憶食尚臘味煲仔飯(Evvoke)

乾淨衛生.東西超好吃.

啲飯好好吃👍👍 …

臘味不多，但很入味，是要時間讓飯受取味度，飯焦正宗，不是卟卟脆，而是煙烟韌！正！可惜菜單有點簡單。

地方企理，煲仔飯好食！

十分滋味，真味道

裝修扮高雅，食物衰過大牌檔，老細錢就要賺客嘅，但食物份量就唔想俾客食，致於味道並無過人之處，總之 “無話可說”

食物質素很好

高檔煲仔飯，不錯

贵！普通！

用料豐富，味道不錯的煲仔飯。座位相當闊落，招呼到位，值得推薦。

講起食煲仔飯，好多人都會話去廟街，不過我朋友反而介紹我去憶食尚臘味煲仔飯。朋友話除左煲仔飯，佢地仲有其他臘味小菜好好食。所以就約埋同事一齊去品嚐一下喇😋😋

憶食尚臘味煲仔飯有兩間分店，分別係尖沙咀好利時大廈同佐敦文匯道。我朋友就叫我去佐敦文匯道果間，佢話雖然交通無尖沙咀店咁方便，但人流量無咁多，而且有兩層，食得舒服啲。店面係西餐裝潢，但食嘅係中式食物，好特別🧐🧐

我地四個人叫到成枱都係，煲仔飯同手工黃金麵黎到麵無位上枱添😅

雙味臘腸貝殼包，個包其實係配角，主角係雙味臘腸：鮮肉臘腸同川味臘腸。鮮肉臘腸好鮮甜美味，川味臘腸就有一點辣味。兩款口味各有唔同，兩款我都好中意😍😍

霸王蔥油雞，雞好滑好香蔥油味，依個一定要點👍🏻👍🏻

川味臘腸炒蛋，雞蛋炒到剛剛好，勁滑。川味臘腸同蛋混埋後，臘腸竟然變得無咁辣。唔食得喇嘅朋友可以叫依餸試下😉😉

手工黃金麵，炸到好脆口，加上甜酸醬，食落有啲似潮洲飯店嘅糖醋兩面黃😂😂不過麵質帶有少少彈牙嘅口感👍🏻

一見鐘情，原來係清蒸鮮腌海鯧魚，條切開一舊舊，再加拼返埋一齊，感覺好有趣。魚肉一啲都無腥味，細骨都無，得近頭果兩三件有幾條大主骨。魚肉有少少咸味，好食😗😗

板鴨蘿蔔煲，蘿蔔好甜，加上板鴨嘅鮮味，成個湯睇落雖然得兩種材料，但其實好好飲。我地一人飲左兩大碗🤤

芥菜排骨煲，係今日另一個有湯飲嘅菜式，芥菜一啲都唔老、好嫩，排骨都煲到好淋，成個湯好清甜美味😋😋

XO醬鮑魚拌麵，因為只有一隻飽魚，因爲鮑魚唔係好大隻，我地將佢分成兩份，再用最傳統嘅方法：猜包剪揼黎決定邊個有得食。我好好彩猜贏咗💪🏻 飽魚好淋好入味，好正。 佢地嘅XO醬好香，用黎拌麵真係好好食。加上麵質爽口彈牙，依味菜無得輸😘😘

到左今日最想食嘅廣式臘味煲仔飯。煲仔飯有鮮肉臘腸，川味臘腸同板鴨，啲飯吸哂臘腸同板鴨嘅鮮味，再加上脆口嘅飯焦，我朋友果然無介紹錯🥰🥰

唔單止食，憶食尚嘅冬瓜薏米水都好好飲🍹🍹 薏米又多又大粒，加上糖冬瓜，清熱又解暑。

最後一人黎一碗甜水：御髮膳粥，有好多材料，店員講左一埋材料，但我只記得有黑米、黑芝麻😅依個飯後甜品無得頂👍🏻👍🏻

整體來說，上菜快，野食美味，一間值得推介俾朋友嘅煲仔飯小店。雖然餐廳有臘腸、板鴨等可以買返屋企自己煲，但我覺得都係再黎食好過喇😝😝

高級裝潢，平民價錢

最近天氣開始凍，除咗食火鍋之外，煲仔飯就係不二之選。

成日好怕煲仔飯嘅餐廳都係比較簡陋，坐得唔舒服，尼間係一間比較新式嘅煲仔飯店。環境高尚，清靜，裝修風格柔和，有格調，感覺高級但價錢平民。

⭐️臘鴨滑雞煲仔飯
雞係用咗新鮮雞，所以食落特別有雞味，而且肉質嫩滑。食到差唔多，店員亦都好細心咁幫我地刮埋啲飯焦出嚟。煲仔唔大，但係兩個人食份量亦足夠。

⭐️椒鹽排骨
呢間餐廳除咗一啲恒常嘅菜式例如煲仔飯、空心麵等等，亦都有一啲季節限定嘅菜式，椒鹽排骨就係其中一款，而且而家仲做緊優惠。即叫即炸，椒鹽用來撈飯一流。

⭐️菜心
另外亦都叫咗個菜，估佢唔到大條得來亦都冇渣，清甜，爽嫩。

餐廳本身有很多優點，菜品的味道總體上高於平均水平。這個地方很乾淨，裝飾很高端。然而，物有所值根本不存在，我不是在談論低級成分。問題在於他們所服務的部分。我們點了套餐，價格不便宜。這是一份豪華的 5 道菜晚餐套餐（每人 350 美元）。配有湯、煎魚、洋蔥雞、鍋巴和甜湯。湯和飯鍋都高於平均水平，但也不過分。您應該能夠在約旦主要地區附近找到更好的飯鍋。不過，煎魚的個頭特別小。它基本上有青少年手掌大小。在菜單中，魚顯示為兩倍大，至少有籃球運動員手那麼大。廣告上說這隻雞是半隻雞，但我們找不到雞胸肉和雞腿。失望和誤導，我們向服務員詢問了這部分，但她除了聲稱這是標準的之外什麼也做不了。服務基本上和當地餐館差不多。總的來說，食物沒有想像中那麼令人印象深刻，而且廣告上的4 人份量對於我的3 人聚會來說是不夠的。我們可能不會回來，也絕對不會推薦給其他人，因為還有其他更值得的地方去嘗試。如果你去的話，設定一個較低的期望並準備好付錢。

我是偶然路經，冇光顧，冇資料提供呀!。

飯香有口感，好食

憶食尚臘味煲仔飯
佐敦文匯街22-24號地下2-4號舖

食臘味，唔使等秋風起

心血來潮好想食臘味，腦海中浮現出來嘅係憶食尚臘味煲仔飯，於是就同屋企人過佐敦文匯街食臘味煲仔飯。

疫症期間，好多餐廳都只係用膠板隔開座位。憶食尚就用咗屏風間開，感覺大方得體，而且仲提高咗私隱度添。

廣式臘味煲仔飯：
去得憶食尚，必點嘅當然係廣式臘味煲仔飯啦。雖然好耐之前有食過，但店員都會再介紹下，煲仔飯選用東北五常大米，食
起嚟米味更香。臘腸、臘肉同板鴨整齊排列飯面。店員將蔥花灑上面、再淋上頭抽拌勻。拌勻嘅過程中已聞到陣陣飯香同臘味香。一
啖入口，米飯濕潤富油香，加上香脆飯焦，非常之好味。臘腸、臘肉同板鴨都係憶食尚自家出品。臘腸七分瘦三分肥，酒味較重，無出食到嘅咁甜，相對地比較好味。臘肉肥瘦相間。板鴨味道甘香飽滿，每一件板鴨都啖啖肉。

黑松露雞煲：
黑松露嘅獨有香味，好多人都對其著迷。憶食尚就將黑松露融入雞煲。黑松露份量洽當，無蓋過雞嘅鮮味。味道芳香嘅黑松露配上鮮嫩滑雞，味道非常之配合。

潮風小炒皇：
小炒王有齊必備嘅韮菜、蝦乾、豆腐同五花肉絲。整個菜都夠哂鑊氣，而韮菜亦無草青味。處理得好好嘅菜式。

時令菜芯：
雖然係一款無需太多烹飪技巧嘅菜式，但就表現出食材嘅新鮮同鮮味。簡單嘅食材：上湯、薑、蒜、火腿，完美呈現食材嘅新鮮。

米飯鍋非常棒——“有嚼勁”，側面有一層薄薄的脆皮。是的，它比普通的飯鍋稍微貴一點，但它具有正規餐廳的衛生、體面和良好的服務。

好污糟

聞名咗好耐煲仔飯店，今日終於有得黎食！位置較近柯士甸，如果佐敦過黎要行幾個街口。呢到裝修有別於你所想嘅煲仔飯店，分兩層，空間闊，地方乾淨，坐得較為舒服

芥菜排骨煲，湯底好似胡椒豬肚湯，黃豆係粒粒爽口架

霸王蔥油雞，隻碟摸上去係熱，不過雞本身係室溫，應該只係淋熱嘅蔥油上去。雖然肉質嫩滑，但熱食會好啲。

特色臘味煲仔飯，就咁食飯可能會覺得唔夠味，但連埋臘味就剛剛好，煲到好香口，臘腸同臘肉啲油出唒黎！

清蒸土豬，豬肉味重，配上秘製醬汁，不過份量較少

想食煲仔飯，又想響冷氣舒服嘅環境下食，呢度係不二之選。

煲仔飯非常好吃，餐廳環境寬敞！肯定會再去參觀。

煲仔飯啲飯真係堅做得好食！粒粒分明又乾身，飯焦更係香脆，正！

最近天氣實在太熱，沒有什麼胃口，又不想在家煮飯，唯有出去走走，找一下有什麼清淡啲食物。佐敦附近見到一間中菜館，門前寫的午市套餐幾吸引。

蝦球手工撈麵
撈麵有蝦籽香味，不會覺得淡口。蝦球大大隻，爽脆。

瑤柱冬瓜脆米湯飯
呢個餐消暑最佳，濕濕地，味道又鮮甜。
冬瓜消暑，脆米有嚼口，瑤桂鮮甜。正！

蟲草燉湯
夏天滋潤湯水不可缺，湯底清徹，有肉，有雞…材料十足，味道鮮甜，潤喉！

真的很好吃的廣州煲仔飯，一定要嚐嚐

地方寬闊，佈置美麗，服務非常有善有禮，食物方面非常好味，價錢非常合理。煲仔飯更是首選，另外雞湯記住要預訂。可以駕車來泊門前露車停車場。

。憶食尚臘味煲仔飯。

裝潢燈飾佈置新派🎐
以藍綠色為主調 感覺柔和舒適
枱與枱之間有屏風阻隔 私隱度高
有別於一般食煲仔飯嘅地方
環境寧靜舒適

˜”*°•爭風玉玲瓏(68)🌶️•°*”˜
因為食煲仔飯有好多臘肉嘅關係 所以叫個清清地嘅蓮藕作為前菜
每一片蓮藕厚薄都好平均
好爽脆 雖然有辣椒
但醬汁香而不辣 好開胃
可惜份量有點少

˜”*°•芥菜排骨煲($98)🥬🍲•°*”˜
另外仲叫左個芥菜排骨煲
諗住有啲菜食下又有啲湯可以飲下
除左排骨 芥菜 仲有黃豆
雖然賣相平平 但個湯有驚喜
胡椒味非常香 好好飲 記得要趁熱飲

˜”*°•川味臘味煲仔飯($148)👶🏻🍚•°*”˜

之後就係主角煲仔飯喇!
唔係呃你 呢個可能係我食過最好食嘅煲仔飯
首先 臘味份量非常豐富
有蠟鴨 臘肉薄切 同川味臘腸薄切
臘腸係職員特別推介
自家製之餘 仲有四川的味道
臘肉切到好薄 隱隱透光 所以唔會好鹹 亦唔會一口油好肥膩 臘鴨嘅鹹味亦都啱啱好
重點係個飯 唔會太乾硬 又唔會太濕爛
呢度嘅飯煮得近乎完美
飯粒油潤有光澤 煙韌飽滿 粒粒分明
仲食到淡淡嘅煙燻味 頭抽香同少少豬油香
煲仔飯又點少得飯焦
差唔多食曬嘅時候
職員會過黎幫你準備
再加啲頭抽撈混 令飯焦再香啲
煲底脆卜卜嘅飯焦同剛才嘅軟糯嘅米飯形成強烈對比
呢度嘅飯焦非常出色 十分香脆 食唔停口
絕對唔係燶底黑蚊蚊硬掘掘食落苦苦地嗰種

另外職員殷勤嘅態度都值得一讚
茶方面有玄米茶呢個選擇亦都有小驚喜