臻膳私房撈麵
營業時間
| 星期六 | 10:00–23:00 |
| 星期日 | 10:00–23:00 |
| 星期一 | 10:00–23:00 |
| 星期二 | 10:00–23:00 |
| 星期三 | 10:00–23:00 |
| 星期四 | 10:00–23:00 |
| 星期五 | 10:00–23:00 |
臻膳私房撈麵 的菜單價錢、相片和推薦菜色
沒有良知的店舖
我和老公食完午餐後，痾咗成晚
食咗滷肉撈面，勝瓜及底湯
向來喜愛以麵食當正餐，所以時不時都會四處搜尋一些新開張的麵店。最近從網站得知長沙灣新開咗間叫「臻膳私房撈麵」的客家麵食專門店，據說店內有多款撈麵供應，除了招牌客家撈麵外，還有川香、鹵肉、佛跳牆等不同口味，啱曬我這個麵痴，一於拉埋老公去試下。
餐廳位於李鄭屋長發街 28D 號安發大廈地舖，店內地方不大，屬小店格局，但環境不俗，裝修骨子，乾淨企理。除了中間和靠牆的四人座位外，還設有一列高腳檯櫈，如果是自己一個人嚟嘅話，坐吧檯位都唔錯。
店員的服務非常好，一坐低就會先為每人送上熱檸水一杯。翻開餐牌，食物選擇非常之多，除了主打的撈麵外，還有米飯套餐、精美湯品、小雲吞、精品小食、特色水餃常餐，另外亦有飲品、特飲沙冰及甜品。
先來一客小食做前菜，點了手工蔥油餅 ($15)，蔥油餅即點即煎，一客有四塊，上桌時仍熱辣辣，入口酥香不油膩，Q 彈有嚼勁，蔥香十足。
餐廳主打撈麵，一場嚟到，當然要試下。揀咗佛跳牆撈麵套餐 ($58)，套餐可選一款湯品，有勝瓜及第湯、牛肉丸湯、豬肉丸湯、枇杷花湯等等，而我哋就點咗枸杞葉湯。撈麵用料非常豐富，配有海參、花膠、小鮑魚、冬菇等食材。麵條煙韌有嚼勁，食落有天然蛋香，醬汁用豬油、魚露、蔥油等炮製，與麵條撈拌一起吃，超惹味。
另外碗枸杞葉湯，味道亦唔錯，湯底很清甜，而且用料絕不欺場，湯內除了有嫩滑枸杞外，還有爽口豬潤、瘦肉和粉腸等。
清蒸海鱸魚飯套餐 ($49)，套餐配有冬瓜湯、白飯和熱飲，如果想轉凍飲就要另 +$2。鱸魚體積中等，肉質片片分明，潔白嫩滑，尤其是魚腩和魚尾位，入口滑溜非常，完全沒有腥味，鮮味十足。
冬瓜鹹蛋肉絲湯，沒想到連附送的例湯都這麼足料，湯內除了有冬瓜、鹹蛋和肉絲外，還加入了菜心，瘦肉鮮甜、鹹蛋鹹香、冬瓜解暑，清熱一流。飲品點了凍柚子蜜 (+$2)，入口很清爽，沒有一般柚子的苦澀味，討人喜愛！
吃完飯，梗係要食返碗甜品先夠完美，點咗碗蘆薈仙草紅豆爽 ($22)，蘆薈健怡清新、仙草香滑富彈性、紅豆粒粒圓渾，鬆化有豆香，加上整體甜度剛好，不會過甜過膩，清甜回甘，正。
餐廳志在以真材實料做街坊生意，最正就是以大眾化價錢便能夠吃一頓美味的晚餐，所以絕對值得支持。
很不錯的小店，服務也非常好，值得去嚐