PEKO PEKO
營業時間
| 星期日 | 11:30–22:00 |
| 星期一 | 11:30–22:00 |
| 星期二 | 11:30–22:00 |
| 星期三 | 11:30–22:00 |
| 星期四 | 11:30–22:00 |
| 星期五 | 11:30–22:00 |
| 星期六 | 11:30–22:00 |
服務選項
外帶
內用
無障礙程度
無障礙入口
產品/服務
小菜
咖啡
酒精飲料
啤酒
葡萄酒
用餐選擇
早午餐
午餐
晚餐
餐飲服務
甜點
設施
洗手間
適合兒童
氣氛
環境舒適
客層族群
適合團體
規劃
接受訂位
付款方式
信用卡
簽帳金融卡
NFC 行動支付
信用卡
地方乾淨，食物水準好。👍 …
仲流淚行勝利道？NoNoNo! 勝利道已經開咗好多唔同嘅餐廳，西餐CAFE或者日式嘅都有。今日我哋就揀咗呢間，因為之前喺荃灣都食過，今次就嚟試吓夜晚。
餐廳嘅裝修簡約，走小清新文青路線。所以感覺都幾舒服，每張枱都擺放住乾花，打卡影相📸️一流😂
CAESAR $78 +Prawn$28
有煙肉碎，巴馬臣芝士同羅馬生菜🥬我哋就加咗蝦。
作為前菜佢絕對係一個非常好嘅組合，聽講食咗菜先，對減肥好有幫助😂煙肉碎同芝士咸咸香香又脆卜卜。生菜又Fresh又爽脆，蝦肉就爽口彈牙☝🏻
MUSSELS IN CREAMY WINE SAUCE
白酒忌廉煮青口 $78
忌廉汁非常之Creamy同夠滑，青口係細Size，肉係彈牙，拆好青口肉之後再點一點汁食非常正。
PAN-SEARED SPAIN PORK LOIN
香煎西班牙豬鞍 $218 +Side Dish $38
豬鞍扒肉質嫩滑，同餐廳嘅蘋果醬汁非常之夾，如果用蘋果夾埋豬鞍一齊食，都係一個唔錯嘅選擇。本身佢已經配咗好香又creamy嘅黑松露薯蓉同埋雜菜，如果覺得唔夠就可以加多$38要，我哋就揀咗薯條，其實仲可以揀薯蓉、烤雜菜同埋黑醋蕃茄。薯條都係脆卜卜嘅粗薯條🍟
好油喔peko
很不錯的店，服務，出品都好，值得再來
間唔時就嘆返個西餐 開心吓🥳呢日去咗 Peko Peko 嚟到聽完店員介紹之後叫咗佢哋既signature沙律😳 love strawberry 嚟到個款又幾好睇因為擺盆都有用到食用花小裝飾一下個沙律 🥗
呢個love strawberry 🍓除咗士多啤梨之外仲配搭埋無花果 藍莓 🫐同沙律菜 甜甜既生果加上酸酸既醬汁 都幾開胃🥰
我哋叫咗份5成熟 12安士既美國安格斯肉眼牛排入口軟滑味道濃郁有脂香 幾惹味🥴不過越食會越嚟越多鹹香 不過食返配埋先頭嚟到既沙律食就balance返個味覺😌
另外我哋叫咗份海鹽三文魚竹炭烏冬 👀嚟到既烏冬唔似烏冬 賣相似意粉多啲 海膽正路三文魚籽有口感 不過無特別鮮味 🤨而佢既醬汁比較濃郁 食啖已經覺得都幾飽膩 個人嚟講比較鐘意佢個沙律同牛扒😌
今日去咗何文田附近行街，見到呢間cafe 環境幾清新，係木系加乾花裝潢🌸🌺而枱與枱之間有距離，坐得好舒適☺️
🔻
#海膽三文魚籽竹炭烏冬🍲
竹炭烏冬真係好少見，覺得食落口感似西式pasta 多啲，比日式烏冬又幼身但又好掛汁🤗🤗另外，海膽同三文魚籽分量都幾多，個醬咸咸地但帶有海膽同三文魚籽鮮味，有啲似fusion 菜，都幾特別❗️推薦❗️
#Superfood 🥗$118
首先賣相真係好靚好colorful😙❤️🧡💛沙律入面有牛油果🥑、煙三文魚、車厘茄、藜麥同枸杞❗️配搭幾有心思同好特別🥰
#火炙慢煮三文魚 +薯條🍟
佢main course都有幾多種類！好多都想試吓但係今次就揀咗呢個😍 慢煮嘅三文魚，質感比直接煎更加滑滑嫩嫩，火炙過都令魚身香口，好食🤤另外薯條係我鐘意嘅粗薯條🍟炸得好脆，係一個好好嘅side dish🤤
今日去開勝利道梗係要試下好耐無食既Peko Peko喇，餐廳一直都用我好鍾意既木系風格，加埋輕快既音樂，坐埋一齊食野吹水真係特別relax㗎！
今次我就嗌左火炙慢煮三文魚，三文魚用慢煮黎整，令到三文魚熟得嚟完全唔會失去左佢本身既魚油，加上佢再用火炙既方法令到香味更加提高。每一啖食落去，三文魚既香味即刻爆發哂出黎，真係三文魚控必叫既一道菜。
香煎西班牙豬鞍，豬鞍係其中一個我最鍾意食既部位，因為佢肉質唔會太粗糙之餘，味道亦都比較出，豬鞍好大塊同厚身，淨係個擺盤一上枱都流哂口水呀，煎完之後，香味更加濃郁，超級推薦呀😋
我就額外加錢叫左香滑松露薯蓉，勁香滑既薯蓉，每一口都好creamy 加埋香濃嘅松露味真係冇得輸！
5 顆星的巧克力軟糖，價格實惠。用心烹調的食物。在何文田很好的發現。
食物很好，地方很好，服務也很好
可能之前有人說飯似粥，所以落少水而使有些生。意式香草大蝦沒有香草味，蝦的大小因人而異。
慢煮牛面頰，直接說是好淋但不好食。
鹽燒軟骨雞肉串比較以上兩種好。
AH↓HA↑HA↑
勝利道除咗有寵物店 仲有coffee shop☕️ 今次去既係呢間門面好鮮艷 黃色既cafe🥰 入面裝修設計簡約 令人感覺好舒服👍🏻
係店員介紹下 我哋揀左幾款呢到Signature 既菜式 分別有沙律Love Strawberry 海膽三文魚籽竹炭烏冬同釀海鮮南瓜批🤤 Love Strawberry賣相已經非常吸引😻 沙律有多款色彩鮮艷既水果 包括有士多啤梨 無花果 紅菜頭 藍莓 紅桑子等 每樣都好新鮮好甜😋 加埋沙律菜食超fresh👍🏻
海膽三文魚籽竹炭烏冬可以話係必食推介 醬汁係非常濃既海膽味 好creamy但係又唔會好膩👅 烏冬好彈牙掛汁 三文魚籽同海膽都好新鮮 甜美 果然出色🤩
釀海鮮南瓜批超豐富 入面有蝦 帶子 蜆 青口 蟹棒等等 每一款都好新鮮大隻😋 加上三文魚籽 芝士同薯蓉 真係好夾🤩 每款海鮮有2件 岩哂2個人share😎
最後試埋佢地杯竹炭椰子Latte☕️ 拉花好靚 聞落已經好香椰子味🥥 飲落口感就知道有竹炭 椰子味好出好香 唔會太甜 Coconut lover要試下啦🌟
食物一流,服務九流,一間食肆的服務差到一個地步才令我以後不再光顧。(点解冇得比零星？
服務費？還要”舍去”？
位於旺角的Peko Peko Eatery，超受歡迎的日式西餐廳。餐廳由五星級酒店廚師開設，菜單特色，賣相又特別，所以在何文田開完店，又在荃灣開分店啦~
餐廳走日系清新風格，地方比想像中寬敞，高樓底配上木系餐桌，給人舒適自在的感覺。
餐單與分店的差不多，招牌菜式同樣有供應哦!
凱撒沙律醬 $78
羅馬生菜很新鮮，拌匀煙肉碎和巴馬臣芝士片，味道不錯。
扇貝明太子意大利麵 $128
之前在荃灣店品嚐過扇貝明太子意大利麵，覺得很好吃，所以再次品嚐啦! 散發著淡淡奶香的意粉，被大量鹹香明太子包裏，相當美味呀。
慢煮燴牛面頰 $158
令人有驚喜的慢煮燴牛面頰，味道相當不錯呢! 牛面頰充滿牛香和紅酒香，肉質超級Q嫩，配上色彩繽紛的蔬菜和黑松露薯蓉，質素很高哦~
氣氛很好👍 …
之前行過呢一間舖頭已經座無虛席，今日專登早少少6點幾入座試一試。（可惜天氣唔好，坐唔到室外位置）
海膽三文魚籽竹炭烏冬
餐廳招牌菜果然名不虛傳。一上枱已經聞到一浸好濃郁嘅奶香味，海膽同魚籽份量絕不吝嗇，食落creamy。竹炭烏冬口感煙韌，不過有少少俾醬汁蓋過左味道。魚籽唔算大粒，但帶有點海水味，夠多汁。
海鮮南瓜批
呢個菜式要有心理準備等一段時間，不過真心推薦。海鮮有：元貝、帶子、魷魚、蟹柳、大蝦、青口，加上芝士同魚籽鋪面，睇落都覺得好奢華。南瓜焗得夠淋，海鮮之下仲有綿綿嘅黑松露薯蓉，南瓜蓉同薯蓉非常之夾，不過食完會有少少滯。
Summer salad
配料非常清新：除咗有沙律菜同蕃茄仔之外，亦有鮮蝦、蜜桃、鮮橙，淋上薄荷乳酪醬，食落感覺非常清新。鮮橙同蜜糖都係用上新鮮水果而整成，真係同個名一樣，好有夏日嘅感覺！
Baileys酒香啡醇太妃蛋糕
蛋糕賣相非常吸引，面頭有令面嘅焦糖咖啡醬，入口香醇，甜度適中。馬卡龍外皮夠脆，口感實淨，裏面配有海綿蛋糕減少甜膩，中間更有夾心，口感豐富。
洛神花紅茶
一壺上枱，好清新，食完咁多creamy嘅食品，品嚐返一啖花茶就剛剛好！餐廳仲可以幫你免費加水。
Lunch set 份量非常很少，最差就係啲白飯，係凍同硬嘅。所謂嘅伯爵茶其實係茶胆沖的，一小杯凍的。整體黎講，千祈唔好有咩期望！
何文田靚靚打卡西餐，鬧市內嘅寧靜聚腳點💁♀️
呢度嘅木系裝修配搭淡花嘅碎花，感覺非常清雅💁♀️食物嘅擺盤都好靚，每一件都係店員用心製作嘅藝術品😊
香煎西班牙豬鞍 $218
豬鞍好厚，但切開咗，又靚又易食🤭呢個脂肪比例好正👍舊舊都充滿油脂香💁♀️另配有薯蓉，個薯蓉超級綿密，100分。
Love Strawberry🍓 $118
呢個賣相好有少女心🥰份量好多，淨係食呢個都好飽💁♀️因為有大量士多啤梨、無花果、藍莓、車厘茄等等，好juicy而且酸酸甜甜，唔鍾意食菜但ok水果嘅人應該都唔會抗拒😁
焦糖燉蛋蛋糕🍮+自家製雪糕🍨 $58
呢個甜品好特別，佢係軟芝士蛋糕嘅質地，但係係焦糖燉蛋味🤭又有焦香，又有蛋香👍雪糕係玫瑰味🌹質感幼滑，味道就好睇你本身鍾唔鍾意花香嘅食物，我本人就ok嘅🤭
Cappuccino $38
有簡約靚靚拉花，咖啡同奶味平衡，唔使落糖都好味💁♀️
可樂 $16
食物ok,但待應服務態度差。熱水欠奉，但收費偏貴
很好食，份量夠，愉快的晚上
本身行過諗住嚟呢條寵物街睇貓貓🐱 睇睇吓肚餓就見到呢間cafe👀 見到咁多人食咁就入咗去試吓😎
餐牌都有好多唔同菜式揀，亦都有兩款二人套餐食，唔想煩嘅可以揀套餐💁🏻♀️ 我哋就散叫咗以下幾樣：
♥ Love Strawberry $118
見餐牌寫話係呢間店嘅signature ，咁當然要試吓啦！😜 沙律底上有草莓、藍莓、無花果、紅菜頭同蕃茄仔，色彩繽紛，打卡一流📸 而每一個水果都好香甜，第一次食水果沙律，原來水果嘅酸酸甜甜同沙律菜係咁夾！💕
♥ French Braised Beef Cheek $158 + French Fries $38
牛面肉有三大件，煮得好腍一切就切得開，亦都好入味😙 個伴碟係有薯蓉同幾款色彩鮮艷嘅瓜菜，薯蓉好滑亦都好香黑松露味！正！😋
因為本身個牛面肉跟咗啲薯蓉同菜，所以side dish 我哋就加咗薯條🍟 薯條炸到乾身又好夠薯味，仲要係我最鍾意嘅粗薯條😝 一條接一條食唔停口，$38好大籃，呢個價錢好抵食呀！🙌🏻
♥ Creme Brulee Cake $58
第一次見creme brulee 加蛋糕嘅組合😲 面層係用焦糖整嘅啫喱，中層係燉蛋味，食落口感有啲似cheesecake/mousse，底層有薄薄嘅蛋糕。另外仲有玫瑰味嘅雪糕，成個甜品超有驚喜🤭
♥ Matcha Latte $38 / Mint Pineapple $42
另外我哋仲叫咗兩杯飲品，分別係抺茶latte 同薄荷菠蘿特飲😏
呢度嘅職員都好好人，又唔會感覺佢哋逼你走坐得好舒服👌🏻 枱同枱之間都有一段距離，空間感十足，環境唔錯😌 每枱都有靚靚嘅粉色乾花比你慢慢打吓卡，整體都好舒服值得推介😆
食品質素普通
但環境舒適
收費也算合理，牛面頰很軟滑。
食物頗美味，價錢大眾化，店員也很友善。
環境舒適，食物高質既西餐廳🍴
今日係旺角行完街就去左哩間餐廳食晚餐，餐廳座位寬闊，枱之間有一定既距離，而且會播住柔和既音樂，坐得都幾舒服。
餐牌上有沙律、主食、意粉、小食同甜品，晚市可以選擇套餐或者單點，今次我地就叫左以下食物share👇🏻
🥗Superfood $118
牛油果夠軟熟，沙律菜新鮮爽脆，仲有四塊煙燻三文魚，沙律入面仲有藜麥、枸杞籽、粟米粒同埋紅石榴粒粒，藜麥同紅石榴都可以排毒，完全係健康之選。
🍝海膽三文魚子竹炭烏冬 $158
之前睇過烏冬既評價都幾兩極，但因為真係好想食，所以都係照叫😂我覺得食落又唔差喎！醬汁有海膽味，亦非常creamy掛汁，海膽都新鮮，唔會有臭味，烏冬有啲似粗版嘅意粉，食落真係唔錯。
🐂慢煮燴牛面頰 $158
牛面頰超級軟腍入味，基本上唔使點咬，食落仲有少少黏口，牛味都算濃，仲配有少量筍、粟米芯、西蘭花、蓮藕、黃椒同令人有驚喜既黑松露薯蓉，好食推介👍🏻
🍮焦糖燉蛋蛋糕 $58
哩個真係勁有驚喜❗️完全係將焦糖燉蛋同蛋糕完美咁結合🤤上面係質地介乎慕絲同布丁之間既焦糖燉蛋，下面係焦糖醬同蛋糕，真係超級好食，配埋味道清新既玫瑰雪糕同埋水果，完全係超好食推介👍🏻
整體黎講，餐廳環境舒適，食物亦有質素，絕對值得一試。
乾淨寬敞，在當前疫情下組織得很好，食物品質一般，價格非常合理。
好油喔peko
高水準西餐在勝利道🍽💯👍
.
朋友喺旺角火車站附近返工，佢同我推介過勝利道嗰邊有一間唔錯嘅餐廳叫「Peko Peko Eatery」。呢日我哋約開食飯，就決定嚟呢度開餐🍽。
.
餐廳門面同內裏裝修設計都好靚，簡約嘅風格令人感覺好舒服😌。部份餐枱呈長條形，適合一班人聚會。店員幾好客，會主動向客人介紹菜式，佢嘅講述令我哋抱有好高期望，而食物出品又真係幾出色嘅👍。
.
Love Strawberry($118)，呢個沙律以水果系做主題，🌈色彩繽紛之餘仲好Sweet Sweet，佢更用上食用花作點綴。沙律由以下食材所組成，包括🍓草莓、藍莓、紅桑子、黃桃、無花果、紅菜頭以及沙律菜等。其實水果嘅甜度無得控制，不過出到嚟佢哋全部都又甜又多汁，從而證明咗餐廳入嘅係靚貨。🥗沙律以甜味令你開胃，並唔係靠酸嘅醋汁刺激味蕾。朋友話如果以前食嘅沙律係咁嘅質素，佢一定會愛上食沙律。
.
Seafood Cinderella Carriage釀海鮮南瓜批($188)，其實掙扎嗌扒食定南瓜批好，但後者感覺特別，所以就試吓。🎃南瓜車造型好靚，將南瓜挖肉後用各式海鮮將佢填滿，然後再加芝士焗製🧀同灑上三文魚籽。雖則唔係用上貴價海鮮，但勝在種類繁多，而且每款都大大粒兼好鮮味。🦐海鮮款式有帶子、大蝦、青口、蜆以及魷魚等。南瓜邊位當然仲附有少量南瓜肉，甜甜的，反而估唔到嘅係佢仲釀咗薯蓉，飽肚感即刻有所提升！
.
Uni Charcoal Udon海膽三文魚子竹炭烏冬($158)，店員介紹呢碟Pasta係招牌菜🍝，當中嘅海膽醬係由日本師傅特別調製，係餐廳獨有。食咗一啖之後我發覺店員無講錯，呢個汁唔係普通忌廉，食落真係會令你以為自己食緊海膽🤤，鮮香十足，單憑一塊海膽絕對做唔到呢個效果！所謂嘅竹炭烏冬其實似意粉多啲，佢比起墨汁意粉好，因為唔會食到個咀黑蚊蚊🖤。再者，佢嘅麵質夠爽彈，非常唔錯。
.
Creme Brûlée Cake焦糖燉蛋蛋糕($58)，本身對甜品期望唔高，因為睇餐牌相片以為得一件切餅🤔。不過出到嚟賣相都唔差，而且仲有球自家製雪糕添，雪糕係玫瑰味🌹，花香自然唔人工，甜度亦適中。焦糖燉蛋蛋糕都幾正，佢富有燉蛋細滑嘅質感，好重蛋香🥚，而底部就有啲海綿層盡吸焦糖汁精華，味道口感層次豐富。
.
飲品方面，我嗌咗一杯凍玫瑰白茶($34)，原來係無糖系列，冷熱同價。🍵茶味幾清香，唔苦澀，玫瑰味同樣自然。除咗茶之外，佢仲提供奶昔、蘇打同各式酒水等，定價算合理。
.
總括嚟講，Peko Peko嘅食物水準好高😋，菜式色香味俱全，各個部份都處理得好出色。餐廳其實有做二人套餐，但咁啱我哋有興趣食嗰啲全部都不在列上，不過計返價錢都唔爭得遠，人均消費三百蚊左右。考慮到整個用餐過程令人滿意，我認為係物有所值，值得推介🌟！
餐廳裝修走木系簡約風，配搭住每枱既乾花擺設，令環境更有清新既感覺。環境舒適，主打西日fusion菜，擺盤靚又有特色，味道仲唔錯呢💕
❀ Love Strawberry 🥗
依款色彩繽紛既沙律不但賣相吸引，而且仲好足料😍 入面有士多啤梨、無花果、紅桑子、藍莓、紅菜頭、車厘茄及沙律菜，水果酸甜多汁，沙律菜新鮮又爽脆～最特別係加入士多啤梨醋，每啖都食到水果及醋味，酸甜清新又開胃，鍾意食沙律既你必試💕
❀ 海膽三文魚子竹炭烏冬 🍝
依款招牌菜望落似墨魚汁意粉，但其實係竹炭烏冬，唔驚個嘴會越食越污糟🙊 烏冬質感好彈牙，每條蘸滿香濃既北海道海膽醬汁，食落唔會太膩～加埋表面既海膽及三文魚籽，鮮味十足又creamy，配搭得好好，食得好滿足！
❀ 美國安格斯肉眼牛排12oz 🥩
大大塊牛扒呈五成熟，顏色粉嫩，外層焦香，內裡軟嫩多汁，牛味亦算重。旁邊配有新鮮沙律及香脆薯角，薯角炸到金黃色，表面灑上香草，份量十足
❀ Mocha 🍫
❀ Mixed Berries Yogurt Smoothie 🍓
Mocha漸變效果好靚，咖啡及朱古力味都平衡得唔錯，味道香濃又唔會太甜。雜莓乳酪飲落莓味濃郁，食到粒粒果籽，酸酸甜甜唔會太膩
價錢中上，食物質素好，地方舒服
餐廳環境比想像人寬敞，就算要搭枱都唔會覺得太迫來同隔離枱好Close ，員工服務好nice，日式小菜定食價錢合理，值得行遠少少黎幫襯。
我哋行完旺角去咗食西餐，之前去過海之戀分店食過都唔錯。
🥗Superfood $118
除咗蔬菜，仲想食三文魚，就叫咗呢款。
加入左藜麥、枸杞籽同牛油果，份量幾多。👍🏻
🌽粟米流心芝士波$62
熱辣辣，外層脆口，香濃粟米味帶芝士醬，粟米幾有咬口。
🍗烘焙胡麻雞 $62
胡麻味唔算突出，但係整體唔會太重口味同厚粉。
🥩慢煮燴牛面頰 $158 +$38 黑松露薯蓉
牛面頰有三塊，口感軟稔，骨膠原都唔少。 旁邊擺放少許蔬菜同薯蓉，但係薯蓉黑松露味幾香， 值得額外加配。
食物還可以⭐️⭐️⭐️⭐️，但是服務⭐️⭐️很差。
PEKO PEKO是一家漂亮整潔的餐廳，需要多一點努力才能給我留下深刻的印象，但不要被這個迷惑了，它在各方面都是一家不錯的餐廳，但設置對我來說有點奇怪。空間一直是香港的一大問題。哦，順便說一句，精選的健康沙拉……價格合理。
有驚喜，好味。
特別係個慢煮三文魚，味道配搭很好；白酒煮蜆意粉，很鮮味，食完先發現唔記得影相。
欣賞他們係逐道菜上，可以好好品嚐食物。
會再嚟，推介！
星期日同男朋友睇完《尚氣與十環幫傳奇》之後，去左Peko Peko Eatery食晚餐。
Rainbow for Two
有小黃瓜、櫻桃番茄、牛油果、蘋果、 椰菜花、蝦仁，撈埋一齊食好爽脆，好fresh。
我欣賞佢個沙律醬另上，方便客人想落幾多就幾多，個醬酸酸甜甜，好好食。
海膽三文魚子竹炭烏冬
十分creamy，除左有鮮甜既海膽，連個汁都充滿海膽味，烏冬十分掛汁，好正。
釀海鮮南瓜批
海鮮有帶子、蟹腳、蝦仁、青口、蜆，全部都好新鮮，南瓜同芝士好夾，仲有少少薯蓉，真係好好食。
服務真的很好！
美味的食物
慕名而來的海膽竹炭烏冬
朋友知道我鍾意食海膽，就介紹了一間位於何文田出哂名的PEKO PEKO，那海膽烏冬令人一食回味，我當然都第一時間去試試。
@pekopeko_eatery
店內裝修簡潔，以木系餐桌為主，更有一種和風味道。
Affogato
雪糕球上加上一shot 咖啡，融合在一起的Affogato，不僅是爽口的咖啡，也是視覺跟味覺的療癒甜點。
Caesar
先來前菜沙律🥗清清味蕾，清新爽脆生菜🥬加上脆口麵包乾、咸香芝士塊和沙律醬汁，食起來令人胃口大增。
慢煮燴牛面頰
牛面頰以慢煮方法燴煮，輕輕一切，已可切開，口感軟腍，且牛味重、更含豐富骨膠原，口感非普通牛面頰可形容…正！
海膽三文魚籽竹炭烏冬
終於到今日的重點啦「海膽三文魚籽竹炭烏冬」，來到時已聞到香噴噴的香味，而且大大塊海膽在正中，更有三文魚籽作點綴，未食已經攞哂分，真係不枉此行！
烏冬掛滿了秘制海膽醬汁，每一條都有鮮甜的海膽味，而且還有咸香三文魚籽，令口感更豐富，更有層次。
環境不錯，食物美味，價格合理。
午市套餐有湯，茶，飯加兩個前菜，一個主菜，餐具簡潔，有日本風西餐，味道不錯，值得試
健康又好食嘅午餐！多種選項變出不同配搭～要回頭的餐廳！
何文田勝利道Peko Peko Eatery
SPRING GARDEN $118
材料多又顏色吸引
巴馬火腿、桂花蜜瓜、蜜桃同埋無花果
沙律一上檯已經覺得色彩繽紛
煙三文魚海鮮炒飯118
海鮮炒飯以燒烤汁炒成, 濃香夠惹味,
入面仲有海鮮粒粒, 魷魚蜆仔
藍尾鱈魚西京燒188
Main Dish 揀左藍尾鱈魚西京燒配香滑松露薯蓉 (+38)
鱈魚西京燒表面烤到金黃色
西京漬過的魚肉味道帶甜, 肉質非常細嫩
何文田日式木系餐廳🪵
裝潢擺設充滿文青風 環境好relax
想好好哋同朋友食飯傾偈 嚟尼度就啱晒
食物仲又靚又有質素💕
✿Rainbow for two $128
好色彩繽紛🌈擺放得整齊嘅彩虹沙律
可以選擇蝦或雞肉
材料都好新鮮爽脆 大大份都輕鬆清晒🥗
三色椰菜好靚呀 既好味 又賞心悅目
✿慢煮燴牛面頰 $158
牛面頰份量有三大塊 頗為厚身
經慢煮過好夠軟淋 有淡淡嘅紅酒香氣 好吃！
伴菜仲好豐富 夠晒營養均衡
仲有四款side dish可自選 每款都係+$38
試吓香滑松露薯蓉 冇得輸 係好好吃！
✿海膽三文魚子竹炭烏冬 $158
烏冬好似粗身一點嘅意粉 質地滑溜
濃郁嘅海膽醬汁夠杰身 所以掛汁效果相當唔錯
味道鹹香 每啖入口都好夠鮮味
海膽同魚子份量都絕對唔吝嗇
食晒會有啲膩 但的確味道完勝 令人越食越滋味
果然係人氣之選👍🏻👍🏻👍🏻
✿抹茶Latte / 紫薯Latte @ $38
兩杯拉花圖案都好可愛
睇見心情都變更好 真係睇得又飲得
📍PEKO PEKO Eatery
蟹肉牛油果船$98
呢個前菜超豐富 足足有一整個牛油果 好飽肚🤣牛油果生熟度岩岩好 好creamy 面頭鋪上滿滿既蟹肉 烘脆左既藜麥同杏仁片配埋好好食 口感豐富🤤
SPRING GARDEN $138
Parma Ham 好多 肉質軟嫩 另外有好多蔬果 有車厘茄、杏桃、哈密瓜、無花果 都好新鮮好甜 配黑醋汁好開胃😝❤️
海膽三文魚子竹炭烏冬 $188
見呢個好多人叫 賣相都幾特別 個汁好厚好creamy 海膽新鮮 呢個配搭都夾 😆竹炭烏冬唔煙韌 但都唔會淋 食落好滑🥳
冰川菠蘿梳打$48
飲落都幾清新 解膩一流✨
雙重朱古力$38
唔算太甜 朱古力味都濃👍🏼
呢間日式木系既裝修同埋暖和既燈光好有無印風既感覺🇯🇵 整體感覺好文青好舒服🌱適合黎個輕鬆既Dinner Date🥂
服務
內用
餐點類型
晚餐
雨天其實最易搵好餐廳搵好位食飯，今次黎到何文田既Peko Peko Eatery。
白色墻身，木色檯凳，環境舒適，感覺清新自然。
望望餐牌, 食物選擇都算多，有埋甜品。
Spring Garden
擺盤精緻，賣相靚。面上兩朵花，有ham，蜜桃，提子，番茄仔🍅
海鮮南瓜批
海鮮白汁滋味，解開南瓜頂蓋，可以見到朵黃色小花，裡面滿載蝦，帶子，青口等海鮮。南瓜粉粉的甜甜的。味道有驚喜，好吃😋。
黑醋樱桃蕃茄
黑醋配蕃茄味道清新可口。
粟米流心芝士波
外層脆脆，芝士味唔算弄濃，但芝士配粟米滋味可口。
甜品
焦糖燉蛋蛋糕配自家製雪糕
配埋黑炭雪糕， 蛋糕甜度剛好，微帶焦糖香。
整體而言， 食物滋味，環境舒適，值得舌尖再遊。
.
📍Peko Peko Eatery
📍香港何文田勝利道1-3號地舖
Caesar Salad🥗 (78hkd)
入面有煙肉同Parmesan Cheese，生菜🥬好新鮮，上面嘅脆脆係芝士，食落勁香，加埋麵包糠增加口感，沙律醬比平時嘅酸少少🤏，作為starter好開胃🥰
溫泉️蛋♨卡邦尼(98hkd)
上面嘅溫泉蛋係超級療癒，蛋汁撈意粉一流，意粉好creamy但唔會好咸，比我想像中淡少少，主要靠煙肉去提味，意粉唔會煮得太淋，仲幾有咬口，回頭率極高👍🏻
美國🇺🇸安格斯肉眼牛排12oz (338hkd)
叫左medium，其實都唔會太生，唔會太多血水，肉嘅份量都幾大，兩個人share剛剛好，而且牛排有肥膏脂肪嘅部分特別香，肥瘦夾埋一齊食先最正，薯角外脆內軟，點黑椒汁絕配👍🏻
#foodiblum西式
跟2位友人來吃晚餐，之前上網訂座，點2人餐可獲88折，於是點個餐再加個小食拼盤。沙律好大碟，豬胺也不錯。竹炭椰子雪糕幾特別，味道也好。店員都殷勤有禮，是一頓豐富愉快的晚餐。
三五知己的文青Cafe，環境好chill
之前聽朋友仔介紹過呢間餐廳
擺盤好靚、好啱打卡📸
一直都想試吓…
最近出開旺角，嚟到何文田分店喔！
–
☕️焙茶 Latte ($38)
面頭拉花好可愛🐻
唔單止igable, 味道都唔錯呀👍🏻
每啖入口都充滿茶香
茶迷必愛❤️🔥
🥗Spring Garden ($118)
有巴馬火腿、桂花蜜瓜、蜜桃、無花果等
配料都幾豐富！
健康醒胃之餘，賣相又夠靚
好啱相機食先呀📸
🐽香煎西班牙豬胺（$228）
豬胺幾厚身
咬落啖啖肉，肉質鬆軟
而且煎得富焦香味💕
伴有雜菜
色彩繽紛，幾有心思!
不過以呢個價錢嚟講…
唔算好抵食😕
side dish仲要額外加錢喔!
🍟炸薯條（side dish+$38）
薯條炸得好香口
外脆內軟又夠粗身👍🏻
面頭撒咗小小鹽，夠晒惹味！