Anytime Catering

早排同👦🏻去左難得嘅約會
Book 咗間位於天后好值得分享嘅私房菜！
一來係環境好舒服，二來係喺食物中感受到廚師嘅用心
除左有
😋開胃小食 – 十分精緻嘅擺盤
❶醃製蒜頭蕃茄雲耳
❷BB線魚配千層薯仔
(薯仔嘅整法特別 食落好似薯片咁好香口👍🏻)
😋前菜 台灣鳳梨三食
中層係以鳳梨芯醃製 口感比鳳梨果肉爽
😋烏雞香茅清湯 配金華火腿脆脆
😋香煎帆立貝配西班牙黑毛豬薄脆
煎香嘅帆立貝配上西班牙黑毛豬薄脆同杏鮑菇三款食物夾埋一齊口感非常豐富
😋主菜方面分別就揀左蝦米瑤柱汁日本遼參同
意式sauce牛柳 (廚師同我地講係用中式材料去調配嘅意式sauce )

我諗大家應該同我一樣食日式Omakase就食得多，但我西餐嘅Omakase就真係少食啦，今日就同朋友來天后食西餐私房菜。舖內環境佈置都相當有品味及好啱打卡，而舖門口環境佈置都好唔錯。而我最鐘意係佢地果Open Kitchen可以一路同睇住大廚烹調美食之餘，又可以同下大廚交流下菜式。

薯仔牛肉他他
果薯仔切到好似千層咁同埋大廚好細心慢火炸薯仔，而果牛肉他他果味道好好味，再配上韓式泡菜令到果牛肉他他味有少少微辣好開胃。

法式洋蔥湯
第一眼見到果湯器皿係用果洋蔥來承載真係好有心思同靚。而洋蔥底下加左海鹽來定位真係好有心思，果湯味道好香濃加埋啲巴馬臣芝士碎令到果湯味道更豐富。

主菜
主菜就係牛肉意粉，我最愛佢果意粉質地整到剛剛好，有咬口加上牛肉好重牛味，好正。

甜品
甜品係自家製薑汁豆腐配上焦糖胡桃，味道唔太甜加上好香豆味及配上啲焦糖胡桃真係好正，大廚送左佢自家製果水果焦糖脆脆，果焦糖脆脆勁好味。

Chef Dan煮左好多好高質好精緻既食物俾我地大飽口福😋推介大家黎依度食私房菜啊😘我下次都會再帶朋友黎幫襯😋係anytime catering真正食到大廚既用心製作，環境私隱度又高，適合三五知己聚會book場一齊嘆美食飲下酒傾下計😍情侶黎依度都好romantic😘主廚同staff仲好nice，黎依度fine dining絕對無錯ar😉坐係廚房前面欣賞住chef煮野食真係好享受😍真係好值得黎依度一試，食過就知食物質素係物超所值😍

小明為食餐單:
酸蘿蔔伴木耳🥕
先黎好開胃既前菜，木耳上面放有一粒粒既酸蘿蔔，酸味味，開胃一流😋

素菜酥餅🌮
香脆既曲奇餅底上面有d酸酸地既菜絲、菇、豆伴埋一齊，好清新😋

泰式生蝦配青瓜🦐
大大隻生蝦好爽口好新鮮，配埋酸甜微辣泰式醬好好味，青瓜好爽脆，一齊食好match，清新彈口，一啖放入口，正😋

紫蘇葉海膽天婦羅🥬
好特別既天婦羅，之前食既天婦羅都係蝦、蕃薯、瓜等等，依次chef特別以新既嘗試黎做依個天婦羅，超級新奇口感一流味道超曬班啊😍用紫蘇葉包住大大舊海鮮海膽係中間做天婦羅，外面紫蘇葉香脆，內裏海膽好香滑，入口即溶，兩種口感味道溶為一體，好榮幸食到依個新菜式😍

海鮮濃湯🥣
上碟時有大蝦同帶子係碟中央，然後再加上熱辣辣濃郁忌廉湯，成個畫面好靚好似一幅畫咁😍湯非常濃郁同香，蝦同帶子都好新鮮鮮甜，加埋食用花既味道，好香好正😘

北寄貝配黑松露蛋🍳
原隻北寄貝下面有甜甜粒粒粟米，北寄貝肉好爽口彈口而且新鮮，肉底下仲有加左黑松露既滑蛋，好喜歡啊😋

香烤牛肉🥩
牛肉烤得剛剛好，保持原有肉汁，好重牛肉味，肥瘦適中，食食下食條配上既菜，兩隻中和感覺唔油膩好好味🥰

潮州蠔仔粥🍲
聽chef講佢係潮州人，煮潮洲粥果然拿手😍蠔仔好足料，隻隻飽滿，蠔味入曬粥度😋

薑汁豆腐花🍮
西式版既薑汁豆腐花，最上面有舊cream，原來係薑汁，一食即溶，中間有d脆脆合桃果仁，最下面就係豆腐花，好滑，次序要由底食上去，豆腐花又滑薑汁味更加錦上添花，賣相更加爆分，第一次食外表好似雪糕既薑汁豆腐花，好funny😍

湯圓綠豆蓉🥣
芝麻湯圓好煙韌，芝麻料好香濃，綠豆蓉清甜😘

黃金蝦🦐
依個黃金蝦係chef話煮開俾我地試下😋好香咸蛋味既大蝦，好夠鑊氣，新鮮熱辣辣，咬開蝦汁流出黎，蝦殼脆卜卜😋