蝦蝦燒 (佐敦）(Cooking haha)

蝦好生猛

琴日同朋友食任食海鮮，朋友不嬲都好識食，尤其鍾意海鮮，所以佢介紹親一走冇錯啦！聽講係任食海鮮同串燒，仲有七折優惠，所以就嚟咗呢度試吓！

我之前未試過流水蝦，所以見到呢類餐廳覺得好神奇呀。每張張枱側邊都有水缸，入面啲蝦隻隻都好生猛，一開始夾嘅時候仲有啲驚，但係其實只要快啲擺落個筒度就冇嘢！見到入面有啲蝦蝦蝦霸霸，決定就夾佢出嚟懲罰一下！😂😂呢次係我第一次剪蝦鬚同鉗，雖然過程帶點刺激同緊張，但最尾燒到出嚟食陣時，呢度新鮮蝦食落去鮮甜，肉質爽脆！乜都值得！

唔單止有新鮮嘅蝦，仲有其他林林總總嘅海鮮，例如係鮑魚丶帶子同尤魚，而且有滿雪櫃嘅串燒，牛肉雞肉豬肉丸子，應有盡有，見到都流晒口水添啦😋😋

呢度既店員好nice，一入到去就教我哋夾蝦，仲會不是時收走蝦殼，好熱情呀！

朋友介紹呢間佐敦蝦蝦燒🦐🦐🔥 食完之後真係返唔到轉頭 😆😆一直對佢念念不忘 👍除咗好玩之外，仲好多海鮮食！連貴價嘅鮑魚、扇貝、生蠔、大蜆等各種貝殼類都有 ！回本冇難度😛今次在再帶咗幾位朋友黎個個都讚不絕口

海蝦全部非常新鮮大隻🥰🥰有啲仲有蝦子、蝦頭有蝦膏添 😍蝦非常生猛，間唔使聽到隔離枱有人大嗌因為啲蝦掙扎嘅時候會將啲水彈到出嚟🤣🤣要小心呀

除咗海鮮之外，肉類亦都好多選擇🐔🐮🐷🐏

熟食亦都有不過唔算多🙈但係根本唔重要🤣因為唔係重點寧願食少啲燒多啲 😛😛

蔬菜方面亦都唔少選擇 就算食飽咗都仲可以繼續 🥒🥬🥦🍆中和一下油份冇咁濟

飲品方面亦都好多選擇🥤🍺酒精非酒精都有幾個大雪櫃任揀

甜品亦都係唔可以錯過🍦🍦有唔同味道嘅雪糕杯

這太有趣了。我把蝦夾得很開心。嗚嗚嗚。我喜歡它有一個 2 層烤架，這樣你就可以在下面放串或蛤蜊。別忘了買黃油和大蒜。儘早到達，因為總是要排隊，最好提前預訂。

晚市重開多番出嚟食飯，當然唔會錯過呢段時間去食好嘢，近期吸引人氣美食就一定系佢啦，講緊系食生猛大頭蝦任食放題，今晚約埋朋友去佐敦呢間食流水大頭蝦開飯，一入大堂已見人山人海，大家都系自助區挑選各款食材，準備一陣慢慢一邊燒一邊食，坐定後店員講解放題流程，同時準備每人限定一件白鱔片肉質豐厚，放上燒烤爐燒，入口香脆肥美多汁，坐位旁邊已有一個長海鮮缸放滿多只活生生大頭蝦，放便俾大家捕捉大頭蝦食住燒，蝦肉入口彈牙飽滿，重頭戲當然系出面自助海鮮檔，有多款新鮮海鮮，扇貝、帶子、大眼雞、生蠔、鮑魚、魷魚，蜆等，鐘意食海鮮一定唔會錯過，店員不斷補充各款海鮮，另外雪櫃內有其他肉類同熟食提供，一次過攞齊食材，再放上各款海鮮系上下層燒，因燒海鮮時間比較耐一點，落埋配料系海鮮上燒特別香味十足，先食件帶子肉質爽甜口感十足，扇貝入口嫩滑食到滿口肉汁，再食件鮮嫩可口嘅鮑魚，當然仲有生蠔啦，包你食過返尋味再食多輪先至滿足，再品嘗其他肉類串燒夠曬惹味，最後享用埋雪糕甜品，一餐鮮味十足嘅任食放題品嘗完畢。

蝦蝦燒
朋友話呢間蝦蝦燒幾好食，今日去咗佐敦分店，自己夾流水大頭蝦🦐😍啲蝦好生猛，扎扎跳，夾完可以即刻燒😎 入邊流水蝦，鮑魚，扇貝等多款海鮮都係任飲任食㗎🌟

任飲任食2.5小時~$358/位，再加一
坐低後，員工主動問我哋有冇嚟過，然後就教我哋用咩碟出去拎食物，然後要裝一桶冰，加少少水，夾起嘅蝦要放入冰桶入邊，冰暈佢地，出邊亦有熟食，有蒜蓉，牛油，辣椒等可以拎，做調味用，每枱亦都有四種味嘅調味粉，最愛椒鹽同孜然粉

出邊亦有好多海鮮，有鮑魚，帶子，扇貝，螺，大沙白蜆，生蠔，魷魚等等，亦有丸類，菇類，雞皮魷魚，台灣腸，雞翼，雞腎，翠玉瓜等等好多款式選擇

入座後每台會按人頭每人一份白鱔，同埋一份牛油大頭蝦，方便你一入去就可以節省時間，即刻燒，燒白鱔，原來可以咁好食，燒到個皮好脆，而且白鱔肉質嫩滑，好想encore，不過每人只有一串，可以另外加錢$20/1串，

主角大頭蝦，隻隻都生生猛猛，有啲仲好多蝦籽添，大頭蝦肉質爽甜，鮮味十足，另外我覺得鮑魚同扇貝都相當唔錯，燒嗰陣隻鮑魚仲識郁㗎，鮑魚燒完之後口感都好彈牙，扇貝口感鮮甜😊

另外值得介紹嘅係燒雞皮，燒完脆卜卜，加少少調味粉，勁好食，仲有一串串嘅魷魚鬚，燒完之後都係好彈牙，好好食，蒜蓉包上邊會有少少牛油蒜蓉，燒完之後勁香口，都幾脆㗎，燒菠蘿要燒比較耐少少，因為有一層好似焦糖喺面先係最好食🙈

另外豬頸肉，雞翼，翠玉瓜同金菇牛肉卷都好食，大部份食物質素都好好，而且種類都幾多，啱晒我呢d咩都鍾意食嘅人，佢哋飲品種類都好多，仲有雪糕係任食㗎，2.5小時任食我真係食足2.5小時，真係好滿足，下次都一定會再返嚟食㗎‼️

蝦蝦燒
🏠：佐敦白加士街10-24號永富大廈1樓
☎️：66520560(WhatsApp)/62060560(WhatsApp)

好耐冇試過咁好食既海鮮燒烤～ 現場又有新鮮生猛海蝦即夾即燒！扇貝、鮑魚、墨魚、生蠔都超新鮮！其他肉類配料都勁多選擇！一定要encore!!!!

任飲任食流水蝦，海鮮新鮮，飲品種類多，價錢合理，入座人頭一串鱔，燒鱔味道不錯，要Reorder 需加錢。

6000呎大場開心嘅係又玩得又BBQ 食得
玩足▪蝦蝦蝦Fun ▪🕚 2.5小時
✅「#蝦蝦燒」環境大悠然自在方便鄰近

任燒任食海鮮自助/串燒肉品區劃分
各類熟食熱盤食材/甜食/飲料任你揀
一站式特長水道過癮又能挑戰
生猛「流水蝦」放題必合海鮮迷人士大開眼界

有去泰國旅行嘅感覺

食物唔錯，好玩

【想食大頭蝦🦐自己夾自己燒啦😆】

未有疫情前已經係泰國玩過自己捉自己燒流水蝦🦐知道佐敦都開了間蝦蝦燒同泰國大致上一樣，所以同朋友來一齊夾大頭蝦玩返晚😆

門口细细，上到去原來面積非常之大，已經見到有幾個大雪櫃，汽水🥤啤酒🍻🍺韓國飲品，凉茶樣樣齊👍
2.5小時任飲任食流水蝦再加串燒自助放題🤗

一坐低侍應比咗一個冰桶我地，叫我地出去拎多冰少水(夾蝦用)將蝦凍暈先好燒🦐😆

另外送上一碟(每人一份)鰻魚同大蜆，仲有鍚纸兜蒜蓉蝦🧄🦐

我地被安排坐係長魚缸旁邊，超方便隨時可以夾蝦😊魚缸大頭蝦隻隻都好生猛，每隻都好多膏，肉質鮮甜彈口😋

海鮮部種類多🦑🦐🦪🐟
有即開生蠔，扇貝，原條魷魚，東風螺，鮑魚，貴妃蚌，沙蜆，大眼雞🐟黃鎗等…任食任燒🤤

串燒蔬菜肉類🍢🍡🍗
雞，牛，豬，羊，瓜類🥒🫑🌶蔬菜🌽🍄菇類，太多了樣樣都齊，仲有蒜蓉包😄窩夫都有🧇

醬汁配料有蒜蓉，椒絲，豉油，葱粒，最有驚喜係個泰式辣汁😋點蝦海鮮非常惹味🤤

最後當然吃埋大雪櫃既雪糕啦🍦超滿足😋

呢度未夠7:00已經座滿客，雖然多人，但抽風系統非常好，完全唔覺有好多煙，又唔焗👍又好玩又好食，下次要约多幾個朋友來先🤭因為多人幫手燒🤭拎野唔洗吓吓行出去，唔洗咁攰😜

📮蝦蝦燒
地址：佐敦白加士街10-24號永富大廈1樓

任食燒活蝦，另有鮑魚元貝及燒鰻魚，仲有其他熟食飲品，包飽

新鮮流水蝦•食到哈哈笑

晚市堂食終於開返
實行要約返朋友出嚟擦返餐勁
心血來潮想 #食海鮮🦞
最鍾意食蝦嘅我即刻book咗食
位於佐敦新開張的《 #蝦蝦燒 》
#即捉即燒 #新鮮流水蝦
仲有 #大眼雞 等多款海鮮 #任燒任食‼️
$328/位 #自助串燒+咁生猛嘅蝦
今晚令我食得好滿足

⊰⊹════════════════⊹⊱
✎ 食後感 ：✨

呢個「 #海鮮蝦蝦燒套餐」仲送
新鮮鹽焗新鮮大頭蝦、新鮮鮑魚、鱔串等
鮑魚大大隻
鱔食落去仲要係冇骨㗎
啖啖爽口彈牙😋

🦐「 #流水蝦 」
嚟到一定要捉新鮮嘅蝦即場食
見到大人細路捉得咁開心🥳
我都點少得攞住個冰桶去夾住捉
捉蝦🦐嘅時候好有挑戰性
因為新鮮生猛嘅蝦會走
所以真係要睇將目標一手夾捉
然後燒一陣就食得啦
枱面仲有多款調味料供烹調用
拆開蝦頭有好多膏
而且肉質爽口彈牙
好新鮮好Fresh啊

🐚「 #扇貝」
仲有自助海鮮吧我仲攞咗好多生蠔🦪
仲有大大隻嘅扇貝
我就鍾意我多啲蒜蓉粒+蔥花
睇吓我燒到幾吸引
扇貝食落去新鮮爽口
仲食到有一條條絲

🍆「 #茄子 」
一大條原條茄子🍆
燒幾燒再自己剪開
再加孜然粉、辣椒粉、蒜蓉及蔥花
茄子燒得非常入味
好似平時喺出面串燒店食嘅茄子一樣
都係咁吸引

🐔「 #黑椒雞翼 」
每一隻雞翼都大大隻
咬一啖非常Juicy
肉汁即刻滲透晒出嚟
肉質很鮮嫩
而且黑椒味道很香濃

由於太多食物不能盡數
有海鮮、熟食、串燒
仲有第二個位就係食甜品啦
有我最鍾意食嘅雪糕同埋雪條
食得開心又飽肚呢！

去完Daycation，再戰蝦蝦燒
小編自覺，又要肥多幾磅🤣
但好食嘅野，真係忍吾到口🙈
.
【Round 1】
一開波，店員會先帶我地去指定嘅位置坐低
有成6千呎場地，空間感果然十足！
我地安排去較入嘅位置
但勝在隔離就係蝦槽，一轉身就可以去夾蝦啦🤣
店員會先送上海鹽蝦，錫紙牛油蝦比我地蝦燒住先
每人亦會附送一隻串串海鱔同一粒大鮑魚
海鱔夠腍夠香，而鮑魚緊係新鮮又大大隻啦🥳
.
【Round 2】
自助區分別有海鮮，串燒，熟食，關東煮同雪糕
識食一定係衝去海鮮區🤣
有海螺，大眼雞，元貝，帶子，魷魚，海蜆等
全部海鮮都有專人現場清潔同refill
refill得好快，基本上次次出去都係爆棚
吾洗同人搶🙈
當然，點樣食法，係鹽燒，牛油燒定蒜蓉燒
都係由你話事，自己發輝下創意啦😈
小編最推薦食大眼雞🤣
原隻大眼雞，易熟，仲要骨少而肉嫩，超正！
.
【Round 3】
食住海鮮亦可以燒埋串燒
串燒嘅種類就真係好多爆棚！
超過六十款嘅串燒
有肉類，丸類，蔬菜類，菌類等等
如果主攻海鮮，串燒真係吾可以逐個食勻🙈
所以小編會推薦食雞翼，羊架
醃得好入味，肉質嫩滑，吾係嚡口
原隻茄子係第二推薦，識得燒，真係可以超好味
但需時較長～
.
【Round 3】
燒野食，飲品同雪糕都係最緊要😘
四個雪櫃，裝滿汽水，涼茶同韓式飲品
而雪糕同雪條都係出自Cocoberry
有時間可以逐一食勻😈

適逢生日去試下。食物新鮮款式多 ，尤其特色：自己捉游水蝦即刻燒，鮮甜爆燈。 另外海鮮，全部新鮮，連 腸仔魚蛋，也是優質貨。蔬菜，番薯仔， 鮮菠蘿， 燒烤後突顯鮮甜。最後食番兩杯雪糕先，甜潤涼透心。 三人行的串燒自助晚餐生日會，每位 三百多元，是超值之選。🦐🍺 …

上網見到朋友極力推介分開呢間流水蝦串燒餐廳，即刻book位試一試！不過佢哋而家淨係開星期六日。時間唔多選擇，要去真係快啲book位，極力推介，仔女玩得好開心，個個都食得好滿足

他們新開有折，大概要三百幾蚊一位大人。價錢合理，真係新鮮大頭蝦任食，先食返佢一斤，再食埋其他嘢絕對超值！

準時去到，已經見到好多人喺度排隊。好在我都早到，被安排坐到蝦缸旁邊，一路夾一路燒，牙仔阿女初頭都有啲驚，夾夾下好興奮又好滿足。大頭蝦好新鮮亦都好大隻，特別係有啲有膏的，真係超級好味！

除咗食大頭蝦，佢哋嘅賣點係燒海鮮同埋串燒，選擇亦都很多.
佢哋有個海鮮吧，有差唔多五六款海鮮：魷魚筒，大眼雞，螺，蜆，魷魚鬚，元貝，最重要係不停refill,個個都肯定去攞海鮮先，起碼唔會冇得食，最好食係燒大眼雞，估唔到咁好味.

差啲唔記得講每人仲送咗一隻鮑魚同埋一串極力推薦大家必要食嘅鱔，魚油出晒嚟，直情想食多幾串，不過每人只有送一串，臨走之前問過員工可唔可以加錢要多串，佢先話原來可以不過限量，下次大家如果鍾意食可以加錢再買，實在太好食！

其他食物有不同類型的串燒，
牛柳粒羊肉串雞翼雞腎雞軟骨……
芝士丸芝士腸廚師腸…..
秋葵四季豆茄子粟米蒜蓉包…..
其實真係太多都數唔晒，有機會自己試吓啦

最後一提就係飲品都有幾十款選擇，而甜品就有雪糕同雪條.甜品選擇不多勝在口味夠多，我成家人起碼食咗10杯😅

除此之外仲有幾款熟食，好似有炒椰菜辣酒煮花螺，我都有食少少嘅，當然都係食蝦最多，呀！記得佢哋有咖喱陳皮魚蛋，又係好好味！

整體來說真係好抵食，同埋好啱我食，出去食自助餐都冇食得咁飽，食海鮮真係啱晒我！
牙仔過咗一個禮拜之後又叫我去，佢都玩得幾開心，依家冇地方可以去玩，有時間親自一下都好呀！

環境不錯，菜很多，品質也很好！！

生猛流水蝦，串燒，海鮮燒烤放題。
有即開扇貝元貝，原條大眼雞
串燒種類勁多，正

有點殘忍，但新鮮
海鮮出色，串物選擇多，飲品多
服務好
火爐火力一般

期待

近排見好多朋友去呢間餐廳，有得食又有得玩，搞到我都心郁郁😍餐廳專食新鮮大頭蝦，可以落手落腳夾然後燒，好有趣。我地平日夜晚黎，個場都好full，果然受歡迎！
– – –
🦐🐠
一坐得已經有兩份處理好嘅大頭蝦，每人2隻鮑魚同1串白鱔等緊我地。一份蝦係冇落配料，另一份蝦係牛油蒜香大頭蝦，等我地未出去夾食物都已經可以燒住先。👍🏻店員貼心提我地，鮑魚要除殼先燒，唔係好易爆。處理好嘅鮑魚燒得特別快，食落好彈牙爽口，好食！而燒香外層嘅白鱔重好食，肉質厚實多肉，又鮮甜，唔怪得每人得一份。😝
– – –
🦐🦐🦑
之後去咗夾大頭蝦，隻隻都好新鮮，游得好快，幾經搏鬥，終於夾咗幾隻落冰水桶，等佢地暈咗先再燒。大頭蝦肉質彈牙，有口感。除咗蝦外重有好多海鮮，有扇貝、蝦、蜆、魷魚、大眼雞等等，好豐富！🤩我最鐘意食魷魚，燒完香口又彈牙，果然新鮮，而朋友鐘意扇貝，幾清甜。
– – –
🐷🐮🥬
重有好多唔同款嘅肉類、丸類、蔬菜同菇類可以拎黎燒，款式包羅萬有，好抵食！😋

已經在網站預定，非常方便，看見那些泰國大頭蝦就流口水了😄

韓燒極度難食，哩間燒烤爐好正，會繼續幫襯😘 …

蝦蝦燒

喺佐敦一間好出名燒蝦食嘅舖頭！😍
依家好興一個價錢😎自己燒自己動手又可以食又可以玩！🤩以前細個釣蝦就多啦🥳而家就係興即刻捉即刻食！😎

一個價錢任飲任食真係好抵呀！海鮮方面又有扇貝啦、蠔、蜆、鮑魚、魷魚仲有大眼雞同唔同嘅貝類佢都即開即有！唔少得我哋嘅主角蝦啦!佢哋嘅海鮮都非常之新鮮😋😋😋！

坐低佢哋已經會有一啲指定嘅色版送返俾你，就有一盒錫紙兜放置嘅蒜蓉大蝦☺️，每隻蝦個頭都爆曬膏㗎！😋另外仲有聖子同埋西京燒都係佢哋第一輪會送嘅前菜！😍

對於我同朋友都係蒜蓉控！所以我哋每少一樣嘅海鮮都會加好多牛油同蒜蓉而枱面上面本身就已經會有三款嘅調味料！
包括係有味椒鹽、孜然粉同埋辣椒粉🌶️！你係可以教啱一個嚟鍾意嘅味㗎！😎✌🏻

至於肉類方面牛肉嘅選擇都好多包括有我哋最鍾意食嘅牛仔骨同埋粒粒牛柳粒！而朋友就覺得雞皮同埋雞軟骨最正加埋孜然粉好惹味❣️

蔬菜方面當然唔少得蒜蓉牛油大茄子同埋大啡菇啦！仲有甜到入心嘅燒菠蘿呀好味道😋！
甜品方面佢就有一個雪糕可以任食，我哋拎埋窩夫燒嘅燒返熱蕃茄雪糕食真係冰火凍熱嘅口感！

飲品方面佢哋就有酒精無酒精兩樣！
都有汽水度果汁🍹同無糖茶！

真係好飽嘅一餐又食蝦又食海鮮又食甜品抵食記得預早book定位！

有得食又有得玩既蝦蝦燒

今次同一班鍾意食海鮮既朋友一起初嘗呢間流水蝦專門店，有驚喜🤣

🌟2.5小時任飲任食新鮮流水蝦+自助串燒放題
店舖有多條長長嘅魚缸，裝有好多蝦，最近個個魚缸其實就係我地張枱隔離，唔洗離開個位都可以隨時夾到任食既流水蝦！比個小貼士大家，走遠少少去門口附近嘅魚缸夾流水蝦會更好，個度啲流水蝦生猛好多，非常新鮮🦐夾完後要即刻放入冰桶凍暈佢，小心佢濺起啲水花。好好玩，好開心！😚燒蝦前，可以先定剪咗蝦鬚同蝦鉗，咁樣燒會方便啲。蝦肉燒熟後，放入口中，可即時感受到紮實既質感，好鮮甜🤣

餐廳仲會計人頭送上每人一串鱔肉及蟶子！鱔肉燒熟之後個皮勁脆，魚肉勁嫩滑，超正，就好似食緊鰻魚咁樣，😍而蟶子都好新鮮，好鮮甜，好想encore ！🤤

另外自助供應區仲有多款配料可以任食。海鮮區有鮑魚、扇貝、生蠔、魷魚及蜆等等。最鐘意係鮑魚&生蠔，好鮮味，又大粒！🤩另外都有啲豬牛羊肉可以任拎，全部肉本身都醃得好夠味，唔使自行調味。😉 店員又會密住refill，唔會突然冇曬，想encore咩，都隨時可以拎到！

店舖都好貼心，除咗自己燒嘢食外，另外仲提供多款熟食，唔使等燒熟，已經可以即時填飽個肚😜

以任食海鮮餐廳黎講，呢間餐廳水準真係唔錯，整體海鮮都好高質，好新鮮，種類又多，再加上可以自己夾蝦，又有得玩，又有得食！推薦！🥳