金亞淶泰國餐廳(Golden Aroy Thai Restaurant)

去D2 Place行街,見到有間樓上泰國餐廳,俾佢山咁高嘅菜式吸引咗😍
估唔到呢頭有間咁抵食又好味嘅餐廳👍

本身唔太鍾意食芫茜都有啲驚,但好在泰式火山骨個汁醬無乜芫茜味,只要沖乾淨晒佢上面啲芫茜粒就👌
個汁酸酸辣辣好開胃,如果唔係咁多肉,食一食就好快滯~
啲肉煮得好腍,而且好易就可以由啲骨度拆出嚟,好方便食😋~
而且骨間肉一向係最滑嘅,加埋有少少烤香嘅味道,估唔到咁正🔥~

母親大人最喜歡呢個海南雞嘅皮肉之間有層啫喱🙈
我就最鍾意佢去晒骨,啖啖肉~
肉質好嫩滑,味道適中,點啲醬汁酸酸地就啱~
而且伴豆嘅酸瓜酸蘿蔔都好味🥕🥒,唔會係死酸味~

新鮮炸起泰式蝦餅勁邪惡🦐,但就好脆好香口~
蝦餅好彈牙,喜歡香口嘢嘅朋友必試!

不同嘅奶茶中,我其實最鍾意泰式奶茶😍
雖然係比較甜,但味道好特別~

一向都鍾意食椰子椰皇整嘅甜品,睇人哋介紹都話呢個椰皇三重奏好食,所以一於試下!
佢個容器好似椰殼咁🥥,誠意十足!
底層係椰子水啫喱,滿滿椰子水嘅清香味~
而面層有椰汁糕,椰味更濃更甜~
最面有啲燒椰絲,將椰子味更濃縮~
呢個真係正到我下次經過一定會外賣🤣🤣

好少去工廈食嘢,但好多時啲工廈都有臥🐅藏🐉~
今次因為食咗火山骨太飽,見到其他人點嘅咖喱飯類都好吸引,啲豬扒雞扒勁大塊~
下次有機會再嚟試下啦~

火山骨超級正， 打卡椰皇甜品

呢期終於開番關啦～ 但仲未去到旅行既我，依家要靠食間泰國菜來解決思念既情懷。

呢間泰菜味道都幾正宗，首先一定要叫既就係火山骨。 泰國出名既食物， 份量都尚算幾多， 但味道就真係幾唔錯， 辣得黎又好刺激。 酸酸辣辣好開胃。 當然頭盤一定唔小得生蝦，生蝦食落都新鮮， 唔會係俾d 雪藏蝦，所以CP 值都唔錯。

另外仲叫左個泰式雞串， 串燒黎講得最中意食雞串， 口感肉質係最好。

甜品叫左樣幾打卡既椰皇三重奏， 食落口感好滑， 好正， 一定要叫黎試下！

飲品：泰式奶茶和椰汁涼粉冰，水準正正常常。
餐點：5
服務：4
氣氛：4

荔枝角工廠大廈既泰式美食 性價比極高
例牌海南雞 好滑好肥美 下次會叫多個油飯就perfect
必叫既火山骨（豬） 走荽茜 汁酸酸甜甜超開胃 同埋d肉好易就整到出黎食用 因為非常淋 好好味 同埋portion 超大 一大班人黎食就岩岩好
再黎生菜包 生菜超多塊同新鮮 豬肉調味好香如果可以再辣d會更惹味
飲品叫左青檸梳打同龍眼水 解渴清新
最驚喜係個甜品 椰皇三重奏 超多層次 椰奶極香 同埋個果凍整得好出色 好想encore!!

網媒介紹，工業區平價高質泰菜。
推薦泰式火山骨、泰式肉碎生菜包、沙爹雞串燒 4串、招牌泰式奶茶、金鑽鮮波蘿冰 、椰皇三重奏

荔枝角最近爆紅美食就係火山骨！
見勁多人打卡！同朋友都唔執輸緊係馬上黎食下！一試佢既引人之處！

火山骨有兩款既一款係豬骨
另一款就係和牛！兩種都好似好正！
不過朋友仔唔食牛牛！於是就叫左豬🐷

🍽️泰式火山骨-豬（$158)
比我想像中更加大碟！！正呀
一定係相機食先打個靚卡！
係瑕酸酸地羌茜口味！
拆左超多肉出黎！肉質軟林林肥瘦岩岩好🤤

🍽️泰式肉碎生菜包（$68)
生菜都好新鮮👏🏻
夾埋酸辣既豬肉碎夠曬辣

🍽️菠蘿炒飯（$88)
原個菠蘿上台！勁多肉鬆
一啖菠蘿一啖炒飯🫶🏻
幾足料大大隻蝦！

🍽️椰皇三重奏（$35)
甜品！是必須的！
椰子水jelly
加上層既椰汁凍！
清甜！有口感！

🍸🍸椰汁冰&椰汁涼粉冰（$18/$18)

(((金亞淶泰國餐廳))) 椰絲碎香脆香脆的, 誠意的手作, 讚!!! (*≧∀≦*)

******************************************

青檸梳打 @$15:

玻璃樽裝泰國梳打水, 正正!!!,,,

泰式蝦餅 @$68:

炸蝦餅外脆內軟, 啖啖蝦肉,

不過其中兩塊蝦餅還未瀝乾油,

泰式肉碎生菜包 @$68:

肉碎偏酸, 酸味蓋過任何味道,

但我喜歡酸, 因此我感覺是不錯的,

另一點是此肉碎缺少了泰式香葉的香味,

泰式火山骨 (豬) @$158:

上桌時絕對是壯觀的, wow!!!,,,

火山骨就是煮得很o林的豬肋骨,

不費吹灰之力, 就能把肉骨分離,

然後沾上大廚特製的泰式酸辣汁,

又酸又辣, 非常泰式, 非常開胃, 讚!!!,,,

榔皇三重奏 @$35:

最底層是透明的椰皇水o者o里,

清甜清甜的, 很清新的o者o厘,

第二層是雪白的椰子奶奶凍,

味道香濃香濃的, 口感滑滑的,

最頂層是烤過的椰絲碎,

椰絲碎香脆香脆的, 誠意的手作, 讚!!!
服務
內用
餐點類型
晚餐

荔枝角新開泰國餐廳，由泰國人主理，都幾多人幫襯，就今日去試試！

泰式火山骨 (豬)
一上枱「嘩！」舊骨好宏偉，性價比都幾高，酸酸甜甜的，肉感軟腍入味，點著特製的醬汁別有一番風味！真係有個火出係隔離哈哈！好細心的有手套同埋骨桶，用手食係特別滋味！

泰式蝦餅4件
即叫即炸，勁熱，香脆口，食左一啖停唔到口，蝦味甚濃，香口野我最岩！

菠蘿海鮮炒飯
價錢上很相宜，份量很多，而且餡料都非常豐富，仲落左臘肉、大大菠蘿、魷魚、雞件，估唔到咁細個菠蘿可以塞滿咁多餸，超級有驚喜！飯底亦都好濃味，啖啖入味！

招牌泰式奶茶
實不相瞞係第一次飲，泰國必用的Cha Tra Mue茶葉，所以先係咁樣顏色，飲落重奶味，都幾特別~

椰皇三重奏
上層係濃濃椰漿糕，係軟身椰香整出黎的，口感嫩滑，下層係晶瑩椰青糕，濃濃椰皇味道，絕不馬虎，必點甜品，好fresh好食！
服務
內用
餐點類型
晚餐

龍眼冰 椰汁珍多冰龍眼冰 有好多龍眼肉，食食下飲一啖真的好爽，椰汁珍多冰朋友過好重椰汁，又有好多配料，唔錯，泰式肉碎生菜包泰式肉碎生菜包佢哩個系偏酸同埋濕的肉碎，比平時食泰菜的泰式肉碎生菜包有分別，加埋生菜都唔錯，如果再乾身一點會更好泰式蝦餅泰式蝦餅有4大舊，好像冬甩的形狀，新鮮炸起的泰式蝦餅真的好好食，好彈牙~泰式火山骨(豬)現在好多泰菜店都有唔少出泰式火山骨，哩間的泰式火山骨(豬)真的好多，有6-7大大舊，真的3個人食都OK，幸好我地無點飯類哩個泰式火山骨(豬)真的食到我同個FD好飽~泰式火山骨(豬)的肉好LUM，加埋酸辣汁，真的好惹味，椰皇三重奏椰皇三重奏真的一定一定要點，佢有三層LAYER，有椰汁榚，椰青JELLY同埋椰絲，哩個椰皇三重奏真的好好食唔會好甜，真的心機之作

📍 📍 📍 金亞淶泰國餐廳 (荔枝角)
荔枝角長沙灣道883號億利工業中心1樓102號舖

見到地鐵站一岀有張poster 話係泰國人主理既泰國菜 ，見佢咁近地鐵站，而且價錢又抵，一於試試佢。入面裝修簡單但乾淨舒適。

👉 泰式火山骨（豬）
💰158
😋😋😋😋.8/5
呢個骨唔係間間泰菜都有，我見到有就一定要食！之前幫襯過其他餐廳，價錢係佢double。但個份量都係一樣咁大份！個豬仔骨超大份，成座山咁。面上有好多芫荽同埋淋左啲泰式嘅酸辣汁係火山骨到！個骨夠淋同入味，用手將啲肉絲撕出，再加泰式酸辣汁，真係超開胃！但肉好淋軟唔痴骨，又唔肥膩。估唔到可以食曬🤭🤭我都俾自己食量嚇親，但真係好好食🤭值得一提，餐廳都會附上手套方便進食🫶🏾🫶🏾

👉 泰式去骨海南雞(例牌)
💰68
😋😋😋😋.5/5
個雞皮好爽，唔肥。雞肉夠嫩，啖啖肉，點啲醬汁酸酸地。仲有配醃蘿蔔、青瓜絲，好開胃。

👉 泰式酸辣鳳爪
💰68
😋😋😋😋.8/5
無骨鳳爪有軟筋連帶，夾集埋素左汁嘅蔬菜絲食，同埋酸辣泰式汁醬，酸酸辣辣。🤭

👉青檸梳打
💰16
😋😋😋😋.5/5
青檸梳打好清爽，欣賞佢俾客人自己落梳打水，好夠汽又可以走甜，。

👉「招牌泰式奶茶」
💰16
傳統的泰國風味，奶味濃郁兼有淡淡茶香，唔錯。我唔記得左叫小甜，店員專登俾杯無甜既我溝埋，超好🫰🏿🫰🏿💕

👉珍多椰汁涼粉
💰32
😋😋😋😋/5
白色的椰奶中浸著翠綠色的粉條同西米，仲有涼粉，質感軟滑，淡淡清甜的斑蘭味。口感豐富，食埋呢個甜品真係好滿足💕

回頭: yesYesyes!!! 用料有誠意，定價又實惠，而且位置都好方便就腳！而且店員超友善！真是非常之推薦！一定會再食，因為泰抵泰好食😋

#kermit食在荔枝角

荔枝角樓上泰式餐廳

最近去荔枝角做Gym
多咗喺荔枝角食飯
喺工廠大廈嘅樓上店舖搵到呢間泰國餐廳

見到佢哋有火山排骨就入去試吓

嘩！呢度嘅泰式火山排骨（豬）$158
真喺好大份，個汁酸酸辣辣好開胃
辣嘅程度喺好吸引嘅微辣
排骨肉嫩多汁

泰式去骨海南雞半隻 $88
好滑嘅無骨海南雞，大碟夾抵食

泰式蝦餅 $68
蝦餅炸至外層鬆脆內層彈牙鮮味

馬拉棧炒通菜 $45
呢個價錢其實好抵食
平時其他泰國餐廳大多$78-$98

椰皇三重奏 $35
最特別喺個甜品，椰皇竟然分三層
椰絲、椰奶凍、椰汁啫喱，三層口感

金亞淶泰國餐廳 (荔枝角)
荔枝角長沙灣道883號億利工業中心1樓102號舖

#本地遊 #foodie #香港好去處 #好煮意 #香港美食 #荔枝角美食 #hkfoodies #hkfoodblogger #foodiehk #泰國菜

這間位於荔枝角工業大廈內的餐廳，主打泰國菜，價錢便宜，而且份量十足。
泰式火山骨
三大條豬骨，炆至肉質嫩腍，加上特製泰式酸辣醬，泰式香料味濃郁，豬骨很多肉，還有些脆骨位，非常有咬口又惹味。
泰式肉碎生菜包
生菜乾淨翠綠，肉碎加了些洋葱、芫茜等香料，以生菜包著食十分清新。
泰式蝦餅
蝦餅炸至金黃香脆，咬開中間還冒煙，中間蝦膠彈牙且鮮味。
椰皇三重奏
椰青啫喱做底，表面是椰奶及椰絲，椰青水的清甜味充斥味蕾。
最後飲返杯青檸梳打及青檸薏米水，解一解辣，抵食又好味的一餐。

黎完D2 place睇戲就黎揾食啦，見到樓下有大大塊banner介紹哩間泰國餐廳，咁就試下啦，正正喔🥰

▫️火山骨
▫️泰式海南雞
▫️ 椰皇三重奏
▫️ 沙爹雞串燒
▫️ 招牌泰式奶茶
▫️ 青檸梳打

火山骨大大盆，豬肋骨燒到香噴噴，火喉掌握得好好，加埋秘製嘅泰式醬汁，好惹味呀，而精粹就梗係用手攞住黎食喇，真係特別有風味🤩海南雞肉脂肪不多卻十分嫩滑，吃落啖啖肉，配上自家調製兩色醬汁😚真係好好食😘沙爹雞肉串燒 ，選用雞脾，混合香草發醃料醃雞，再以竹簽穿好燒熟，味道剛好😍椰皇三重奏，三重口感，好岩作為哩餐飯既甜品，既清甜又滋潤🥰招牌泰式奶茶同青檸梳打都係我必嗌既，哩度既泰式奶茶茶底好有泰國既味道，配上煉奶好夾喔♥

荔枝角呢個地方成日放工都會經過今次嚟到荔枝角工廈食泰國菜
，地址位於荔枝角長沙灣道883號億利工業中心1樓102號舖 。好近地鐵站

餐廳主打泰式火山排骨，多種小食、沙律、主菜、咖哩、粉麵飯類、甜品，各種各樣都有，有多種泰國特色飲品。

泰式酸辣鳳爪
酸酸辣辣非常之開胃，鳳爪份量都幾多，爽口，仲要係冇骨，小食之選

泰式火山排骨
一上枱的確十分驚人，好有氣勢，好大座, 外觀很像火山一樣，份量十足。排骨經長時間燉煮，煮得恰到好處,豬骨的肉質很嫩，每節軟骨位很容易拆開，用手輕輕撕開肉後再沾上酸辣的泰式汁，非常滋味。
，打卡一流。餐廳貼心奉上手套，一定要用手原件排骨吃！

菠蘿海鮮炒飯
用料十足，有好多新鮮菠蘿,海鮮炒飯鑊氣十足，米飯粒粒分明，用上新鮮的菠蘿、肉鬆、鮮蝦、魷魚等，酸酸地又清甜多汁，魷魚爽，蝦肉超大又彈牙，仲有肉鬆味道層次豐富

椰汁珍多冰,椰汁香濃配料豐富，口感是脆脆，加上爽彈的綠色粉條，有多重口感。
椰汁甜度適中

泰式椰汁冰
香滑椰香夠冰涼，消爽解渴。

椰皇三重奏
分別是最頂炙烤過的椰絲、中間椰奶味香濃的椰汁糕，以及最底層清甜爽口的椰青糕，三者口味各有不同，三種味道同口感好正。入口化開就如食得嘅椰青水，好好味。
椰青啫喱、椰奶及椰絲原來是一個完美組合
服務
內用
餐點類型
晚餐

話說睇完網紅介紹覺得好吸引，第二日就一齊上去試吓，去到門口已經好多人， 原來係排隊等外賣，不過入到餐廳都差唔多坐滿人， 我哋坐咗冇耐就已經開始要排隊入座。

見服務員好有禮貌, 佢哋送餐亦好快， 整個用餐過程都好愉快。

推介以下食物:

泰式火山骨
份量好大，送上枱時場面好虛撼好吸睛，遠睇成個盆景咁，加上芫茜份量唔少，香氣十足

泰式海南雞
海南雞好滑好好味，啖淡肉好正

泰式柚子沙律
好足料好新鮮， 酸甜比例啱啱好，非常之特別同味美

椰皇三重奏
呢個甜品真係冇得輸， 清甜而且超好味！ 真係做到三重口感同口味

嘢食好味都唔再講， 原來仲唔使加一， 真係驚喜一浪接一浪，佢哋位置係荔枝角站D1出口步行幾步就到， 地點超方便就腳，應該好快有下次！
服務
內用
餐點類型
晚餐

d2 place附近工廈搵到間抵食泰菜，晚市都無加一，值得推介下！

泰式火山排骨 $158
火山排骨一上枱好巨型同澎湃，份量大到3-4人食都可以。排骨多肉，而且啲肉夠嫩，好易咬開，味道酸酸辣辣，好開胃。

泰式蝦餅 $68
炸蝦吾太油，夠彈牙。

菠蘿海鮮炒飯 $88
炒飯用左咖哩粉炒香，再加左菠蘿粒，味道吾錯，另外有蝦、魷魚、雞肉、臘腸粒、肉鬆。

泰式奶茶 $16
奶茶吾會好甜，奶味夠！

椰汁珍多冰 $16
椰汁味無禁重，但好多珍多！

椰皇三重奏 $35
三重奏有炒椰絲、一層椰汁jelly，一層椰皇水jelly，所以有多重椰子既味道，椰子味夠哂濃。
服務
內用
餐點類型
晚餐

工廈中嘅泰國菜

收工係荔枝角覓食，地鐵站出口行幾步就到，係泰國人主理嘅餐廳😯

泰式火山牛$88-牛肩肉特登只整到三至四成熟以免太un，沾上酸辣檸檬火山汁刺激味蕾🥶

泰式蝦餅$68-都幾大舊抵食，熱辣辣又彈牙🦐

椰青海鮮炒飯$78-滿滿嘅一碟材料都唔少，有肉鬆、椰青、蛋、蝦、雞肉，食落好香口，食到椰青嘅清甜

椰汁珍多冰$16-粉條軟滑，椰漿香甜

招牌泰式奶茶$16-顏色偏橙，好有泰國風味香濃滑順🧋

珍多椰汁涼粉$32-同珍多冰差唔多但就多咗涼粉同冇咁甜
服務
內用
餐點類型
晚餐

這次來荔枝角主要來買蛋糕，期間與朋友途經荔枝角地鐵站，看見金亞淶泰國餐廳宣傳易拉架，寫道由正宗泰國人主理，勾起了我們的興趣，加上蛋糕店與金亞淶泰國餐廳都在同一工廈，位置方便，於是我們先去金亞淶泰國餐廳吃晚餐，後去蛋糕店買蛋糕。

橘褐色的招牌泰式奶茶，光用看的已覺得超香濃，喝上一口，果然那股特有的泰式奶茶香氣瞬間入喉，奶香厚韻純濃，加上茶香順口，味道迷人，朋友立刻喝了好幾口。

原本以為青檸檬薏米水很平凡，殊不知蠻好喝的，青檸檬薏米水充斥淡淡的青檸檬酸香，薏米粒粒分明又保有咬感，青檸檬帶出薏米甜味，整杯青檸檬薏米水清新無負擔。

泰式酸辣鳳爪整體口味嚐來清爽，作為開胃菜頗適合，整口唾液直流。鳳爪超有泰式風味，酸酸辣辣引出鳳爪的脆彈感，咬起來嚼勁十足，挑逗味蕾，泰式酸辣鳳爪表現亮眼，極速被我們橫掃完畢。

濃郁夠味的馬拉盞炒通菜，是朋友每次吃泰國菜都必點，馬拉盞的味道濃重，而且通菜挺會吸附醬汁，馬拉盞香噴噴的，讓通菜變得惹味，配上白飯會扒上好幾口，無敵涮嘴。

原條泰式火山骨拿起來直接啃吃，氣勢十足，靠近火山骨，聞到醬汁甜酸鮮辣的香味。火山骨使用金不換，香茅等泰國香料醃漬再燉煮，搭配辣椒，魚露製成的的酸辣醬汁，火山骨集酸，香，鹹，辣等豐富層次風味於一身。

火山骨煮得透徹，所以骨頭可以輕鬆用手就能扳開，戴上手套拿著吃最方便。細緻的豬骨肉非常軟腍，豬骨油脂結合酸辣醬汁好不滋味，就連縫隙邊邊的肉都不容錯過，誘人的青檬馨香酸甜和魚露鮮美，襯托出豬肉鮮甜，讓人吮指回味。

說到泰國小食絕對不能不提沙嗲雞串燒，經火烤炙燒的雞肉外酥內嫩，雞汁豐沛，展現出雞串嫩彈的一面，令我們享受到大口吃肉的快感，雞肉沾點濃濃的花生沙嗲醬吃更為味美，教人意猶未盡。

我本身是椰子愛好者，可以跟大家說這裡的椰皇三重奏真是人間美食，椰皇三重奏分別由椰絲，椰奶凍，椰皇啫喱組成三重奏。椰皇三重奏物盡其用，椰肉刨成絲碎去烤，飄散出椰香，甜品能做到齒頰留香實在厲害。

入口時先感受到椰奶凍的細滑，然後齒間咀嚼隨即感受到椰奶的綿香，緊接是晶瑩剔透的椰皇啫喱，保有椰皇水嫩清甜，吃下去水潤感在嘴裡溢開，生津解膩，令人回味，心花怒放。
餐點：5
服務：5
氣氛：5

放工約咗好朋友相聚
揀咗係我哋路程嘅中間荔枝角
朋友想食泰國菜，見到原來荔枝角地鐵站附近有一間都幾出名嘅泰國菜 一於試吓啦！
呢間餐廳係樓上舖位 ，但係位置非常方便 一出地鐵站就係啦！😀
果然非常多人，我哋都要等一陣先入到去
呢度係用QR code落單 非常方便
水同埋杯碟都係睇出邊自己拿取～自助形式
店員都好好人，推介左我哋啲名菜-~
首先叫咗火山骨
店舖招牌菜 上枱嗰時真係好震撼！三大塊 又粗又大🥰 望落去都令人食慾大開 勁多蔥蒜！
放滿上泰式醬汁 一定要用手食 因為實在太大舊啦！好彩店家好貼心咁有手套 🧤
肉質一啲都唔會乾 配上酸酸甜甜 又有少少辣味嘅泰式醬汁 令人食落唔停口！💯

泰式肉碎生菜包 肉碎配上香料洋蔥炒埋一齊 再用新鮮爽脆生菜包住嚟食 清新之選❤️

菠蘿海鮮炒飯 叫咗個主食一齊share，有新鮮大蝦🍤、 粟米🌽、臘腸 、肉鬆等等炒埋一齊 再放上新鮮菠蘿🍍上 炒得乾身又好味

最後要咗個甜品 椰皇三重奏
呢個真係必食！喺椰皇啫喱上再有奶凍再放上椰絲 奶香十足 一啖有三種唔同嘅口感 正😝

飲品叫咗青檸檬薏米水🧉同埋青檸梳打 🥤唔會過甜又好飲 夠晒冰涼，好正👍👍
服務
內用
餐點類型
晚餐

今晚又係億利做嘢，做完後順便食飯才返屋企，原來之前好出名嘅台灣餐廳已經轉手，但坐位設計上有啲相似，平日中午都要等位，好在晚上比較容易搵位。

泰式蝦餅$68，4件都係大大件，比平時大20%左右，肉質彈牙，蝦味亦算濃，炸得脆身。

生蝦刺身$98，有6隻蝦，辣醬酸甜辣到做得好平衡，更加提升蝦的鮮度。

泰式火山骨$158，第一次食此菜式，果然夠特色，豬骨的肉質夠淋，醬料又配搭得好，少少酸同少少辣，食起嚟唔會太過肥膩，用手食亦夠晒滋味，份量多，2個人都未必食得晒。

椰皇三重奏$35，呢個特色甜品食落好滋潤，椰汁味濃厚，再加少少椰絲在面，好似食緊椰青肉一樣。

最後加椰汁涼粉冰及椰汁珍多冰，兩杯都好正宗，椰汁珍多冰入邊放咗一啲爆珠，咬落好有口感。
服務
內用
餐點類型
晚餐

今次係婚前嘅一餐 正宗泰菜🥳
最掛念泰國嘅火山骨($158) 大廚採用豬小排
食落去每一啖都係肉 肉質軟腍濕潤😋
加上用辣椒秘製而成的醬汁 味道酸辣
開胃得嚟 都超級辣同香 好味！
食泰國菜又點少得生蝦刺身($98/6pcs)
吸引之處係伴隨的泰式酸辣汁
將生蝦嘅鮮甜提升到另一境界😝
至於沙嗲串燒($52/4pcs)都係必食之選
最明顯的醬汁有花生味及椰奶香
串燒一沾醬汁 肉味十分香濃惹味！
最後最推薦亦係第一次食嘅椰皇三重奏($35)
由椰青啫喱 椰汁 椰絲組成三層 超級好味
椰香味十分濃郁 口感層面好豐富👍🏻
性價比十分高 幾個人去食都多選擇🙌🏼
服務
內用
餐點類型
晚餐

天氣已逐漸轉涼，無阻我對酸辣野既喜愛😂 男朋友話見到某channel介紹金亞淶，表示想食，咁好啦，就去啦。 金亞淶位處工廈，空間比較闊落，我地平日既晚餐時段黎，都唔算多人，坐得ok舒服。講下d野食先～

火山骨
據聞係必叫，上枱大大份，因為呢道餸既精粹係噒骨，餐廳好貼心咁提供埋手套等我地唔好食得咁狼狽。味道黎講係好有東南亞風情，可以幻想下自己係小島攤係沙灘一手揸住個椰青另一手撕住d豬肉食既畫面！佢個種泰式酸辣味係偏酸少辣，配埋d都算煮得好淋既豬，很開胃！

生蝦刺身
大大隻，厚肉爽口，如果鮮甜d仲好。

菠蘿炒飯
發揮出應有既水準，飯既濕潤度岩岩好，料亦都好足，食極都仲有餸，食左幾碗！

椰皇三重奏
話說我係椰皇既die heart fans, 食呢味野前我好似已經連續食左兩晚椰皇甜品，但係呢個椰皇三重奏仲係驚豔到我😍講起又想食！佢既三重奏層次感十足，味道好濃郁。頂層既椰子碎，中層係椰奶味重而口感比較似燉蛋既，底層係質感比較爽滑既椰子jelly。食完好滿足。

加埋兩杯野飲埋單400蚊唔洗，食飽飽，服務又ok, 未試過既朋友可以試下～

巨型火山骨🌋手撕慢慢搣好和味😋
.
荔枝角新開泰菜有巨型火山骨💥，成段骨比你手撕慢慢搣🦴，餸菜款式唔算多，但集齊晒泰國特式美食🇹🇭，唔該叫咗好多肉食😅，愈食愈掛住去旅行🧳，大家plan好行程出發未啊✈️😂？
.
【泰式火山骨 $158】
巨型火山骨成段骨慢慢搣好好和味😂
豬肉煮到好淋一搣即鬆散
但又不失肉質感👍🏻
肉吸收晒酸酸甜甜醬汁好開胃唔乾身☺️
2人share 都唔會太飽😆
想又濃味啲食前點下碟上汁🥰
不過要大力啲撕開啲骨但又好驚整翻隻碟🤣

【青咖喱雞扒 $58】
顏色/味道同想像中既青咖哩有啲出入🤔
首先佢係黃色🤔
唔太食到椰奶味既小辣咖哩🫢
咖喱裡面有一舊薯仔🥔
但又唔見有香葉、泰國茄子等泰國配料🫢
如果唔理似唔似青咖哩
味道都ok既～
炸雞扒切件似台灣野🤣
我以為係雞件放青咖哩添🫢

【沙嗲雞串燒 $52/4串】
雞肉尚算嫩滑
略嫌缺少了炭燒惹味
沙嗲汁帶辣甜椰奶味🤤
如果多汁啲倒埋落串燒到仲正😆
醬汁唔夠更顯雞肉乾身

【椰皇三重奏$35】
椰青啫喱+椰奶+椰絲原來係一個完美組合‼️😍
清新椰青啫喱+滑溜椰奶帶出清爽而軟滑奶香🥥🌿
加埋脆粒椰絲更特出椰子味
又增加口感👍🏻
重點係唔甜好清新🥰
大愛❤️‼️

【椰汁涼粉冰 $13】
椰汁+涼粉無違和感☺️
唔會太甜既凍飲好易入口🥤
連涼粉都唔甜架😆👍🏻

【招牌泰式奶茶 $12】
帶小小薄荷既泰式奶茶🌱
服務
內用
餐點類型
晚餐

今日又來到工廈搵好野食，這間泰菜讓我感覺到他的用心，每道菜都精心制成，而且知道係泰國廚師煮理🙂 來到工廈都食到這質素是棒棒喔👍🏻

「泰式火山骨」好宏偉的作品🤭 好似一幅立體山水畫😎用上豬脊骨，肉質好淋而且好香😌 配上自家制酸汁， 正呀😍 而且提供手套可以豪放地品嘗🤣
「冬陰功蝦湯」唔會太辣而且味道剛好，有大蝦幾隻爽口😋
「泰式去骨海南雞」份量不錯，而且雞肉滑嫩，重點已去骨可以啖啖肉🥰
「油飯」食海南雞飯點少得油飯，特別想講的是飯香，軟硬度剛好，而且每粒均勻油香😋
「招牌泰式奶茶」泰式茶香，都幾滑感覺🥰
「椰汁珍多冰」這杯珍多冰，不是用舊式彩條啫喱，用上脆珠🤭
「椰皇三重奏」好獨特面層有椰奶香，底層是椰子啫喱，值得一試😍

備註：
🔺這工廈都𨋢不是貨𨋢👍🏻
🔺晚市都多人，口啤唔錯🤭
🔺店員細心介紹菜式，nice🥰

泰式豬扒船麵轉金邊粉，泰式奶茶再加個馬拉盞通菜同椰皇三重奏。食咗個椰皇三重奏先，味道都唔錯，軟硬適中，如果椰味濃啲就重正。個金邊粉個湯都唔錯，豬扒炸得啱啱好，重好淋身同好有肉汁。個通菜無咩馬拉盞味，味道就偏淡咗啲，都叫ok。個泰式奶茶就淡咗啲，茶味唔係幾夠。但係整體都唔錯，佢重有個泰式火山骨，不過要晚市先有，睇落個樣都唔錯，有機會要嚟試下。
餐點：3
服務：4
氣氛：3

餐廳主打正宗泰國人主理 食物整體都好味同足料
試左好誇張mega size嘅火山排骨 一上枱連隔黎枱都嘩嘩聲
冬蔭功湯竟然有6隻蝦咁多，另外菠蘿炒飯都好重料
最有驚喜係個甜品椰皇三重奏 上層椰汁糕好滑 下層椰皇啫喱就好清甜 呢個真係值得一試