麵皇(King Noodles)

好吃

材料質素高

點了肥牛酸辣闊麵，$49。加多了半湯匙醋，都沒有酸的感覺。湯底應該菌類吧，似無味精，可惜我不太喜歡，喜歡菌類者可以一試。下次要改食粗麵，它的闊麵，好多都黏在一起，似咬麵餅。怕弄髒衣服，吃起來，要好小心。
上次我點了餃子，皮好厚，是喜愛厚皮者佳音。還有餡餅，熱騰騰，皮脆脆，不是咬下去只有麵粉感覺; 沒有油膩口感，味道不錯，但我忘了點哪款味道。

非常好的手工中國麵條

一般般

我最喜歡的麵條店，麵條是下訂單後立即用麵團新鮮製作的。麵條質地緊實、綿密、有嚼勁，是香港最好吃的麵條。可以選擇湯底，從辣味的胡椒到清湯。我盡可能經常去那裡

好吃

肉餡餅好食！喜歡它的手工麵，做得不錯，無枧水。麵條有多種寬度選擇。自製水餃也不錯。湯底似乎少味精。店舖裝修得别緻。

麵條偏硬，要通知店家煮長一點，就像正宗意大利粉是偏硬一樣。

麻辣真係好麻好過癮😆豬肉手工麵可以一試啊～

年三十晚都要返工嬲，收爐前同個friend食個團年lunch啦。今次到我行去長沙灣嗰邊和佢lunch，本身想試嗰間餐廳無開，就求其搵間有開嘅試下啦😊。餐廳喺元州商場嘅街舖，都幾旺場，所以食食下成間坐滿哂人。

餐廳幾大間，坐到唔少客，而且環境都算幾四正，仲有大大幅牆畫，裝修算係咁。但有部分櫈比較細張，無椅背，坐得有點辛苦😅。

睇下餐牌先，原來呢到無做lunch set的，即係全日都係呢本。我認為價格定位都真係唔平，一碗麵最平都$4x，有啲甚至去到$7x，飲品同小食仲要額外嗌😩。連鎖米線店幾餸都係$4x姐嘛。

Anyway餐廳主打手工麵，有幾種闊度可以揀，分別係由幼、中、粗至寬。而湯底亦有得揀，原味清湯、麻辣、胡麻、胡椒、酸辣同酸麻湯底。餸就有唔同價位，花多眼亂🌸。

不過望住餐牌嘅我哋有啲一頭霧水，因為自選麵其實係幾錢呢？要問姐姐等佢解我哋聽，原來餐牌入面無嗰樣餸嘅款式，就最平$46喎；但餐牌入面有嘅款式就跟嗰個價錢，而湯同麵都可以再配搭🤔，好鬼混亂，聽完都唔明。題外話，個餐牌油油地，有點趕客。

我落單前問姐姐麻辣微辣辣唔辣🌶，佢好認真答我辣㗎。我再問佢咁唔食得辣係咪會頂唔順，佢話條脷👅會好麻囉。我又問咁胡辣辣啲定麻辣辣啲，佢話梗係麻辣啦🙈。好，問完三條問題後、經過姐姐嘅再三溫馨提示後，我都係決定試麻辣，因為最近嘗試食多咗辣，但真係心驚膽戰，驚自己一陣食到噴火🔥。

我點咗豬肉手工麵($45)，碗麵好大碗，麵同餸都幾多。我要咗寬麵，真係好鬼粗下，口感都幾彈牙，浸喺湯入面都無變淋。餸方面，除咗🐷豬肉外，仲有幾條生菜、芽菜同菇菇。而豬肉係出奇地好好食，肉質好嫩，無肥膏，肉味仲幾出，無臭豬味。平日出街食豬肉我好少會覺得好味，而呢到真心正😋。

至於個湯，我飲一啖就知姐姐無呃我，辣就真係唔算辣，但麻嘅程度非常高。飲半啖都開始覺得條脷痺痺地了，其實個感覺係幾過癮，但keep住成程食我驚頂唔順。我決定拎個碗仔將湯同麵分開，好似撈麵咁😂，真係食得舒服好多。間唔時就飲啖湯刺激下。

雖則我都食得哂個麵，但都係叫咗枝豆漿($10)飲下，幫幫手XD。餐廳有杯仔提供，所以一支豆漿可以兩份share飲👍。

我朋友就點咗原味清湯秘製豬軟骨手工麵($66)，我覺得好貴囉！朋友話味道都ok，我目測🦴豬軟骨有成4-5嚿，仲要係大大嚿的。

但佢詐型話估唔到手工麵要中嘅粗度都咁粗，係扁扁地嗰種，佢expect嘅幼身咁嘅樣哈哈。咁中嚟講，又真係粗粗地嘅哈。

另外，餐廳唔錯嘅地方，就係有一個自助區畀客自己拎杯拎碗拎紙巾同斟水，唔使麻煩店員😊。

總括嚟講，我覺得我碗麵係幾好食🤤，一定會再encore豬肉，麵下次會試幼麵。雖然我唔食得辣，而佢個麻辣又幾高階，但我都食得幾開心、幾過癮，覺得唔錯。不過佢最好喺微辣下面加多隻辣度，叫BB辣，應該會啱我啲😘。但性價比來説，真係好一般，就咁一碗麵起碼要半百蚊，間唔時食下算。

D面有蚊

當日母親節，其他餐廳都爆滿了，只有這一間還有位置，便進來試試看！
當日叫了兩個面兩個小吃，清湯豆腐面淡而無味，那種蜂巢豆腐感覺比豆腐卜還要難食。
令一碗是胡椒湯底豬軟骨面，胡椒湯底好吃多了，辣辣地吃着刺激，豬軟骨也很入味而且夠林，手打麵吸收了胡椒湯底也變好吃了。
牛肉酥包和豬肉包肉汁滿滿，可是吃起來卻有點乾，比較起來是豬肉包好吃些！