渡邊屋(Watanabe-Ya)

泰國米，生抽，膠感刺身

魚生新鮮好食，醬油和米飯都好靚。

質素平平，價錢偏貴，wasabi 異常攻鼻

一碗三文魚腩丼飯 $78，三文魚腩薄得通透，師傅好刀功，同菜單上的相片有若雲泥（相中的三文魚腩好厚身）。另外，一碗併海膽丼飯 $138，馬糞???海膽”糞“味濃，久久未能下嚥，另外僅有2塊的吞拿魚中，一塊細如手指頭，迷你之極。如此丼物今世難忘，可一不可再。店內僅有3座，逼且送餐耐，立食外賣卷物尚可。

價錢公道 食品有質素

沒壞掉的壽司我可以給到80分以上

外賣等侯時間過長，下單時店員告知需等侯30-40分鐘，最後卻等了1.5小時。

食物質素普通，日式太卷內餡用了素鮑片，感覺格格不入。而基本的wasabi也用了中國次貨而非真芥末。

店員在外賣等候過程有多次跟進及表歉意，態度良好。希望店家日後能認真衡量出品能力及效率。

我覺得這間店舖所售賣的東西比較貴咗一些應該用平民價吸引街坊或者外人幫襯才為合理一定要檢討這個問題

今日是叫外賣，主要想食魚生，點了幾樣野，包括有三文魚刺身、北寄貝刺身、虎蝦刺身等等，在點外賣的過程中，覺得這家店手忙腳亂，一邊有人下單，店員一邊要不停聽電話，根本就不夠人手，廚房入面似得一個師傅，從外望入去好似衛生麻麻地，而且叫外賣要等半個小時左右，等的時間太長。
至於食物方面，回家時候虎克刺身不錯，三文魚刺身也算新鮮，其他就不甚了了了，而且價錢也不算大眾，點了幾樣刺身，已經差不多要$300。

點了外賣UNI（加拿大）$258

小店只得5個座位，但光猛企理乾淨，聽店員講裝修冇幾耐，另外都有日本人店員🎎餐牌主打壽司🍣刺身🔪
喺哩度食完中拖、大拖，日本馬糞海膽，係好想再encore🤤🤤
餐點：4
服務：4
氣氛：4

九龍城除咗泰國嘢好食之外，原來都有日本嘢都好好食😍雖然細細間鋪，但質素取勝 …

高質性價比日式餐廳
通常黎九龍城都係食泰國野，但其實仲有好幾間日本餐廳，仲係日本師傅主理嘅餐廳，味道亦相當不錯，價錢仲好抵食

九龍城渡邊屋幾唔錯，是一間高質壽司店，5-6個位可以堂食！環境都乾淨衛生，師父手握壽司即叫即做，價錢性價比好，新鮮靚貨。而店員都親切有禮幾好招呼！
原條海鰻都幾肥美又大件！表層微微焦香，口感輕柔！無牙都食到。醬汁唔會太搶味，仍食出海鰻既鮮！啖啖肉無骨，爽呀！

赤蝦都幾大隻，口感黏黏地帶膠質！味道清新又清爽，蝦頭帶有濃膏香味。

北海道刺身丼飯製成品賣相非常討好，滿滿既魚生片放滿非常colorful, 最令我impressed就係間八魚，平時比較少機會食到咁既口感，肉質夠厚帶爽身，魚香唔算太濃！清新又鮮真係好好食。三文肥夠肥美，大大片啖啖肉魚油香又夠鮮！三文魚籽晶瑩剔透帶脆卜卜！海膽色澤亮麗，唔會出哂水，非常新鮮！而且份量都幾多！陣陣甘甜味滲出真係無得輸。壽司飯醋味剛好而又帶點咬口！所以真是非常高質既壽司小店。
餐點：5
服務：5
氣氛：5

九龍城有琳琅滿目的餐廳，今次去試下正宗日本手握壽司餐廳，入到餐廳見到天花裝飾，好特別，金魚好有生命力飛在天。

店內以吧枱為主，唔算好大，但師傅都多，有3-4位，而且每位都好像日本人，好似去左日本咁。

三色海膽丼$238
這碗丼有5款食材，色彩繽紛，刺身有超鮮豔的三文魚，新鮮到不得了的帶子，同日本馬糞海膽，海膽味道好甘甜，彈牙三文魚籽、還有鮮甜蟹肉。

火炙壽司盛盒 $138
壽司選擇眾多，被這款吸引住，全因有款蝦膏赤蝦壽司，蝦膏味好濃郁，微微辣味，蝦肉彈牙，

另外原條海鰻同樣非常吸引，魚味夠香，又冇細骨，師傅處理得非常專業，其餘壽司包括有三文魚、油甘魚、帶子、左口魚、鰻魚 。
帶子超厚又超大件，好新鮮呀！

店員及老闆的服務態度都非常好。

集團式經營小鋪，同區仲有鐵板燒，廚師發辦日本餐，分開咗做幾間小鋪嚟做，呢間叫做專做刺身，壽司，無熱食，間鋪得6-7個位，想行中高路線，但出品無什特別咯，刺身？勿幾塊魚片咯，卷物？勿卷物咯，壽司？勿魚片加飯咯，點講好吳好食啫，食呢亭最重要得一樣野啫，魚保存得新吳新鮮咯，吞拿魚腩卷小小腥咯，鰻魚卷啲鰻魚一般般咯，刺身又吳係特別大片，生蠔正常新鮮嘅其實應該幾好味，但！ 最衰價錢貴，接近150蚊一隻之餘仲好似..唔新鮮 ！頂！返到屋企疴咗兩次仲要拍喇叭丸，頂頂！收費吳平食小小野人頭平均4-5佰，性價比超低，不建議試咯，頂，吳講啦，個肚又攪攪下要去疴淝淝啦！😖😖😖
餐點：3
服務：3
氣氛：2

呢間位於轉角位嘅渡邊屋，地方細細，只係可以容納五個客人嘅餐廳經常都大排長龍。因為所有材料都係非常新鮮，而且係即叫即做，食嘅係鮮味

讀大學嘅時候，成日會落九龍城搵好嘢食，嗰陣時已經識得食渡邊屋，九龍城數一數二的高級壽司店。日本老闆 渡邊先生 主理。

疫情期間，全新裝修，店舖細細，座位好少，想食就早啲去，我嗰日晚飯時間遇上滿座，足足喺門口等咗大半個鐘，果然香港人同日本人都係好鍾意排隊嘅！

終於安排入座，吧枱設計，幾條金魚吊飾，裝修簡約，重點係食材。經理推介必試本鮪赤身蔥吞魚腩丼。

本鮪赤身蔥吞拿魚腩丼 $ 168
招牌人氣本鮪赤身，地方企理乾淨先敢食，渡邊屋呢度係信心保證。

外貌吸引，擺盤似玫瑰花🌹狀的形態，給客人品嚐別樹一格。

本鮪赤身色澤紅潤，份量也不少，較濃好味，廚師能夠保持原汁原味，口感非常之配合，加入少少生磨的 wasabi ，這樣更能襯托出吞拿魚的鮮味。

蔥吞拿魚腩味道清甜，非常輕盈，油脂分布好好，入口即溶感覺，配 onion 和日本蛋汁，增加了口感。

渡邊屋壽司盛合 $ 168
做法與別不同，豐富食材：赤蝦、海膽、三文魚、油甘魚、真鯛、紋甲、帶子；Scallop 同 Sea Urchin 係我嘅 No.1 推介！

三文魚口感較嫩；油甘魚、真鯛、口感鮮嫩多汁；紋甲肉質爽口鮮甜。

赤蝦清爽帶鮮，味道香甜，蝦頭蝦膏，高質濃厚。

海膽係我最愛，豐腴鮮嫩，海膽入口即溶，鮮甜味道，滋味無窮。

帶子之清甜，喚醒了沉睡的味蕾，超級好食，必食！

芥辣八爪魚手卷＄22

八爪魚爽口鮮甜，食落彈牙，配上自家製芥辣汁，辣辣地幾開胃。有嚼口的特質，味道非常之不同，不再單調的只品嚐八爪魚味！

總括餐飲體驗一流，壽司刺身超級新鮮，還有其他秋季限定食物，時令食材，留待下次再來品嚐。

高品質的日本料理。您可以在這裡找到新鮮的生魚片和壽司。很好的服務。
服務
內用
餐點類型
午餐

🐾渡邊屋

# The Japanese have a saying that for every new food we try, we gain seven days of life. I may be immortal by now
– Firoozeh Dumas

🐈不嬲都係壽司控，想當年留學嗰陣時簡直係食盡曬local壽司店，返到嚟香港幾經辛苦先搵到呢間高質素地道壽司店，認證！由日本人主理，食材每日新鮮到港，所以全部高質素但係價錢相宜，CP值高到爆炸😉

✨刺身盛盒(三文魚，油甘魚，間八，甜蝦，帶子，海膽魷魚卷，真鯛)
全部都係厚切所以口感夠曬正，而且款款都夠新鮮好鮮甜，🐈尤其鍾意佢個帶子肉質結實，夠彈牙

✨本鮪赤身蔥吞拿魚腩丼
吞拿魚腩成座山咁高，份量勁多，啖啖都係吞拿魚腩~混合日本生雞蛋再配埋飯食真係無敵，是日最愛🫶🏼

✨渡邊屋壽司盛盒(三文魚，油甘魚，間八，紋甲，帶子，赤蝦，海膽）
王道壽司選擇集於一盒，每一款都係精華而且油脂均勻又鮮味濃郁👍🏻同刺身一樣都係夠晒新鮮，配埋精心調劑壽司飯簡直係好味到食唔停口

✨加拿大海膽軍艦
每日由加拿大新鮮到港所以海膽係鮮甜無比好食💓

Overall體驗: 由日本人主理嘅高級壽司店滿滿日本情懷，在日居住幾年嘅🐈認證係正宗日本味道🥰咁高質素但係價錢唔貴，CP值爆高~食完當晚已經即刻介紹俾朋友

位於九龍城衙前圍道轉角位置的「渡邊屋」，返工放工成日都會行經
早排見佢哋裝修咗一段時間，最近重開決定嚟試一試
小店提供刺身，壽司，軍艦，卷物，手卷及丼飯
座位只有5個，吧檯形式可一睹壽司師傅的製作過程，由師傅將食物送上

🔹刺身盛盒 $248
▶三文魚：肥美鮮甜，充滿油脂香
▶油甘魚：肉厚鮮美，魚香甘甜
▶真鯛 (因季節而缺乏供應，轉為間八)：淡淡的魚鮮，肉質緊實彈牙
▶甜蝦：新鮮，入口有即化感覺
▶帶子：將帶子切半加人檸檬片，帶子鮮甜腍滑，檸檬能中和微膩
▶海膽魷魚卷：加上金萡，賣相精緻；海膽甘甜，魷魚柔潤，入口即溶
▶𩶘魚：帶點筋膜，新鮮嫩滑
推介指數：9/10

🔹花之戀
將三文魚精心的切至齒輪狀再捲成花形
蟹籽新鮮爽甜，三文魚新鮮細嫩，配合優質蛋黃醬更滋味
壽司飯不多，帶恰當的醋酸味
推介指數：9/10

埋單連加一$304
整體用餐體驗滿意，店員態度親切有禮，服務殷勤；加上食材新鮮，值得回訪
服務
內用
餐點類型
午餐

🍣屹立九龍城多年嘅 #渡邊屋，店主同街坊都很熟絡，店子很有人情味。

🍣裏面有七個位的吧枱，兩位壽司師傅👨🏻‍🍳在席前處理壽司。配上和式的木系裝修🎍，關上門口就像一下子去了日本🇯🇵。

🍣食物以壽司和刺身🐟為主。我哋點咗好多款壽司😍

火炙壽司盛盒🍱
💕盛盒有七件壽司，包括三文魚、油甘魚、帶子、左口魚、鰻魚、赤蝦、原條海鰻。
💕每件壽司都有漂亮而唔同嘅刀紋，配上火炙後紋理更為精緻，極盡視覺享受。
💕油甘魚🐟豐郁甜美，厚切後口感極佳，餘香在口中久久不散。
赤蝦🦐十分驚喜，蝦身上放上燒過的蝦膏，蝦膏香氣突出。
💕喜歡左口魚的朋友要注意啦，呢度嘅火炙左口魚配上師傳精緻的刀紋和微微炙燒，魚油都充份釋出，超好食🤤

本郁赤身蔥吞拿魚丼🐟
厚身的本郁赤身，顏色係新鮮粉紅色，質感油潤。旁邊有吞拿魚蓉和玉子，一起拌上飯吃🍚🍚，整碗飯都吃掉了。

💕北海道刺身丼
如果只吃一款，我一定會選北海道刺身丼！ 一碗已經有極厚切三文魚🍣、超油潤油甘魚🐟，吃到一口都是魚油🤤！ 仲有大量漲卜卜嘅魚子，同好堅挺、粒粒分明嘅大大串海膽，每款刺身都好新鮮。

唔怪之得咁多街坊幫襯，除咗環境充滿日式風味🇯🇵，連食物質素都甚高👍🏻，暫未去到日本嘅朋友可以黎感受下🥰
服務
內用
餐點類型
晚餐

同男朋友去食日本野，吞拿魚，三文魚又肥又新鮮，吞拿魚蓉丼有大量魚蓉，又香又滑，加埋隻日本蛋撈飯確係一流，刺身丼魚刺身超新鮮，三文魚子大大粒，粒粒都爆汁，最重要係個海膽勁甜，係我食過數一數二好食嘅海膽😆
堂食位置比較少不過好多人拎外賣住係附近嘅人可以一試🤭
餐點：5
服務：5
氣氛：4

魚生全部非常新鮮，神戶和牛壽司好好食
店面比較細，得唔個位，建議早啲去排隊。
服務
內用
餐點類型
晚餐
餐點：5
服務：5
氣氛：5

偷閒的一個星期五下午，往九龍城找點美味的下午茶嚐嚐。路過這間小店，店子只有5個座位，看到坐在窗邊的一對男女正在嚐新鮮精緻的魚生及壽司，忽發奇想，下午茶也不一定是甜店、茶餐的吧！抱著一試無妨的心態走進店子，叫了份池魚刺身、牡丹蝦刺身，還有幾件壽司。首先出場的是池魚刺身，為小店打下了堅實美好的牌面，很好！真是很好！味道極鮮、溫度剛好、肉質爽脆，很美味，讓人忘懷的感覺，吃到了幸福的感覺。喜歡小店的感覺，有直接的互動，吃到了生活。
服務
內用
餐點類型
其他