叉燒丼家(The Master of Char Siu)

糟糕的食物和服務#blue

#blue 藍，叉燒飯可以，可惜蔥花蛋脆多士有點令人失望，名過其實

點了肥叉燒丼。賣相是非常好，雞蛋煎得很好，但”肥”叉燒不夠肥，略為乾硬，飯也不是好煙靭，這兩點扣了分。飯下面有薑容和醬油，伴流質蛋黃很好吃。 菜單上有其他創新菜式下次可以一試。

環境舒適，食物味道不錯，如果叉燒可以厚切就更有口感。

地方闊落，位多，装修不俗，食物價格略高，但時常做優惠特價，質素不錯，賣相都吸引，但交通不算方便，。

推吃蔥花炒蛋三文治好吃。香。鬆。口感同味道都非常好。茶香檸檬四片係有檸香味的。叉燒咸走色送飯就啱啱好口感爽不油膩。太陽蛋超正。好香蛋黃味吃出店主應該不入普通貨對出品的味道質數都係有要求的人。真的不錯。價錢合理環境舒適整潔誠意推薦。

第ㄧ次來吃。叫了個特價鐵板牛排，感覺一般般。同相片差很遠。正常不會再吃。如再來就試吓其它下午茶餐。給2星半，希望有進步。

叉燒蔥蛋治係極力推介，勁多蔥，蛋味重而且又香又滑！加埋粒粒叉燒，原來叉燒蔥蛋唔止配飯好食，同三文治呢個crossover, 有特色又好味！

🔺敵唔過叉燒既誘惑・【The Master Of Char Siu】🔺

我欠了朋友一餐幾個月，夾時間約食飯係一件難事！今日突然夾到朋友時間，仲要遠遠去了新蒲崗，我諗起新蒲崗附近淨係有Mikiki，但其實已經開了不少有特色店舖，就好似叉燒丼家
咁，朋友帶我去食靚叉燒！ 【The Master Of Char Siu】😋我對店舖有好大嘅期望，叫得Master，冇咁上下，真係太棒自己了，希望食物質素好吧！

門面闊落新淨，一定新開了不太久，我今倆由於時間尚早，店內只是一、兩檯食客坐很入，最後我哋揀左個靠牆的卡位，兩個人入坐，非常鬆動。

裝修很好精緻，用木系同豬仔黎做主打，明顯地有點心思，整體餐廳都好光猛又開揚，係到晚餐，環境好舒服，最緊要呢度好乾淨。

餐牌上嘅設計都好好～簡單易明又Colourful，最緊要多圖，望落好多都好吸引呢。價公都親民！

🌟沙嗲牛肉潛艇🥯$32
沙嗲牛肉通心粉就成日食，沙嗲牛肉潛艇就好少食了，備有口感嘅沙嗲牛肉放在鬆軟無比既面包配上🍞，又幾好食。牛肉腍身，沾上沙嗲醬後，鹹度啱啱好整體份量亦都好多入面配埋爽口洋蔥好惹味。

個包本身亦都有烘過所以黎到面前都係熱辣辣，加埋一齊好夾啊！又多汁牛肉又好食，比想似中好吃多了。

🌟芝士咸牛肉飛碟 $28
芝士咸牛肉飛碟焗到好脆，入面嘅芝士係係可以拉到少少絲，咸牛肉味道適中，芝士味濃郁, 配搭好正！！要襯熱食因為多左會冇咁脆身。

🌟葱油煎雞扒丼飯 $52
平民的美食，就像日本人的蓋飯丼物，飯、菜、肉大合體，有時加上濃濃勾芡。 帶着葱香， 粗鹽吊出的鹹味也極醒神。

有驚喜嘅份量，足夠當晚餐。雞扒味道同脆度都一流，豉油同蔥炒香了，將啲蔥油加係雞扒上面，陣陣蔥油味 ，令人忍唔住又要再食，碗飯的豉油都頗香甜，令碗飯加了不少分數，相信好多人都會愛上。

🌟蜜汁叉燒
話哂都係叉燒丼家所以點都要試試叉燒既，望落去呈深啡紅色，帶少許燶邊滿滿油香， 厚度適中。叉燒廳該是選用本地豬脢頭肉製作，好似絕無 添加劑、味精和色素，只以醬料和焦糖上色。

肉質軟腍，肥膏及瘦肉相間，分佈平均，肥瘦剛好，紋理不模糊，食落甘香肥美而肉爽，亦富肉香，如肉汁再多點會更好！非常邪惡喔！

🥤脆爆華田
凍阿華田、凍奶茶成日都飲，想要新鮮感，動動腦筋，加少少創意就係啦，呢杯落枱賣相吸引，滿滿忌廉推得好高，如果變埋雪糕真係一流架！呢度加了OREO同餅乾做襯托，飲落味道都備甜，本身華田同忌廉就係甜次物加上面層仲有華田脆脆。所以更甜，但整體會帶點口感，好豐富喔～飲落味道濃郁。

🥤龍鳳檸樂
龍鳳檸樂的原理與鹹檸七有異曲同工之妙，但因可口可樂沒有檸檬香味，於是除了加入鹹檸檬平衡汽水甜味，還以新鮮檸檬增添清新香味。真係幾好飲, 好爽好透心。

【叉燒丼家】 食物質素真係唔錯，性價比都高，係我屋企附近嘅會得閒幫襯吓，整體果然無令我失望！ 蜜汁叉燒，紅彤彤外皮閃著蜜汁的亮澤，微燶的位置散發著炭火香氣，咬下 去肉味香濃，伴隨陣陣豬油的甘香，這種粗獷的佬味直令人神往，難怪有「 生嚿叉燒好過生你 」的 俗語。無令我失望，可以一戰呀，叉燒迷。

呢道D叉燒飯好正

座位及食物唔錯，但是，洗手間窄小。

星期日再到此店叫了义燒旦反、雞扒蛋飯丶T骨牛扒大蝦餐除咗叉燒同旦，其他不值一提！

好味，服務友善。

.
唔講唔覺，原來哩間餐廳就喺我之前返工附近😄😄 其實佢地點好方便就腳👍 喺荃灣/葵芳搭程巴士5-8分鐘就到，隔離仲開左間新戲院，睇完戲過嚟食夠哂方便😊
·
☆ 芝士焗龍蝦配雞扒及薯條
鐵板上啲汁倒落去「滋滋聲」好治癒呀😻😻 雞扒配蒜蓉汁永遠係最佳組合🤤 最吸睛係隻巨大龍蝦，配上拉絲芝士汁，味道濃郁，龍蝦肉紮實有膏，哩個價錢性價比幾高👍
·
☆沙嗲牛肉潛艇
沙嗲牛肉配上鬆軟既長麵包🥖 麵包索哂惹味既沙嗲汁，加上爽脆既洋蔥絲，成個配搭的確幾夾😋
·
☆ 芝士咸牛肉飛碟
飛碟焗到非常鬆脆，咸牛肉份量雖然不多，幸好滿滿既芝士搭配返，整體感覺濃而不膩。
·
另外叫左杯特飲 – 脆爆華田🥃 賣相幾吸引，華田上面有厚厚既忌廉，上面仲有華田脆脆，小朋友一定會好喜歡🤗
·
📍叉燒丼家
葵涌和宜合道26至30號和宜商場地下B-C號舖

可一不可再。 2個人分別叫左個常餐- 叉燒通粉，西多炒蛋； 肥叉燒蛋飯。

通粉硬，湯底冇味。上面果幾舊叉燒色澤古怪好柴冇味。 炒蛋，冇蛋味，唔知係咪用預製蛋漿。。。多士，塊包唔知放左幾耐。

肥叉燒蛋飯 – 份量都算多，面頭2隻蛋冇脆邊，連煎香既感覺都冇。飯又濕又爛。重點d 叉燒都係柴同硬，少少叉燒香味都冇。 去附近其他茶記食好過。 以食叉燒作招來，真係一大敗北。

見佢餐牌整得幾靚，查看一下。原來係富臨集團其下既餐廳。可能係集團其下餐廳，都係大批供貨，且存貨其長。質量低。

叉燒很不錯

昨天食了一個得個樣架扒餐~原來重要係富臨

好的

難食了很多，同當初剛開時候不同。叫了滑蛋叉燒丼，蛋炒到一陣燶味，有黑色一點點，一定唔係黑松露來，又沒有蛋味，叉燒差了很多，一係硬一係好肥。
樓面員工得兩個，等左好耐才有人幫你落單，等左好耐才有人上菜，但廚房係好多人。
現在疫情情況，上菜員工冇戴口罩，仲要比我見到佢就咁拎碗飯來，成隻拇指係插左入飯度，有少少唔衛生，好似去左茶餐廳食咁。

老老實實～我不是太喜歡吃🐷肉～但是這裡的叉燒肉飯～真的覺得不錯～尤其是半肥叉燒～😍有機會一定要再吃～重點是價錢也不會貴～環境好～坐得也寛落～好～😍 …

#holidayouthk美食
【鰻魚叉燒丼飯】 HKD82
.
【咸牛肉炒蛋多士】 HKD26
.
【炸豬扒】 HKD38
.
依間平民食店開左分店啦👏🏻住係葵涌嘅朋友有福啦🥰除左我地食嘅丼飯之外，仲有其他大大碗嘅炸豬扒🐷丼飯，炸雞脾🍗丼飯等，都係50幾蚊咋🤩

我地叫嘅依個丼飯真係有原條鰻魚架，都咪話唔抵食。而重頭戲當然係叉燒啦，佢地所選用嘅脢頭肉經過炭火🔥燒香，肥瘦適中，有啲位仲有爽口嘅感覺😋不過如果兩者再多汁啲應該會更好。

小食方面，2️⃣樣都幾有驚喜。多士🥪烘得好脆，入面嘅咸牛肉炒蛋🍳望落以為好乾，食落原來入面帶少少蛋漿，帶點滑溜。不過依度多左樣野令佢比起出面食到嘅與別不同，就係多左層厚厚嘅牛油，超邪惡❗️而炸豬扒🐖好嘅地方就係炸粉好薄，唔會因為太多粉而產生厭惡感。

食物味道中上，唔錯㗎。但選擇就唔係咁多，主打义燒就真係幾好，價格就偏貴就少少，但早餐、下午茶就正常番。

抵食

街坊茶記，好味，抵食夾大件，讚

叉燒的確唔錯