陳儀興玫瑰餐廳小廚(Rose Restaurant Kitchen)
營業時間
| 星期日 | 休息 |
| 星期一 | 07:00–23:00 |
| 星期二 | 07:00–23:00 |
| 星期三 | 07:00–23:00 |
| 星期四 | 07:00–23:00 |
| 星期五 | 07:00–23:00 |
| 星期六 | 07:00–23:00 |
服務選項
店外取貨
外送
外帶
內用
無障礙程度
不支持無障礙入口
不支持無障礙座位
不支持無障礙停車場
產品/服務
小菜
咖啡
酒精飲料
啤酒
用餐選擇
早餐
早午餐
午餐
晚餐
餐飲服務
設施
洗手間
適合兒童
氣氛
氣氛悠閒
環境舒適
客層族群
適合團體
規劃
接受訂位
又返嚟我最喜愛十大火窩餐廳既其中一間—玫瑰餐廳陳儀興，本身諗住帶個朋友嚟慶生見識下佢個黃金甲，因為上次食完念念不忘，但今次有新野而且仲要係我地都喜歡既胡椒豬肚雞窩，緊係要試新野啦！
個湯奶白色，陣陣胡椒飄香，我地未打邊爐前就已經每人飲左碗(未落雞）果然好香濃，散發出淡淡藥材同埋胡椒香氣，唔會太嗆辣。豬肚爽脆鮮美無怪味。
至於點解上面話未加雞呢，原來佢個好貼心咁雞係另上既，應該係怕煮得耐會d肉會鞋。
而另上好處係可以食曬再落，咁d雞就夠曬鮮嫩同保持返d雞汁&精華都唔會流失。p.s份雞有半隻仲幾大份下:like::wow:
仲跟埋個生菜先係百幾蚊，又可以叫多幾份唔同既食材啦:like:抵食
呢個豬粉腸同竹笙都係半分，雙拼收多5蚊但可以食多幾樣唔同既野😁竹笙好肥仔，又爽又大條，爽曬d胡椒味，咬落清脆無沙，不錯，但粉腸可能洗既時間穿左，有點苦甘，但只係少部分問題不大。
本地手切肥牛當然唔少得，除咗湯底款式眾多而別具創新之餘，呢個本地手切肥牛都係我返轉頭嘅原因之一，雪花肥牛脂肪分佈極之平均，見到相中一格格咁就知，有圖有真相，色澤紅潤夠新鮮，咬落嫩滑而且牛味十足，中間有個相連嘅筋位咬落彈牙，一塊肥牛有咁豐富嘅層次感係非常值得一試，雖然價錢比較貴啲，但食完真係覺得抵比。
蟹子丸雙硑貢丸，都係大家街市買到既果隻，無乜特別。每樣有6粒都抵食喎。
最後就係火窩必食桶蠔，絕對唔係急凍蠔，雖然未至於好大隻，海水味就冇㗎啦始終拎嚟打邊爐，但勝在肉厚甘甜，蠔味不輸即食生蠔，無一隻有臭味:like:抵讚。
火鍋小菜都好味
來到新蒲崗估唔到咁多美食，呢間係朋友介紹，性價比好高抵食又大份
先來前菜胡麻鮮淮山，入口清爽帶甜，胡麻醬好清新，食完好開胃
我哋叫咗個胡椒豬肚雞火鍋，成個湯底奶白色好夠胡椒味，豬肚夠腍身，仲有好多鹹酸菜
另外跟埋嘅雞有半隻，雞件都大隻，入口嫩滑好正喔
加$1仲有牛肉粒送好抵食喔，大大粒嘅牛肉粒牛肉味濃，真係好優惠點都會叫啦
避風塘脆骨腩送酒一流，魚腩走油走到好香脆，魚好新鮮又彈牙，避風塘抄真係好惹味
見到有賣個辣椒油都不錯
臨近中秋，朋友特意約我吃飯，順道送贈我月餅卷。我們差不多兩個月沒見面，朋友說她超想吃火鍋，她一段時間都沒吃過，我也是，於是我們去了她同事所推介的平民價火鍋店陳儀興玫瑰餐廳涮火鍋，這裡一如他介紹便宜又好吃。
平常火鍋店鴛鴦湯底都比一款口味的湯底貴，但這裡竟然是同價，只是68元，愛嚐鮮的我們當然點鴛鴦湯底，分別選了下火芫茜湯底及潮州沙嗲湯底。
下火芫茜湯清爽不油膩，也是女生們的最愛，上桌時可以先喝一碗，下一下火，淡淡清香繚繞在舌尖。至於潮州沙嗲湯底加入大量花生醬熬煮，使湯頭更濃香，骨子裡的靈魂一整個昇華起來，為任何食材賦味，煮沸之後就是人間百味。
蘿蔔片，娃娃菜每款只賣20元，廉宜到不行，它們用來均衡營養，我們都不能只吃肉嘛。娃娃菜與蘿蔔片甜度很讚，放進下火芫茜湯煮，蔬菜鮮美融入湯中。
吃火鍋時喝凍鹹檸雪碧夠港式道地，鹹酸的鹹檸加上雪碧甜蜜的氣泡，嚐火鍋火氣上升之際，一大口灌下凍鹹檸雪碧，就像火堆上直接潑水那麼痛快，豈止一個「爽」字來形容。
牛柳粒的油花形似大理石的花紋，堪稱涮食的佳品。牛柳粒涮至五分熟最為完美，淡粉的牛柳粒一口可吃，牛肉滑軟細嫩，嚼起來口腔盡是牛肉的馥香。
炸魚皮也是經典火鍋配料，可以直接單吃，亦可以在鍋涮煮兩三下，那麼炸魚皮仍能保有脆度，咬起來鹹香夠味又脆口，越吃越涮嘴，十分過癮。雪白的鮮淮山甜味發揮到極致，清脆爽口令人喜愛。
每次吃火鍋，朋友必點麵食，這次亦不例外，她一口氣選吃手打薯粉和龍口粉絲。粉絲跟薯粉份量驚人，薯粉滑溜溜的，極具彈力，粉絲雖纖幼，吸強湯汁能力卻強勁無比，將粉絲吸飽湯精髓才是最強吃法。
純手打的好勁道讓每顆芝士墨魚丸都相當扎實且風味十足，墨魚丸用新鮮墨魚肉製作，鮮甜彈牙，丸子釀入濃郁的芝士，熱溶芝士與彈勁的墨魚丸交錯的口感，那美味令我們回味不已。
鮮蝦雲吞以黃色的餡皮包裹著肉餡，雲吞真材實料，吃得到原尾鮮蝦的海味，豬肉餡料嫩嫩的，那複雜華麗的滋味正在誘惑我們的味蕾。自家手包韮菜餃飽滿得很，餃皮厚薄得宜，韮菜吃起來脆甜鮮美，配搭多汁的豬肉餡，超有家常味道。
五花腩肉油脂平均，切得不薄不厚，光看色澤就知道肉品的品質好。在下火芫茜湯底涮煮，能品味到腩肉本身的肉甜及豬肉原有香氣。雞件素來適合煮湯，表現一點不輸給豬牛，雞肉細嫩不乾柴，嘴中釋放雞汁來，讓人意猶未盡。
食材新鮮，價格不貴。醉雞鍋半隻送安格斯牛肉細份＄138 抵食。 手切牛肉肉質較安格斯軟腍，但牛肉味較淡。牛爽肉碎碎細細，係爽但無牛肉味，可以不吃。鵝腸一般。因客人較多，最好預早訂位。
食物质素好有镬气香港人的王店街坊价钱
最近第三次我們幫襯這間餐廳有兩個樓面阿姐和廚房吧檯的員工在嗌交
用粗口大聲鬧人
呢兩位阿姐跟住企喺我哋隔離大聲講話
一個話擺咗啲鼻屎放落我哋啲食物裏面
另外一個阿姐話擺咗啲鼻涕放咗食物
我哋唯有唔食埋單走人
但是心有不甘這件事非常嘔心
d野食唔好食，比如食雞煲肉又老又唔入味，小菜唔夠火氣兼無乜味道，羊腩煲又唔冧
價錢又唔係平過人，奇怪既係食成6xx蚊都無得用credit card。
總之食過一次唔會再幫襯，難食過d街邊30幾蚊既2餸飯
今晚同前世情人打邊爐，幾十年前老爸喺新蒲崗發跡，直到而家佢久不久都會回來新蒲崗吃過晚飯，懷緬一下過去。
雖然好多鋪頭都已經面目全非，但有一樣野不變嘅就係經濟又好食，今晚老爸揀了地道港式小店：玫瑰餐廳陳儀興。天氣冷這裏主打的極品御前冬瓜盅、魚獲至寶美顏鍋及多款特式小菜也十分受歡迎。
《極品御前冬瓜盅》
新年前食清啲，一於來一個極品御前冬瓜盅，店員非常快手，上枱時冬瓜盅的擺盤十分漂亮，矜貴的鮑魚非常彈牙，花膠、海參夠晒滋潤，冬瓜盅中間還有杞子雞件。
食件滑雞再飲啖湯，一個冬瓜盅已經夠晒滿足。
《野菌雜菜拼盤》
真材實料嘅冬瓜盅，湯頭特別清甜，用嚟滾野菌、雜菜清新又健康，啱晒減肥中的女孩。
《特選火鍋配料》
多達幾十款的特選火鍋配料，鮮滑牛、粟米、手打薯粉；自己都可以煮出牛肉粉嘅風味。
我鍾意佢有得揀雙拼，每人食少少份量又可以試多幾款食物，鮮蝦雲吞+自家手包韭菜餃；鍾意食餃嘅朋友唔好錯過，真係好掂！大大隻鮮蝦，真材實料。
響鈴卷、炸魚皮真係值得一讚，新鮮熱辣辣脆卜卜，食到停唔到口。
打邊爐唔飲汽水，大大杯凍檸檬茶健康啲，冰涼透心一樣咁爽！
#陳儀興玫瑰餐廳 (新蒲崗)
重量級冬瓜盅。🌪食火鍋又唔想食得太重口味，太熱氣，👀最近比我留意到可以食冬瓜盅。💁🏻♀️有打邊爐嘅感覺之餘，🤗冬瓜又清涼，煲出嚟嘅湯有勁好飲。
.
《極品御前冬瓜盅》$228
可以話係豪華版。🤩大嚿冬瓜裏面圍住雞、四隻鮑魚、厚海參、花膠同杞子。🤯料有好多，如果兩個女仔👩🏼🤝👩🏻食嘅話，🥳淨係食呢個冬瓜盅都夠。
.
湯底好清甜，😚雞湯加冬瓜，濃度啱啱好，飲左好多碗都唔會膩。
.
煲到腍左既冬瓜吸左啲湯汁😛真係好好食。
.
仲隨冬瓜盅附送生菜🥬同菇類，🍄好健康。
.
我哋仲叫咗少少配料打埋邊爐。
.
《安格斯牛肉 》💰$128
雖然有啲肥瘦不均勻，賣相都係靚仔既。牛味都突出。份量比想像中多，好抵食。
.
《手包韭菜餃+豆豉鯪魚餃》💰$48
餃子🥟肥嘟嘟，漲卜卜。
.
韭菜餃唔錯，皮厚薄適中，🤓啖啖韭菜再加少少肉，比例好好。
.
豆豉鯪魚餃，雖然創新，但對於我黎講味道比較難接受🙈，豆豉鯪魚本身嘅酸味，令到成舊餃子🥟都酸酸地而且肉既分量好多，有啲漏。
.
《野生竹笙+豬潤》 💰$50
.
竹笙好大條粗身，👍🏻份量多又係抵食。最鍾意佢可以吸晒個湯，😻又好爽口。
.
豬潤就正正常常啦。無咩特別。
.
《超甜粟米》 💰$20
比起我食過嘅超甜粟米🌽仲有一段距離🌽 ，不過都係甜嘅。
.
火鍋和聚會的好地方！
早兩天下班不想回家吃飯，去了玫瑰餐廳陳儀興吃點東西就回家，平時來這裡多數都是吃火鍋，今次想試試他們的小菜。
椒鹽鮮魷
份量頗多，外皮炸得相當酥脆，鮮魷肉質一點都不韌。
玫瑰小炒王
裡面有多種配料，有花生、蝦米、菜莆等，每一種都是我最愛，炒得很夠鑊氣，吃得非常惹味。
拔絲咕嚕肉
口感外脆內嫰，吃一口就吃一口菠蘿，酸酸甜甜，非常滋味。
白灼肥牛鵝腸
吃火鍋必點的鵝腸，這次小菜也少不了它，配上芽菜、芫苗、蔥，也會令白灼變成美味的食材，超正。
難食
平，靚，正，好味
好的
之前同朋友黎過呢度打邊爐，覺得平靚正，今日禁岩新蒲崗返工，所以放工突登叫埋老公過黎打邊爐！
估唔到平日仲要疫情時間都禁爆場😆，同老公叫左個胡椒豬肚雞做湯底，出面真係無試過呢個湯底打邊爐🤣
首先試左個湯先再放雞，胡椒味超香濃，飲完即刻feel到好暖身！冬天會好岩飲😋 豬肚都好多好足料，好食
之後加雞滾十幾分鐘左右，雞好嫩滑，仲有淡淡胡椒香，都好襯woo!最重要雞我地無即時食哂，就算滾左成粒鐘都唔會鞋👍🏻👍🏻
叫左碟細既手切肥牛， 好嫩滑牛味又夠香濃，好正。
響鈴同炸魚皮各一半，2人食份量岩岩好，唔洗叫全份幾好，呢2樣我地覺得打邊爐必點，香脆可口😝
仲有禁岩做緊promote, 叫胡椒豬肚雞湯同like fb page 加$1 就有碟牛柳粒啦🥰🥰
我個人鐘意肥牛多d🤣🤣但老公就鐘意粒，因為牛味更香同更有咬口！
呢道最出名既手打松露墨魚丸，松露香濃，但又唔會蓋過墨魚味，因為中間會塞滿彈牙既墨魚粒粒，真材實料，夠哂爽彈！
如果每個區都要選一間大排檔坐鎮
新蒲崗區的話我肯定選陳儀興玫瑰餐廳小廚。
餐廳走大眾平民路線， 沒有美輪美奐的裝修，
換來的卻是扎實便宜大方的價格的，
難怪即使平日晚上也坐無虛席
無book檯連飯都無得你食。
餐廳晚上會由中午的茶餐廳變成私房菜，
有老闆米芝蓮 拿手小廚小炒當然不在話下，
但同時也有特色火鍋邊爐雞煲 任君選擇，
可以一邊打邊爐又可以一邊食小炒，
雙管齊下。
玫瑰小炒王98
🥬🦐🍤🦑
材料超豐富，韭菜花， 魷魚乾 ，原條大蝦乾， 菜脯，仲有一大堆銀魚脆脆同花生。 炒得夠鑊氣不在話下，份量仲好大碟，魷魚乾同蝦干係成碟小炒王的靈魂，夠鹹香， 食得出勁有鑊氣 。
香脆咕嚕肉88
這碟是我個人最推薦。 出面街我食的咕嚕肉都是淋身的， 但這裏將豬肉炸得乾脆， 然後上面再淋上酸甜的咕嚕醬。 豬肉本身外脆內爽， 最重要是完全不會覺得肥膩， 食得出師傅的功力。 配上青椒紅椒菠蘿， 酸甜開胃讓人一口接一口停不了。
豆腐雙腩煲78
去大排檔冇理由不吃豆腐煲吧 ，加埋火腩及魚腩， 超夠鑊氣，豆腐仍然是 嫩滑而入味。姐吃的是男人的情懷😍😍
鐵板薑葱啫啫魚標98
離遠已經聽到鐵板吱吱聲。一條大魚或鯇魚只有一個魚標， 而單是這一味鐵板魚鰾， 就可能已經要了二十多條魚的魚標， 證明分量勁多， 每條都煙韌帶膠質，又帶點爽爽的口感，識食的一定知道係女人至愛。另外乾蔥薑片大蔥都比得多去爆炒，一食就知這水準無得輸。
下午茶餐抵食，炒粉麵飯大碟又唔貴，沙嗲牛河沙嗲夠香，牛肉又多
好食，抵食
香港系一個一年四季都可以有好多人打邊爐嘅地方，春夏秋冬只要你開着冷氣都可以做呢件事而家差唔多到夏天其實條街都幾熱但係同朋友今日就決定去打邊爐。嚟到新蒲崗真係有好多好嘢食揀，今次就揀咗之前有朋友推薦我試吓嘅玫瑰餐廳。入到去店員都有幫我哋量體溫絕對符合疫情防疫嘅時候嘅標準 坐低一陣之後店員就你叫我地可以如果打邊爐嘅話就可以叫住個湯底先之後我就深深咁比胡椒豬肚雞湯吸引着，所以決定就要試吓啦
一路叫住嘢食個頭好快就想，同朋友決定飲啖湯先再繼續打邊爐。不啲湯嘅時候見到號有好多黑胡椒係入邊 就覺得成個湯底係好足料 而且入邊都有好多榨菜同埋豬肚 值得一提嘅係所有豬肚都係唔肥嘅所以都好放心食 打邊爐最緊要係湯底！今次真係好滿意🥰 平時我都好少點醬汁 所以個湯底真係好重要啊！雞係另外上既，有半隻，對於我地2個人食黎講都幾多，但好新鮮同好滑
未幾，配料都上哂黎。今次叫左打邊爐必叫既萵苣，芋絲，金菇，油麥菜，韮菜餃拼魚皮餃，手打三寶丸(鯪魚球，豬肉丸，蝦丸)仲有加一蚊就有既牛抑粒！ 食材全部都好新鮮！值得encore🤓☺️
好食當然要覆桌，之前喺呢邊做嘢，機緣巧合下試過依間餐廳，一試便記得，今次特登帶朋友過嚟食，一齊試吓啲性價比高嘅美食。
蜜椒金薯牛柳粒（$78）
大排檔名物，整得好食真係會記得間野，上次我嚟食都有點呢一味菜，真係久久不能忘記，今次水準依然，金薯同牛柳粒表層炒得脆脆的，再配合豐富的蜜糖，令味道更加豐富更加有層次感。👍🏻
薑蔥桶蠔（$158）
砂鍋咁大隻蠔有冇見過？冇圖冇真相，隻蠔成個碗咁大，冇花冇假，成口蠔jam 好rich ,而且香蔥爆完再放喺個啫啫煲入面真係好鬼死香。😹
蠔仔肉碎浸時菜（$68）
食完咁多咁重味嘅嘢，梗係要叫啲菜清一清個口，之不過只要有個蠔字，都唔會待薄客人，嗰粒所謂嘅蠔仔都好L大粒，真係諗緊間餐廳會唔會蝕本㗎。
啫啫豬膶雞煲（$88）
一如以往地依個豬膶雞煲又係非常足料，飽到pk而且豬膶好鮮嫩口感烹調啱啱好。
整體來講今餐性價比極高，好有大排檔水準，雖然我已經食過三次但係再食多一次都無所謂👍🏻
朋友在新蒲崗呢頭翻工，呢日就相約佢收工後直接係附近食飯 – 好想打邊爐所以就搵到呢間，就佢收工就行黎 一入到去，餐廳無特別裝修，係好香港茶記既感覺 所以本身對佢既期望唔大～ 火鍋配料比想像中多種類，竹笙、牛骨髓都有， 金沙青、玻璃肉、不見天問完店員我先知係豬既唔同部位😂不過今日麻麻地想食豬所以唔試住
我地兩個人～叫左胡椒豬肚雞煲😛 真係估佢唔到！估佢唔到！估佢唔到！！！ 竟然係三皇雞😱😱😱 真係食得出佢係真係三皇雞， 雖然肉質唔算太滑，但朋友一咬落去就話好有雞味！！ 完全係有驚喜！打邊爐好少何會食到咁重雞味既雞🤩🤩🤩 愛雞之友一定要黎試下，真係出奇地有雞味🙈口感唔算超滑但都屬於嫩既～
– 好足料好大煲，仲要唔係交行貨 個咸酸菜完全係我口味😛
– 身為牛魔王既我點會放過手切肥牛 呢份係細既 $168 牛味香，肉質嫩口，對得住招牌呢個字
– 朋友叫左杯凍奶茶 點知係咁大杯😂 一杯夠兩個人飲 只係$21 對奶茶有要求既友人都滿意，表示欣賞餐廳既茶膽👍🏻👍🏻
– 一定要點呢個牛柳粒 like左fb 只係加$1 加一蚊就有呢碟牛柳粒，全餐除左隻三皇雞之外，呢個又係另一個必食位🤭
淥完之後，同朋友一致覺得牛柳粒好食到太誇張😂甚致一度懷疑點解可以咁好味😂😂
滿滿牛味同油脂既香味，呢個比起手切肥牛又係另一個層次🤭🤭💛
–
記得一定要like facebook加呢一蚊 不過就算正價$98 我都一定會點黎食！😍
因為真心超出預期既好食，但建議放一陣或者淥多陣先食，因為上台既時侯好似未解凍
– 配料可以雙拼真係岩哂我地，兩個人黎食又想食多幾款☺️
食到勁飽，個雞煲絕對值回票價，兩個人十成飽每人只係2百蚊鬆D 為左隻三皇雞同牛柳粒我會再來～😆😆
陳儀興在新蒲崗有兩間店舖，一間食潮州打冷，另一間食火鍋小廚。陳儀興玫瑰餐廳據聞是米芝蓮大廚，坐落於工廠區，可以以廉宜價錢一試小菜功架。
胡麻鮮淮山
先叫兩個前菜，鮮淮山切片以芝麻醬拌勻，滑潺潺的質感被芝麻醬蓋過，健康鮮甜爽脆。
陳醋雲耳
雲耳質感細嫩爽脆，酸度與份量十足。
玫瑰小炒王
小炒王材料十分豐富，有韭菜花、炸魷魚、蝦乾、草菇、菜圃、炸花生等，非常惹味，送飯送酒不俗。
松子陳醋排骨
這個陳醋骨與生炒骨同樣酸酸甜甜，但沒有厚厚的粉漿。排骨骨頭稍大，肉質軟腍。陳醋比一般白醋多一分醇香味，調配到紅肉上可減少肥膩厚重感。
黑松露蝦仁炒蛋
此餸蝦仁與炒蛋份量勻很多，炒蛋炒得剛熟但依然滑溜，韭黃與黑松露皆提升香氣。
樣樣都好食
美食茶餐廳
抵食陳儀興
先生在觀塘新蒲崗一帶返工，見到新蒲崗的玫瑰餐廳陳儀興的火鍋豬肚雞煲半隻$138，送牛柳粒$1元， 抵食又吸引 ，所以今日專程過來食。
豬肚雞煲半隻$138送牛柳粒$1元
坐下當然是先點豬肚雞煲，湯底很多胡椒、豬肚、酸菜及芹菜，奶白色的湯底很重胡椒味。
豬肚煲得腍度剛剛好，點上自調的辣醬汁，很好味。
半隻雞份量十足，切得大大件，食落感覺新鮮，肉質又腍又滑，抵食。
牛柳粒看落有點深色，切得比一口牛稍為大少少， 原來切牛柳粒果然比 切片味道較為濃厚，$1元果真抵食又美味。
鮮淮山拼炸魚皮雙拼$40
鮮淮山有健脾作用，所以我很喜愛食。
炸魚皮剛剛炸起還熱辣辣， 侍應還特意提點我們，預防辣親。
炸魚皮可以即食，又可以放湯內浸一浸食， 脆口又入味。
花膠仔$58
原隻花膠仔細細隻， 大約灼六至七分鐘就可以食，好抵食
魚雲$98
魚雲很新鮮，份量都不少， 新鮮又鮮味，最愛佢又腍又滑的，很愛食。
雞份量都很多，還有淮山、炸魚皮、魚雲…等，當然青菜少不了，要了個油麥菜，食火鍋，我很愛食烏冬，吸收了湯底的精華， 最要多個可樂，食得非常美味。
抵食地道街坊小廚
每次揸車嚟新蒲崗，都見到呢間餐廳人頭湧湧，所以今日嚟呢度試吓。
拔絲咕嚕肉，雖然見唔到拔絲，但亦係好傳統正宗嘅咕嚕肉。外皮炸得夠火爐，肉質亦有咬口好淋，味道酸酸甜甜剛剛好。
芥末牛柳粒亦選用質素唔錯的牛柳，牛肉味濃亦淋身，芥末味可以再濃啲會更好，煮法增加食慾開胃啲。
胡麻鮮淮山，簡簡單單最緊要淮山新鮮，食得淮山多對健康都有幫助。
佢哋嘅小菜都係70幾蚊起，全部都好大碟，係呢啲街坊小店先至可以做到呢個份量，抵食夾大件。
之前都聽過呢間茶記係新蒲崗區老字號陳儀興飯店頂手回來做的，原本叫玫瑰餐廳，頂手後加上了陳儀興三字。有米芝蓮大廚坐陣嘅火鍋店會係點🧐今次就專登過來朝聖。
佢位置喺mikiki商場附近，就咁睇以為係普通茶記，其實原來係隱世食店。
胡椒豬肚雞湯似乎係必點項目，啱晒我地都好中意飲湯～加$1仲有一口牛柳粒！另外我哋仲叫咗幾款呢度獨有嘅特色火鍋配料，包括豆豉鯪魚餃同手打麻辣豬肉丸。仲叫咗兩款蔬菜，冬瓜同西洋菜。最後唔少得當然要試吓佢哋嘅鑊氣小炒。我哋係餐牌上嘅熱門推介揀咗兩樣，拔絲咕嚕肉同埋椒鹽脆肉鯇！非常豐富！
首先飲左一碗湯再落雞，半隻雞都好多，分量十足！再黎就飲多碗湯同食雞😌😌 好鮮味滋補，豬肚新鮮爽口👍🏻
剛剛好小菜到啦，熱辣辣即刻食就最正！椒鹽脆鯇好惹味香口，炸得乾身，食多幾件都唔油。咕嚕肉就皮薄爽口，唔會麵粉多過肉，啖啖肉😆😆
$1牛柳粒都唔馬虎，好好食！ 餃子好特別，出奇地夾！豬肉丸好足料，好多香料。
睇相就知道非常足料，火鍋配料全部大大碟。
今餐真係飽到要打包，三個人食都夠，兩人食都只係4百幾。
雙龍吐珠
晚餐，花雕雞鍋…雞又肥又滑又入味。其他配料都好新鮮。正！又多一間飯堂。
(P.S. 下晝經歷左一間人生最差既餐廳 – 九龍城『小店』，夜晚又遇到一間非常滿意既地茂小館 – 『玫瑰』， 拉勻嚟講都非常滿意開心嘅一日。)
我食小菜/好味/平，它主打是火-煱
今日和同事去了新蒲崗的玫瑰餐廳，它其實是一間茶餐廳，晚飯可選擇火鍋或小菜。 我們點了薑蔥桶蠔，蜜椒薯仔牛柳粒，豆腐魚雲湯。
先來的是湯，份比想像中大很多，本來想加的白飯都不用了，白白的湯汁裏除了鯇魚肉和豆腐外，還有蔬菜。湯汁充滿鮮味，十分開胃。
然後是牛柳粒，牛肉很鬆軟，薯仔，青椒和洋蔥都沾滿甜甜的醬汁，十分好吃。
再來是桶蠔，一煲有五隻，而且一隻跟手掌差不多大，蠔身有一層炸衣在外再烹調的，滿滿的蠔味一咬便充滿在口腔內。食一口蠔呷一口啤酒，為忙碌疲勞的一天鬆一鬆。
呢間餐廳無疑係我飯堂，而家疫情放緩左d, 即刻約好姐妹黎撐抬腳先。食飯時間已經全場爆滿，呢間餐廳吸引之處係小菜同火鍋麵做得好出色，事關老闆之前係一間米芝蓮嘅大廚。
今次同姐妹就試火鍋，叫左濃湯花膠雞鍋
D雞好嫩滑 連埋d 花膠一齊食，好滋補呀。
個湯都可以飲架。
配料我地就叫左
-松露墨魚丸：淡淡松露香，加埋爽口彈牙墨丸碎，絕配呀！
-牛爽肉：愛牛控必點，平時打邊爐只叫肥牛，呢個牛爽肉真係推介比大家食，爽到痺，牛味重
-招牌手切肥牛：必點選擇，滑嫩非常，滿滿雪花， 拖一拖水就食得喇
-魚皮餃：餃類都必點，今次叫魚皮餃 下次黎試其他餃類先
價錢便宜，野食可以 $44 午餐
地方大，服務還可，還想黎多次
黑椒雞扒腸仔意粉
地道小炒, 下次試火鍋
好食，經濟
新蒲崗鑊氣小菜 玫瑰餐廳陳儀興
今晚本來打算回家食飯的，與同事收工時經過爵祿街的玫瑰餐廳陳儀興，被陳儀興的小菜吸引住了。
現在天氣開始涼，有很多人正在打邊爐食火鍋，不過我今晚選擇了食小菜。
薑蔥桶蠔$158
薑蔥桶蠔真是很大隻，連面上的炸粉都有味，整個蠔外脆內軟，食落啖啖肉，連香蔥一齊食就更滋味！！
香脆咕嚕肉$88
咕嚕肉材料用了一片片的豬頸肉，豬頸肉很爽口，酸酸甜甜，令整個菜式更添惹味。
水煮牛肉$78
水煮牛肉非常大份，裏面材料豐富，除有牛肉外，還有金菇、雲耳、豆腐、芽菜及薯粉……，水煮牛肉麻辣度與正宗四川菜一樣，所以一定要食得辣， 想不到這裏還可以食到正宗川菜味道。
蒜蓉油麥菜$68
蒜蓉油麥菜是一個簡單的清炒菜式，但卻顯示廚師的手藝 ，蒜蓉油麥菜炒得夠鑊氣又爽口，好味！！
我的至愛早餐
真的一般， 純粹吃飽算了😂 …
【海鮮濃湯黃金甲】
去到新蒲崗呢間真係夠哂麻甩，價錢好抵食份量又多，最近仲出咗全新鍋底「黃金甲」，大大隻肉蟹夠哂厚肉又鮮甜，蟹下面個南瓜中間仲埋藏大量花甲，配埋個海鮮南瓜濃湯真係不得了，另外仲有一系列避風塘小菜真係超惹味🤤有粟米、脆腩、蜆及豬手…等選擇!!
餐前小食推介蜆芥鯪魚球及胡麻鮮淮山
唔覺唔覺飲咗幾枝大啤，今晚做咗酒鬼~
除左火煱湯底出色， 小菜都有驚喜， 羊腩煲份量都多
食物唔錯
胡椒豬肚雞煲👍🏼
——————————
呢排經常去新蒲崗食嘢，因為朋友在附近上班😂不過無意間發現有不少食店都是值得一試，好似這間港式茶餐廳/火鍋店，令我一試難忘😍😍
——————————
🔹胡椒豬肚雞煲
這種湯底真的不是常常見到，難得看到就叫一個試試😚 一上菜就看見湯是奶白色，裏面有不少鹹菜和豬肚，還聞到陣陣胡椒香味～ 起初冇為意，飲咗大大一啖，原來都幾重胡椒味，有點嗆辣🤪豬肚軟透不腥，完全沒有怪味👍🏼
之後加入雞件煮十幾分鐘，湯底會更濃郁鮮味，而雞件煮得很嫩滑，有淡淡胡椒香，不錯😋😋
–
🔸自家手包韭菜餃 $45
這個韭菜餃很飽滿，裏面有很多韭菜和豬肉，調味剛好，餃皮又不會太厚，必食☺️
–
🔹招牌手切肥牛 $168
手切肥牛比我想像中瘦，沒有明顯雪花紋，但肉味一樣很濃，肉質也不韌，所以食幾塊就會有點飽☺️
–
🔸極品黑豚肉 $88
這個黑豚肉很厚切，肥肉較多，淥熟後有很香的油脂和肉味，肉質亦不鞋👍🏼 再蘸少少豉油，味道會更上一層樓，個人認為這個比手切牛肉好食😋
–
🔹炸魚皮/ 響鈴卷 各$35
這兩種配料份量都算多，好似食極都還有，而味道似店家自家製，香脆可😚
#胡椒豬肚雞煲（半隻） $138
雖然平常但係唔係間間打邊爐都有呢個湯底。一上枱即刻試吓個湯。胡椒味好足夠，湯底清甜，加埋鹹菜同豬肚，好豐富。雞比足大半隻，一上枱就覺得雞肉好靚，有光澤雞皮有黃。加埋雞落湯底，煮多陣會更加香濃。鍾意食辣嘅我就會覺得如果胡椒味再辣啲，會更加惹味同滿足。
#凍檸樂 $18 鹹檸七 $18
一大杯冰底，打邊爐必備。
#菜肉餃拼芥末西芹餃 $50
好大粒又足料。鍾意刺激試新口味嘅，一定要試吓芥末西芹餃🤣真係會辣到喊，芥末味好重，好刺激。
#安格斯牛肉細碟 $138
牛肉味好香濃。見到肉嘅花紋都知道係靚嘅牛肉。
#滑牛肉拼竹笙$50
都唔錯。鍾意竹笙夠大舊，可以吸晒嘅湯底。
Like Facebook和牛牛柳粒 $1
最抵食莫過於讚好Facebook可以用一蚊加購和牛牛柳粒。數過仲要有8大粒，一係唔惹小。食落係喺美食展可以買到嘅和牛粒。肉味香濃肉質腍又香油脂。
小菜多元化。雞煲乜煲。唔知道啲乜乜古怪煲都有。試過你就知。唔錯唔錯，價錢唔貴。
食物好味道，但環境一般
食物ok
隱世前米芝蓮大廚開嘅茶餐廳，打邊爐夠真材實料！
由2016幫襯至今，冇一次令我失望過嘅「玫瑰餐廳陳儀興」，
最近見到佢上左蘋果新聞「米芝蓮大廚工廠區開茶記」，
先知原來老闆係前米芝蓮大廚，
唔怪得一直以黎嘅食物都咁有水準，真係失敬失敬。🙏🏾
作為附近居住嘅街坊，
區內真係冇咩港式茶餐廳係稱得上為好食，
而「玫瑰餐廳陳儀興」一直都係我茶餐廳名單中排名三甲之內，
見到新聞之後，又想心思思黎食過返尋味。😂
茶記晚市都離不開小菜和火鍋，
不過小編鐘意打邊爐，
而「玫瑰餐廳陳儀興」真係好真材實料，
所以每次黎都係打邊爐。
先黎個好事成雙～😏
叫半隻滋補花雕雞煲（$138）就可以$38優惠價換購原價$108嘅安格斯牛肉（細），抵喎！
湯底有齊紅棗、杞子、淮山等，花雕酒香濃，香甜暖胃！
半隻雞浸泡在花雕酒裏面，
雞件肉厚，肉質嫩滑入味。😋 🌟推薦❗️
🌟推薦❗️安格斯牛肉（細）
份量合理，
牛肉雪花均勻，
涮熟後入口爽嫩多汁，肉味豐腴！
「玫瑰餐廳陳儀興」大部分火鍋配料都可以雙拼，
倆口子都可以試多幾款野食啦！
響鈴卷、蟹籽丸（雙拼$40）
響鈴卷即叫即炸，
就咁食得，吸湯食都得！
蟹籽丸係標準蟹籽丸嘅味道。
鮮豬潤、鮮肉青（雙拼 $50）
鮮豬潤厚薄適中，都幾新鮮，口感爽得黎又夠嫩滑。
鮮肉青和平常豬頸肉嘅賣相相似，肥瘦相間，
嚐起來比普通豬頸肉更爽嫩鮮香～👍🏻
上次食過「玫瑰餐廳陳儀興」嘅松露墨魚丸（$98）覺得好好食，今次要再encore！😏
自家製嘅墨魚丸，
仲有粒粒墨魚肉係裏面，口感爽彈，墨魚香十足，
黑松露亦毫不吝嗇，味道香濃，keep得住水準！🌟推薦❗️
最後要杯火鍋限定嘅大飲特飲，
加$18就可以追加原價$31嘅特大杯裝汽水，
雖然都只係得一罐汽水，
不過自己倒感覺冇偷工減料。
美而廉，服務好
下午茶時間，舒適便宜。
一般
食物水準不錯。