紅番茄餐廳(Hong Fanqie Restaurant)
營業時間
| 星期六 | 08:00–23:00 |
| 星期日 | 08:00–23:00 |
| 星期一 | 08:00–23:00 |
| 星期二 | 08:00–23:00 |
| 星期三 | 08:00–23:00 |
| 星期四 | 08:00–23:00 |
| 星期五 | 08:00–23:00 |
服務選項
外帶
內用
無障礙程度
不支持無障礙停車場
產品/服務
咖啡
酒精飲料
葡萄酒
用餐選擇
午餐
晚餐
餐飲服務
設施
洗手間
適合兒童
陪男友去深水埗睇電子嘢，路過呢間餐廳見到幾抵食，而且好多人幫襯，就去試下先！🤗
午餐選擇都幾多，最平既四十幾蚊就有，而且都好豐富！真係好抵食！不過今日既我地好想食扒，所以就揀左比較貴既套餐🤔
日本雪花肥牛扒便當🈶️吉列蝦、螺肉、雪花牛扒、另外加錢轉左撈烏東。肥牛扒唔會好肥，入口好重牛味，食得出係高質既牛扒🥩
另外仲叫左巨人T骨扒，雖然唔算好厚，但真係好大塊！肉質比較嫩，呢個價錢黎講都唔錯！👍🏻
最後跟餐加8蚊要左紅豆冰同涼粉冰，兩個都好飲呀👍🏻奶味好濃郁，溝埋涼粉味/紅豆味，好正呢😺
見到呢度既生蠔真係好抵！下次夜晚黎試下先
食品用心製作，價格大眾化，最愛手掌大的珍寶生蠔同招牌蕃茄湯！
今日放假，同屋企人嚟到深水埗呢間紅番茄餐廳食，果然係超級抵食啊。餐廳有西餐之餘又有日式嘢食，我哋就揀咗個西式二人餐。
餐包係蒜蓉包，邊邊有啲脆，中間比較軟熟，點埋餐湯飲，好好食。餐湯係忌廉湯，入面有好多粟米同埋菇，又足料又好飲。
沙律我哋揀咗招牌沙律，主要係薯仔、蛋、蕃茄同埋生菜，超級開胃。
前菜就揀咗蒜香炸雞翼。雞翼好大隻，炸到熱辣辣脆卜卜，雞肉滑得黎多汁，好好味。
主菜揀咗紐西蘭西冷牛扒配意粉，牛扒要咗五成熟，肉質新鮮，食落好林，有好濃嘅肉味。意粉煮得啱啱好，唔會過硬或者過軟，配埋肉眼扒，真係好正。
另一款主菜就要咗德國酥炸蜜糖鹹豬手配薯菜。鹹豬手超級大份，一切落去發現啲肉好林，食落好新鮮，一啲都唔腥，好好食。粗薯條嘅份量啱啱好，炸到脆卜卜，唔會太油，同豬手好夾。
跟餐仲有兩款甜品，我哋要咗美國芝士蛋糕同埋意大利蛋糕。美國芝士蛋糕甜得黎帶少少芝士嘅鹹味，好好食。意大利蛋糕係朱古力味，有好多層次，比較creamy，好啱鍾意食甜品嘅人。
餐飲要咗蜂蜜生薑茶，甜得黎好辣，仲有好多薑粒係入面，天氣咁凍，飲呢個真係好暖胃。另外柚子香蜜茶都好香，有好多柚子絲係入面，好正。
三百零蚊嘅餐，嘢食質素高，份量又多，真係抵到爛。見到餐牌上面嘅日式火鍋好吸引，希望下次可以試吓啦。
藍店
紅蕃茄餐廳嘅裝潢係行懷舊西餐廳風，價錢都幾實惠，$308 就有一個兩人晚餐，有湯、前菜、沙律、主菜、甜品和飲品，抵到爛😂😂
德國酥炸蜜糖鹹豬手
餐廳會預先幫我地切好哂，食起上來超方便👍🏻 豬手肉質都偏嫩，烤豬皮嘅口感就偏硬，鹹味適中，配上黑椒汁就更惹味～
法式香草羊架
一份竟然有3個羊架，好抵食呀😨 羊架嘅油脂比例都高，所以都幾有油香味～ 肉質都唔錯，唔會過老，配上燒汁都唔錯～
甜品方面我地試左藍莓芝士蛋糕和意大利蛋糕～ 前者口感幾rich，芝士味濃，唔錯～ 後者係朱古力海綿蛋糕加cream，類似傳統餅店嘅質素～
飲品方面我地叫左百香果沙冰和芒果沙冰，口感幾smooth，酸酸甜甜咁幾醒胃～
今日同屋企人黎到深水埗呢間紅番茄餐廳食飯，呢間餐廳有中餐西餐日式料理等各種美食，我地一共四個人叫左一份羊架忌廉汁意大利飯，番茄帶子意大利粉，日式鰻魚便當🍱同春雞拼比目魚配意大利粉，煎三文魚扒五份主食。 煎三文魚扒煎得啱啱好，小小脆皮既魚皮真係好美味！yummy日式鰻魚便當好足料，有螺肉有蝦天婦羅🍤有鰻魚！羊架忌廉意大利飯羊架脂肪比例十足。 我地仲叫左一份招牌三文魚刺身只需$20好抵食！小食仲叫左蜜汁雞翼同蒜香炒雜菜，真係好豐富！ …
有朋友介紹小編一間好抵食既西餐，係深水埗，就離地鐵站有少少遠。不過餐廳勝在晚飯都吾洗加一。 🍞跟餐蒜味多士 🥣羅宋餐湯 味道重，偏酸。 🐟比目魚配燒春雞 – $98 比目魚岩岩好熟，新鮮。 仲可以比你揀黑椒，蒜蓉汁。 🍝香煎帶子配番茄醬意粉 – $68 🍮跟餐甜品 – 啫喱 除左啫喱仲有雪糕，因為太凍，小編就吾食雪糕嚕。 🍗香蒜雞翼 – $ 香蒜味炸雞翼，蒜味香，炸得酥脆。 🍣三文魚刺生 – $20 依個刺生真係好抵食，有4件，大大件。 …
餐牌好多選擇，雖然二人餐好吸引，但最後都係決定散叫，因為想食意大利飯。雖然話散叫，但仍然係有餐，指緊有湯，嘢飲同埋甜品。
蕃茄濃湯，食正番餐廳名，幾足料又好飲。微酸夠開胃。
有餐湯有埋蒜蓉包，一上已經香氣撲鼻，拎上手熱辣辣就知堅料。佢整到超級脆，未算好多蒜蓉但已經好夠，超好味。點湯係另一番口感，但呢個我覺得唔點黎食仲正！
特飲有叫凍檸賓同埋百香果思慕雪，凍檸賓正常水準，思慕雪透心涼，又足味，只加八蚊真心抵。
三文魚剌身，四大片先二十蚊，抵食，所以叫黎試下。佢唔係去到勁高級放題果個水準，但比一般好，佢隻味好特別，唔識形容，但好食過一般日式平民店果啲！
最想食嘅菜：黑松露牛柳忌廉意大利飯，賣相不錯，頗香，份量頗多。黑松露同意大利飯好夾，撈埋口感極好！牛柳唔細份（明明望落唔大,食落超充實），未算好韌，整體幾夾！無叫錯，只係108,晚餐連埋湯，包，飲品及甜品堅係抵！
澳洲肥牛肩甲牛扒，佢有得揀鐵板上，我想保持五成所以就用咗碟上，可以配飯意粉薯菜，我揀咗薯菜。薯菜不算脆，但夠哂熱，正。牛扒未算好易切開，但係好有口感同埋肉味。由於五成，有raw嘅感覺！佢有汁可點，點同唔點都有佢獨特感覺，不錯！
最後上埋甜品，充滿港式茶記GE甜品，正常發揮。
埋單唔駛二百八，我覺得算好高質…加上環境頗舒服，啱哂傾嘢，真係相當正GE一間鋪。
深水埗原來有一個咁好食既西餐廳，好彩今日同男朋友拍拖周圍行下先發現，
真真正正既平靚正！！真係超級推薦所有人黎試下，包你一試回味！
入面既裝修，環境非常非常之靚！勁有情調，我地睇到都覺得好浪漫！
地方唔算大，但環境真的好正，枱椅餐具超級乾淨，好舒服～
先黎個餐湯，我地一人要一款，一個蕃茄薯仔湯，一個忌廉白湯，
忌廉白湯比較清，蕃茄薯仔湯既蕃茄好足料，蕃茄味勁濃。
跟住就係呢個牛油多士，非常脆口，份量岩岩好。
跟住就黎主菜啦，我就叫左個日本空運肥牛肉眼扒配蒜蓉汁跟白飯，
好厚既一塊扒，牛味勁濃，有小小牛既肥膏，但食落去唔會太油，仲好香！
男朋友就叫左個西班牙黑毛豬二件配黑椒汁跟意粉，
勁大塊又厚既兩塊黑毛豬扒，第一次！真係第一次食到咁嫩咁好食既豬，
唔會”鞋”口，唔會老，啖啖又香又滑又嫩既肉放入口，回味無窮呀！！
我地另外仲叫多左個厚切原條鰻魚，真係原條咁大條，
燒得岩岩好，又嫩滑，又厚，好有口感。
最後仲有甜品同飲品，甜品好似次次唔同，餐廳推介。
今日就有呢兩個，啫哩同抺茶雪糕！
每人先百幾蚊，有咁多野食，會唔會太過抵食呀？超級推薦呀！:yummy:
顧名思義，餐廳主打番茄菜式，有各式各樣蕃茄製的意粉或飯類，也有西式扒餐，價錢經濟又實惠。當日晚上就點左精選扒餐及意粉各一個
跟餐有餐湯及蒜蓉包，番茄湯滿載茄蓉，味道甜中帶鮮，仲有唔少雜菜同薯仔粒。蒜蓉包有兩塊厚切的，外脆內軟，充滿蒜蓉牛油香
香煎帶子配番茄醬意粉
帶子切成薄片，煎得頗香口嫩滑，味道鮮甜。意粉中有唔少雜菜配料如洋蔥、雜菌、青紅椒等等，口感爽脆，番茄醬甜甜的，整個意粉都好開胃
龍蝦拼牛柳
精選扒餐可以加配白飯、意粉或薯條，我就揀左薯條🍟波浪薯條金黃香脆，薯肉味香濃，非常可口！龍蝦加左白汁同芝士一齊焗香，爽口彈牙，質素不錯。七成熟的牛柳熟度剛好，入口頗軟嫩，牛肉味好濃郁呢，配埋香蒜汁就更加美味啦
總括而言，百零蚊就有交易的晚餐，經濟實惠又抵食
🔎 深水埗元州街13號地下
*
📍 紅番茄餐廳
.
迷迭香穀飼羊架($138)
迷迭香配羊架的確係不錯既選擇.加上好厚肉,好多肉汁成件事好juicy.油脂分佈平均,味道真係幾好.
頂級美國安格斯肉眼牛扒($158)
肉紋理非常細緻,脂肪仍分佈平均,牛味都幾夠,肉質都幾嫩滑,食落都覺得幾甘香,價錢正常,唔算好平同好貴,想dinner食牛都不妨試下.
#entryshamshuipo
味道不俗中西合壁既西餐廳食材豐富配搭亦具新意
主打招牌定食或晚市套餐各款推介性價比高免收加一服務費對於一眾想食西餐迷必定大飽口兼夾抵食
開揚環境具包羅萬象的美味，慢嚐相伴與三五知己或短聚進餐也不厭其煩
「橄欖油香草煎三文魚扒」用低温軟化肉質嫩滑足料多汁，啖啖煙韌輕盈保留層次口感，不僅即叫即煎肥美富質感內層則造出各有各的驚喜
「皇牌忌廉汁龍脷柳闊條麵」
賣相精緻一道主菜外層煎香的龍脷柳，加上沾滿忌廉汁除走魚腥魚膩三層口感令味蕾更顯豐富享受，絕味可口無論午市或晚市簡約一頓便飯也相對滿足
食物不錯
鰻魚拼bbq蜜糖焗豬仔俾，薯條鬆化
幾好食，價錢吸引，招呼ok，裝修有特色
抵
正
😋 …
下午茶價錢平，出品水準可接受。
20210921 update
今日同朋友去食午餐，去到嘅時候已經係三點，我朋友嘅扒餐，佢向侍應投訴，個汁話甜得好犀利，但同我講佢話個醬汁，係甜到離晒大譜，唔怪得佢食咗一半已經冇食！
而我叫個炒烏冬，老實講我只係覺得好一般，同上次個炒飯差好遠，真係唔知點解？唔知係個廚失準，因為做完午餐大廚收咗工？今次個廚唔同咗？
20210813
疫情期間控制到都好嚴格👍，一定要客人檢測體溫先畀進入，漏咗嘅都要客人去檢測返。
座位都幾舒適服務都唔錯，衛生環境都可以，唔係太好嘅係廁所喺側邊嘅後巷進入。
間舖有好多大大小小、唔同類型、七彩繽紛嘅figures, 如果你對呢D figures有興趣，去到應該會好開心😃
要咗個菠蘿牛肉炒飯，食物水準非常之高，雖然係套餐但都係即叫即炒，可惜出餐就好慢😅由落order到個炒飯嚟到，都啱啱好半個鐘，不過覺得等下都值得嘅👍
等了30分鐘，生洋蔥上桌了
抵食，好食，份量夠！！
地方優雅, 服務好,如喜愛玩figure可一去
不好
這間餐廳的食物質素幾好，價錢亦唔貴，而這間餐廳內更有很多特色的玩具擺設， 係經過店員嘅特別精心安排
哩間紅蕃茄，睇住佢開店，但一值未幫襯過，不知不覺間，原來已經開店七~八年了.
入到去先知道，佢地唔係餐廳咁簡單，重係一間 showroom, 有好多 figure 模型玩具.
正當我運用緊美軍E2偵探機嘅雷達，係店中搜尋女友最中意嘅小熊唯尼之際，佢已經一眼就搵到！
女友小熊有種哈佛天文望遠鏡嘅超能力，可以係上億件物件中，只需要0.00001秒就可以搵出唯尼熊，萬試萬靈！
menu 有不少心水，最後點咗個石鍋牛尾煲，香煎扇貝白汁天使麵.
最驚訝係居然有我大愛沙冰，當然點個芒果沙冰啦！
石鍋牛尾鍋，最底要求，起碼個石鍋夠熱，上枱發出咋咋聲先啦，哩點合格，牛尾亦熱到辣咀，牛尾肉嫩多汁，再加上超惹味紅酒茄汁，收貨！
其實單單哩個紅酒茄汁已經可以連送兩碗大飯！
香煎扇貝 size 就細咗D，白汁惹味，最難忘係望上去好似天使麵份量不足，其實絕對係錯覺，最後都食唔哂！
由於我唔受得奶，所以頭一啖沙冰已經感覺奶味好重，甚至蓋過芒果味，失望！
暫時嚟講，深水埗最滿意嘅西餐廳係紅蕃茄，下次小熊再嚟探小熊.
服務
內用
餐點類型
晚餐
好食，環境舒適，推介
服務
內用
餐點類型
晚餐
平均每人消費金額
HK$50-100
店員好親切，不過做嘢有少許亂。好在結論上影響唔到我。
食咗6oz牛扒，夠稔，都有牛味。
蒜蓉包好鬆脆，讚。
午餐抵食
服務
內用
餐點類型
午餐
平均每人消費金額
HK$50-100
餐點：5
服務：4
氣氛：5
超久先有食物到！超過三十分鐘！餓到爆！
餐點：4
服務：1
氣氛：4
2023年6月
鮮牛肉番茄湯螺絲粉
湯底清甜 螺絲粉軟硬度適中！
厚醬多加奄列 花生醬落哂去奄列度🥲同伴覺得都幾夾 但我覺得還好了🤣唔係咁都試唔到花生醬配蛋
鴛鴦焗薑飯 好味！芝士好多！汁好多！肉都多！不過薑飯係薑炒飯嗎？
另外加左杯百香果沙冰 係有奶味既沙冰 好味😋
店員好好人 多次提醒小心焗飯好熱 謝謝🙏
非常友好，工作人員很好，食物也很好！餐廳里人物很多，值得一去。
服務
內用
平均每人消費金額
HK$50-100
餐點：5
服務：5
氣氛：5
親子友善程度
他們對孩子很好