雪山冰廳(Hong Kong Tastes)

雪山裝修之前食過兩次 今次係裝修後第一次食😬
同裝修之前都係咁抵食
睇menu好難揀呀好多野都想食
所以同朋友決定叫哂想吃的唔理咩晚唔晚餐了🤭

檳城特餐好豐富！！
有碗叻沙（好多料！！）、櫻花蝦炒蛋（好大）同多士（好香）
仲有野飲！

叻沙摻摻我第一次食
即係有米粉同油麵加埋
一啖有哂兩種口感🤩
個湯有風味有椰味好好飲（除左同麵一齊食我都有就咁飲😹）

加黑牛都只係九蚊炸😼

避風塘生炸脾又係好正
手掌打開咁大隻🖐🏻
個皮十級脆！！！！！！
加埋d避風塘好惹味😋

榛子醬西多士都係must叫！！
d榛子醬一啲都唔hea你唔係淨係搽中間架！
d邊邊都有榛子醬一d都唔馬虎🥰
仲大大枝糖漿比我加到飽🥳🥳🥳

菠蘿油大大個
仲有冰鎮牛油😉😉😉

上湯浸白菜大大碟
仲有好多菇 d菇超大塊wakakaka🤣

叫多個鮑魚啫啫雞煲跟油飯例湯！
有成四粒鮑魚仔（影完發現仲有隻係下面😳）
油飯又係風味系列重椰味正👍🏻

華田曲奇妙趣有原塊oreo!
好中意食oreo架我所以好開心✌🏻

我的意思是從地鐵站步行很糟糕，但這不是最方便的位置，但是一旦你嘗試過這裡的食物。這不再重要了。

我喜歡鹽和胡椒豬排炒飯。味道非常完美。他們的炒飯做得很好。

我嘗試的另一件事是叻沙，非常好。我說和我們在新加坡吃過的一樣好。

紅豆奶茶太甜了恕我直言。應該要半甜的。

哎喲，我看到那些乾炒牛河，星洲炒米看起來很不錯。我希望它能更近一些，這樣我就可以一直來。

普通茶餐廳,無特色

早餐好食！價錢又平

好吃，價格合理，份量大，服務很好

之前見 Facebook 好多人講呢間餐廳，放飯時間特登撩同事去食，由於已經係下午茶時間所以餐廳唔係好多人。

特餐(檳城叻沙摻摻配日本櫻花蝦炒蛋+奶油牛角酥) $48
無論係下午茶定常餐，佢嘅選擇都非常多，好多仲好有特色，最後我都係想食佢個招牌-叻沙。
作為常餐黎講佢真係太犯規，櫻花蝦炒蛋+牛角包，太高質～首先炒蛋佢每一口都有櫻花蝦，蛋炒得相當滑，仲有蔥花吊味，鮮味好足。
至於個牛角包都好酥脆鬆軟，之前試過一d 餐廳個牛角包又細又難咬，佢簡直係另一個水平而且唔油膩，夾住蛋食都好正～
至於叻沙份量都幾大，油面多過米粉，彈牙入味，我無撈曬d 醬料已經好夠味，但重口味朋友可能要撈曬啦。食材方面佢d 豆卜索曬湯所以味道好豐富，係最好食嘅食材，魚片都彈牙爽口，不過蝦就粉左D，鮮味欠奉，但整體而言都算高質！

皇牌咖喱牛筋腩飯 $52
男人的浪漫-咖喱牛筋腩飯一樣有水準,一上檯已經香噴噴,馬鈴薯同牛筋腩相當入味,唔會太辣但夠惹味,薯仔好腍超搶分~~而牛筋腩無o羊脂肪亦好有口感,不過對男士而言可能會唔係好夠飽,但的確係值得叫皇牌的~~

流心榛子醬西多士 $25
其實食完常餐已經好飽,不過見到佢個樣咁吸引又忍唔住叫埋XDD 不過黎到佢已經唔係流心狀態,或者佢從來無流過心=[[
味道黎講,我覺得都好榛子嘅,唔會超級甜,幾有咬口亦唔油,但如果厚D流心D會開心D.由於期待過高我覺得佢味道唔夠驚艷,如果唔係特別好榛子可以唔叫.

總括而言佢整體食物質素都幾高,上菜速度快,加上裝潢有特色,未黎過嘅不妨黎try try~~~

中規中矩

非常好食！ 煲仔臘味炒飯夠乾身又不油，海南雞飯好得，炸雞脾食得多但咁入味真係👍🏼 茶走紅豆冰👍🏼 服務員態度好👍🏼👏🏼 …

1953年开始營業到現在。西多士厚度？！裝修後食物不錯。吉列豬扒包 件扒都抵吃。

雪山冰廚聽朋友講過
知道是非常老字號，但從未去過
今日行深水埗，走過嘉頓麵包廠見到
原來是since 1956
做那麼久一家有原因，一於去試試
.
意想不到茶餐廳都有龍蝦食！非常大膽的嘗試，還要在深水埗！而且價錢不貴（又不用叫加一haha)，當然要豪一豪！
.
🔥芝士焗波士頓龍蝦海鮮飯（$108）
賣相已經是100分，燈紅色的波士頓龍蝦，配搭焗飯的焦香，令人食指大動。龍蝦啖啖肉，而且有好多蟹籽，正！
食龍蝦附上蟹鉗，真的很有高級餐廳食海鮮的感覺。
除了龍蝦，還有其他海鮮，例如青口、魚、魷魚、蟹柳等等。
飯底是炒飯，很有誠意呢。
.
🔥波士頓龍蝦叻沙摻摻（$98）
波士頓龍蝦麵都很不錯
同樣有半隻龍蝦，啖啖肉又多蟹籽
喇沙味香濃，龍蝦沾湯食更是一番滋味
摻摻即是油麵加米粉，很有特色
.
🔥經典芝蛋牛肉漢堡包（$32）
看看正正常常，但漢堡扒肉十分juicy！
.
飲品都別典特色：
🔥樽仔奶茶 & 樽仔咖啡
可愛的小樽樽，份量多，飲不完還方便拿走
.
🔥忌廉咖啡
這是很懷舊的飲法，沒有很多餐廳有
而且這個咖啡不用另外加錢，不是特飲
.
🔥忌廉薄荷朱古力
又是忌廉haha，小朋友應該喜歡這個飲品，其實可以當甜品食
.
很有實力的冰廳，是平食龍蝦的好選擇！

新年都有開

係深水埗區舊式餐廳多數較多,但隨住歲月好多都開始活化,今次黎到呢間舊式冰廳係最近都翻新過,環境雖然變得唔同左但內裏人情味不變.

椒鹽豬扒飯以炒飯底上,蛋炒飯底炒得粒粒分明,入口乾身唔會感覺好油膩,加上少少椒鹽入口鹹香帶微辣幾惹味,如果蛋味再出少少會更香.椒鹽豬扒輕輕炸過,豬扒都幾厚身,入口鬆化又易咬開.豬扒唔會炸得過火,入口仲帶有肉汁夠晒香口.

經典芝士煎蛋牛肉漢堡包內既牛肉漢堡入口嫩香多汁,肉質唔會死實實,牛味入口香濃.加上微微脆邊煎蛋同半溶既芝士,3款簡單既食材相信已經帶出港人獨特既滋味同回憶.漢堡包亦都唔會馬虎,包底塗滿牛油之再烘得十分均匀,入口帶牛油香又夠鬆脆.

避風塘生炸雞脾宜家已經買少見少啦,得返老店會較有心機去整.原隻生炸雞脾大隻過我個拳頭,一d都唔簡單.外皮炸得夠脆又薄,入口咔嚓咔嚓聲,內裏雞脾肉嫩滑又唔會乾,再配上炸雞脾皮上既避風塘辣椒粉既香辣味,超邪惡但滿足.

樽仔咖啡看似奶香比咖啡多,但一打開已經飄出超香既咖啡味.入口咖啡香滑,深焙味又夠香絕對唔比咖啡店差.

深水埗實在太多好野食，今次就嚟依間冰聽，其實姐係茶餐廳，不過依間茶餐廳有好多特色食物同飲品。

價錢方面，依度真係好抵食，下午茶30幾蚊就食到一個餐啦。

最推薦之芝士煎蛋牛肉漢堡
一開始求其叫個漢堡食，估唔到咁平竟然會係我地最中意嘅食物。佢個麵包好軟熟，煎蛋蛋黃流行，一咬落去就爆汁，令個漢堡食落完全唔乾。最犀利係個牛肉漢堡扒，超級有彈性同滑嫩，好似酒樓牛肉球咁，非常推薦大家嚟食個漢堡。

棒子西多士
佢好似平時啲西多士咁 不過裡面好特別 唔係花生醬 而係棒子醬 成件事都幾夾同埋個西多士
外面炸得好脆 正 仲比左大大舊牛油 不過如果係厚多士就更加正 個人喜好 哈哈😄

龍蝦海鮮芝士白汁焗飯
估唔到茶餐廳會有龍蝦食 就試下啊 90幾當然唔可以expect好大隻龍蝦 不過依個價位嚟講龍蝦叫好食啦 同埋個飯份量好大 又有魚 又有蝦 同青口 真係唔話得 而且佢個汁好好味 整體個焗飯都唔錯

我地仲叫咗杯紅豆冰同華田脆脆
紅豆冰好多紅豆啊 華田脆脆個底有啲朱古力 一開始有啲熱 不過等啲冰發揮作用就ok啦:love:

我覺得依度食物整體好食 而且性價比都高 尤其下午茶 同感覺乾淨 推薦黎食

今日同朋友嚟深水埗買嘢 等佢期間百無聊賴同咁搵左間餐廳坐低食住嘢先

見到呢間雪山冰廳咁多人 就趁下熱鬧入去食 佢有個晚市套餐 可以揀海南雞飯一個小菜仲有燉湯 跟兩碗白飯 都只係168蚊 非常抵食😍

燉湯係蟲草花杞子燉赤肉 燉湯大壼 上嘅時候仲熱辣辣 一打開好足料 好鮮甜冇味精 夠曬健康

海南雞係肥美嘅雞髀肉 入口有雞味又嫩滑但又唔會肥淋淋 配嘅醬料亦調得 恰到好處 帶出鮮味用來蘸雞仲好開胃

小菜揀咗油鹽水蜆肉浸豆苗 菜式係用煲上 估唔到跟餐呢個小菜嘅份量仲咁足！ 而且豆苗食落唔會話好清淡冇味 重油鹽水吊味蜆肉鮮甜 菜苗嫩綠爽口 菜入面除咗有粉絲之外仲有蝦乾調味🥰

海南鷄嫩滑，飯有油香。樽裝奶茶好飲，唔會有冰溝稀晒。價錢合理。

🗻不愧為深水埗名物嘅雪山冰廳😋
*****
呢日朋友嚟搵我食晏，我就帶咗佢去試深水埗嘅名物：雪山冰廳，就好似我初嚟報到，同事帶我嚟食晏咁😂。餐廳應該係老字號嚟，不過翻新咗，所以裝修都好摩登下。

茶餐廳環境好光猛，望落幾乾淨，地磚同牆畫都幾藝術🎨。不過座位之間唔算闊落，加上中午食飯時間好多人，未必適合慢慢坐。

餐廳有做Lunch Set，點半鐘過後已經有兩款賣哂，平均都係$5x，價錢算係咁。不過我哋食咗其他嘢，包括雪山常餐🗻同招牌叻沙🍜。

雪山常餐包括經典芝蛋牛肉漢堡包拼迷你肉醬意粉($48)，我會話呢個係成人份量嘅兒童餐👶🏻，因為兩樣食物都係小朋友至愛。抵讚係呢到嘅份量幾大，男仔食應該都夠飽，何況係小朋友？兩個小朋友食就差唔多。

經典芝蛋牛肉漢堡包🍔 (單點$32)，呢個港式Burger都算唔錯，特別係隻煎蛋，咬開後爆哂漿，成個包變得Juicy🤤。整體唔算話好驚艷，但每一樣嘢都整得幾好食，麵包本身好多芝麻、好香，口感夠鬆軟；漢堡亦好濃肉味。

迷你肉醬意粉🍝，份量比我想像中多好多！因為佢話係迷你，我真係預計得兩啖，點知實際只係比正常量少啲。除咗份量多以外，更重要嘅係個肉醬意粉好高質，啲肉醬好好味😋，食下食下我成個食哂，好彩一早夾起咗一啖畀個朋友試下。

波士頓龍蝦叻沙摻摻🦞($98)，朋友見到有龍蝦食雙眼發光，話齋望個名已經覺得好正。其實我幾次嚟都想試，而家有佢喺到就啱哂。雖然係茶記，但龍蝦一啲都無欺場👍，原隻半邊咁上，仲畀埋鉗我哋食。

龍蝦唔算特別細，不過佢不嬲都係一樣過份包裝嘅海鮮🤣，拆完殼後，龍蝦肉兩啖食哂，好彩仲有個龍蝦鉗都幾好肉。龍蝦幾新鮮，肉質彈牙、鮮甜。

至於碗叻沙本身都OK，湯底唔算辣，無乜椰香，但反而蝦味幾出！除咗龍蝦外，都有幾多料，包括蛋、魚片同豆卜等。麵係摻摻，即係米粉加油麵，其實我自己鍾意淨米粉多啲😄。

飲品方面，我哋都加咗錢要樽仔奶茶，味道就正正常常啦，都係食物比較吸引😜。

總括嚟講，呢間老牌新派冰室都算係咁，食物比一般茶記有特色，味道唔錯，份量多，而且價錢都幾相宜！就連店員姐姐們態度都幾好，不過最後我記得餐廳風扇都幾勁，如果係夏天就應該幾好🙈。

行完嘉頓山，就喺附近搵咗間茶餐廳食晏晝，經過見到呢間茶几好多人食，就入去試吓
我哋太肚餓嘅關係，就一人點咗一個餐，之後再嗌兩個小食，勁飽。
喇沙參參，再配櫻花蝦炒蛋多士，喇沙最緊要係個湯底，佢個湯底味道非常之足夠，而且有椰奶嘅香味，米粉吸晒嘅湯底，食落好夠味道，而且佢嘅魚蛋片好彈牙
XO醬炒豬扒公仔面，個豬扒好有水準，真係茶記嘅味道，唔會太油，而且公仔麵嘅份量十足，而且味道唔會太鹹
佢個牛肉漢堡包係招牌貨，咁梗係要試吓，牛肉幾厚身，芝士啱啱溶化，隻煎蛋仲要係半熟，留喺個包上面，個口感好正
避風塘炸雞髀，雞髀連埋果皮一齊咬勁正，啱重口味嘅人士，對我來講就鹹咗少少，不過辣辣地有幾惹味而且雞髀嘅份量都幾大隻

早餐OK!座位較少!鼠年農曆新年放年三十至初二，初三營業

去親深水埗都會幫襯，日日都爆棚，就知道係好嘢。
每次都必定點經典芝士煎蛋牛肉漢堡包 🍔 $32，自製牛肉漢堡，港式嘅漢堡包，中間仲有煎蛋、同埋芝士，個包煎過，內內外外都熱辣辣，加埋少少醬汁，好味到不得了！ …

早餐😋 …

童年的回憶
屹立深水埗幾十年

海南雞飯味道不錯!

個包絕對好食過M記。試左就知分別

丹麥吐司還不錯，laksa麵味道平衡，但鹹蛋炒飯就淡了些。滿像鄰家茶餐廳的感覺，住附近會常去吃。

好味！