浜滝(Hamataki)

今日同朋友出去九龍城覓食，見到間裝修好有日本街頭小店嘅特色，一於去試吓。

🥔🎃🥗海螺南瓜薯仔沙律 $98
Pellets Pumpkin and Potato Salad
～上層滿滿嘅黑魚籽，中層有海螺、薯蓉，底層有北海道南瓜。碟邊仲圍咗一片片嘅海鹽可以調味。

🔥🐟大分直送火灸平目魚邊 $158
Broiled Flounder Fins (From Oita Kyushu ）
～平目魚邊，脂肪多，口感軟滑，加咗柚子蜜汁好開胃，如果點washabi 更鮮味。

🧈🦪黃油牡蠣 $148
Grease Oyster
～ 用蒜蓉炒過嘅牡蠣，又香又鮮甜。

🦐🐂🍚櫻花蝦牛肉泡菜石窩飯 $158
Sergestid shrimp Kimchi Sto est Rice
～ 用上蘭王蛋嘅石窩飯，令牛肉更香滑嫰。

🐖🍜 黑蒜拉麵 $128
Black Garlic Ramen (Pork bone soup base)
～ 好特別，面嘅底層有一舊火山石，保持湯溫度。
服務
內用
餐點類型
午餐
平均每人消費金額
HK$250-300
餐點：4
服務：4
氣氛：4

浜滝他他刺身，食得滋味又開心

浜滝
九龍城福佬村道59號地下A舖

味道指數：⭐⭐⭐⭐⭐
抵食指數：⭐⭐⭐⭐
環境指數：⭐⭐⭐⭐
服務指數：⭐⭐⭐⭐⭐
食物推介：原條深海魚他他刺身 $298，大分直送火灸平目魚邊 $158，炸深海魚骨，究極海老味噌拉麵 $158，燒日本地蛤 $78

原條深海魚他他刺身：他他刺身由用新鮮的深海魚片烹製，呈現了魚的原汁原味。這些魚片具有鮮嫩的質地和濃郁的海鮮香氣，每一口都能感受到魚肉的鮮美。獨特的切割方式使魚片更加有嚼勁，舌尖能感受到魚肉的細膩！😄😄😄

大分直送火灸平目魚邊：平目魚非常美味，魚肉本身質地鮮嫩，加上火灸的烤燒風味，更增添了豐富的口感，魚肉入口即化，非常滑嫩，絕對是值得推薦的一道菜！❤️❤️❤️

炸深海魚骨：這道菜是深海他他刺身附送的，不用另外加錢！深海魚骨通常有很多骨刺，但經過炸製後，骨刺大部分被炸得酥脆，變得容易咀嚼，可整條魚骨連頭帶身吃下肚！👏🏻👏🏻👏🏻

究極海老味噌拉麵：這道拉麵結合了海老和味噌的獨特風味，海老鮮甜的香氣和味噌的醇厚滋味完美融合在一起，令人垂涎欲滴，拉麵的麵條很有彈性，附送的流心蛋亦非常美味！😋😋😋

燒日本地蛤：新鮮的日本地蛤，經過燒烤處理後，呈現出香氣四溢的美味！蛤蜊的肉質鮮嫩，搭配上火烤的風味，更加增添了豐富的口感！👍👍👍

店員會詳細介紹各種美食，服務周到！😍😍😍
餐點：5
服務：5
氣氛：4

好耐冇食日本嘢，今日來九龍城福佬村道，這間日式居酒屋，之前食過，覺得唔錯，今日帶朋友再嚟試吓。

首先係沖繩海葡萄～個樣似魚子咁細細粒，味道似海帶，加上少少檸檬同柚子醋，食完口腔好清新，準備好迎接下一道菜。

接著嚐咗時令赤崎蠔～口感好清爽！特別之處就係佢配上馬山椒，味道更加獨特。

唔少得試下櫻花蝦魚餅～蝦餅炸完之後再鋪上櫻花蝦再炸一次，真係有雙重口感，香味四溢，超級香口！

目仁奈刺身～真係好新鮮，味道濃郁，令人回味無窮。

唐辛子燒蠔～微微辣味，感覺特別。

日本燒辣椒～完全無辣味，少少焦香，好食。

最後九州堅魚湯拉麵～廚師加左火山石喺碗底，令到拉麵保持著高溫，湯會更加濃郁，麵更加彈牙。

最後一道菜係，目仁奈魚骨加蔬菜湯～結束晚餐之餘，亦帶嚟一份滿足感。

整體黎講，呢間餐廳裝修好有日本風味，服務態度好好，每一樣食材同食法都有細心嘅講解。餐廳會根據季節選用新鮮時令食材，真係令人感受到對食材嘅用心。下次再食日本菜一定會再黎呢間居酒屋！
餐點：5
服務：5
氣氛：5

九龍城出名美食多，除左食泰菜和打邊爐，今次和朋友試新野，揀左喱間日式居酒屋聚會，估唔到呢間隱世居酒屋已經喺九龍城開業八年，由來自北海道的廚師主理，每個月都會定期更新菜單，北海道最出名就係海鮮，喺香港都可以食到北海道鮮甜嘅海鮮真係好正！

真鱈白子
白子滑嫩濃郁，配上酸甜的柚子醋醬，冬天是白子最當造的時期，既補身又有美膚功效，食落口好creamy好軟滑，酸醋的味道讓人胃口大開！

冷制紅酒鵝肝
醬汁帶點葡萄香氣，甜絲絲的味道配上冷製的厚實鵝肝，入口細膩潤滑，好正

海螺南瓜薯仔沙律
賣相非常靚，好似一個藝術品一樣，最頂層是魚子醬，中層係爽滑的螺肉，底層係棉滑的南瓜蓉，每啖都係鮮甜的味道！

伊勢海老姿燒
半熟龍蝦、海膽、龍蝦粥
係佢本店嘅招牌名物，用特製嘅鹽燒醬汁煮製龍蝦至半熟，令龍蝦保留到爽身嘅口感同濃厚嘅鮮甜味，配埋海膽一齊食，係一種極盡奢華嘅體驗！食完之後店家會將龍蝦頭煮滾成極濃龍蝦湯粥，入口滿滿都是龍蝦湯鮮味，棉滑的湯粥，真係好正！

九條蔥和牛薄燒
九條蔥蔥味香濃，能夠減低和牛嘅油膩感，食落口更爽滑更美味。

阿波美雞翼串
來自日本德島既雞肉，屬於走地雞，肉質具嚼勁口感，低脂、肉味香濃，外皮烤至香脆，好食！
服務
內用
餐點類型
晚餐
平均每人消費金額
HK$400-450
餐點：5
服務：5
氣氛：4
建議的餐點
半熟龍蝦, 招牌龍蝦二食, 鰤魚鵝肝盒, 龍蝦殼湯飯

不知不覺原來都好耐冇嚟過食飯，舊地重遊依然都好記得小店嘅招牌菜「半熟龍蝦」。
餐廳啲間隔無咩大變動，反而添置咗更多日本色彩嘅擺設，餐牌亦都更新咗，菜式變多咗。

酒盗芝士 ($88) : 兩款食材味道非常突出，口感嫩滑而且味道濃郁，配搭埋蔥花令味道再提升，作為小食係唔錯嘅選擇。

油甘魚鮫 ($188) : 落單時同侍應傾開計，閑談間佢推介我試「油甘魚鮫」，不過我一向都唔食魚鮫，因為怕會有腥味，不過見佢咁有誠意就試吓。魚鮫唔單止燒到外脆內軟而且仲油香滿溢超級好味，今次令我完全改觀對魚鮫嘅感覺。

半熟龍蝦 ($798) : 念念不忘嘅主角終於出場，伊勢龍蝦較其他龍蝦味道更濃厚同肉質更嫩，龍蝦肉上鋪滿厚厚嘅海膽，係食之前再點點龍蝦頭上嘅金箔，極盡奢華的味覺享受。

最後重會將龍蝦煮成粥同濃湯，龍蝦湯同粥蝦味超級濃郁，鍾意食蝦菜式嘅朋友仔千祈咪錯過。
服務
內用
餐點類型
晚餐
餐點：5
服務：5
氣氛：5
建議的餐點
半熟龍蝦

之前有親戚介紹過就已經好想黎食，餐廳有兩層，中意熱鬧啲就坐樓下，中意安靜啲就可以坐樓上，整個裝潢設計都好有feel，店員仲特登幫我哋影左張靚靚合照，好窩心！🥰

神戶牛肉沙律：師傅選用新鮮既日本蛋王-蘭王蛋拌沙律，證明對食材既認真態度，櫻花蝦炸過，目的令到蝦味更加突出，神戶牛肉質嫩滑，牛味濃郁🐄

蔥吞拿魚腩簿脆：吞拿魚腩蓉用鹽汁醃過，下層配左少少沙律醬同簿脆，口感鬆化，味道鹹鹹地，面頭鋪啲香葱調味🐟

活赤貝1隻：居酒屋當然必試刺身，原隻空運香港活赤貝，非常大隻，如圖睇到光澤亮麗，夠曬新鮮，咬落爽身清甜，芥末都唔洗沾已經好好味🐚
原條伊左目魚刺身：呢個大力推介！原來伊左目魚既魚骨仲可以用黎煲湯，師傅係我哋食完呢碟刺身之後，會拎個魚骨去煲個魚湯，先講吓個刺身份量非常多，每片都反映師傅刀功深厚，厚度平均，配酸汁更特別，加自家製芥末吊味，好高質🧡

伊左目魚魚湯：味道非常清甜，有香濃鮮魚味，甜而不腥，而家秋天飲暖胃啱啱好，材料仲有菇、蘿蔔絲同娃娃菜等，因為材料上乘，簡單幾樣加埋一齊，湯底味道已經好足夠😍
我哋仲有叫到炸富山灣白海老、雞肉漢堡串 配月見同大阪燒，同埋自家制黑蒜拉麵🍜全部菜式都好惹味，下次帶屋企人黎歎下先❤️

總結一句係個大滿足既晚餐，有得打卡有好野食店員又好人，唔洗食甜品都夠曬開心😁
餐點：5
服務：5
氣氛：5

最近發現九龍城除左出名泰國菜，仲有多間高質日本餐廳，今次試左一間日式居酒屋，餐廳從日本空運三刀魚，即埸由廚師原條切割，作為白身魚雖則魚味淡薄，但突顯出新鮮彈牙口感，非常出色。食完三刀魚剩餘的魚頭還會作 魚湯，加入蔬菜菇菌喝出三刀清甜感。
服務
內用
餐點類型
晚餐
平均每人消費金額
超過 HK$500
餐點：5
服務：5
氣氛：5