浜滝(Hamataki)

食物好新鮮

好～食～

九龍城美食雲集，係呢區屹立生存嘅餐廳都一定有返咁上下質素或特色。今次就試咗呢間充滿日本風情嘅居酒屋，真係值得推介👍🏻

🦞伊勢海老燒 (半熟龍蝦·海膽·龍蝦粥) （$688）
龍蝦好新鮮，上枱後個頭仲識郁，半熟嘅龍蝦肉口感突出，外層爽口內裏甜嫩，配埋海膽刺身入口，加強咗龍蝦味嘅層次😋之後選擇咗將龍蝦頭加工煮成龍蝦湯，龍蝦頭有好多膏，龍蝦湯味道非常濃郁，加埋雜菜同豆腐， 份量都好多，食晒真係好飽肚！

🐟原條深海池魚刺身（$298）
味道清爽嘅深海池魚不但新鮮當造，口感不油不膩，配上清爽的酸汁更開胃，好啱夏天食😋之後再將魚骨及魚頭脆炸，一魚兩食，正👍🏻

🐟大分直送火炙平目魚邊（$148）
平目魚邊油份豐富，超肥美鮮甜，魚油嘅香氣加上火炙過嘅香，入口有少少即溶口感，令人回味😋

🥚海膽芝士玉子燒（$198）
好邪惡嘅海膽同芝士，加埋嫩滑嘅玉子，入口層次豐富，好好食😋

🍗浜滝秘制炸雞（$28）
炸到超級脆，但雞肉竟然仲好嫩滑多汁，非常出色嘅炸物👍🏻

🍗炸德島雞軟骨（$78）
金黃色嘅雞軟骨軟硬適中，份量充足，配清酒或啤酒係一流嘅選擇，誠意推介👍🏻

🍹特大柚子蜜梳打（$48 ）
🍹熱柚子蜜（$25）
特大柚子蜜梳打冰涼清爽，熱柚子蜜就夠哂潤喉，兩杯柚子都好足料，甜度適中👍🏻

晚餐唔係好肚餓食小小。

今日再次黎到九龍城覓食，見到呢間叫浜滝嘅居酒屋，知道喺由日本人主理，就決定要試下。

先點左2款前菜，分別喺炸一口芝士同半熟吞拿魚。

炸一口芝士🧀
炸得金黃香脆的麵包糠外皮，包住半熔軟滑的流心芝士，會係唔錯嘅下酒小食。

半熟吞拿魚🐟
吞拿魚厚切，四邊輕輕燙熟，而中心部分仍保持粉嫩，有雙重口感。配埋帶胡椒味嘅醬汁，非常清新。

明太子三文魚石窩飯🥘

主食方面叫左明太子三文魚石窩飯。三文魚仲喺半熟令佢口感keep到嫩滑，面頭鋪滿明太子醬經石窩加熱後半熔滲透入三文魚同飯底之中，加上窩底焦脆嘅飯焦，有驚喜。

伊勢海龍燒🦞🦞🦞

之後就喺鋪頭嘅重頭戲伊勢海龍燒！海龍燒其實喺伊勢龍蝦兩食，會先上一份半熟龍蝦拼燒海膽，而之後可選用龍蝦殼煮嘅龍蝦湯或龍蝦粥。

新鮮運到既伊勢龍蝦超大隻，肉身飽滿厚實燒至半生熟，入口鮮甜，保留左刺身既爽口彈牙質感，配埋鋪面頭嘅鮮甜海膽，簡直喺大滿足。😍😍😍

我們2人分別點了一份龍蝦粥和龍蝦湯，用熱石窩上，一上枱已經氛香撲鼻。湯底用龍蝦殼煮成，鮮味十足。如果未飽嘅朋友推薦試龍蝦粥，粒粒米飯都吸收滿滿號龍蝦湯鮮味！

鰻魚串

因為鋪頭都出名串燒，我地亦點左串鰻魚串試下。鰻魚皮燒得微脆身，但魚肉就保持到嫩滑，醬汁份量亦恰到好處，冇蓋過鰻魚香。
。
。
浜滝
九龍城福佬村道59號地下A舖
。
。

食物環境都ok ,係啲蚊好騷擾

食物質素一般、越食越熱、伙記太忙⋯仲有嘢咬！

/
好耐無見過我嘅食評了😂
適逢母親節就介紹一下去慶祝實滿意餐廳💓
當我講九龍城嘅時候可能你會諗起泰國菜
但其實有一間十分正宗嘅日本菜匿埋咗喺度😂
餐廳裝潢同氣氛同日本居酒屋一樣嘅浜滝
話咗實會滿意 緊係有我超級推薦嘅美食
就係半熟龍蝦·海膽·龍蝦粥-兩食($688)
由於係日本嘅龍蝦 所以特別大隻🦞
龍蝦蝦肉 一半生一半熟 咬落幾彈牙
龍蝦味幾重配上海膽 十分鮮滑好味👍🏻
食完蝦肉 廚師會將蝦頭劈開 拎去煲粥/湯
無論係粥定係湯 蝦嘅鮮味一樣喺度 而且好濃郁
所以我覺得嚟呢度一定要食呢一個餸😋
除此之外 我特別推介嘅係大份直送火炙平目魚邊 ($148)
睇相片可能你會覺得咁細份 性價比應該好低
咁你就大錯特錯啦❌
我同MY BOSS 都係第一次食 但食完都讚不絕口
因為雖然佢係魚邊 但經過火炙同醬汁加持
真係油膩得來 但係又帶啲清新 仲要入口即溶😌
無錯 就係咁吸引🤣 其他食物我都好推薦👇🏻
包括炸一口芝士($48)半熟吞拿魚($88)
但最後不得不提嘅係 激辛地獄拉麵($108)
本身食開其他拉麵都係要辣湯底嘅我
食咗一啖都要放棄😂 因為真 係 好 辣‼️🌶🥵
除咗辣度夠刺激之外 仲有一個好特別嘅地方
就係拉麵裏面有嚿熱石保持溫度🔥
食得辣嘅朋友 我建議你可以挑戰20倍以上😆
最後好彩有杯特大青檸梳打($48)解渴
唔係我哋兩個辣到行唔出個門口🤤🤤🤤
–
裝修環境：✨✨✨✨✨
服務態度：✨✨✨✨✨
食物質素：✨✨✨✨✨
(5個✨為滿分)
唔信我嘅可以自己去試試😂

【Aug22】聽說之前是拉麵店，但我就叫了白饅燒飯鍋，燒禾哥山香魚(半份~因為賣凈一條)，這2個ok。
叫黑蒜拉麵個友人，就話個湯無咸味，蒜油有(益)味。
服務
內用
餐點類型
晚餐

活貝盛盒 $498 👍🏻👍🏻👍🏻
冷鮑魚、北寄貝、赤貝、大蜆，對於我呢個貝類愛好者，係好幸福嘅組合🥰 日本直運，鮮味十足，係海洋嘅味道。配埋店員推薦既酒，入口甘甜，帶點果香，唔刺激易入口，幾岩我飲🥰

烤芝士年糕 $38 👍🏻
我對芝士年糕嘅印象就係放題頹爆質素，而今日終於打破到固有印象🥹 口感外脆內軟，充滿芝士鹹香，疑似混合左兩款以上嘅芝士，食落去有唔同層次。

雞肉漢堡串 $38 👍🏻👍🏻👍🏻
裡面混合左軟骨，口感豐富，香口惹味，上枱時依然係熱辣辣，相當出色🥸🔥

究極海老味噌拉麵 $148
加咗火山石去保持熱度，食到最後仲係出晒煙🥸 味噌湯濃而不膩，大蝦爽口，兩個人Share岩岩好。

好味!

九龍城原來唔係剩係得泰國菜，呢間居酒屋嘅裝修好靚，有個好舒服嘅環境可以同朋友傾吓計飲酒食下野😝

朋友好鍾意食貝類，特登嗌咗一份活貝盛盒 Happy Share。鮑魚切好晒一件件，活北寄貝同赤貝都好好味，我覺得可以媲美平時高級餐廳Omakase既質素，大蜆都多汁鮮甜。

除左刺身，我最鍾意就係呢度嘅串燒，當中最出色係雞肉漢堡串，唔加蛋液已經好好味。而芝士年糕外脆內軟，包裹住熱辣辣嘅芝士，鹹香一下子爆發出嚟👍🏻👍🏻

冬季限定矜貴食材

有理由相信，師傅嘅熱誠完全在於期間限定Menu！!！餐廳好有熱誠做咗一個十幾款的冬季時令Menu，經理熱情推介各種稀有冬季食材，長了不少知識。於是今次我哋完全冇嗌主招牌，試吓跟住時令menu黎個廚師發板啦！
，寒鰤薄造鵝肝，寒鰤係矜貴食材，原來似油甘魚，但係油脂比例更高。口感超肥美，一食難忘！配搭鵝肝的油脂夾著一起食，肥美更提升。

經理推介「高砂純米吟釀」， 配搭海鮮刺身，飲落甘口，有層次。

日本海膽拖羅花多士，美觀之餘，刺身新鮮味道濃郁，先食濃味海膽，然後食淡味的拖羅，個人覺得兩個人分享一件剛剛好。

所有刺身的溫度都同體溫接近，絕對唔會入口冷冰冰。

九條蔥A5神戶牛卷 ，「九條」原來係日本地方名，出產嘅蔥非常之矜貴，唔係面頭嗰啲細細條嘅蔥仔，而係捲起牛肉裏便嘅切碎蔥。超級好食，和牛配合蘭王蛋汁更加香濃。

山形鄉土料理寒鱈汁，食返啲熱火鍋暖胃先。鱈魚白子和寒鱈唔使講又係冬天矜貴食材，寒鱈好有鮮味，肉質結實有口感。白子好適合冬季進補，完全冇腥味，輕灼之後食，香滑好似食緊牛奶布甸咁！食完全晚都有濃郁蛋白味。

餐廳以魚市場風格為主題，居酒屋飲清酒、食刺身、海鮮鍋、串燒。值得留意餐廳提供好專業嘅清酒，仲有House sake添。

幾心印象經理服務親切，好主動比卡片介紹自己，介紹品牌位於九龍城的其他日本餐廳，如果想book位仲可以直接打電話俾經理。

九龍城【浜滝】

有自家品牌sake的日本居酒屋

近排發現九龍城真係幾多隱世好餐廳，唔好以為得泰國嘢，近呢幾次都係食日本🇯🇵野！呢間餐廳主要係食時令日本刺身、串燒、鍋物等等。特別一提係佢有自家品牌嘅sake，證明都係一間規模較大嘅公司，可以確定佢嘅食物來貨、新鮮程度及質素都係有保證👍🏻

🐠寒鰤簿造鵝肝 $268
員工介紹寒鰤=8公斤以上的油甘魚，比較罕有，特別冬天當造。
佢配埋鵝肝一齊食，真心好夾，食到油甘魚的鮮味同肥美，但又唔肥膩，簡直食唔停😋

🌸日本海膽拖羅花多士 $168
賣相配上可食用花朵，已經好賞心悅目，食落海膽味道偏濃，但竟然冇遮蓋拖羅嘅鮮味，整體食得好滿足😋

🌿九條蔥神戶A5牛卷 $188
原來九條係一個地方名，佢所出產嘅蔥味道濃郁。卷左入A5牛塊入面，再沾蘭王雞蛋一齊食，即刻將整體味道提升，個人強推👍🏻

🍲山形鄉土料理寒鱈汁 $248
寒鱈汁係山形縣著名鄉土料理，冬天必備❄️！湯底會用原條鱈魚，由魚身至內臟熬製而成。魚湯食落鮮甜，仲配上白子、魚肉，喺食完刺身食暖笠笠嘅鍋物真係剛剛好👍🏻

欣賞呢間餐廳對於日本新鮮食材嘅執着，佢哋仲喺九龍城有另外兩間日本餐廳，今次試完呢間，都應該會試吓佢其他系列嘅餐廳，我相信品質上應該有保證👍🏻

IG Follow @foodie.mama_hk
仲有環境同埋食物影片睇添😍
服務
內用
餐點類型
晚餐

原汁原味的日本料理！！！

龍蝦刺身必食，好正

九龍城泰菜就食得多，今日試日本野，菜單方面其實餐廳都幾用心，多款小食都係市面上其他餐廳較少見。味道不錯，店員服務亦都好好，不過價錢唔算平，我覺得一試無妨既，但日本菜黎講呢個價錢可以有好多選擇，未有令我好有衝動再黎食第2次

不錯，但是考慮到價格，他們的兩人份龍蝦套餐的份量對於兩人來說有點少。

🐾浜淹

# Next to music beer was best”
– Carson McCullers

🐈想當年做遊子個時好鐘意同朋友去居酒屋把酒談心，所以當我得悉宋皇臺站有間高汁居酒屋之後，就決定要去試吓~平日夜晚都多人，所以建議有興趣的朋友要預約！門口到餐廳入邊的設計都係採用很道地的日本風，而且會一直播放日本流行歌曲，如果唔講真係會覺得係置身於係日本🇯🇵

✨日本水間蕃茄
日本番茄🍅夠鮮甜之餘，配埋個廚師特調醬汁，更加突顯蕃茄酸酸甜甜嘅滋味👍🏻

✨清森大間盛(大拖羅，中拖羅，赤身)
是日最推薦🫶🏼件件都夠晒厚身，口感超一流之餘仲要好新鮮，簡直好似係喺日本食緊嘅感覺🤩

✨伯方鹽燒子持香魚
子持香魚為時令食材，成條魚連埋內臟都食得㗎！一切開發現裏面有超級多魚春即刻心心眼左，雖然係鹽燒但係完全唔會乾身燒得啱啱好，可見師傅功力非常高深👍🏻

✨北海道3.6牛乳燉野菜
日本鄉土料理之香濃牛乳燉海鮮同野菜，牛乳煮到夠濃稠，每食一啖都有少少似飲濃湯咁，成身暖笠笠，啱晒嗰日天氣凍凍地非常應景

✨九州鰹湯拉麵
鍾意佢個拉麵又大大塊叉燒，而且配料有餃子呢點我覺得幾特別🤣

✨葡萄豬串
葡萄豬即是食葡萄大的豬，所以唔會有豬騒味而且亦都會比較少油👍🏻豬肉質地係純粹的豬香濃味，配埋香煎嘅烹飪手法簡直係冇得頂~送酒一流

Overall體驗: 餐廳環境完美營造出日本居酒屋嘅氣氛，料理高質素之餘仲有種類繁多嘅日本酒可以選擇，如果係收工之後想同朋友飲下酒傾吓計的話十分推介
服務
內用
餐點類型
晚餐

黎到見到menu第一版已經覺好正了，$698蚊有龍蝦,海膽,同埋龍蝦粥/湯😍
半熟龍蝦輕輕燒過加上豐富既海膽，勁吸晴。龍蝦肉入口鮮甜，肉質好爽口 ，半熟口感都似刺身，加埋鮮甜既海膽一齊食,真係完美。食完後龍蝦頭拎咗去煲粥或湯， 男友擇左粥，而我就龍蝦湯。2款都吸收哂龍蝦既精華，特別香甜，超滿足， 大推！

另一款美食寒鰤薄造鵝肝，呢個都係必點。
寒鰤魚算係限定，要冬季捕獲，重量達9kg, 入口比普通油甘魚甜美，脂膏豐腴，入口即能融。係一款高級食材。
薄切寒鰤配上鵝肝，令魚肉中隱隱滲出鵝肝油香。大家都係入口即融，令刺身的魚味更突出。

日本海膽拖羅花多士
黎到賣相已經好靚， 拖羅打成蓉，半邊配上海膽 ，另一半邊配上黑魚子，放係烤脆左迷你多士上，一啖放入口，同時嘗到三重滋味，食得好滿足。

我地仲叫左3款串燒過下口癮， 串燒燒得剛剛好， A5和牛串好嫩滑， 而豚肉店員話係食提子既豬，好特別😆豬真係特別爽彈。
服務
內用
餐點類型
晚餐
建議的餐點
半熟龍蝦

Hamataki: 再推薦

因為個半熟龍蝦馳名，上次farewell朋友食過一次，好多朋友都大讚，今晚同老公兩個食。

同上次食嘅一定要唔同，先有意思，咁不如俾人介紹下食乜好。

呢度員工都幾好，會好細心同你講個menu，會好好問你想食乜，有乜推薦俾你。

先吃冷盤，冷鮑魚相對簡單，應該係唔大驚喜，無問題，講真呢啲來貨好就得，不過佢嘅檸檬味好強，調味相對特別，幾有心。

半熟青森中拖羅真心正，加上金萡，個樣又係賣相一流。話落去都係入口溶化個隻，加點蔥花，真係勁好食。

北海道直送半熟帆立貝，都幾大隻，半熟感覺好鮮甜，不過醬汁有少少鹹，但新鮮食材代表一切。

鹽燒日本蝦，真心燒得正，蝦新鮮，蝦肉彈牙，不得了，食兩次都無食過呢個選擇，下次要選。

蒜芯豚肉串，蒜芯係我至愛，好鐘意食，配豚肉當然特別好，

日本雞肝，醬汁加上濃郁的雞肝真係好夾，可惜太細串，要encore。

阿波美雞腿串選擇左地獄味，真心辣到不得了，食得辣嘅要試，

手燒白鰻魚飯，加樣好可愛，女仔實鐘意，加上大量紫菜湯蔥花，鰻魚燒到剛剛好，真心手燒。

食左幾次都係不錯，仲要有咁多選擇，真係值得要同一班朋友黎食。

九龍城風味居酒屋

好耐無食日本菜了，想同朋友食吓刺身、飲吓嘢、吹下水。九龍城呢間餐廳以日式裝修環境為主，有啲似日式居酒屋，枱櫈高似吧枱。小店較細，座位不多，好似有2層，另收加一服務費～

芝士魚餅 $88
新鮮燒好的熱騰騰甜而彈牙的魚餅包著流心芝士，好味😋

真鱈白子 $138
時令白子好creamy，加入七味粉和秘製醋更加開胃，帶點鮮味

原條深海池魚刺身 $298
一整條新鮮魚刺身切得好靚，適合打卡，點醋加芥末別有一番風味。食完刺身魚骨仲可以拎去炸，脆卜卜，原汁原味

日本冰菜島豆腐沙律 $78
有爽口冰菜、豆腐、甜粟米粒、車厘茄、海葡萄等，好清新

秘制炸雞 $48
香脆炸雞排開半方便食用，點蛋黃醬，夠曬邪惡

明太子三文魚石窩飯 $98
熱烘烘的石窩裡有超軟熟珍珠米，加入火炙去骨半熟三文魚和明太子沙律醬，一啲都唔會咸，食反三文魚的原汁原味，飽肚

服務質素：7/10
環境舒適度：7/10
ᶘ ᵒᴥᵒᶅ個人口味評分：7/10
服務
內用
餐點類型
晚餐

是光顧過最清潔的日本店舖之一🇯🇵食得安心，環境絕對好。力推清酒🍶煮蜆。其他食物都質素什高。
打卡一流。
服務
內用
餐點類型
午餐
建議的餐點
白酒煮蜆

非常推介真鱈白子，佢上面加左七味粉，下面係酸汁，入口有奶油般嘅口感，細滑豐腴，充滿蛋白質嘅味道，後來問一問先知原來佢係魚精黎🤣含有豐富嘅蛋白質，而且低脂肪，美顏一流，講真都幾好味 …

優質的食物和服務
服務
內用
餐點類型
晚餐