蝦蝦燒 (佐敦）(Cooking haha)

蝦冇想像中咁好燒好食，但係其他野食補得返，好食

食物供應新鮮而且很好

流水蝦識游水絕對係新鮮嘅，有幾款海鮮都係任食，包括鮑魚，扇貝，確係幾抵，食物質素只係一般，用黎燒烤嘅爐較細，兩個人黎食會好啲，四個人限時內一定食唔飽

枱太小电、爐太小、食物OK

好正呀好多海鮮呀

之前成日都想試泰國既流水蝦燒烤，但而家又去唔到泰國食。朋友就帶我黎呢間 “蝦蝦燒”，以係流水族入面夾起新鮮生猛既大頭蝦燒烤做主打。

之前我無食過，有啲一頭霧水，點解店員叫我地拎個桶去裝冰同水🤔原來一陣夾蝦要擺落呢兜冰水凍暈啲蝦。

嘩，環顧一周睇下有乜好野食，超多野食。

有我最期待既海鮮類 – 蜆、扇貝、帆立貝、蠔、大眼雞。樣樣都新鮮彈牙，去醬料區攞蒜蓉，牛油，葱，辣椒去調味，好似燒烤店既風味。

燒烤區有各種燒烤食物，好多選擇，一定要食既有我幾鐘意既羊架，大大件香噴噴同牛仔骨。呢度啲雞翼都腌得幾好食，咦，呢度仲有燒雞皮，燒完脆卜卜，有啲似豬肉紙。

即食區- 如果太餓，想即刻有得食，可以試下涼拌魚皮，而熱食方面記住食燘牛腩。魚皮少地方食到，牛腩就好入味，又超腍。

邊爐區-燒得耐，有啲悶，呢度仲可以淥野食。

行完一圈攞埋野飲返枱，見到店員已經放左左啲蝦係網上燒同一兜蒜蓉蝦。

唔好以為爐細細，燒得慢會食唔飽，原來個爐係兩層架，可以燒好多野。

呢度食材新鮮，又有各種調味，可以燒出唔同風味，真係超滿足。而家仲有88折，唔怪得有咁多人黎食，返到屋企已經掛住。

任食多新鮮海鮮，2.5小時非常充裕。而且服務態度都非常好， 已經約定咗下個月同屋企人再嚟

最近佐敦開了一間佔地6,000呎流水蝦BBQ放題，2.5小時任飲任食，價錢方面算合理，交通方便佐敦地鐵站C2出口步行一至2分鐘，位於一樓，場地佈置普普通通簡簡單單，一入內是多張兩人枱，放了爐、餐具及調味品較為迫逼，後面是四人以上枱，旁邊設有長長的長方形蝦缸，食客自己捉蝦自己即燒。缸的蝦是泰國蝦吧在缸內生猛游來游去。慶幸場地沒有海鮮腥味(我好怕腥味）。

除了主角泰國大頭蝦外，還有多款海鮮，例如魚、多春魚、魷魚、生蠔、帶子、鮑魚、蜆；肉類方面有雞肉、牛肉、豬肉串燒，羊架、雞全翼、雞翼、牛仔骨、腸仔，仲有菠蘿、菇類，丸類、蒜蓉包以及多款不同的時令蔬菜，同時亦提供多款熟食。雪糕和飲品方面種類滿多，有啤酒、果汁及無糖綠茶。

每張枱一入座即贈送三款食物，分別每人有一串肥美厚肉的大鱔, 燒到外脆內軟不得不說肉質很鮮又彈牙超級好食，
仲有是聖子好鮮和蒜蓉蝦。
缸內的泰國大頭蝦蝦肉質厚實爽囗
鮑魚大大隻厚肉好鮮味
生蠔海水味不太重，味道較淡
扇貝加埋蒜蓉牛油一起燒好滋味
蜆完全沒有沙口感嫩滑味道鮮甜
菠蘿好甜多汁又解膩
羊架醃得好無騷味肉質軟嫩
多春魚酥脆，鱼肉清甜鲜美

整體來說又有得玩又有得食，天氣炎熱🥵，在室內吹著冷氣，舒舒服服一邊燒一邊捉蝦，真的滿適合一家大細來個家庭樂。

流水蝦BBQ放題，2.5小時任飲任食，呢度係自己捉蝦自己燒，確係幾好玩，大頭蝦蝦膏很鮮甜，肉質爽口彈牙，自助海鮮吧提供多款海鮮包括新鮮鮑魚、蠔、元貝、魚類、多款蜆類。
店內亦設有燒烤食品區，包括牛仔骨、雞翼、蒜蓉麵包、各式各樣的串燒、肉類、丸類、鮮菇類及多款不同種類的蔬菜，同時亦提供多款熟食。
鮑魚大大隻鮮味有口感，扇貝加埋蒜蓉牛油一起燒更滋味，原條馬友魚燒到外層好香脆，肉質很鮮味，白鱔很肥美，外脆內軟，燒了幾款蜆都鮮味多汁，好滿足喔！
枱上的調味料可滿足每位客人的口味。
店內提供多款冰凍啤酒、汽水、果汁及無糖綠茶

自助形式，任飲任食2.5小時，又有得玩有得食！價錢抵，老少咸宜！

海鮮新鮮 生猛的流水蝦 好多膏啊🦐🦐🦐🦐
值得推薦♥️♥️ …

物有所值

新鮮好食

今個週末假期 , 朋友約左我去食蝦蝦燒 , 好耐冇食得咁開心咁高興 , 進食時間為兩個半鐘 , 自己玩樂捉蝦之餘 , 捉完蝦自己用電爐烹調 , 食得夠唒滋味😋

餐廳地方有六千呎 , 空間感好大 , 坐位唔會太迫 , 係同朋友聚會暢談吃美食既好地方🏠

朋友同我食左好多流水蝦同海鮮 , 例如有鮑魚、墨魚、生蠔、 扇貝、帆立貝同蜆 👀

流水蝦肉質較鮮甜肥美 , 蝦籽同蝦膏都好多 , 食落唔會死實實 , 鮮嫩爽口 , 啱唒我哋鍾意食蝦既吃貨朋友🤤

每人仲會送一串鰻魚 , 鰻魚經過自己親自烹調後 , 燒烤得皮脆肉嫩 , 口感好正 🥰

最後 , 個人飽飽哋 , 諗起個爛GAG。「食完蝦蝦燒 , 個人真係開心到笑哈哈 , 以後做嘢就唔會變大頭蝦啦！」😆

好似泰國，有得食流水蝦，勁新鮮！又有鮑魚、大蜆、帶子、蠔任燒🤤🤤一定要去食！ …

從前有好多隻蝦，蝦蝦蝦蝦蝦…

唔係搞gag咖，真係一坐底店員就放底左十幾廿隻蝦蝦蝦蝦蝦…分別係鹽燒同牛油蒜蓉。其實我都唔肯定同出面任取嘅流水蝦有無分別，但我覺得呢十幾隻蝦蝦蝦蝦蝦都已經好好食。

我係海鮮控黎嘅，特別係近年食少左肉，海鮮對我黎講就更重要喇。嗱，你又唔好以為佢得海鮮喎，菜同菇甚至熟食都有唔小。而且佢仲顧及健康人士，有個自助水煮菜同麵位，選擇黎講真係好充足。野飲係會影唔曬咁多款，無糖茶都好多款，感覺很健康。

講左咁耐不如直接睇相，真係唔需要多講。直出無執過，睇得出海鮮雖然係冰鮮，但一樣新鮮；唔記得左講仲有兩串厚厚嘅鱔都係店員一開始放底，好彈牙又厚肉。

必須講個技巧大家知，燒爐係有兩層嘅；出面可以自己拎調味料，燒菜同菇黎講，先熟個底；再放上調味如牛油蒜蓉辣椒在放落下層入味，咁樣食係有埋焗爐感覺，夠曬Juicy！

前幾日朋友話好想食串燒，同朋友去開佐敦，我就介紹佢一齊食呢間任食串燒同海鮮，仲有流水蝦嘅蝦蝦燒。

首先一開始送上每人一份嘅燒鰻魚係我覺得全餐最好味嘅一樣食物，鰻魚咬落去爽口嫩滑，肉質鮮嫩，仲大大塊，真係好正。

之後就可以出去夾流水蝦同埋任食嘅海鮮，連鮑魚、生蠔嗰啲都有得任食，仲有多種貝殼類海鮮，啱晒海鮮迷。

其他串燒例如燒牛柳粒、金菇肥牛卷、雞翼、燒甜薯嗰啲都好正。我覺得比較特別嘅係有燒窩夫，我食咗成四五串。

除咗串燒之外，都有唔少嘅熟食，仲可以自己煮菜食，即刻感覺健康好多。熟食方面，我覺得椒鹽大蝦、麻辣魚蛋同埋西蘭花都好味。椒鹽大蝦同麻辣魚蛋好夠辣！

任飲嘅飲品種類都唔少，我就主要飲茶嘅，解下膩。

最後當然唔少得嘅就係雪糕啦，好驚喜竟然有乳酪味嘅雪糕，我一連食咗幾杯，好味。仲可以配埋啱啱燒好嘅窩夫食添，都幾夾。

飲飽食足就最開心啦！

豐富自製燒烤檔
早有聽聞朋友話佐敦呢間蝦蝦燒可以來生猛大頭蝦，食物質素又不錯。
客人可以自助夾不少海鮮，更有前菜魚皮、辣青瓜提供，而熟食有辣酒東風螺、炒辣蝦、炒西蘭花、蘿蔔、魚蛋等。醬料區牛油、蒜蓉、辣椒，枱面亦有孜然、辣椒同味鹽粉，可以自己根據口味去調味，猶如自家燒烤檔般。燒爐有兩層，下面果層可以燒串燒肉，燒風系統不錯。
我自己就鐘意重口味，會加入不少蒜蓉、辣椒同蔥花放係生蠔面，香濃惹味﹗
另外串燒不少，雞腎、雞軟骨灑上孜然燒香，食香脆有咬口﹗
燒茄子，燒完後仍保持鮮嫰多汁，不過如果更厚肉就好啦﹗
兩個半鐘可以不斷去燒，不亦樂乎﹗

🥰放假無旅行去唯有周圍搵野食慰藉心靈
·
前排同家姐去食蝦蝦燒🦐壽司放題食得多，🦐放題真係第一次🥰午市任飲任食2.5小時..價錢每位$358， 仲做緊75折優惠🥰去到發現食物種類繁多，除左🦐，仲有鮑魚、扇貝、魚、魷魚各樣海產、各款串燒同少許熟食！好豐富！呢個價錢真係好抵食！
·
店員貼心幫忙燒蝦，仲送每人一串厚身鰻魚串😍燒到岩岩好，juicy口感佳～最後食埋雪糕雪條，好多口味選擇！仲可以拎熱辣辣窩夫🧇夾雪糕食😏不過我太飽食唔落😂下次先
·
📍蝦蝦燒
佐敦白加士街10-24號永富大廈1樓

正呀好多海鮮！

可以一試

今日去左位於佐敦嘅蝦蝦燒，一進入餐廳已經有長形玻璃缸裝蝦，d蝦都好生猛跳嚟跳去！

店員會先教拎冰同水用嚟整暈d蝦黎燒，出去試下夾蝦，大頭蝦隻隻又大隻又好生猛，放落冰水都跳。

每枱餐廳都會送蒜蓉蝦，白饍串同鮑魚。
白鱔好肥美好入味，真係好驚喜。

呢度除左蝦之外，仲有好多其他海鮮，魚、魷魚、扇貝、蠔、帶子同蜆，每款都要試，用蒜蓉、牛油同辣椒一齊燒，夠唒惹味。

我就最好都係扇貝及蜆，兩款都好新鮮同彈牙。

呢度仲有好多野食，幾款熟食涼拌同好多燒烤既食物。我又燒腸仔、漢堡扒、牛仔骨、雞翼、羊架、菠蘿、脆肉瓜。全部都新鮮好味。

唔夠飽嘅仲可以煮麵食添。

我哋食左兩三輪之後都好飽，最後連雪糕都無位置容納。

呢度好爆場，去之前最好book枱留位，咁就唔驚無得燒啦！

大部分座位旁邊就係蝦缸，而且有做到分隔，確保每一個空間都一定有流水蝦，即夾即燒超新鮮！

自助區有齊各式各樣嘅串燒、肉類、丸類、蔬菜類，排得整整齊齊，非常之豐富！連羊架都有！但講到最旺場一定係海鮮自助區，有生蠔、螺、扇貝、帶子、蜆、大眼雞、魷魚！最抵讚係refill得好快，次次出嚟一定夾到，值回票價！

入座時送鱔片同鮑魚，員工叮囑鮑魚一定要整起個殼先燒得，而鱔片一早已經用竹籤串好，直接放上爐燒就可以！魚皮燒到成塊脆卜卜，魚肉超嫩滑，再加撒上自己調製嘅調味粉真係好好食！

開心盡情燒

作為一個海鮮控，我真係咩海鮮都咁鍾意食。 網上見到呢間餐廳有得即夾即燒活蝦，當然唔可以錯過啦！

一入坐就送每人一隻鮑魚同埋白鱔串。 鮑魚新鮮彈牙，而白鱔係大件夾厚肉，好得！

記住個爐係雙層架，兩層一齊燒，爭取時間燒多啲、食多啲。

望住啲蝦郁郁吓，揀啱邊隻生猛先夾佢，真係保証新鮮。 夾完即刻放入冰桶凍暈啲蝦先，唔駛佢札札跳，走嚟走去嘛。

如果你好鍾意食海鮮，呢度一定唔會令你失望。 海鮮新鮮又大隻，自己去街市買都好貴架。 大眼雞、生蠔、魷魚筒、大蜆、帶子、扇貝……好多選擇呀！

仲有唔同種類嘅串燒、熟食同飲品添。

最後梗係要食埋甜品，有雪糕同雪條，試咗玄米茶味雪糕，good！

你想讓我把它帶給你，睡一覺，晚安，甜蜜的 g 給你，你 vy g 你-