紅火雞煲(Redfire Chicken)

雞煲好食，火煱一般！

牛肉麻麻

—般

OK啦

火鍋用料新鮮，雞煲份量足夠，任飲任食價錢合理，一定要試。

所有食物都是冰鮮 , 附料要收費。

適合晚上人群的火鍋店。噪音大、空調差的生存體驗！

啲嘢幾好食，不過地下好油

價錢平，好食

雞煲再火鍋，剩係蝦滑墨魚滑已經無得輸

地方真不大

味道一流

今天是年初二，很多食店也不開門營業，凌晨五點，想飲茶只有這間食店，茶客全部都是老年人，上次幫襯的時間是上年，年初一！

好吃，便宜

錢多又夠膽嘅即管去食，無謂多講

食物，飲料，環景都Ok，服務员態度好😋 …

性價比高

服務很好

[元州黑店之隻手遮天]
首先俾佢嘅海報宣傳
話咩時光倒流價超正超好食
諗住淨係$148食雞煲火鍋 咪即管試下
見佢話訂座有肥牛送所以我都WhatsApp訂座
好我去到喇 已經覺得有少少奇怪
無論門口定係餐廳入面
都見唔到任何menu或價錢表
然後個秃頭男人就走過來問我哋食咩plan
我問佢有冇得睇吓先
佢話有，然後就拎咗張雞煲+火鍋+韓燒$218，公眾假期+$20嘅食物紙出嚟
咁我就好錯愕啦，因為佢網上面嘅宣傳從來都冇提過$218哩個選項。
咁我再問佢如果淨係食雞煲火鍋幾多錢呀
（因為按照佢嘅宣傳海報，雞煲火鍋只係$148）
點知個禿頭男人就開始好激動
佢指住$218話「雞煲火鍋咪就係呢個囉，呢個有埋韓燒呀，總之今日嚟食雞煲火鍋韓燒，計埋公眾假期多$20，咁多嘢食每人$238就行得出呢個門口，總之你放低$238就一定行到出呢個門口」
因為佢當時好激動，又開始講咩放低$238就可以行出門口之類。加上我以為自己係去咗分店，或者張海報係咁嘅價錢。所以我就話OK啦，最後要咗$238plan。
之後佢就係咁Sell我話墨魚滑蝦滑好好食，仲話個套餐包埋，仲好主動幫我哋落埋單，好似好驚我哋唔食咁。咁我就以為佢真心想推薦我哋試吓，所以都accept咗。

跟住就開始啦，等咗三個字雞煲先送到，送到黎又唔俾開爐話可以就咁食，開爐會燶（未試過出去食雞煲係唔開爐）。韓燒爐又話開細火就得，大火會燶，唔俾人自己調較。問佢係唔係會送肥牛，佢話要打電話預訂先計， WhatsApp預訂唔計。（明明張海報寫住預訂即送肥牛？？？）

終於食完個凍雞煲，叫佢加水打邊爐，呢個過程幾正常冇乜嘢。我地烚完一輪想再落單，由於兩個人去食，所以好多食物都叫兩份，例如肥牛啊豬肉啊，每樣嗌兩碟都唔過分姐，所以喺張點餐紙度我哋冇剔，而係直接寫數量「2」，個禿頭男人接咗點餐紙之後，就企喺隔離細心閱讀，期間又皺眉又搖頭，彷彿好不滿咁。我哋總共落咗三次，每次都只係俾一碟肉，啲豬肉仲薄過紙，大概得A4紙嘅4分1厚，都唔緊要，我當豪俾佢。跟住嗌咗個牛仔骨燒，嘩真係嚇親我，嗰啲牛一睇就知係走私肉，唔知雪藏左幾耐，點咬都咬唔開，唔好問我點解知係走私肉，你唔信我嘅話就親身去試一次。食物質素真係好差，可以話係垃圾，你如果想減肥我建議你嚟呢度食。我包你食完之後以後都唔想再食雞煲火鍋👍🏻

跟住埋單啦，我條氣都係唔多順，所以睇吓隔離枱嗰啲係幾錢收費，DKLM全部都係$168，大家都係韓燒雞煲火鍋，點解我會係$238，所以比張海報個另一個男人睇，我問佢韓燒雞煲火鍋唔係$168咩，點解我係$238。佢諗咗一諗，就話「你食啲嘢同佢唔同，你有叫墨魚滑蝦滑，多啲嘢食」。嘩，即係簡單啲講，個禿頭男人一開頭之所以咁熱情地幫我地點食物，原來係驚俾我哋發現原來叫指定嘅食物係會貴啲，佢快快手幫我地落咗order等我哋冇得反悔。明明嗰張食物表上面，都冇寫明叫呢啲嘢食係會貴啲。所以我完全唔知道原來叫嗰啲嘢係會貴。

仲記得一坐低嘅時候佢叫我哋唔好打開櫃桶，佢話入面嘅食物紙唔係用嘅。我走嘅時候好奇打開，發現入面竟然有一張寫住$148-$168嘅優惠紙，亦即係海報上面一模一樣嘅價錢。個禿頭男擺明存心隱瞞。

預咗實有人會批評我，唔信我。對於呢一類人我強烈建議你親身去試吓，真係唔係講笑，我生活已經好忙都特登抽時間打咁多字出嚟，你就知間嘢咩料啦。係google同openrice都有唔同人比好評，但係好明顯係做馬，就算係佢個Facebook專頁都會有個人留言，喺度扮晒嘢話咩你嘅意見我已經聽到我哋會改善，全部都係關公技巧。呢間野嘅生意手法就係不斷咁取巧，不斷咁劏新客，食完之後我第二日肚屙。可能有人會質疑我點解唔影多啲相，唔好意思，心情真係曳到我只係想快啲食完快啲走，有可能有人質疑我點解會用假AC出呢個POST，因為我怕比呢間嘢尋仇，好明顯成間鋪都係黑社會營運，都係果句啦你唔信我嘅就即管去試吓，今次嘅元州黑店之隻手遮天記，完。

紅火雞煲火窩（元州街店）
服務水平OK
但食物質素平平（兆萬店比較好一些）
地方也一般（重新裝修少不免）
加油
希望可以改番好

可以

黑店，叫咩叫幾多都係俾4片你，仲要一半都冇黎…寫120分鐘，仲有成4個字就黎熄你爐…話你再叫食唔哂就10蚊兩….從未試過有咁恐怖既經歷…依間野就係等佢執笠啦

一般

抵食，148+10%

服務好,價錢合理,有火鍋,韓燒,雞煲,食物新鮮!