新肥泉海鮮大排檔

真係好耐好耐好耐都無食過大排檔啦。
我地大概7點上到去，已經有幾枱客人係度食晚飯，老公話通常大排檔係越夜越多人。估唔到入到去環境都算乾淨整齊，地下又唔會濕漉漉無水漬，亦都無油無垃圾。仲有坐得舒服，我以為係要坐圓凳，原來唔係㗎，地方仲好闊落。

肥泉小炒王
老公話每個大排檔嘅小炒皇都有佢地獨特之處，所以一定要試下！呢檔好特別，啲材料仲多過啲韮皇😂呢個小炒王，入面除左有固定嘅韮皇，腰果，蝦干魚仔魷魚之外。仲加左叉燒絲同蝦仁！令到小炒王嘅口感更加豐富，好好味夠特別！

菠蘿拔絲咕嚕肉
講到會拔絲就更係要試下啦！我諗應該加左麥芽塘，所以有拉絲嘅效果。最欣賞嘅係，咕嚕肉唔會炸到好乾好油好柴。入口外面薄脆唔會成口粉，啲肉仲好juicy:like:

椒鹽鮮魷
哇！一上枱熱辣辣，即炸即食真係好熱氣，但好好食！食入口啲魷魚一啲都唔un㗎。而且個粉漿唔會厚，都係薄薄一層又脆口。加上喼汁食仲好味😋😋😋

豬膶啫啫新鮮雞煲
大排檔一定要食一個呢啲煲先滿足，一上枱滋滋聲好爽😄餐廳仲講明用新鮮雞，食入口啲肉真係好滑，就算雞胸都唔難口。。。豬膶唔會有一陣味，個人好怕食豬潤有奇怪味，呢間處理得好好，好食！調味亦唔會過咸，剛好！

呢度仲有玻璃樽汽水㗎，不過老公就中意飲啤酒，我就飲玻璃樽嘅蜜桃茶，因為市面上我無見過，好特別。。

今晚呢餐呢個環境我都好滿意，下次可以再過嚟食。想試下其他唔同嘅小炒😎😎
服務
內用
餐點類型
晚餐

真係好鍾意食大排檔🥰
小炒海鮮都好夠獲氣，又大大碟👍🏻
今次想講吓最近試過呢間，真心樣樣好好食🤤
獲氣夠、份量夠、超級惹味🥰 …

唔講唔知原來佐敦寶靈街既官涌市政大廈即係街市2樓，有間大排檔小炒！

真係上次朋友介紹話呢度既小炒好有鑊氣先知專登黎呢度食！由寶靈街入去，去到街市到有餐廳指示牌指引餐廳位置～ 地方雖然係街市入面，但呢度既小炒真係好出色！ 堂內都好多食客～ 仲有電視機可以睇，咁岩係賽馬既日子～見到一班人係度睇馬！ 吹水，真係好有昔日大排檔既味道～

然而呢度既鑊氣真係十足十！ 我叫左豉椒炒蜆😍
呢碟豉椒炒蜆係我近來食過最出色既炒蜆！
一黎鑊氣十足，就連蜆肉都好大粒，又冇砂～仲要好入味🤤 份量都好多～ 真係好好食🥰🥰

之後叫左椒鹽鮮魷，呢道菜都好出色～好大碟！
每塊魷魚都炸到好酥脆！ 又唔油膩～👍🏻👍🏻😋

仲有呢個魚香茄子煲！ 上菜果陣聽到咋咋聲！
熱辣辣～天氣冬既時間好適合食～唔會好快變冷！ 而且味道都係我鍾意既煮法！ 好岩餸飯～😋

最後叫埋個西蘭花炒象拔片，都係好大份量，由於我地係兩個人食，真係會多到食唔晒！😂
所以好適合同多啲朋友一齊黎食～ 真係幾抵食～！ 係一間幾出色既夠鑊氣大排檔！ 👍🏻
服務
內用
餐點類型
晚餐

官涌熟食中心出名多好野食，有人氣米線又有地道大排檔。今次就同朋友飲下啤酒，食吓小菜🍻

嚟到大排檔有幾款香口炸物都必點，包括避風塘軟殼蟹同椒鹽魷魚。差唔多台台都有叫椒鹽魷魚，我地就決定要個黃金魷魚。

兩款小炒熱辣辣炸起，送啤酒一流。避風塘軟殼蟹好大碟，每一件外裏乾身香口，非常厚肉，入邊仲保留住有好多蟹汁，有啲仲有蟹膏。既惹味又肥美，推介👍🏻👍🏻至於黃金魷魚個粉漿厚度適中，入口酥化，充滿鹹蛋黃香味，又一推介👍🏻👍🏻

另外，唔少得叫番個火鍋，一路滾住半隻麻辣雞鍋，烚下油麥菜，非常有風味。麻辣雞鍋好足料，有半隻雞仲有好多配料，幾抵食😆 最後叫多個特色小菜菠蘿拔絲咕嚕肉，可惜，唔知大廚唔記得走油定唔記得咗做拔絲，啲肉軟林林有點失望，有待改善🙌🏻

總括嚟講，呢度地點方便，有特色小炒，有鑊氣，三五知己飲下啤酒食吓小菜最好不過👍🏻
服務
內用
餐點類型
晚餐

大排檔可能不是最舒適的用餐場所，但我的很多外籍朋友都沉迷於它，因為它體現了香港精神。昨天我們順道去了佐敦，在新肥泉大牌坊吃了晚飯。

炸鴿子配上美味的蝦片。保留了乳鴿天然的野味，不用沾任何淮鹽就足夠了。翼尖非常脆。

涼瓜炒蛋 苦瓜炒蛋，份量很大。脆脆而濃郁的苦瓜。豐富的奶油雞蛋。

豆豉鯪魚油麥菜豆豉鯪魚油麥菜的份量比雞蛋要少。柔軟的蔬菜搭配美味的鯪魚。

不確定他們是否安裝了新空調或什麼，因為我讀到很多評論抱怨環境炎熱。我們參觀當天空調和通風都很好。
服務
內用
餐點類型
晚餐
餐點：4
服務：4
氣氛：4

响香港，而家大排檔越來越少，想試吓昔日風味，唯有上去佐敦寶靈街官涌市政大廈2樓熟食中心。
先來個炒大蜆，上枱够大碟，味道好。($138)。
跟住來個黃金魷魚，真惹味，真好味，外面漿粉薄而脆，內面魷魚軟熟，十分有魷魚鮮味。炸得好，碟底一啲都唔油膩，一贊($138)
椒鹽軟殼蟹，同黃金魷魚一樣，冇得彈，軟殼蟹亦都10分鮮味，再贊。($138)
頭抽乾炒牛河，嘩，真係大碟夾抵食，夠深色，差不多成碟有三份一係牛肉，都係$88。
隔籬枱，上咗一碟型蝦，問吓夥計，原來喺金銀蒜蒸花蝦。跟住照板煮碗，嘩！真係大花蝦，其他地方好少有咁大隻嘅花蝦，新鮮，肉爽，有羔，冇得彈。(盛惠$168)。

當晚重有喜力小姐推介啤酒， $28一支，抵飲，好食。贊👍👍👍
服務
內用
餐點類型
晚餐
特殊餐點
昔日大排檔風光，鑊氣夠，睇住師傅炒餸，炒好即上枱，趁熱食。

有鑊氣大排檔

🌶豉椒炒蜆
大碟🌟炒蜆肉質又新鮮

菠蘿拔絲咕嚕肉
係我暫時食過最好食既大排檔咕嚕肉！

魚香茄子煲 😙正！

西蘭花炒象拔片
傳統中式小炒味道😋！

佐敦做完野，餓到爆，好彩上菜夠快！

干炒牛河
d牛肉多到食唔哂咁制，碟底無油，加上白芝麻，一個字“香”

小炒皇
排檔必食菜色，d魷魚新鮮到呢，重點係小炒皇一定要用細魷魚頭，先夠鮮味，加埋d魚干仔，送到2碗飯

豉油皇鮮鵝腸
份量十足，未見過俾咁大碟，平時2啖食完，今次可以食到爽哂，又脆口

蒸鱔
又係份量十足，目測都成半條魚，d醬又唔太咸，加埋一齊蒸，惹味十足

師傅炒到著哂火，真係忍唔住影張相，係哩排檔先係香港原始風味
服務
內用
餐點類型
晚餐

由細到大，屋企人都成日帶我去街市熟食市場搵食，環境一點都唔會陌生

見朋友介紹，呢日收工就特登過黎試下

個人十分愛吃咕嚕肉，真係每一次都會叫
菠蘿拔絲咕嚕肉
咕嚕肉果然出色，賣相已很不錯，而咕嚕肉外層的脆皮同平時吾同，好薄好酥脆
蜜糖甜酸汁呈拔絲狀, 味道都幾開胃
絕對係我近期食過最好食！

欖菜肉鬆四季豆
好夠鑊氣
炒得乾身又香口，仲有唔少肉鬆 配飯食一流

西蘭花炒鮮魷
大大碟，鮮魷好鮮嫩

可愛bb鴿
下酒良品，不過呢晚炸得過火左少少

小菜同冰凍啤酒絕對係天作之合 非叫不可

地點方便，由尖沙咀行過嚟好近，環境算可以，呢檔有斯文客幫襯，xo醬牛柏葉煲好味，椒鹽九肚魚夠大碟，詳情可在youtube搜尋「幸福男新肥泉大牌檔」
服務
內用
餐點類型
晚餐
餐點：4
服務：3
氣氛：4
無障礙設施
樓下馬路直入電梯可到達

今日同女朋友黎到佐敦
經過熟食中心見到有大排檔就決定上去試下！

環境好地道，就算係街市都乾淨整潔
坐得好舒服！
————————-
黑椒薯仔牛柳粒
牛柳粒同薯仔真係絕配
薯仔軟淋入味，再加上彈牙肉味香濃既牛柳粒
再用黑椒炒香，好惹味
———————-
黃金鮮魷
魷魚好新鮮爽口，再加上咸蛋黃
两個味道好夾
令我食到停唔到
———————-
咕嚕肉
咕嚕肉好考功夫
但店家做得好好
外皮做得酥脆，做到外脆內軟既口感
醬汁酸酸甜甜，好好送飯
————————
乾炒牛河
炒得好有鑊氣，牛肉入味
食得好滋味
———————

唔知點解次次打風天，朋友都會約係呢到食飯
可能另有一番風味

每次黎都會叫菠蘿拔絲咕嚕肉
粉漿厚薄，炸到好香口
咕嚕汁酸酸甜甜，真係好惹味

平時屋企唔會整九肚魚，總係覺得好難清洗
呢啲出街食最好，椒鹽九肚魚
香口惹味 ，九肚魚仲好滑
仲可以配埋喼汁食，送啤酒一流

豉油王炒麵
炒得乾身，唔會好油
而且大大碟，好抵食

XO醬牛柏葉煲
牛柏葉都幾多，入味又爽口
入面仲有唔少洋蔥，青椒

牛肝菌扒時蔬
點都要叫個菜，好多菇，感覺健康

環境一般，但食物非常美味，份量大，價錢平
服務
內用
餐點類型
晚餐

想食大大碟、有鑊氣嘅大排擋海鮮，的確值得一去！邪惡黄金大蝦仁幾好食，外層好有鹹蛋黃香，內層蝦肉好彈口

薑蔥生蠔煲上碟勁香薑蔥味，入面有成8-10隻蠔，蠔肉都幾肥美新鮮，夠惹味！

好耐冇食大排檔啦! 依家依種天氣去就唔怕熱啦
餐牌選擇勁多,海鮮,肉,菜,咩都有,仲有埋打邊爐,羊腩煲,岩哂一班人收工黎食呀👍🏻
1️⃣金銀蒜蒸蟶子皇
當然要食下海鮮啦,蟶子皇果然好大隻,仲有勁多粉絲🤩🤩撈埋豉油,蒜真係正
💰HKD$248

2️⃣黃金九肚魚
黃金即係鹹蛋黃,份量好多,外面好香脆,入面魚肉都幾大舊,好重鹹蛋黃味
💰HKD$128

3️⃣BB鴿
皮脆,雖然係BB鴿,但都幾大舊肉
💰HKD$52

4️⃣黑松露帶子炒飯
好大碟,炒得幾乾身,帶子粒都好多👍🏻👍🏻
💰HKD$98
服務
內用
餐點類型
晚餐

真係好鍾意食大排檔🥰
小炒海鮮都好夠獲氣，又大大碟👍🏻
今次想講吓最近試過呢間，真心樣樣好好食🤤
獲氣夠、份量夠、超級惹味🥰

✨金銀蒜蒸蟶子
超級大隻蟶子！用隻手對比就有圖有真相😆
蟶子好新鮮、彈牙🤩
吸晒蒜香，再加上粉絲吸晒精華
好好味👍🏻必點

✨椒鹽鮑魚
第一次食呢個食法👍🏻好有驚喜
估唔到鮑魚咁整係好香口、好惹味👍🏻
外脆內軟，外層有椒鹽炸蒜香味，真心推薦🤩

✨豉椒炒大蜆
一上枱就聞到香濃嘅豉椒味
蜆都算幾大隻，份量都好多，4人食夠有餘👍🏻
大蜆沾滿豉椒汁，忍唔住一隻接一隻🤩

✨椒鹽鮮魷
超多份量🥹
件件鮮魷都炸得超級酥脆，就咁食都夠椒鹽味，夾埋炸蒜超惹味👍🏻又係食到停唔到口嘅一道菜

✨黑醋骨
又係好多入份量，調味酸甜味剛好
十分開胃，下飯一流

✨啫啫芥蘭煲
芥蘭靚，唔老，炒得好香
服務
內用
餐點類型
晚餐

小菜款式選擇夠多
食物可以 份量好足 夠晒鑊氣
環境可以 位置喺街市熟食中心裏面
但都好乾淨企理 座位闊落
服務唔錯 價錢合理都幾抵食

七味豆腐粒 $88
香炸薯粉豆腐，外脆內嫩滑，非常惹味，小心燙口，必點

椒鹽炸鮮魷 $128
香脆可口，魷魚🦑彈牙嫩滑，好入味又唔油，邪惡必叫

.
📍新肥泉海鮮大排檔
📍香港佐敦寶靈街17號官涌市政大廈2樓熟食中心

芝士焗花蝦伊麵(228hkd)
蝦🦐有6隻左右，都幾大隻，麵嘅份量係2人份，伊麵有焗過，所以芝士比較厚重同濃郁，成個口都充斥着芝士嘅咸香，好邪惡👀

黑椒牛仔骨(118hkd)
目測都有成6、7塊，仲要大大塊啖啖肉，有一半都係成塊肉🐮，完全無骨😍懶人最愛，而且肉完全唔韌，連青紅椒、洋蔥都炒到好惹味

豆腐火腩煲(108hkd)🥇
豆腐同火腩都好夠入味，醬汁唔會太咸，豆腐都好夠嫩滑，肉嘅份量好多，而且肥瘦相間，做到既邪惡又唔會過分油膩😍👍🏻

#foodiblum港式

臨別香港在即 呢排係咁尋找地道香港風味 當然就唔少得最有香港特色嘅大排檔啦🇭🇰

大排檔必須有啤酒 啤酒就必須要有香脆佐酒小食😌 叫咗好多人推介嘅避風塘軟殼蟹 有至少六大件分量十足🦀 炸粉唔會好厚 軟殼蟹炸至酥脆但又唔油膩 加上大量避風塘炸蒜粒非常惹味😋

大盤水煮魚片真係超大盤 四個人應該都食唔晒lol 上菜嘅時候有埋個爐一直熱住🔥用上鯇魚片魚肉嫩滑 仲有啲炸魚件 配上大量芽菜 豆卜 木耳🫢 唔鍾意水煮嘅話都可以揀酸辣🌶

再加返個菜🥬 啫啫芥蘭煲除咗大量芥蘭 仲有大量肉碎 加入蝦醬及魚露調味 消除晒芥蘭嘅苦澀味💚 就咁食可能會有啲鹹 配飯就啱晒～
服務
內用
餐點類型
晚餐

😎食物每碟都大大份，更係一個好地方比大家邊傾計邊食野飲酒🗣個人最鍾意佢地既黃金苦瓜，外層炸得酥脆，咬落啖啖鹹蛋香，食落多汁👏
服務
內用
餐點類型
晚餐

727係姥姥誕，老公為咗慶祝姥姥誕，今年創新意黎食地道大排檔。

黎到大排檔不得不點小炒王，因為有鑊氣既小炒王係大排檔既特色。
坐近廚房時聽到佢既火喉「轟轟」聲已經令人食慾大增😋
大大碟，材料好多，拆解後包括魷魚乾，但一啲都唔乾！好彈牙帶咸香。
咸肉惹味咸肉香。
小魚干好脆。
菜脯好爽脆。
韮菜嫩又爽，有獨特既味道。
芽菜爽。
蝦肉鮮香。
腰果脆。
再將佢地撈返埋一齊食，嘩，百種滋味交集，正！

姥姥誕就點個鮑魚雞煲賀一賀佢 🎉
原隻鮑魚，起碼有4隻，隻隻都有約5、6cm長，調味非常好，一啲都唔靭！
好足料，加埋秀珍菇、紫洋蔥、芫茜、雞髀菇，整個雞煲好豐富！
醬汁濃厚封住既雞肉嫩滑、帶點芫茜香和醬油調味既雞肉好好味呀🥰
連粒蒜頭都炆得好香「林」甜😘所以配料都不能錯過😁

銀芽肉絲炒麵
聽到「叮」🔔一聲就知可以上枱勒！
正呀，熱辣辣、卜卜脆，麵上舖滿嫩滑豬肉絲、嫩韮王、爽銀芽、滑東菇絲，好多食材👍🏻
炒麵超脆，仲有麵香🥰
配埋舖面既食材和芡汁，令口感層次增加。

雪花啤酒
點埋啤冰凍啤酒飲，食住熱辣辣既小菜，好地道、好香港呀～

2022-12-26

同朋友去佐敦食大排檔☺️
勁耐無食過大排檔🍖
朋友帶咗我去官涌街市熟食中心😍
去咗間新肥泉海鮮大排檔😊
朋友話依間小炒好有鑊氣💨
環境同細個同屋企人一樣🤩
有種好熟悉嘅感覺😊
店員招呼我哋坐張細圓枱🟤

我哋點了，菠蘿拔絲咕嚕肉，98蚊碟，份量都幾多，咕嚕肉粉漿做得唔錯，唔會太硬同太厚，咕嚕肉炸好脆口，完全食唔到淋，食到豬肉肥瘦均勻，醬汁甜酸度適中，酸酸甜甜好好食😋

黃金魷魚，128蚊碟，份量超多，每嚿魷魚都大大件，即叫即炸嘅酥炸魷魚，熱辣辣出哂煙，炸得好香脆，魷魚彈牙帶有咸香，食到有咸蛋嘅喊香味，令魷魚更好食😋

酥炸廣島蠔，138蚊碟，有六隻廣島蠔，每件都炸到金黃色，食落無炸到油淰淰，做到真正嘅酥脆，如果配埋醬汁就無得彈😊

芥末炒牛柳粒，118蚊碟，份量好多，每粒牛柳粒都食到濃郁芥末味，肉質嫰口入味，好有鑊氣嘅小菜😋

整體環境好熱鬧好有氣氛☺️
服務都幾好，上菜好快☺️
食物份量多，好有鑊氣，經過會再幫襯同朋友食飯😊

#新肥泉海鮮大排檔
#菠蘿拔絲咕嚕肉
#黃金魷魚
#酥炸廣島蠔
#芥末炒牛柳粒

佐敦鑊氣小炒大排檔🔥

位於佐敦官涌市政大廈熟食中心嘅新肥泉海鮮大排檔，菜式有好多選擇，碟碟小炒都好夠鑊氣😍，適合一班朋友來聚會，或帶屋企人來試試😊

🔸黑椒薯仔牛柳粒🐄 $128
牛柳粒好淋呀，黑椒味好香口，真係好有鑊氣。

🔸黃金魷魚🦑 $138
呢碟魷魚幾正，幾鮮甜，外層炸漿厚薄適中，係鹹蛋黃味。

🔸菠蘿拔絲咕嚕肉🐖 $98
咕嚕肉差不多啖啖肉，酸酸甜甜好好食。

🔸椒鹽軟殼蟹🦀 $138
有好多隻好大隻既軟殼蟹，非常惹味好味呀。
服務
內用
餐點類型
晚餐

隱藏的寶石，當地食物，分量很大。