馬來屋

餐廳係電梯位一上就望到，去到門口咁岩有2pair人買緊外賣，之後等一陣就入去坐低食啦。呢度環境正方形，圍住3邊都係卡位，坐得好舒適。估唔到工廈小店都咁多人食，又不停有人叫外賣。餐廳菜式種類唔係特別多，重點價錢親民平民化！！食多幾樣都唔會貴。。。

泰式拼盤
拼盤有4樣野食，春卷，魚餅，蝦餅同泰式鳯爪。點一個拼盤就可以食到唔同小食，小食都係即點即炸，熱辣辣。蝦餅好彈牙，魚餅同其他鋪頭食嘅完全唔同，通常魚餅都會有好大陣香茅味。但呢間無！仲好好食😋春卷入面係雜菜，簡單又好食。唯一差少小係我覺得泰式鳯爪醃得唔夠入味。

冬蔭公海鮮湯
呢個必點！必點！必點！首先材料好多，有八爪魚🐙蝦，青口，草菇，魚片頭，非常足料。第二個湯酸辣味剛剛好，唔會勁辣勁嗆喉。最後就係我好怕冬蔭公果啲渣好夠，不停飲到啲香料，呢度完全唔會。所以真係大推！

泰式辣椒膏炒青口
一份有5隻大青口，真係好大隻，啲肉又大粒。仲要好新鮮，咬入口咇汁㗎！

滷水豬手
呢個朋友好中意食，啲豬手滷得好入味又夠淋。啲汁唔會好咸，反而仲甜甜地。豬手皮都唔會話成pat肥膏，真係滷得岩岩好:like:

馬拉盞炒通菜
每次泰國嘢都必點，夠鑊氣，通菜卜卜脆，最中意佢落左好似蝦醬咁去炒，真係好好食。絕對可以自己一個人食哂一碟。。

泰式炒金邊粉
呢個係我嘅必點，因為炒金邊粉啲粉會qq咁。加上啲汁唔會好濃味，有啲蛋碎去炒加埋啲花生碎好食，當然啲蝦都好食😂😂

串燒拼盤
點可以唔點串燒呢！大推佢個串燒沙嗲醬，好好食，又夠花生香。其實我係每個串燒點左一串，變成拼盤。雞全翼同司華力腸真係必食！燒雞翼～我中意食～😎😎司華力腸外皮脆卜卜！必食👍🏻

木橘冰，珍多冰
木橘冰陣味好特別，我未飲過，清香撲鼻，幾好飲。。珍多冰大推！好似椰汁大王咁好好飲，椰漿味濃郁而且不太甜！我見到隔離果張8人枱點左6杯😆😆可想而知幾受歡迎👏🏻

呢度坐得好舒服，又唔迫。不過想食要早啲，因為工廈區餐廳收9點。加上小店，員工都係得兩位好友善有禮貌，廚房我見係有泰國員工，所以啲野食都幾地道，有泰國🇹🇭feel㗎。去唔到旅行食住泰菜先啦

下午茶，蝦餅，似魚餅質感，偏淋，但即炸，夠熱，都好味。

店員又閪，嘢又難食，no next time 後悔自己冇早啲走
服務
內用
餐點類型
午餐

極撚難食，超酸，豬頸肉冇咪，金邊粉炒完都濕到pk食左一半已經食唔落，貴，成$68
服務
內用
餐點類型
午餐
平均每人消費金額
HK$50-100

2023/6/17 午餐
香茅豬扒金邊粉：整體味道太濃，豬扒大塊，有小小味太咸。豬扒浸湯，有一面外皮淋左，無咁好口感。金邊粉OK, 湯粉表面有炸豬皮，但一陣已經淋左。
餐加蝦餅：三塊薄身，味道唔錯。
服務OK，卡位舒適。
沒有加一
$58+$25
服務
內用
餐點類型
午餐
平均每人消費金額
HK$50-100
餐點：3
服務：4
氣氛：3

公平的
餐點：3
服務：3
氣氛：3