯角牛仔骨煲 $88
牛仔骨用黑椒醃，再熱辣辣咁用煲上好惹味👍🏻而且肉質好易咬開，完全唔韌。配埋甜甜嘅薯角完全將個牛仔骨昇華左🥰
花膠海鮮煮雜菜煲 $85
雜菜煲份量好大，啲湯亦都唔會話好鹹，清清地食落岩岩好🥦
榛子醬西多士 $32
終於嚟到飯後甜品啦！！！😍西多上面有一大片牛油，再加埋啲榛子醬，食落唔會好甜，而且個味道好夾😊不過建議大家唔好落咁多糖漿，如果唔係就會覺得有啲溜😂
長沙灣美食多～ 身為街坊既我感到幸福❤️ Happy Friday 就揀左間有好耐歷史既冰廳食飯～ 可以屹立不倒咁多年～ 一定有佢既原因🤤
榛子醬西多（$30）
係呢間既人氣小食🤤 西多一向配開花生醬，佢地改為配榛子醬一樣好食！西多蛋漿均勻，炸得好靚～ 牛油、蜜糖同榛子醬份量剛好，食落啖啖醬餡，夠晒邪惡～
樽仔奶茶（$15）
喜歡佢咁樣既packing!!! 有別一般茶餐廳，改用樽仔裝，飲唔晒可以帶走唔浪費～ 奶茶的茶味比較出，口感幼滑～
避風塘炸髀（$30）
另一邪惡美食，特別之處係避風塘粉，夾埋一齊食好惹味，美中不足係雞髀肉炸得太柴，唔夠肉汁同嫩滑。
紅豆冰（$25）
炸髀一定係配紅豆冰！紅豆煮得又甜又淋，絕對唔hea~~ 可惜擺得太耐啲冰融晒先飲，奶味沖淡左啲～
酸菜魚（迷你）寬粉（$88）
適合1-2人份量，魚同寬粉既份量唔少，魚片食落好嫩冇骨，值得一讚！酸菜太酸食唔到🙈 整體味道我認為太辣，後勁凌厲⋯ 忍唔住叫多杯凍飲先食到，唔知可唔可以叫bb辣呢？
華田配Oreo （$25）
為左解辣而叫既凍飲，味道出奇地唔錯，華田係暖暖的，要慢慢得啲冰融先得～
經典芝蛋牛肉漢堡包🍔最正，麵包外皮香脆內裏鬆軟，牛肉軟腍，蛋是半熟荷包蛋，切開便看到澎湃的蛋黃流出🤤🤤🤤很想要吧！
金黃色的咸蛋黃雞中翼、樽仔奶茶都值得一試！估唔到麻甩之選椒鹽豬扒飯都夠鑊氣，豬扒大大件，有肥有瘦，厚身有嚼口😋下午茶時段人流不絕，深受街坊喜愛的茶記！ …
今日我去左長沙灣，行到夜晚攰攰地，見到呢間餐廳幾多人，裝修企理光猛，就坐低試吓佢。
餐牌選擇有好多，有五有波士頓龍蝦叻沙，咖喱，酸菜魚都有。由於嗰日我哋行到七八點，所以最後買咗幾個小菜做晚餐。
嗌完餸之後好佢就上個跟餐燉湯，個湯係成中燉嘅，飲落冇味精，有好多材料喺入邊，仲食到有舊煮到淋晒嘅煲湯豬肉。
富貴滑雞煲
顧名思義個雞煲啲材料都好豐富，有鮑魚有花膠，啲花膠煮到淋晒，仲有好惹味嘅滑雞。
美極牛仔骨
呢碟都好惹味，上碟份量好多，件件牛仔骨都啖啖肉，配合埋啲美極汁，可以拎黎食幾碗飯。
咁之後我哋仲嗌左個蒜蓉炒菜芯，份量都好多，啲菜好新鮮，岩哂健康人士。
食物質素我比三粒星
#香港老字號茶餐廳
雪山冰廳1956年已經營啦！到今時今日已經六十多年！
前日去了品嚐了一頓豐富的晚餐，有最愛的燉湯、小菜， 確滿足呀！
🐔🍚去骨霸王雞
雞件去骨 ，軟滑可口真好食😋
砂煲芥蘭
十分惹味濃厚蝦醬炒芥蘭
西蘭花🥦炒蝦🍤仁
新鮮熱辣出爐一樣滋味
燉湯足料藥材湯飲落有家中媽媽👩煮飯的溫暖的感覺！
📍雪山冰廳-1956
長沙灣青山道413號東景大廈地下4-5號
一般啦
星期六去長沙灣嗰邊睇戲，睇完朋友介紹我黎食雪山冰廳，佢平時都成日黎食早餐。舖頭雖然唔細，但下午茶時間都幾full，好好彩咁啱有位🖖。Menu超多小食揀，主食都有好多款勁吸引🤤，焗飯、粉麵、素食、咖哩、酸菜魚、快餐etc.😂，真係唔知揀咩好😍。原本想試好出名既始祖椒鹽豬扒飯(炒底)，但由於想試多啲小食就無叫🙈，2個人叫咁多野仲要差唔多食晒，變左大胃王比賽咁😂。
🔅避風塘生炸脾配紅豆冰 ($40)
黎到梗係要試下生炸脾😝，邪惡度爆燈！影完相先食就唔會辣口啱啱好，雖然雞脾唔係好大隻，但上面既椒盬同炸蒜係好香，本身雞脾又入味。平時食開重口味既真係推薦試下😚。
🔅榛子醬西多士 ($32)
西多士本身係極邪惡極肥，平時真係唔會叫😂…不過呢到好似出名就梗係要試埋😋。多士炸到脆邊，牛油睇住佢慢慢溶好治癒🤣。榛子醬都搽得勻，啱啱好唔會超膩，唔加蜜糖都可以。
🔅炸魚薯條 ($32)
炸魚就細舊啲，不過計番呢個價錢真係相當唔錯。兩樣都新鮮炸起，好脆，不過魚就炸得燶左啲啲。薯條份量都唔少，粗薯點都會加分！
🔅南乳雞翼(三隻) ($33)
睇個樣雖然乾啲，不過都ok，炸到好脆，入面都仲好滑。不過南乳味唔算好濃，同埋燶左啲啲。
🔅爆餡蛋牛治(烘底) ($28)
牛同蛋都好正常，唔會太鹹，又好滑，加埋蔥好香，真係爆晒餡好足料。烘底既包脆得黎唔會硬到刮損個口😂。
🔅經典芝蛋牛肉漢堡包 ($35)
Burger舊肉幾厚，但又好juicy唔會太乾。蛋個人偏好都係唔鐘意太生，所以啱啱好，未爆晒蛋汁出黎。包就好脆好香芝麻味，食食下發現原來個醬係芝麻醬，又幾特別幾夾。
🔅秘制麻酸辣魚片嫩雞米線 ($45)
叫完小食好似差啲所以都係加多個米線食😝。魚片雖然得2塊，但雞都幾多，仲要真係夠嫩！一啲都唔鞋，有驚喜！同埋佢既麻辣係適中，有麻又有辣，不過就唔夠酸味，以為頹野點知都交足貨👍🏻。
🔅樽仔奶茶 (加配$9)
個樽仔好特別係餐廳自己整，唔算好大枝，不過好滑好香奶茶味，典型港式奶茶，唔算好甜都唔錯。飲唔晒又可以拎走唔怕嘥，最好大家就拎去回收支持環保♻️。
🔅紅豆冰
奶味好香，紅豆未至於爛晒，幾有咬口，最鐘意佢唔會太甜。
💬總括而言呢間真係超抵食，特別係下午茶時間！本身選擇又多，試咁多款基本上都無伏，staff服務態度又好好，上菜都夠快，坐得都幾舒服，位置都唔算遠👍🏻。
🥢雪山冰廳
📍長沙灣青山道413號東景大廈地下4-5號舖
☎️5226 3468
⏰星期一至日 06:30-23:00
好耐之前食過深水埗分店下午茶，今次黎另一分店食晚餐。長沙灣一樣有大大幅壁畫，餐廳光鮮闊落，有四五十個座位。七點左差不多坐滿全場，食物相對要等耐少少，待應好好會主動幫手追下，今次兩人叫左三個餸，每人平均百二左右。
– 滋潤燉湯 跟餐+$9
入面有淮山紅棗雞腳豬肉同螺頭，都好足料，個湯幾夠味，無話飲完口渴。
– 樽仔奶茶 跟餐+$9
餐廳皇牌之一，口感順滑，甜度適中，茶味剛好，真係必飲。
– XO醬海中寶西蘭花 $78
好有鑊氣，唔會好油，分量正常，有魷魚魚肉同埋蝦，每樣都有幾舊，對得住價錢。
– 孜然香燒豬仔髀 $68
一碟四隻髀，一大啖肉，孜然味可以再重啲，但味道唔會好咸，又唔太乾身。
– 黑松露沙拉一字骨 $78
有六舊，每舊都有黑醬，而沙律醬兜得好均勻，條條骨每面都有，鍾意食沙律嘅我覺得正。
無八達通付款
霸王(無骨)雞……頂瓜瓜
“檳城叻沙摻摻 配日本櫻花蝦炒蛋+鮮奶牛油多士”($58)
“始祖椒鹽豬扒飯(炒底)”($65)
“榛子醬西多士”($32)
“避風塘生炸肶”($35)
“樽仔奶茶”(+$9)
雪山冰廳呢個名細細個就聽過🤣但食都係第一次🤣
今次就去咗位於長沙灣嘅分店
舖頭裝修有濃濃嘅舊香港風情,夠哂特色☺
通常去親冰室我都會叫特餐/常餐,今次都唔例外😝
叫咗份其他冰室都幾少見嘅特餐:檳城叻沙摻摻😍
配上日本櫻花蝦炒蛋🦐+鮮奶牛油多士🍞
叻沙湯底幾香濃又夠杰身😋茶餐嚟講幾高質🤤
炒蛋加上櫻花蝦鹹香十足☺
丹麥多士食落都夠哂酥脆😙
另外要咗份餐廳推介嘅始祖椒鹽豬扒飯🐷
碟飯份量超級大😆2個人都夠食🤣
炒飯夠乾身,啲飯粒粒分明
味道香香辣辣咁好惹味🌶
椒鹽豬扒肉質軟腍唔會韌☺調味都岩岩好🤤
我地仲叫咗2份小食😝
分別係榛子醬西多士同避風塘生炸肶🍗
西多配榛子醬食落唔會太甜太溜☺
估唔到又幾夾😝
避風塘生炸肶個面舖滿炸蒜🧄
超級香口惹味☺
雞肶新鮮炸起一咬落去係噴哂汁好正😍
海南雞飯，皮爽肉爽，油飯不太油膩，推薦。
【長沙灣老字號街坊冰廳✨雪山冰廳🤎】
✨雪山冰廳🤎
•
今次嚟到位於長沙灣嘅雪山冰廳✨係一間開咗業60年嘅老字號 由於價錢經濟而且幾抵食！所以附近都多街坊得閒會落嚟食下😍
————————————————
❶ 波士頓龍蝦叻沙摻摻 $78
一嚟到係勁大碗✨湯底香濃惹味 幾重蝦味 而且帶啲椰奶香😋上面有半隻龍蝦 配料仲有魚片、雞蛋和豆卜等😚摻摻係油面mix米粉 有晒兩種口感🤪每一啖都非常掛湯
❷ 經典芝牛蛋牛肉漢堡 $35
包係用港式芝麻包 中間再夾着煎蛋、芝士 、免治牛肉和麻醬✨食落夠晒Juicy! 麵包微微烘過 牛肉漢堡幾厚身 不過略嫌煎得過乾🥺 整體性價比都幾高 值得一試～
❸ 黑蒜田園炒時蔬 $45
我哋揀咗炒菜心🤣感覺唔算好特別 識落黑蒜味唔夠重🥺不過為咗健康着想真係要食多啲菜🥺！
➍ 樽仔奶茶 $25
用左樽仔裝住 喺雪櫃拎出嚟夠哂凍😚唔怕平時加冰融到淡哂味😋入口順滑濃厚✨偏重奶味 都有淡淡茶香🧋
❺ 華田曲奇妙趣 $25
個底係華田底🥺上面有一大pat忌廉 隔離在擺咗一塊oreo曲奇 飲落唔算特別🥺我覺得就咁叫返凍華田都ok!
食物可以。