蝦蝦燒 (佐敦）(Cooking haha)

期待已久嘅蝦蝦燒，今晚終於去到我期待已久嘅流水蝦，同埋我至親嘅屋企人一齊去，好期待好興奮，依間火爆既燒蝦，因為實在太多人去所以我要預早半個月之前預約，一上到去我就已經聞到一陣陣好香嘅海鮮燒烤味，即刻口水流流食指大動，同埋我個肚唔爭氣咁大叫左幾聲😹坐定定之後已經送咗兩條鰻魚魚肉俾你去燒，咁我就留返最後先食，先出去拎其他嘢食返嚟燒，主角就係泰國大頭蝦，一桶大約可以拎六至八隻左右，首先你要拎個桶出去裝啲冰同埋水，然後先可以自行去夾下落個桶裏便，因為你要將隻蝦凍暈咗佢先唔會扎扎跳🦐如果唔係跳到你阿媽都唔認得，拎完一桶下之後就梗係唔夠啦，出去再拎又係拎蝦🦐因為我超鍾意食蝦，不過佢除咗蝦之外都仲有好多款食物俾你選擇👋🏻有海鮮，有肉類，蔬菜類，仲有你估佢唔到嘅熟食類，咁梗係等你燒食物嘅過程中填下個肚啦，如果唔係你個肚都同我一樣大叫㗎啦，佢哋嘅價錢都算叫做好抵，真係值得推介，值得試吓，重點係有得玩又有得食，一舉兩得🥰🥰🥰🥰

呢間真係好正啊，有得即刻夾啲蝦好生猛新鮮，然後仲有好多海鮮🦞同埋其他蔬菜、遠慮、好多唔同嘅燒物任食，愛了愛了！一定會再返嚟幫襯❤️ …

近排朋友就發現佐敦開左間流水蝦+串燒任飲任食，價錢都係$328加1，仲有額外優惠88折，我地就訂左7:30，放工之後坐地鐵過去就差不多了

入到餐廳已經見到水缸，裏面養住好多隻大頭蝦，坐埋位時，店員就首先幫我地放左幾隻蝦燒住先，跟住就講解係出面，夾蝦要注意既事項，我都係第一次嘗試夾蝦，覺得新奇又好玩，仲會彈下彈下，一夾起就要放入冰桶，凍暈佢，埋位就可以燒，味道十分鮮甜新鮮，蝦頭有膏，同彈牙

出面仲有多款海鮮選擇，如:生蠔，帶子，蜆，青口等，海鮮都唔會供應不足，因為會有專人係附近，不斷補給的

另外串燒類別都好多，有香腸，雞腎，牛肉粒，雞翼，金菇串，墨魚丸，蟹子丸，如果想食瓜菜類都有，最特別係茄子，係成條完整

最後就可以去食埋甜品，有雪條/雪糕，食完咁多野，基本就要抱住個肚返屋企，非常滿足

環境唔舒服，食物不錯，地點方便。

今日同朋友去一間位於佐敦以流水大頭蝦作主題的餐廳🍴可以嘗試夾新鮮大頭蝦放上爐燒的滋味，這裏除了蝦還有大量不同款式的海鮮任食👍海鮮油原條魚、帶子、帆立貝、鮑魚、蜆及東風螺等…全部都好新鮮，後邊有個大魚缸所有海鮮到新鮮refill😍另一邊還擺放醃製好的肉類，不同口味的雞翼，扒類，菇類和蔬菜，好豐富！
每台附近都有流水蝦道方便食客，店員會安排一個冰桶給我們，夾起大頭蝦再放入冰桶冰暈，然後再放上爐燒，爐的旁邊放了調味粉，可以按照個人喜好加入，蝦肉帶點蝦膏，鮮甜爽口啖啖肉，不用任何醬汁就咁食原汁原味，食唔停口！燒海鮮方面我們自製左蒜蓉牛油落去燒更加惹味！
飲品亦有好多選擇，無限供應！最後當然要留返個肚食雪糕啦😋

這是我第二次來這家燒烤店了。食物很好，從水中抓一些新鮮的蝦🦐很有趣。

上次坐在收銀台附近還不錯，有足夠的空間，靠近餐飲桌，但這次，我坐在最裡面的角落，座位擠得太近了。

通風不夠，尤其是當所有的爐子都開著的時候。我感覺就像在一個大烤箱裡被“烘烤”一樣。

今日同朋友講起有間燒烤店主打新鮮海鮮，流水蝦🦐同唔同嘅串燒😍所以黎到一試😋
黎到e間店嘅入面嘅裝修，都有D似泰國嘅流水蝦海鮮店🥰

一入到去就已經有海量嘅海鮮😋😋我地今次趕得切佢地嘅鮑魚節😍真係有大大隻鮑魚，仲要不停refill ，仲有帶子，帆立貝等貝類😆😆仲有大大條嘅魚😋

我地嘅座位隔離已經係有流水蝦🦐好新鮮，都幾大隻，又有冰桶，冰暈左在剪😊本身餐廳仲送左每人2串嘅白蟮👍🏻個爐係2層，可以慢慢燒都得😋

鮑魚燒完唔會好老，味道好鮮味👍🏻帶子好大隻，燒完之後脆脆地，口感好好😍帆立貝都好新鮮🥰

到主角流水蝦🤤蝦都幾多羔👍🏻👍🏻

除左海鮮之外都有唔少串燒類，店舖貼心串好一串串，好易燒☺️當中雞翼，燒完好似土匪雞翼🤩🤩仲有格仔餅都甜脆，同埋出面比較少見到🤓

甜品，飲品，熟食種類都好多😋仲有啤酒🍻飲😆

😍即夾即燒流水蝦任食放題🦐

最近新開業嘅🌟蝦蝦燒🌟，位於佐敦，交通方便！蝦蝦燒係主打🦐流水蝦放題店，賣點係喺每張餐枱旁，都設置一條長長水道，🌊水道內載滿生猛活蝦🦐，所有顧客都可以隨時直接夾起活蝦，🔥即燒即食，正呀！😍

放題限時2.5小時，每位$358，2月份內仲有7折！🤩除咗任食鮮甜爽口嘅生猛活蝦🦐，仲有多款新鮮海鮮可以任食！包括有扇貝、蜆、蠔、沙插、大眼雞等！仲有幾十款串燒🍢，包括有牛仔骨🥩、豬肉、雞翼、不同嘅肉類、🐟多春魚、丸類、🥬蔬菜類! 當然唔少得自助形式任拎飲品🥤及雪糕🍨! 非常抵玩抵食!💋

終於同朋友約到嚟呢間食流水蝦 🤩🤩🤩
未到7:00 已經坐滿人🥰🥰 好受歡迎。 …

好似去左泰國食流水蝦
好多唔同野食
任食好優惠

2.5小時任飲任食海鮮燒烤，即夾即燒新鮮海鮮，海鮮控絕不能錯過♥️

➡️游水流水蝦🦐
自己捉自己燒，大量游水生蝦任揀任捉佐食，海蝦新鮮生猛，口感彈牙爽脆。
➡️鮑魚
每位贈送一隻鮑魚，鮑魚時間掌握得剛剛好，不會過老或太韌。
➡️鰻魚串🐠
燒鰻魚鮮甜嫩滑，啖啖肉，沒有骨十分滿足！
➡️扇貝。生蠔
自己烹調可加大量蒜蓉及牛油，令扇貝及生蠔更香口惹味。

除咗以上海鮮，仲有大蜆，東風螺，原條魚及原隻魷魚🦑等等，想食就自己拎啦。

食完咁多海鮮，仲可以轉下口味食下肉類串燒，🐥🐮🐷雞牛羊雞翼羊架雞軟骨雞腎雞皮等等，超多選擇。仲有孜然粉，辣粉等等自己可以調味，要幾惹味自己話事。

當然唔少得仲有甜品雪糕及大量飲品任飲，大家記住臨尾食杯雪糕先好走呀🍧

最後同朋友食到好飽，飽到捧住個肚走，非常滿足又好玩既一餐。🤤

朋友介紹佐敦有間泰國流水蝦🦐🦐😂好正，拉埋我去食，$358一位，可以任飲任食2.5個鐘！價錢唔算平，所以對呢餐都有啲期待！😍😍7點零鐘去到發現全場都爆滿💢💢，訂咗位都要等一陣先入得，原來真係好受歡迎！😲

坐低後，侍應送咗一碟鰻魚同蟶子嚟，呢份係每位一件~好彈牙嘅蟶子！除咗呢啲無得encore，其他海鮮都可係任拎任食！😛😋

每枱都有一個水桶🗑，可以自己去夾蝦，隻隻蝦🦐都好生猛，所以夾完要加大量冰凍暈佢哋先燒到！😳啲蝦好大隻，同埋大多數都有膏！😗

除咗海鮮，呢到都有大量其他嘢食，肉類、丸類、各式蔬菜都有！🍆🥬🍠🌽

之前喺其他串燒店食過燒茄子🍆，自己都試下參考下佢哋點燒！大量蒜蓉、牛油🧈、蔥，加少少辣椒真係好惹味呀！重口味之選！不過燒茄子🍆🍆真係要俾啲耐性燒！😗

總括嚟講，呢餐都係食得好飽好滿足，下次會同其他朋友再嚟！👭🏼👭🏼

–
蝦蝦燒🦐

好幾年前就已經有聽過釣流水蝦黎燒
但係就一直都未有機會去食
趁住而家天氣轉涼 可以食多啲燒野
就覺得今年點都要試番次🤣

位於佐敦既蝦蝦燒 位置都幾近九龍公園
係佐敦站行2-4分鐘就到 好易搵
上到去 餐廳格局都好大
有各式各樣既野食可以拎黎燒✨

✨2.5小時任食流水蝦放題 （$368/pp)

🦐 海鮮
一坐低會有放好左預先用鹽醃過既流水蝦 蒜蓉牛油大蝦 同 鱔串 之後就可以自己係個流水道度夾蝦

店員教落要放啲冰用水係個桶
就可以凍暈啲蝦黎食 可能因為太新鮮既關係
大蝦既肉質真係好爽口彈牙 味道鮮甜
而個蝦頭仲有大量蝦膏！
只需要落少少鹽 就已經鮮味十足

另外我地仲拎左 帶子 青口 生蠔 大蜆 魷魚 鮑魚等等
其實出面仲有魚可以拎 但實在太多選擇 食唔晒🤣

想講 大家可以好似林芝蓮咁 係出面拎啲蒜蓉
同辣椒 放係帶子/貴妃蚌燒 別具風味🤤🤤

🥩肉類 、 菜類
除左海鮮之外仲有大量串好左既肉類揀
由羊架 牛小排 雞皮 腸仔 丸類 去到菇類 菠蘿
蒜蓉多士都有 真係所有係BBQ 時會食既野都準備好
當中我地最中意係燒牛小排同燒雞翼🤤

🍲熟食
由於果日真係忙meet 蝦 燒海鮮 燒肉~
都完全食唔切個熟食區 其實呢度仲有避風塘炒蝦
辣酒煮花螺 炸餃子 關東煮 等等
仲可以自己淥個菜同烏冬食 完全唔洗驚會唔夠飽🤰

整體黎講 呢度都真係好玩又好食 CP值高！
係就有小小忙 但都係唔錯既體驗🤣
–
📍蝦蝦燒
佐敦白加士街10-24號永富大廈1樓
–
#lamchelin
#lamchelin_jordan

近年興起流水蝦，約好咗今日一齊去試吓，做咗一輪資料蒐集之後，就決定選址位於佐敦嘅蝦蝦燒。一進場就會發現全場佈滿呢啲蝦缸，仲會見到店員不斷添貨，源源不絕兼且保證新鮮！

除咗有活蝦，仲有唔同種類海鮮，扇貝、鮑魚、蜆、蠔、仲有唔同款嘅魚，總之應有盡有。仲有幾個雪櫃放咗唔同款式嘅串燒，有小朋友最鍾意食嘅腸仔同丸類。

另外仲有唔同嘅肉類，牛肉、豬頸肉、雞翼、羊架等等，真係非常精彩。當然仲有好多款適合燒烤嘅蔬菜，燒茄子同燒菠蘿簡直係我嘅至愛。飲品櫃都非常繽紛，我覺得最驚喜係竟然有芬達提子，負責入貨嘅店員認真識揀 ！

每一位食客都會有一串鱔串，大大串鱔燒香後魚油甘香，真想加錢encore。

店員會為食客預先準備好第一輪嘅蝦放喺燒烤爐上面，仲已經適量地調味，基本上出去攞一轉食物返嚟就食得，呢個安排確係唔錯。

呢度最抵玩嘅唔單只有得食新鮮流水蝦，連其他海鮮都係任食，所以我已經食咗好多round！當然仲有其他蔬菜菇類都不能錯過！現場仲提供好多唔同嘅調味，無論你喜歡牛油蒜蓉定四川風味都可以自己調味。

呢150分鐘真係又好玩又好忙又好食，下次要約多啲人一齊嚟玩過！

新晉超人氣燒烤放題店，鄰近佐敦港鐵站，位置就腳，地方寬倘，坐得舒適，主打生猛游水泰國大頭蝦，雖然不算太大隻，但厚肉多膏，其他海鮮種類多，有蠔、大扇貝、蜆及原條海魚，限量燒鰻魚更是厚肉肥美。肉食品種亦不少，羊架非一般放題可媲美，質素令人驚喜。價格合理，熱愛磯燒海鲜放題的您，絕不能錯過，非常推薦！設網上訂座，但經常爆滿，要來大快朶頣，要盡早預訂！

每個坐位旁邊都有流水道，客人伸手一夾就可以食到生猛大蝦，夾到之後就要用最快速度放佢入冰內焗暈佢，過一陣再放上爐上燒，過程一定要快，如果唔係隻蝦係會跳出黎架。雖然感覺有d 殘忍，但係真係相當治癒，大蝦嘅肉質仲爽口彈牙，味道鮮甜，蝦頭仲有大量蝦膏。

黎蝦蝦燒，食最新鮮既蝦，正！

為食姊妹話有新玩意，相約去佐敦又食又玩，到左餐廳門口，原來是來最近大熱打卡好去處自助放題蝦蝦燒，上到樓上，地方寬敞，一排長長大魚缸，水裏全是活躍的大頭蝦

爐上已放上已處理好的蝦，店員解釋完各工具用途後，就開始起動，先出去拎食物，我哋這些海鮮控，立即去海鮮區，扇貝是即開的，還有很多種類選擇，燒物也有很多，三大個冰櫃，肉類，丸類，蔬菜類

熟食有味道十足的椒鹽蝦，辣味螺微辣惹味

輪到捉蝦的時間，捉到的蝦要立即放入冰筒，而冰筒的冰務必要夠凍，這樣蝦便冰封，食落更彈牙爽口

鮑魚，帶子，扇貝加上牛油和鹽燒，更加好味

鱔燒得微焦更加惹味，啖啖肉爽口鮮甜

粟米，脆肉瓜，清新可口，燒過的菠蘿更加香甜，蒜蓉包也很好吃

最後當然要吃杯雪糕，有多種選擇，揀了比較特別的益力多味，像真度很高，好像吃着雪凍的益力多冰

平日夜晚 我哋去咗蝦蝦燒食返個大頭蝦放題，呢度地方幾大，擺滿多過50 張枱，坐無虛席，我哋2 個人就分派到坐小位置，需要出面夾蝦，但都方便嘅。4-6 人以上預約就可能坐正喺蝦缸隔離。

海鮮放滿喺海鮮檔，有幾種魚、鮑魚、生蠔、扇貝等任拎，長期會有refill ，味道幾新鮮同有鹹香，唔使落調味料都可以。

拎起裝咗冰嘅桶夾大頭蝦，有唔少都幾生猛，有啲仲彈跳游走咗，好似同佢哋鬥快鬥力，幾好玩。 自己夾嘅就特別滋味。

另外，多達60款以上嘅配料都係自助形式，有雪櫃蓋住，感覺衞生。肉類串燒、丸類同蔬菜都齊備，部分食材都帶醃製鹹味。雞串同豬頸肉幾惹味，再食下菠蘿解膩。

最後，我哋食埋Cocoberry雪糕，2個半鐘啱啱夠時間食，同埋好在爐有2 層可以更快燒好。

食到停唔到既蝦蝦燒

有咩食法食到最新鮮既游水蝦？咁就梗係直接捉直接燒啦！

依家位於佐敦既蝦蝦燒，一開市就即刻坐滿哂咁滯，想遲d排隊都唔得啊。

一入門口就見到大量新鮮海鮮，即刻流哂口水，好想即刻沖入去燒啊🤤

呢度每一張枱都會連住蝦缸，隨手夾起啲蝦就可以燒，超方便😏

嚟到就梗係燒咗海蝦同鮑魚先啦。新鮮生猛游水蝦真係唔同啲，肉質好結實。

每一台都會送限定嘅蟶子同埋鰻魚，燒鰻魚真係超好食，鰻魚皮燒到脆卜卜好香口，肉質超滑勁肥美。

任食海鮮類仲有燒生蠔，燒扇貝，蜆等等。喺生蠔同扇貝上面加牛油同蒜蓉，超惹味。

另外仲有原條魚可以燒，魷魚桶都勁大隻。

除咗燒嘅嘢食佢都仲有啲熟食可以任食既，有爽魚皮、牛腩等等。

飲品都好多選擇，啤酒、汽水、無糖茶，應有盡有。

最後仲有雪糕食添，好滿足呀。

食物新鮮 環境唔錯

大頭蝦都好生猛，都係朋友勇敢去夾，好大隻，燒起來要有點耐性。蝦肉質素結實，鮮甜無比，蝦膏滿滿的，不用沾上醬汁，原汁原味，夠曬鮮甜。

其他串燒都好食，雞肉串都醃得入味，其他海鮮都好正，任食扇貝，元貝，蜆，都好鮮甜。但留意鮑魚，鰻魚就每人一份，鮑魚放係爐上燒都好活躍，店員表示最好剪到離殼就唔會燒爆，的確有小插曲爆左內臟，但店員都好快處理，仲幫我哋剪剪剪，謝謝你呀。

鮑魚燒到八成熟，軟滑又有口感，燒鰻魚都好厚肉又肥美。

兩小時任燒任食，我的攻略就係怒燒大頭蝦，其他串燒放下層，甘樣食先至抵，哈哈

近期見網上平台介紹蝦蝦燒 睇落好似好吸引, 所以就book咗枱去試吓

人氣一直爆曬燈嘅「蝦蝦燒」
為慶祝一周年，12月份推出鮑魚祭！
12月1日至12日，所有時段內任食新鮮鮑魚
錯過咗呢12日，係18，19，25，26，27號
午市時段12:00-17:30先有鮑魚祭啦！
仲有仲有，只要like同share佢哋嘅FB
星期六，日午市指定時段仲有八折添
連埋加一，二人任食2.5小時平均都只係$331

【設備】
每張枱面有：
兩個桶：垃圾桶，裝蝦桶
一個鐵盤：去自助吧拎嘢食用
兩隻大鉗：夾熟野同夾生野
建議問店員攞大鉸剪，燒嘢食時間方便

【燒海鮮 】
「蝦蝦燒」主打梗係佢哋嘅新鮮流水蝦
同鮑魚，魷魚，扇貝，生蠔，元貝，魚，螺等
款款都勁新鮮，除咗可以即場捉蝦外
其他海鮮都有專人即場清洗refill
新鮮度有保證！
安排好座位後，每張枱先送上鹽焗蝦同牛油蝦
仲有每人一串串燒鱔
筆者encore得最多嘅係蝦，鮑魚同扇貝
除咗枱面四款調味料外
仲有辣椒，蔥粒， 牛油，蒜蓉，泰式辣醬
自行調配出最啱自己嘅口味

【串燒 】
串燒嘅款式更多，目測種類至少有超過60款
筆者主要食咗幾款：
黑椒雞翼，粟米，菠蘿，芝士腸，芝士丸
蒜蓉多士，格仔餅，廚師腸等等
蒜蓉多士心得：先將兩面烤至微脆
搽完一層蒜蓉後再烤多數秒，口感最佳

【熟食 】
另設有熟食區，款式雖不多
但味道幾有驚喜
有炸餃子，避風塘蝦，咖喱魚蛋蘿蔔，炒菜
仲有兩款涼拌菜同DIY關東煮

【飲品 】
一般汽水，啤酒，果汁等都一應俱全

【雪糕 】
雪糕同雪條係出名多口味嘅
本地品牌Cocoberry
記得最後半個鐘留肚食埋先走啊
______________________________________________
📍餐廳：蝦蝦燒 (佐敦)
👣位置：佐敦白加士街10-24號永富大廈1樓
______________________________________________

#hkig #hkfoodblog #hkfoodie #hkfoodblogger #吃貨日常 #香港美食#相機食先 #foodporn #yummyfood #hkrestaurant #hkfoodshare #foodlover #foodiehk
#fooddiary #hkfoodstagram #hkblogger #hkfoodies #foodshare #hkigfood #foodblogger #hkfoodporn#hkfoodielife

呢到嘅海鮮有活鮑魚、貝殼類海鮮、原條魚
係自助區拎左啲生蒜蓉、蔥、辣椒粒
燒海鮮用就最啱
夾流水蝦前可以去冰櫃拎冰
夾完啲蝦就真接放入冰櫃
咁啲蝦就唔會彈嚟彈去
整體都幾好玩，海鮮新鮮