珍一料理
營業時間
| 星期二 | 11:30–22:00 |
| 星期三 | 11:30–22:00 |
| 星期四 | 11:30–22:00 |
| 星期五 | 11:30–22:00 |
| 星期六 | 11:30–22:00 |
| 星期日 | 11:30–22:00 |
| 星期一 | 11:30–22:00 |
珍一料理 的菜單價錢、相片和推薦菜色
夏天就想食涼拌，但食生冷嘢一定要揀間乾淨嘅。喺附近做嘢嘅朋友仔話珍一做得唔錯，路過就買返去比屋企人食下。
店面細細但幾乾淨企理。
有分辣同唔辣兩排各有成十款涼拌有多可以揀。
見佢每盆唔會太大，不停喺度fill, 感覺新鮮D。
揀兩盒精品套餐，一個東坡肉飯俾老公，我就食椒麻雞飯，見佢可以半價（加$22）就有三款涼拌，我就揀咗一盒辣嘅川麻料理三拼俾老公：
辣拌牛柏葉、秘鹵豬爽肉、爽脆豬耳絲
另外揀咗盒唔辣嘅俾自己：
雞腎、牛腱、豬耳
佢涼拌三拼份量有好多，我哋一次食唔晒成盒，仲可以留第二日食。好抵食！
有正嘢要介紹俾大家，尤其係鍾意食辣野嘅人🥰，喺佐敦發現左間冷盤小食，麻辣料理小食🤤，有套餐，有粉麵，選擇配搭都幾多，所以買咗啲諗住夜晚睇波食⚽️，但係點知波都未睇已經食晒😝
🔻東坡肉飯$40🔻大大件，千層嘅肥豬肉😍，肥肉相間，顏色吸引🤩，未食都已經覺得好正🤣。唔好睇佢好似得個幾粒，食落就非常之滿足☺️，東坡肉入口唔肥膩，而且油香味好夠，食落軟綿👍🏻，真係肥肉都可以好正😍
🔻椒麻手撕雞$68(半隻)🔻雖然半隻，但係都好多肉😋，撕咗大部份嘅肉出嚟，有個就連骨👍🏻，一兜就可以滿足唔同喜好嘅人，我自己就鍾意啖啖肉🤤，最正就係佢試出嚟嘅唔係一絲絲嗰種，係真係大大件起肉出嚟嗰種手撕👍🏻，味道方面唔算辣，但係椒麻味就好香，食之前撈埋佢比嘅麻油，真係good！
🔻川麻料理三拼 $55🔻麻辣3拼就揀左爽脆豬耳絲，香麻牛蹄筋同辣伴牛柏葉。牛柏葉真係好正，切得幼身，而且掛滿晒麻辣汁🌶，食落又爽脆又辣，真係流晒口水，另外牛蹄筋都幾得意😎，可能平時比較少食，食落煙韌口感一流，原來唔係淋先好食👍🏻
🔻五香料理三拼 $50🔻依款就啱的唔食辣既👍🏻，咸香味牛筋凍，雞腎，五香牛肉，除左五香味仲有麻油味😋，嗅覺非常滿足😝，五香牛肉食落好鬆軟，有口感，配埋脆豆食一流👍🏻
依餐真係好滿足，睇返張傳單，原來係香港自設中央廚房，每日新鮮調拌👍🏻，感覺幾好，絕對有回頭😝
放工行過佐敦新店”珍一料理”， 衝入去睇完即外賣， 各式冷盤小食，超吸引超多選擇呀!
1. 椒麻手撕雞 – 麻辣足，雞肉質素嫰滑， 誘惑不可擋。
2. 東坡肉飯套餐食 – 邪惡三層肉，原汁原味，入口不膩， 配上大大碗白飯，肯定飽肚。
3. 五香料理三拼 – 牛筋凍，牛腱，雞腎。
4. 川麻料理三拼 – 辣鹵金錢肚 ，香麻牛蹄筋，辣拌牛柏葉。
每盒外賣都加上少許花生，黃豆特式小品，惹味脆口。價錢唔貴食物種類又多， 喜歡方便和重口味嘅你一定愛上。
出開佐敦行街，接到家人電話叫我買料加餸，係裕華國貨附近就見到間賣涼拌小食既外賣店，款式選擇都幾多，仲可以跟據自己口味揀五香/麻辣/或者加辣😃
五香料理三拼 $50
揀咗牛筋凍、牛腱、五香牛肉，五香味足，鹵得又夠入味，唔錯
麻辣料理三拼 $55
揀咗辣鹵金錢肚、香麻牛蹄筋、辣拌牛柏葉，食落都唔算好辣，食得辣既朋友可以要求加辣，當中牛蹄筋最好味，嫩中帶嚼勁
椒麻手撕雞 $68
手撕雞份量都幾足料，雞皮好爽脆，肉質比較實，加埋椒麻汁拌勻，麻香味足
東坡肉飯 $40
半肥瘦既東坡肉，色澤紅潤，入口肥而不膩，瘦肉軟嫩入味，配上白飯食，令人回味無窮
懶人料理：滋味加餸首選🥢
.
呀媽今日日頭唔得閒，佢嚟搵我放工再買嘢食返屋企。喺佐敦搭小巴行經一間外賣店「珍一料理」，見到個櫃一格格，本身以為係賣兩餸飯，點知原來係賣近嚟大熱嘅川式涼拌滷味小食🔥。
.
諗緊食乜嘅期間，勁多人入嚟買，有唔少人就咁買一盒飯🥡，因為精品套餐價錢都係四十蚊左右，性價比高之選。
.
店員好好人，主動介紹菜式。食物櫃擺放整齊👍，前後兩行分別擺放咗各款川麻料理(三併$55)以及五香料理(三拼$50)。小食種類繁多，如果特別鍾意某款，可選擇單點。不過個人認為三併抵食啲！
.
川麻料理：麻辣豬耳肚條、辣拌牛柏葉以及脫骨香豬肘，🌶麻辣味老少咸宜，椒麻香突出，辣度較輕，適合鍾意食辣，但又唔食得好辣嘅人，即係我。如果嗜辣者，可要求加辣。呢盒好正，三樣小食都好好食。豬肚條同牛柏葉口感同樣爽彈，兼且索味一流，前者就稍為再煙韌啲。佢哋每嚿都大小適中，食用方便。🐷豬肘肉好似即係無骨嘅豬手肉，豬蹄肉連皮食，好有滿足感。
.
五香料理：豬耳、雞腎以及牛腱，五香味走辣，香料味反而更覺突出🌿，唔會得個鹹字，不過如果有辣味就始終再惹味啲。雞腎同牛腱無論味道定造型都有啲似，但望真啲都分辨到嘅，佢哋主要共通點係大啖肉🤤，食落有口感，不過並唔硬。我自己就唔太鍾意食豬耳，但佢都夠爽脆嘅。除咗自選三併食材外，每盒仲附有青瓜絲、炒黃豆同埋花生粒，炒黃豆真係不得了，脆到一個點，令人食上癮。
.
椒麻手撕雞($68/半隻)，呀媽對手撕雞讚不絕口，而我亦覺得唔錯。🐔佢拆得好乾淨，骨肉分離，每人可以食自己鍾意嘅部份。手撕雞用一個圓兜裝，夾夾埋埋絕對足半隻，雞肉幾滑，底部見到有好多花椒粒，所以食起上嚟好香椒麻味，相當過癮。估唔到啲雞入面有埋雞冠😳，第一次食，感覺好得意，質感Q彈，無怪味。
.
東坡肉飯($40)，買埋盒飯，米都唔使洗😂。啲飯堅多，你諗吓個圓兜嘅真徑有幾長。東坡肉有五大粒，肥肥嘅比例唔算好多，食落好軟稔，亦無油膩到呑唔落。伴旁嘅豆皮結幾有𡁻口，廣東菜比較少食。
.
總括嚟講，呢種懶人料理絕對係加餸首選，唔想自己煮或者諗唔到煮乜，真係可以考慮吓佢🙆♀️。食完知道佢份量咁多之後，更覺抵食啊。上面講過好好食嘅黃豆有得一包包咁買，呀媽已經叮囑我下次經過記得買包返嚟，哈哈😆。
同老公去佐敦裕華國貨買嘢，之後行咗去白加士街街揾嘢食，見到有間外賣店珍一料理，店前玻璃櫃內擺放很多不同款式的涼伴小食，小食有麻辣味亦有唔辣嘅五香味，睇落都好吸引，而且價錢唔貴，老公話買啲返屋企食，可以送啤酒兼睇奧運。椒麻手撕雞半隻：椒麻雞是川菜代表菜之一，將半隻雞手撕出雞肉，加自製椒麻汁拌勻，吃起來無骨無渣，清香味十足，口感非常好，麻香味足。小食三拼類：香麻牛蹄筋：麻辣鮮香，軟糯可口。麻辣豬肚條：咸鲜香辣，软嫩爽脆，秘鹵豬爽肉：口感爽脆有彈性，肉味濃郁。
三拼五香理料：牛筋凍：啫喱口感，含有很多的膠原蛋白。五香牛肉：香味濃郁，肉質鮮嫩。雞腎：口感爽脆，芬香惹味。東坡肉飯：東坡肉以五花肉加上醬油、冰糖、紹酒等調料慢火紅燒而成。半肥半瘦的五花肉，肥肉入口即化，香而不膩，瘦肉軟嫩入味，一夾就斷，三層次口感令人回味無窮 。醬汁配搭百頁結和飯也很美味！
–
🔸東坡肉飯 $40
🔸五香料理三拼 $50
🔸川麻料理三拼 $55
🔸椒麻手撕雞半隻 $68
–
夏天熱辣辣係唔會想食啲飯啊湯麵類嘅嘢，所以琴晚收工就買咗依間嘅外賣返屋企食，有好多款嘅涼拌小食，勁啱夏天食啊！
東坡肉顏色超吸引，咬落豐富嘅膠質，意外地唔會覺得好肥膩，而且超入味，正！叫咗個飯之餘，再叫埋一堆小食，三拼小食嘅價錢都唔貴，就可以食到充滿川味嘅麻辣風味，涼拌牛𦟌、豬肚、雞腎、牛柏葉都好好味，仲有第一次食嘅牛筋凍，好似啫喱口感好新奇呢！
佐敦開了間外賣店。我嗌左椒麻手撕雞，麻味好香，雞味重，雞肉好嫩，整份好大份，而且有整隻雞啲量，真係好抵買。老公最愛東坡肉，就嗌份東坡肉套餐，東坡肉好入味，燜得好軟，飯啲分量都足。順便買些小食配啤酒。有五香料理三拼：牛筋凍，牛腱，雞腎。牛筋凍似果凍，滿滿啲骨膠原。牛腱好大塊，牛肉味重，好靚。五香味真是好香好入味。川麻料理三拼：香麻牛蹄筋，辣拌勳蹄，辣鹵金錢肚。辣的食物好正，又辣又麻，好餸飯。食得好滿足啊！
今日去佐敦揾朋友經過珍一料理，朋友話幫櫬過荃灣珍一幾好食，原來有幾間分店！而我就被玻璃窗入面一盤盤嘅涼伴吸引左，疫情下見到咁乾淨企理嘅食物更加放心。炎炎夏日偶爾食下麻香又可以衝擊下味蕾。想講佢地嘅外賣盒好揼本好靚！
🖤椒麻手撕雞半隻$68
手撕雞雞肉每啖都有椒麻味但又唔會辣，唔會搶左雞肉味，可以自行沾上附送的醬汁
🖤 五香料理三拼類 $50(五香牛肉/豬耳/雞腎)
🖤川麻三拼類 $55(秘鹵豬爽肉/香麻牛蹄筋/辣鹵金錢肚) 個人喜歡川麻多過五香因為更好送飯，川麻唔會一味得個辣而係好香口！全部肉都好入味，本身我唔太食得辣所以唔使加辣都可以 ☺️
🖤東坡肉飯$40
飯同餸係分隔左非常貼心，飯量不少，東坡肉有滷汁的香又唔會肥，好岩送飯, 好開心發現左依間正野！以後放工買晚飯可以多個選擇
夏天的涼拌小吃
大熱天時有時真係唔想再食d熱的野😁經過珍一有超多款的涼拌岩晒買回家當晚餐
😚🌶️最鐘意係麻辣三拼~麻辣牛肚絲、脱骨香豬肘同豬爽肉都幾好味唔算太辣🤪下次可以試埋豬耳絲應該唔錯
另外買左半隻麻香手c雞😁成大盒滿滿的😁唔駛食飯淨食送都飽
另附麻香汁，若鐘意重味d的可以再蘸😁
價錢唔算貴買左3大盒都係百幾蚊~
#hea在佐敦
🥡涼拌小食🥡
推介指數 ❤️❤️❤️❤️🤍
焫焫焫焫著～無咩胃口唔知食咩好？食涼拌小食都唔錯！路經佐敦新開小店有唔少涼拌小食、仲有麻辣口味刺激味蕾，做外賣仔返屋企嘆冷氣睇電視同煲劇，人生一大樂事🥳🥳
位於佐敦白加士街，由佐敦道向旺角方向行2分鐘就到達，門口粉綠同白色燈光充足。除咗menu同推介大相，仲可以display櫃睇完再決定。
Menu有五香料理、川麻料理、王牌料理、精品套餐同涼伴套餐。想食多幾樣，1個原味1個川麻、1個手撕雞加多個飯，涼拌菜仲有3拼又可以食多2樣菜式。
🌀五香料理三拼HKD55
✨A1牛筋凍+A2牛腱+A5雞腎
✨食落五香入味，鹹度適中，熟成度剛好又唔鞋。
🌀川麻料理三拼HKD55
✨E7辣鹵金錢肚+E8香麻牛蹄筋+E9辣拌牛柏葉
✨聞落麻香，食落感覺似BB辣，食得辣嘅可點單時加辣。同樣熟成度剛好，唔韌又唔過腍。
🌀王牌料理
✨椒麻手撕雞HKD68(半隻)
✨大大碗好重，份量十足，帶雞味且啖啖肉，抵食～
🌀精品套餐HKD40
✨B4東坡肉飯
✨望落色澤紅亮，瘦肉瘦不柴，甜而不膩。
🍚購買任何產品+HKD5白飯一盒，如果買涼拌時想加個飯都可以選擇呀。
五香同川麻涼拌面層同樣有花生同芫茜碎，底層配上青瓜，感覺豐富。
.
·
·
🏠 #珍一料理 (白加士街) (佐敦)
📍佐敦白加士街68-70號地下F號舖
.
·
·
#heaeatwalk #hea食外賣 #hea食中菜
.
#食在佐敦 #佐敦美食 #食好西 #電話食先 #手機食先
.
#foodie #foodiehkig #foodiehk #hkfoodie #hkfoodlover #hkfood
#instafood #foodiegram #foodstagram
#foodoftheday #dailyfoodfeed #foodpics #foodsnap #foodporn #cuisinefood #foodpics
#yummy #食べログ #먹스타그램🍴
放工時間經過見到門口好多人幫襯 過去睇吓原來係一間專賣涼拌小食嘅外賣店 而且有勁多款式 所以我哋決定一試😋
佢哋有超多款食物選擇 口味就分左川麻同五香🤤 我地就2隻口味試哂 3拼都係$50-55 岩哂我呢d心大心細 樣樣都想試吓既人👅 我地2款口味都揀左3拼🤣 川麻料理揀左秘鹵豬爽肉 脫骨香豬肘同埋辣拌牛柏葉 味道超正好入味 麻同辣既程度適中 特別係牛柏葉 好好送飯😋
五香口味就唔麻既 我哋就揀左牛筋凍 牛腱同豬耳👅 牛筋凍我係第一次試 比想像中好味 好似啫喱又好入味👍🏻 不過我最鍾意都係豬耳🤤
另外 我哋仲試左半隻佢地既王牌椒麻手絲雞同東坡肉飯😜 椒麻手絲雞醬汁係另上既 無骨食起上泥好方便✌🏻 好惹味少麻 斷好食😋 而東坡肉飯就好有驚喜啦 因為舊東坡肉真係入口溶化咁正😍 半肥瘦 個汁調味岩岩好 非常出色👍🏻 值得一提既係佢哋花生配料都好好食 香脆又帶甜味 幾有心思架🌟
⭐️ 珍一料理 (佐敦) ⭐️
小妹又介紹d外賣好店，依間鋪頭係佐敦，主打涼拌野食，小妹食過都幾好味😎
⭐️東坡肉飯 $40⭐️
小妹覺得東坡肉飯好香，份量充足，肥瘦適中，送飯一流😋
⭐️五香料理 $55@3⭐️
小妹揀左牛筋凍、五香牛肉同雞腎。牛筋凍好似啫喱甘，口感好特別；五香九肉切得好薄，牛肉味濃；雞翼好有口感。佢地涼拌之後有醋香、五香味，食落又有少少既酸味，夏天食好正😝
⭐️川麻料理 $55@3⭐️
小妹係麻辣果度就揀左豬肚條、豬肘同牛柏葉。豬肘肉質好滑，牛柏葉爽脆，豬肚條煙韌，好欣賞佢個麻辣汁，又麻又香，正😋
⭐️椒麻手撕雞 $68⭐️
雞好香，雞肉香滑紥實，雞皮都好爽脆，整體好入味😋
🕋環境指數：/
😋美味指數：8/10
-好味
👩🏻🌾服務指數：8/10
-職員都幾有禮貌
🤑抵食指數：8/10
-抵吾貴
🙋🏻♀️推介指數：8/10
-夏天食岩哂😌
📍地址：佐敦白加士街68-70號地下F號舖
——hkfoodiecooking ——
早排試過西灣河既珍一料理，今日係佐敦見到呢間珍一料理分店不如又食返餐外賣。呢度門面同樣乾淨企理，明顯新裝。
餐牌有五香料理，川麻料理，王牌料理，素食，特式小品，飲品，亦有套餐。
五香料理，川麻料理，同王牌料理共有20款左右選擇。
外賣等左幾分鐘就有得攞，包裝盒係好厚身嘅紙，好落本。
包裝盒好實，要用力開所以唔怕漏汁。
川麻料理三拼 (麻辣豬肚條，秘鹵豬爽肉，辣鹵金錢肚) $55
川麻料理三拼可以11揀3，仲可以要加辣！我揀左麻辣豬肚條，秘鹵豬爽肉，同辣鹵金錢肚，係正常辣，同埋係凍嘅，份量唔少。秘鹵豬爽肉好得意，原來係稔稔哋，好似肥膏。另外麻辣豬肚條同辣鹵金錢肚都係爽爽哋。下面墊左青瓜絲，上面灑上兩款脆口花生粒，白芝麻粒同香茜。其實我最鍾意啲香脆花生粒，仲特登揀黎食。辣度方面我覺得唔算太辣，又唔麻，幾符合港人口味，送白飯或者青菜食都幾配。
五香料理三拼 (牛筋凍，豬耳，雞腎) $50
五香料理三拼就8揀3，亦可以要求麻辣或者加辣。我揀左牛筋凍，豬耳，同雞腎，都係凍嘅，份量唔少。我第一次食牛筋凍，好爽脆，好似厚身啲嘅海哲。雞腎同豬耳都正常。下底同樣墊左爽脆青瓜絲，上面同樣灑上兩款脆口花生粒，白芝麻粒同香茜。
椒麻手撕雞半隻 $68
呢個椒麻手撕雞係王牌料理之一，可以要一隻，就$128。半隻既分量都一大碗，仲連骨連皮，雞肉撕開左都仲係好大塊。上面又係例牌灑上兩款脆口花生粒，白芝麻粒同香茜。原來雞肉食落味道唔太椒又唔太麻，算可以既，唔係平時食既手撕雞味道，質地就係手撕雞嘅質地咁要咬吓。
東坡肉飯 $40
上次試過紅燒豬手飯覺得好唔錯，今次試試東坡肉飯。餸同飯分開左兩層，飯量好多。東坡肉有四大件，果然係超肥得少少肉食。食落皮好有膠質同彈性，而肥膏入口即溶，肉都算稔。味道方面就醃得好好，好入味。伴碟有三件豆腐結，正常。
店員又話比我地知香港黃竹坑有新店自設中央厨房，食物係新鮮調拌。
📍佐敦|珍一料理
🍽🍽🍽🍽🍽🍽🍽🍽🍽🍽🍽🍽
川麻自選拼盤 $55
五香自選拼盤 $50
東坡肉飯 $40
手撕雞半隻 $68
🍽🍽🍽🍽🍽🍽🍽🍽🍽🍽🍽🍽
鋪頭有川麻同五香兩種涷盤料理，鐘意麻辣香嘅可以食前者，唔係太食到辣嘅食就可以食後者
🔼川麻自選拼盤叫咗豬肘、豬爽肉、牛啼筋，共通點每樣都夠涷好爽口，咬落口喀喀聲，好好咬口。而川麻味確實香麻辣，椒味重，好開胃
🔼五香自選拼盤叫咗牛筋涷，牛鍵，雞腎。牛筋涷滑嫩入口好似jelly咁，滿滿膠原蛋白。
老闆話如果想食五香又想食辣，可以話佢地知，佢地可以on top 加辣上去😝
🔼 東坡肉飯嘅東坡肉好肥美，入口即化，而且東坡肉嘅精華撈飯食真係無得彈
🔼手撕雞食前可以撈佢附送醬汁，特別提鮮，肉質方面啖啖肉，而且雞肉屬於白肉，食多啲都唔邪惡
✨✨✨✨✨✨✨✨✨✨✨
珍一料理 (白加士街) (佐敦)
佐敦白加士街68-70號地下F號舖
痴線見到店員踢另外一個店員
#川菜推介 #涼拌小食 #送飯一流
天氣悶熱，攪到冇乜胃口食野，經過佐敦有間新開的「珍一料理」超多涼拌小食選擇，心思思買番屋企加餸✌🏻。
椒麻手撕雞🐤$68
比傳統手撕雞更具有香麻的風味，吃起來無骨無渣，清香味十足，口感非常好👍🏻。
東坡肉飯套餐$40
看似超邪惡的東坡肉，一半肥肉一半瘦肉 ，比例啱啱好，口感肥而不膩， 送飯真係超正❤️。
五香料理三拼$50
三拼我選了牛筋凍、豬耳、雞腎，五香味道濃厚，香味濃郁，好開胃。牛筋凍爽口彈牙，充滿著骨膠原🥰。 豬耳口感又韌又脆，味道鮮香不膩，亦有豐富膠質✌🏻。雞腎入味兼爽口，絕對是涼拌小菜必食之選。
川麻料理三拼$55
呢個都係買左三拼，選了牛蹄筋、金錢肚和脫骨香豬肘，麻香味十足，整得非常惹味🤤，送飯一流。牛蹄筋好爽口，金錢肚有嚼勁，脫骨香豬肘大大片，整得最入味，吸收晒麻香汁，十分美味😋。
全部價錢唔貴，又多選擇，下次再買黎加餸先☺️。
珍一料理 (白加士街)
📍佐敦白加士街68-70號地下F號舖
#珍一料理 #川菜 #手撕雞 #川麻 #開胃小食 #佐敦 #香港美食 #美食情報 #hkfood #foodie #hkfoodie #hkinfluencer #discoverhongkng #visithk #hktravel
#珍一料理嘅食物新鮮調拌
食材有20款😊~
爽彈之選: 豬耳、金錢肚、豬肚條;
素菜之選: 五喜烤麩、腐竹、藕片;
惹味之選: 雞翼尖、五香牛肉、牛腱、牛筋、泡椒鳳爪
話說,blue Monday 唔想煮飯，買咗外賣返去食當晚餐😇
是日清單如下:
椒麻手撕雞(半隻)
份量好大份，完全唔似係半隻雞，好彩叫咗半隻，一隻的話我地兩個人應該會食唔曬，好足料，雞肉好多。依間的手撕雞係好有口感的雞肉感
川麻料理三拼～
秘鹵豬爽肉
香麻牛蹄筋
麻辣豬肚條
一打開就聞到勁香麻香味😍見到好紅 以為好辣，其實都唔係，😁豬爽肉同牛蹄筋好有骨膠原的幸福感🤣豬肚好爽👍🏻如果你得辣的，可以再叫佢加辣。
蜜桃烏龍茶
仲可以沖到兩次😍好清
兩個人真係好飽🤪又超平
勁抵食 又大份✌🏻
現今疫情下大多人都外賣減少堂食，加上夏日炎炎今日我經過佐敦白加士街見到間外賣涼拌正好解決以上2個情況，於是就走去試一試。
店內有個大display櫃可看見有不同涼拌選擇有辣有唔辣，而店鋪有寫各涼拌係香港黃竹坑自設中央廠房每日新鮮調伴令大家食得安心。
五香料理（五香牛肉+雞腎+腐竹）：3種配料加上一些醬油好野味，牛肉有口感，雞腎厚厚地有咬口，腐竹新鮮清香。
川麻料理（香麻牛蹄筋+辣拌牛柏葉）：麻辣牛蹄筋同牛柏葉加上特製醬油混非常開胃，牛蹄筋同牛柏葉爽好，用黎送啤酒真係一流。
王牌料理（椒麻手撕雞）：有別於食開既手撕雞唔係用麻辣而係用椒麻醬混合幾新鮮。
東坡肉飯：東坡肉火肥半瘦食落唔油膩而且即融化，極力推介。
珍一料理 Zelicatessen
天氣太熱, 有時呀媽都唔想點煮餸, 偶爾親戚上黎都係出去加個料就算. 今次發現左呢間價錢唔貴而味道惹味嘅加料好地方. 其實佢仲有飯盒如果係附近番工外賣都係幾好選擇
東坡肉·百葉 $50
超級推, 肥瘦層次分明, 雖然見到層肥肉好邪惡咁但食落唔覺有肥肉膩, 反而係入口即化, 而且非常入味 🤤
椒麻雞 $128隻 $68半隻
鐘意四川麻辣嘅香味但又唔太食得辣嘅岩哂. 因為一d都唔辣, 但又有個種香麻味, 上面加左花生芫荽. 大部份肉已手撕開方便食用, 不過略嫌雞肉鞋d
呢度除左皇牌仲主打2個系列, 川麻同五香, 價錢由$35-$48. 川麻就固定辣度, 而五香可選唔辣或大中小辣. 前者選左辣鹵金錢肚、香麻牛蹄筋、辣拌牛柏葉，後者選左牛筋凍、牛腱、五香牛肉
牛筋凍我都係第一次食, 口感有d 似煙韌啫喱, 而牛柏葉同金錢肚就好夠爽口
牛蹄筋同牛腱都幾入味, 香口惹味好下飯. 五香牛肉普通d. 川麻辣度其實唔算好辣, 如果鐘意辣可以要求店員加辣
之前食過一次呢間外賣涼拌小菜店，自此之後就迷上左佢哋嘅美食，加餸或買小菜送酒都好合適。
.
手撕雞先滷過再撕成細條。有好重嘅花椒香味，煮得好入味。肥瘦適中，雞皮都唔會肥膩。而且肉質軟腍，非常易咬。亦冇平時食到嘅手撕雞咁肥膩。呢款質素令人相當有驚喜。👍🏻😆
.
川麻料理同五香料理味道各有特色，而且款式好多，餸飯一流。加入青瓜絲、黃金豆、花生，變得更惹味。特別推薦佢哋嘅麻辣豬耳，入味又爽脆。🥰
任你揀冷盤小食
今日見到珍一料理呢間店，睇一睇個Menu覺得有好多冷盤小食就忍唔住買咗啲返屋企。 呢間野淨係做外賣， 冇堂食嘅。
咁我今次就買咗牛筋凍、牛腱和五香牛肉。 牛筋凍我是第一次聽，感覺好新奇。 食落口嘅口感就係冷盤再加撈左滷水嘅牛筋， 有爽口嘅感覺。 而牛腱和五香牛肉滷水味和香料味都好重， 好過癮！
另外仲買咗辣滷金錢肚、香麻牛蹄筋和牛柏葉。 金錢肚和牛柏葉嘅麻味和辣味超突出，調味和兩種食材都好夾。 相對特別啲就係牛蹄筋，完全未食過呢一種食物，我只係滿足自己好奇心所以買咗嚟試😂😂😂 口感都是爽口的。
最後仲有東坡肉和手撕雞，東坡肉嘅肥瘦分明！口感好豐富而且唔香料嘅味道完全滲透晒落肉質入面。 而手撕雞我揀了椒麻嘅味道， 辣辣的味道刺激你的味蕾，手撕雞嘅肉質都幾滑，配搭上這個醬汁簡直係流晒口水。
今日因為夜晚要去打波的關係，就出左去佐敦搵野食！見到有間專做外賣既川菜好似幾吸引！係咁熱天的時候食啲涼涼地既野再配埋麻麻辣辣的口感，應該感覺會唔錯！
見到個餐牌主要分左三大類型:
🍡五香料理 HK$50
五香料理顧名思義比較著重調味料，同時加入脆豆同花生，口感一流！今次就揀左牛腱，雞腎同五香牛肉！一打開個盒就聞到好重的香料味，五香牛肉片片都好大塊，而且好有牛香味！雞腎就硬硬地好好咬口！
🍡川麻料理 HK$55
每道小菜加上特製的醬汁，同時間滿足麻，香，辣三種口味！今次我就點了爽脆豬耳絲，麻辣豬肚條同埋辣滷金錢肚🤤豬耳絲食落好脆口，麻麻辣辣好開胃，不過食到最後太麻我就頂唔住了！
🍡王牌料理
比較推薦的有手撕雞，紅燒豬手同東坡肉，如果大家想配埋飯，都可以加錢升級做精品套餐架！
而我今次就叫左個椒麻手撕雞 HK$68 及東坡肉飯 HK$40！
手撕雞相對黎講個驚喜無咁高，因為佢既雞肉唔算滑！但係個東坡肉就真係值得讚啦👍🏻咬落口好軟好入味，配埋飯真係一流💯
🔸🔸🔸🔸🔸🔸🔸🔸🔸
🍽 珍一料理
📍 佐敦
💰人均消費: HK$ 80
🔸🔸🔸🔸🔸🔸🔸🔸🔸
#hkfoodie #foodiehk #foodie #hkblogger
#hkfoodblogger #feedfeed #hkfood #hkfoodlover #hkfoodstagram #hkfoodpic #hkfoodblog #hkigfood #hkgirl #hkeat #hkinfluencer
#hkkol #hkrestaurants #香港好去處 #食好西 #香港美食 #食評 #手機食先 #jordon #jordonfood #佐敦 #佐敦美食 #川菜 #涼拌 #珍一料理 #外賣
佐敦朋友仔話佢附近開咗間好味外賣店，叫鍾意食辣嘅我試下，今日就直接買外賣返屋企當晚餐。珍一料理只做外賣，以各樣的川菜為主，包括：川麻料理、五香料理、王牌料理同涼拌系列，舖面有個玻璃櫃展示各款美食。
椒麻手撕雞 $68半隻份量都唔少，手撕雞算滑且入味，少少花椒令入口帶麻，愈食愈惹味，買返屋企加餸最好。
五香料理三拼 $50 我揀咗三款：牛腱肉味香、牛筋凍好QQ、豬耳有咬口，而且五香味重。
川麻料理三拼 $55，自己要咗有脫骨香豬肘、香麻牛蹄筋、辣鹵金錢肚，全部都好有咬口、款款都帶麻香，佐酒一流！
東坡肉飯，東坡肉夠哂肥美，入口就溶，滷水百葉都入味，醬汁味道香甜，令人忍唔住食哂啲飯！
「珍一料理」已有六間分店，在黃竹坑自設中央廚房，每日新鮮調拌，品質絕對有保證，加上款式多蘿蘿，能讓你細細品嚐鮮、麻、脆、香。
望到玻璃櫃內一盆盆整齊的料理，真有點眼花繚亂，五香料理、川麻料理、王牌料理……樣樣都想試。
《麻辣豬頭條、脫骨香豬肘、辣鹵金錢肚》
川麻料理：辣味是普遍香港人能接受的程度，食得辣的朋友可以加辣。除了味道，廚師的刀功也很利害，樣樣都切到薄薄細細長長，更容易入口。
《牛筋凍、牛腱、腐竹》三樣都好好味，牛筋凍爽口彈牙，上面散滿的黃豆粒同樣好食。
《椒麻手撕雞半隻》$68
手撕雞是皇牌之一，啖啖肉，雞肉有頭。
《東坡肉飯》$40
肥美的東坡肉鹵得很入味，一層肥一層瘦，雖然邪惡，但仍是忍不住口要食
/
珍一料理
突然口淡淡想食濃味嘢, 經過見到呢間嘢嘅櫥窗啲嘢好吸引, 望埋menu仲見好平. 佢得外賣, 反正又近屋企, 就買嚟試下啦.
川麻料理三拼 $55
五香料理三拼 $50
香麻牛蹄筋
真係第一次聽呢樣嘢但係望落好多骨膠原, 果斷一試! 食落有d似豬軟骨但係比豬軟骨林. 好得意~
脫骨香豬肘
食豬手可以無骨真係一件好幸福嘅事, 而且仲要咁濃味. 開心~
椒麻手撕雞半隻 $68
手撕雞食得多, 但係椒麻又真係少啲. 我個人幾中意麻, 所以呢個好啱我. 而且分量又多又惹味.
東坡肉飯 $40
女仔可能怕肥唔敢食東坡肉, 但係呢個東坡肉真係傳說中嘅肥而不漏~ 同埋真係好林好入味, 撈飯一流!
除咗佐敦之外仲有好多其他分店, 荃灣, 西灣河甚至乎黃竹坑都有分店. Can try try~
過來佐敦發現呢度新開一間「珍一料理」菜式好多選擇，口味有五香同川麻。菜式太多唔知揀咩好，可以選擇三拼嘢，五香三拼$50，川麻三拼$55。包裝盒好環保美觀，打開份量充足，裝得滿滿啲。五香三拼係牛筋凍、牛腱、牛肉，爽口彈牙，片片都好大件，加埋五香味，小朋友都鍾意。川麻三拼係麻辣豬肚條、爽脆豬耳絲、脫骨香豬肘，麻辣爽脆好開胃好過癮！椒麻手撕雞：肉質鮮嫩，微辣不油膩。東坡肉飯：東坡肉色澤紅潤，醬汁濃稠，肥而不膩，軟而不爛。
佐敦外賣涼拌川菜
最近愛上吃辣，周圍嘗辣( * ॑˘ ॑* ) 個人比較喜歡吃川菜，不會很辣，適合新手。價錢平民，超多款式涼拌，小店只提供外賣～
#東坡肉 飯 $40
精選飯盒大推介，半肥瘦東坡肉好入味，夠腍，食落又唔會覺得有見膩感，甜甜的好好吃😋配合珍珠米一起吃更滋味。飽肚抵食又好味
五香料理三拼 $ 50
三拼抵食，可以試多啲款式，還可以選辣度，今次選了牛腱、雞腎、爽口土豆絲。牛腱薄切不錯
川麻料理三拼$ 55
選了秘滷水金錢肚、豬爽肉和牛蹄筋，全部味濃混在一起分不出味道，麻辣很輕微辣，辣食初學者都可以吃到
#椒麻手撕雞 （半隻）$ 68
這家的手撕雞連骨而且較大件，肉質粗糙，味道一般
ᶘ ᵒᴥᵒᶅ個人口味評分：7/10
食厭咗燒味，今次加餸試下涼拌小菜😋。
.
🥢東坡肉飯$40
出乎意料地好食😯！東坡肉煮得入味，每一塊都索滿甜味嘅醬汁。豬皮經過長時間炆煮後變得軟滑，但瘦肉部份依然軟腍易咬。不過加返兩條菜營養會均衡啲🤭。
.
🥢五香料理三拼$50
牛筋凍➕牛腱➕雞腎
兩款小菜表面都有香脆嘅黃金豆。小菜味道係甜味較重嘅滷水。牛筋爽滑易咬，甚有驚喜😋。
.
🥢川麻料理三拼$55
麻辣豬肚條➕脫骨香豬肘➕辣鹵金錢肚
辣度比想像中低，連怕辣嘅我都覺得唔辣。如果覺得唔夠辣可以免費加辣。三款嚟講豬肘最好食。豬皮保持彈性，底下有一層薄薄嘅脂肪，而瘦肉部份則非常軟腍。
在佐敦白加士街，見到一間新開的外賣店-珍一料理，原來是食川式料理、涼拌、手撕雞。可以當小菜買回家加餸，也有飯盒、涼拌麵等等。
.
在玻璃窗見到有超過20款食物，包括夫妻肺片、豬耳、雞翼尖、五香牛肉、牛腱、泡椒鳳爪；素菜有五喜烤麩、腐竹、藕片等等。望著很吸引，有不少街坊圍觀。
豬耳、金錢肚、豬肚條，爽彈之選，味道不會太濃，恰到好處。辣的食物辣得過癮，夠麻夠香，好正。
腐竹、牛腱、五香牛肉、牛筋凍，食得出有川菜的精髓，夠香夠脆涼，吃食極不膩的那種感覺，很惹味。推介牛筋凍，似啫喱，又食到牛筋的彈牙，滿滿骨膠原。
.
手撕雞超好食的，份量很多，少少麻油帶起雞肉味，我買完之後，很快就沒貨了。不會太肥，雞肉嫩滑。
.
正值夏天，食這種涼涼的小食令人心曠神怡！
見到涼拌麵好抵食，$38包一款肉及一款素菜，清涼美味，加上惹味醬汁，十分開胃呢。
飲盒都不貴，$40左右就有，價錢貼地。推介東坡肉，冰清糯腍。
.
餐廳裝修年輕化，很衛生，餐牌design又好潮流，今次可以放心食川菜了。
天氣熱無乜胃口，屋企附近開左間新派鹵味料理外賣店，見幾吸引幾多選擇就決定今日order黎食！
凍櫃入面幾多鹵味，有麻有辣四川風味濃。
Menu 有五香，川麻同埋一些涼拌小食套餐。
東坡肉飯
東坡肉好邪惡但幾好食😋 呢間既肉色澤幾靚汁同油比列適中唔會話好瘦好柴皮，肥瘦岩岩好咬落腍身入味帶小小咸香，用黎送飯唔錯！
椒麻手斯雞半隻
份量幾足，雞味幾出既肉質幾嫩口帶小小麻辣香，加左青瓜絲同花生及芫茜碎係底層，好食！
五香牛筋凍、牛腱
五香味道有小小似茶葉蛋味，幾香甜又有小小胡麻，牛筋幾爽滑唔會太腍，好食😋用黎餸啤酒也不錯！
辣鹵金錢肚、牛蹄及牛柏葉
老公至愛吃金錢肚辣辣地好香口，牛蹄幾爽三款都好入味，不錯！
放工行過見到呢間主打川滬涼拌小菜嘅外賣店，停低望咗一陣之後覺得幾吸引，決定揀返幾味今晚做晚餐。
涼拌小菜款式選擇豐富，喺展示式嘅凍櫃入面擺放整齊，俾人嘅感覺乾淨企理，非常衛生。
除咗王牌嘅手撕雞、燻蹄、東坡肉同紅燒豬手之外，仲有可以自選配搭嘅五香料理同川麻料理，有葷有素，種類繁多之餘價錢亦吸引。
有選擇困難嘅我諗咗一陣之後揀咗東坡肉飯、椒麻手撕雞、五香料理同川麻料理三拼，配白飯一流，份量亦非常足，四個人食綽綽有餘。
椒麻手撕雞半隻份量已經好多，入口啖啖肉，肉質夠嫩滑，帶有淡淡嘅椒麻味，味道唔會太濃，鹹淡適中，最適合餸啤酒！
五香料理有葷菜同素食可以揀，三拼價錢更抵，我揀咗豬耳拼雞腎同牛筋凍，辣度方面可以揀五香、麻辣同加辣，初次嘗試我揀咗五香，味道豐富有層次，三款配料同樣爽口，特別係雞腎，平時煮耐少少都會變得太韌，整得咁爽口彈牙更加難得。
川麻料理同樣係揀咗三拼，分別有麻辣豬肚條、香麻牛蹄筋同脫骨香豬肘，辣度就冇得選擇，但亦唔使擔心太辣，大概係小麻小辣嘅程度，香口惹味，非常過癮。
東坡肉飯係最令人喜出望外嘅一道，雖然賣相平平，但入口有驚喜，五花腩肥瘦適中，而且滷得非常入味，口感鬆軟到近乎入口即化，絕對係白飯殺手；配搭嘅滷水豆皮口感紮實，亦同樣入味，同東坡肉非常夾。
其實有好幾次行過街邊見到呢類型嘅外賣涼拌小菜店，一直都心思思想買，但因為擔心衛生問題從來冇幫襯過，今次咁啱撞見新店開張而且感覺衛生，令人信心大增，一試之下先發現涼拌小菜嘅魅力所在，加上價錢合理，絕對係加餸之選！
@zelicatessen_hk
#珍一料理
店員啲手套周圍摸跟住就咁整手撕雞
無論任何時段，每次路過呢間外賣店都會見到有幾個人等緊嘢食，我諗呢間外賣店應該會唔錯。前幾晚去開佐敦，臨返屋企前就喺到買咗少少小食返去啦。
夫妻肺片 $50
有成六個部位嘅肉入面，乜都有得食下，好滿足。唔會話太辣，但麻香味十足，食得好開胃。我最鍾意食就係牛肚啦，夠晒爽口彈牙。
五香三拼 $45
五香嘅食物種類有好多款，例如雞腎、牛肉、牛筋凍、豬耳、土豆絲等等。我今次就揀咗五香牛肉、腐竹、牛腱。五香味好香，又有少少酸酸地咁，都係好開胃。一路煲劇一路食就最正喇。雖然係三拼，但每款比嘅份量都好多，$45其實好抵食。我覺得最正就係牛腱，食到停唔到口。
蜜桃烏龍茶 $15
食呢啲小食我覺得配返杯茶就最啱啦。冷泡茶當中我平時最鍾意嘅就係白桃烏龍茶，見到呢度有蜜桃烏龍茶，咁我諗應該都差唔多嘅。蜜桃烏龍茶一入口嘅蜜桃味好香，又有少少烏龍茶嘅茶香味，我覺得幾高質。
珍一料理第一次食是在朋友家食的，當時已經覺得斬料涼拌好正。
.
今次到我們在家聚會，我又去珍一 “買餸”。
.
有很多格涼拌素菜、肉類，最正的是可以3拼，即一盒可選3個餸，$55。
.
我買了兩盒，有麻辣豬肚條、爽脆豬耳絲、秘鹵豬爽肉、夫妻肺片。
醃製得很香很入味，得別是麻辣系列，食到香、麻，但不會太辣，恰到好處。而且味道處理得十分好，不會太過濃烈，能夠帶出食材本身的原味。感覺材料也很新鮮，很爽很脆。
.
加購冰萃抹茶$15，果然好冰鮮清新，抹菜回甘，爽呀。
🍚【 加餸必選 】- 珍一料理 🍚
我平時最鍾意就係買啲小食返屋企加餸㗎啦，今日專登去到佐敦呢一間珍一料理加送，買咗半隻麻辣手撕雞，麻辣豬肚，去骨豬肘同埋辣味滷水金錢肚！(我特別喜歡佢嘅川麻系列，睇嚟大家都知道我有幾鍾意食辣😁)
外賣包裝得好好，就算返到屋企都完整無缺，手撕雞夠晒鮮嫩幼滑，豬肚同埋金錢肚都汶得夠林夠入味，去骨豬手方便又惹味！在買咗支桂花烏龍一路返屋企一路飲😋
呢啲小菜真係可以令我不停添飯！大家可以一試。
👧🏻Wodafoodie in Jordan
✨🌶川味小食外賣加餸一流！😛
呢日見到佐敦開左間賣川味麻辣小食外賣店，店員有戴手套，即叫即裝，見幾乾淨又幾多人買，價錢都唔算貴，所以買左幾盒返屋企加餸😋
✨🌶五香料理三拼 $50
✅牛筋✅牛腱✅雞腎
一打開超香麻辣味！而且份量都幾多！牛筋凍好得意好似有層啫喱咁好有咬口；牛腱大塊薄切好重麻味好好食；雞腎爽口👍🏻雖然個底好多辣油但食落又唔算好辣，佢有花椒香草花生撈埋一齊所以入口帶麻，好香好惹味😋
✨🐥椒麻手撕雞 (半隻) $68
呢個正呀，雞肉好嫩滑又好入味，微辣帶麻香，除左雞肉仲有埋雞翼雞骨，真係有半隻雞既份量👍🏻
✨夫妻肺片 $50
牛肉、金錢肚、豬耳微辣又惹味😋
好鍾意佢間鋪夠乾淨，外賣盒蓋得好實唔漏汁，聽講黃竹坑個間分店仲有中央廚房，疫情下都可以食得好放心☺️👍🏻下次斬料返屋企加餸又多個選擇啦😋
📍 珍一料理 (白加士街) (佐敦)
佐敦白加士街68-70號地下F號舖
#wodafoodieinjordan #jordan #zelicatessen #hk #hkfoodie #hkfoodieblogger #hkfoodies #hkfoodielife #hkfoodig #hkfood #hkfoodlover #hkfoodpic #hkfoodshare #hkfood #foodie #foodiehk #foodieshk #foodiesforlife #foodies #foodlover #foodcravings #hkgirl #hkboy #hkcouple #picoftheday #fotooftheday #hkger #hkiger #佐敦美食
🧂我愛涼拌🧂
呢幾日放學都落徬徨大雨😨，最啱就係買外賣返屋企食🤣，發現距離不遠一家新開嘅川式小店，望住嘢食真係心心眼望住Menu真係心心眼😍，價錢好平啊😄！所有嘢都係我鍾意食嘅嘢，好興奮!~買咗好多款返屋企食，包裝有包裝得好好😋
🐷大妻肺片三拼
有36塊肉咁多 仲有肺、心、舌添
食大妻肺片就係要食埋層牛肥膏😇，舌都係韌，牛肺都算炆等入味爽身，片片大而薄，粑糯入味，麻辣鮮香😉，今次有全汁但其實唔會好油膩，食到Q彈口感好正！三拼真係好化算~佛心店家佛心~塞得滿滿食物盒🥳~我會再多啲幫襯㗎❣️
🐔椒麻雞腎
同平時我食開嘅雞腎有啲唔同😀，呢一份雞腎肉質係肫肉，質韌脆嫩，口感好紮實嘅，已經鹵得非常入味啱唔食辣嘅朋友😏 （食得太快冇影低😜)自從冇得去成都食雞腎之後真係冇食過雞腎啊~~
🌶川麻五香牛肉
五香牛肉辣辣地口味最啱我😎，牛肉爽口好吃不柴有嚼勁，牛肉香淋有咬勁一邊食一邊嘆啤酒 正!!!
🧂猪耳料理
最特別係猪耳啊，鮮香不膩均好香口好似果凍咁，猪耳較多的脆骨，吃起來脆脆的，入口即溶
⛳地址: 佐敦白加士街68-70號地下F號舖
👅味道：8/10⠀
🏝環境：8/10⠀
💵抵食：9/10⠀
✨推薦：8/10⠀
🔖 分類 #FOODIE
✏️ Instagram 搜尋：foodie_raaoooy
✏️ Openrice 搜尋：YuenKW0620
✏️ 大眾點評 美食誌搜尋：raaoooy
#珍一料理 #川菜 #港式 #麻辣 #五香 #hkfoodie #foodiehk #hkfoodblogger #佐敦 #外賣自取 #香港美食 #佐敦美食#foodie #food #foodporn #instafood #foodphotography #foodstagram #foodblogger #yummy #foodlover #delicious #foodgasm #homemade #instagood #foodies #foodiesofinstagram #hongkong #foodblogger #hkeats #yummy #foodiehk #foodlover #seafood #meatlover #hotpot #diningidea#珍一料理
涼拌手撕雞
因為今日Friday放工唔想煮飯，所以叫外賣拎返屋企就最啱啦😁DinnerTime都想食得特別啲，呢一間嘅涼拌菜做得出色，而且好豐富，選擇多元化。
今日試咗三款，👍都覺得好唔錯。叫咗原隻嘅手撕雞，因為店員會幫你起晒骨，所以無骨，每一啖都係肉，🐤仲可以食到麻油嘅香味，佢再加埋芝麻，花生等配菜，口感好豐富。
另外我都試咗佢哋嘅五香牛展，牛展炆得好淋好滑，而且中間都有骨膠原，🥢所以食落去口感好好。另外一個🌶辣鹵金錢肚都好唔錯。
有晚收工落勁大雨 上網睇吓買啲咩外賣食啦
發現距離不遠一家新開嘅川式小店
望住Menu真係心心眼😍價錢好平啊！
全部都係我鍾意食嘅嘢啊！
好興奮！買咗好多款返屋企試吓😋
包裝得好好！
🐷東坡肉飯 $40
有8塊肉咁多 仲有腐皮添
食東坡肉就係要食埋層肥膏
但其實唔會好油膩 食到Q彈口感好正！
連米飯都好食！
🐔椒麻手撕雞 $68/半隻
同平時我食開嘅手撕雞有啲唔同
呢一份手撕雞肉質係紮實嘅
已經鹵得非常入味
仲有埋雞冠啊 （食得太快冇影低😜)
自從冇得去台灣食鹽水雞之後真係冇食過雞冠啊
🌶川麻料理三拼$55
辣拌牛柏葉/ 辣鹵金錢肚/ 香麻牛蹄筋
辣辣地口味最啱我
牛柏葉爽口 金錢肚香淋 牛蹄筋有咬勁
一邊食一邊嘆啤酒 正！
🧂五香料理三拼 $50
五香牛肉/ 雞腎/ 牛筋凍
均好香口 啱唔食辣嘅朋友
最特別係牛筋凍啊 好似果凍咁 入口即溶
三拼真係好化算~
店家佛心啊~食物盒塞得滿滿~
我會再多啲幫襯㗎❣️
四喜烤麩 $28
說到上海的經典特色美食，四喜烤麩絕對是其中☝🏻一款，這是一個高蛋白、高無機鹽、低脂肪、低碳水化物的美食
所謂烤麩其實就是麵筋的一種，而「四喜」是指不同類型的齋菜食材，店家的做法是將烤麩加入花生🥜、木耳跟冬菇一同燜煮，鹹中帶甜，兩種味道拿捏得剛剛好👌🏻，而烤麩也沒有油膱味這點做得很好！媽媽很喜歡😍這度冷菜，差不多一個人吃畢整份呢～
東坡肉 $60
在🐽豬肉料理之中，東坡肉可算是其中一款💕喜愛的餸菜！做法雖然簡單，但美味可口！店家用上肥瘦比例均勻的五花肉，切成大小剛好的形狀，味道滷得不錯😚，入味但不會太鹹，伴隨的支竹也同樣美味，爸爸👨🏻覺得這個很好吃！
一人套餐：梅菜扣肉飯 $60（送葷素配菜各一款及飲品一份）
除了涼菜熱葷外店家還有套餐提供，最適合一眾「無飯👩🏻🤝👨🏼夫婦」，這次就點了一家人都愛吃的梅止渴菜扣肉飯～
很喜歡🥰店家的梅菜扣肉，入口肥而不膩，香氣濃郁肉質嫩嫩又入味，甜梅菜絕對是🤩畫龍點睛的！份量不算少，是絕對下飯的一度菜式！
梅菜扣肉外還附送白飯🍚、葷素配菜跟一份飲品，可惜這天來到已經只剩一款的配菜：麻辣🐔雞絲雲耳 x 涼拌海帶，份量可作為前菜，味道同樣不錯😊！
夜晚其他堂食地方收咗，諗住買外賣， $68蚊一盒正價 手撕雞， 完全係唔夠貨、攞個下欄桶入面嗰啲骨同皮，搭夠一堆垃圾就俾客？！
返去打開想開始食，都食唔到！ 咬落去質地同紙皮箱一樣！
摷下摷下、完全唔對路！唔係淨雞皮、肥油膏、就係雞骨、肋骨、脊骨，唔講仲以為我而家讀獸醫、學解剖呀！雞頸嗰兩舊、同好多不知名部位，完全唔食得嘅。算吧～啦～
被呃一次，冇計。第二次，我錯。