金寶泰國菜館(Cambo Thai Restaurant)

一般水準之下

九龍城地區所數一數二泰國菜館
開始越嚟越機械化不過味道依然

九龍城有好多泰國菜，今次一於試試呢間老字號。

⭐️醬爆蝦餅
呢個蝦餅特別之處係中間包左蝦膏，一咬開啲汁就咇晒出尼，成粒波蝦味十足。

⭐️活蝦刺身
一碟有8隻，蝦肉新鮮，爽口彈牙，加埋特製酸辣汁，愈食愈開胃，不過會唔小心食埋啲辣椒，真係幾辣，要係咁飲水！

⭐️泰式串燒
有雞、牛、豬，每樣各兩串。炭烤味香，加埋沙嗲醬簡直係絕配，非常惹味。

⭐️泰式炒金邊粉
炒得唔算好乾，金邊粉彈牙，酸酸甜甜，加上最愛嘅蛋絲、大蝦、豆乾，味道十分正宗！加上

鋪頭好多人，但係人手唔夠，變咗每樣嘢食都要等好耐先到！

食品品質穩定，價格合理。喜歡！

今晚又去九龍城食泰國菜，今晚試下衙前塱道哩間「金寶」先～ 餐廳一邊係越菜，一邊係泰菜～ 我地去咗食泰菜嗰邊，餐牌都有越式料理可以選擇～ 唔錯👍🏻而且餐廳冇收加一服務費，非常抵食👍🏻

泰式生菜包沙律$60
我地叫咗豬肉，份量好足👍🏻 肉碎有口感，味道好，唔會太鹹，少少辣，包埋新鮮生菜一齊食，好好味，簡直食唔停口😋👍🏻

椰汁青咖哩雞 $60
用火鍋上，雞嘅份量好多，青咖喱汁好香，我地點咗蒜蓉包一齊食～ 味道好好，唔算太辣，而且好香～ 推介😋

蒜蓉包$25
蒜蓉包一籃有兩塊，兩塊都烤得好脆，充滿蒜蓉香，非常香口，正👍🏻 配咖哩食一流😋

馬拉盞通菜 $55
通菜炒得好香，好腍身，唔錯～

泰式炒金邊粉$65
金邊粉炒得好香，味道唔算好濃，蝦亦有好多隻，加上青檸汁更好味～

招牌甜品拼盤 $80
賣相吸引，有芒果糯米飯、椰汁西米糕、椰汁紅豆糕、同椰汁大菜糕～ 芒果香甜多汁，糯米飯係熱辣辣㗎😍 有白色同黑糯米，配埋椰汁整體非常好味😋 另外三款亦甜度適中，口感好好，好味～

是一家既可以吃泰菜，又可以吃越菜的地道泰越老店呢！
當天跟同事點了三款菜式一同分享：“越南拼盤”HKd$100，“菠蘿焗飯”HKd$80和“蒜蓉炒雜菜”HKd$48：）
拼盤中有四種不同的小食，當中的凍卷吃下涼涼的，沾上酸酸的醬汁感覺清新開胃呀：）
菠蘿焗飯是用半個菠蘿呈上的，還有三隻爽爽的大蝦在表面，賣相有夠吸引賣相吸引而且分量不少啊！！！
而這個炒雜菜也夠鑊氣嘛，轉眼就給我们吃光光嚕xpppp
我们分別還喝了三色冰跟青檸梳打呢：D
這裏更是不收取加一的服務費呢👀👀👍🏻

如此美味的食物，舒適的座椅，全空調，價格合理！ 👍🏻👍🏻👍🏻 …

價錢適中，食物味道很好，地方清潔

豬肉生菜包
豬肉份量都算多，但生菜唔計肉底下的只有５條菜，最後可以問店員拎多少少生菜😹。豬肉酸酸辣辣好開胃。

越式炒檬粉
配料方面有黑椒札肉，蝦仁，蛋等等。炒檬粉有Ｄ黑椒味，炒檬粉乾濕度剛好，但味感有點淡，可以多加一點咸味。

辣椒羔炒大蜆
有６大隻大蜆啖啖肉，辣汁好惹味，但由於用甜辣椒去炒，所以唔夠辣，可以再辣少少就會更好味。

小食拼盤　—　細
有４款小食- 蝦餅，雞串，荷葉雞，蝦春卷。每款都有３舊，份量都算唔錯。

４款都好好食，蝦餅彈牙，雞串惹味，蝦春卷卜卜脆。

泰式奶茶
味道正宗，可以再濃味多少少。

試過幾好的泰國菜，知道的太遲了，可以的話會再來食。

是日夜晚要返一返娘家
同老公先去左九龍城食泰國菜
見到呢間有蔡瀾推介既
老公話即刻想試下😂
.
💜咁我地先嗌左
半打 串燒 3牛 3雞
一個著名泰式炸蝦餅🍤
一個泰式炒河粉 (padthai)🍝
一個泰式明爐蒸魚 我地改左要烏頭🐠
仲有青檸梳打🍹

💜一開場就會有各3串牛肉雞肉串燒
佢地燒得好香噴噴
肉質鮮嫩 而且仲有一個勁香既花生沙嗲醬好開胃!😉
而且有微微既炭爐香真係好有特色
.
💜我最愛既炸蝦餅🍤
佢地既蝦滑本身打得好有彈性
炸完出黎好脆身 而且調味都掌握得好好
又唔算好流😁
點埋個泰式辣醬真係好正 啖啖都蝦肉😌
.
💜我地仲有嗌個padthai
姐係泰式炒河
真係好有泰國地道口味阿
佢地跟足左有小小甜味 仲有小青檸跟住🙈
入面有小炸豆腐粒有蛋絲有火腿仲有大蝦添
配料黎講真係好充足💋
而且佢地炒既色水真係好夠
又唔會太淋
我地真係好鍾意
大蝦蝦仁又夠爽🙇‍♀
蛋絲好多
.
💜至於仲有一個係明爐烏頭
我本身係之前既菜館都會有嗌
但今次呢個有小小唔同
好特別佢係個湯底到有放一粒華梅🥶
令到成個酸酸既湯底個味更加出
連係面既椰菜絲煮左之後都吸晒d 味到
烏頭大隻 肉質鮮美
好抵嗌👍👍👍
.
仲有一杯好解膩既青檸梳打
好正 夏天黎飲好match !!🎑🎑

金寳泰國菜

此店已屹立九龍城多年，應該九十年代已經有，真係細細過都嚟過呢度食！泰國菜比較出名也是九龍城極紅食店之一，越南菜就最記得火車頭牛河～～～Yummy!

T19 – 冬蔭功湯（細）$70

– 大頭蝦，蝦肉彈牙又新鮮。

– 湯，味香濃又滑，比起泰國地道餐廳更出色。

– 配料，香菇味甜，肉質爽口，

T39B – 鹽燒鰂魚 （須時45分鐘) $170

– 主菜，魚大條，原條香燒，到桌時燒烤味已芬芳撲鼻！食落口，魚肉鮮甜，魚油四散，加上小小粗鹽，味道更一進！

T97A – 泰式炒A菜 $50

– A菜即是油麥菜，菜身尺寸剛剛好，不太長又不太幼，容易入口！菜又新鮮又爽口！

V1 – 生牛肉河 $52

– 湯味濃，加小小香草及檸檬汁，越南口味就出曬嚟！

– 生牛肉，比一般餐廳厚一點，增加不少口感，牛肉味顯得更加濃烈，好味！

– 河粉，又滑又彈口，合到好處！

价錢合理食物又有水準

爆醬蝦圓太棒了，希望我每次飲宴都能吃到它，泰國蝦開胃菜也很好吃。

你可以在一家餐廳點泰國菜和越南菜，後來他們會開Cambo燒味和Cambo Burger嗎？哈哈

金寶都真係我細細個佢就已經係到
九龍城區話食泰國菜都一定有聽過呢間
經得起歷鍊都一定有實力既
今日依然坐滿人

泰式炒金邊粉
唔係用冰鮮細細粒蝦仁 真係擺兩隻鮮蝦係面
金邊粉夠乾身 唔會太多汁

唦嗲串燒拼盤(6件)
有豬有牛有雞 每串都燒得岩岩好
保持肉汁! 一D都唔會乾憎憎
個醬偏黃 唔似平時D唦嗲醬
但原來食來又好夠味 越食越惹味
好想再加多碟

清炒椰菜苗
好大碟 椰菜苗好清甜

炸蝦餅(6件)
外面炸到金黃色 入面鮮嫩彈牙
唔會脆醬好薄 不錯不錯

當然仲要留返個肚食甜品
樣樣都食食就緊係叫
招牌甜品拼盤
有大家都中意食既香芒椰汁黑白糯米飯
芒果夠哂香甜 煙煙既糯米飯加埋和暖既椰汁擺入口 真係好幸福!
仲有齊下面呢幾款糕:
椰汁西米糕
椰汁紅豆糕
椰汁千層糕
椰汁大菜糕
真係一次過滿足你唔知幾多個願望!

我的伴侶想在我們的約會之夜吃泰國菜，因為我們在九龍城，而他已經有一段時間沒有來該地區了。我們不想回到大餐廳（你知道我們在談論哪一家），所以我們決定四處走走，看看哪家餐廳看起來不錯。

Cambo Thai Restaurant 由 3 家餐廳組成，這 3 家餐廳是連在一起的，所以我們認為它一定很不錯，而且確實如此！

當我們坐下後，我們看到了這個牌子，上面有四個名字和號碼。我們在想它們是什麼意思，菜名？但我們發現都是餐廳擁有的馬的名字！哦，我的天啊！盤子旁邊是賽馬場中馬匹的照片。請親自檢查一下。

首先，我們點了一份小冬蔭功湯，實際上比我們想像的要大，因為我們每人都喝了兩碗以上的湯。蘑菇和蝦子很好吃，湯本身也很棒！恰到好處的味道，帶有令人愉悅的酸味和甜味。然而，湯在爐子上加熱了一段時間後，變得很鹹。飯後最後一碗太鹹了，喝了兩口就放棄了。這是可以理解的，因為裡面的水在加熱過程中蒸發了。所以你最好盡快完成它。上桌時我吃的前兩碗真的很棒。

泰式炒河粉是泰國餐廳的必點菜色。這是一個很棒的帶有一絲甜味的。喜歡麵條之間的新鮮肉蝦。

我的另一個最愛是大蒜黃油雞翅。它們非常棒，尤其是當它們新鮮熱騰騰的時候！完全無法抗拒！

蝦子沙拉是我的夥伴想要的，因為它含有纖維。蝦子很新鮮而且很棒。葡萄柚片令人驚訝地令人愉快，因為它們並不太酸。我不太喜歡生蔬菜，因為我不太喜歡蔬菜，更別說生蔬菜了。

總的來說，這是一頓很棒的晚餐，價格也很實惠，只有 26 港元。如果您想在該地區品嚐泰國菜，那麼絕對值得一遊。

今晚又泰菜啦

喜愛泰式菜，今日來到九龍城食，不用揀，自然就是食泰式菜了。
今日揀了一間在同一街道都有3間的金寶泰國菜館。

餐廳裝修充滿了泰國色彩之餘，也有時尚氣息。

椰青$32
先要了2個椰青，清甜又好飲。

泰式生菜包沙律$60
泰式生菜包沙律，要了牛肉，裏面有青豆、香葉、洋蔥及蒜粒，炒得很香很入味，用生菜包著食，有口感又好味，有別於中國菜式，這就是泰式菜的特別之處。

鹽燒烏頭魚$170
鹽燒烏頭魚，每次食泰式菜，都很喜愛燒鰂魚或鹽燒烏頭魚，今日就要了鹽燒烏頭魚，因燒需時，所以就先點了。
鹽燒烏頭魚外面燒得有少少焦及鹽燒的痕跡，非常吸引，魚肚𥚃有調味料及放了很多的香茅，最喜愛就是點上跟配的泰式帶辣的酸酸甜甜醬汁，很是惹味。

馬拉盞炒通菜$55
馬拉盞炒通菜，炒得夠鑊氣又入味。

九龍城 = 小泰國！

食泰菜自不然就想到九龍城，因那𥚃見得最多餐館的就是泰國餐廳。要在眾多的泰國餐廳中脫穎而出，必須要有其獨特之處，若食客認得記得餐廳的名就已贏了一半！

金寶，在我年輕小的時候，爸媽就帶我們食過。令我最深刻想必是當時我走出餐廳外，原來有好幾家金寶就在前面，就幾步就是金寶，金寶，金寶。

回憶總是讓人不停重複幸福，小時媽媽帶我食，大了就到我帶媽媽食。❤️

説回正題，

咖哩炒蟹(細)
雖然點了細的份量，但其實一點也不少，足夠兩人享用。最值得讚是其蟹一上碟，亦可見得是原隻的，而且蟹蓋多羔，蟹肉亦非常鮮甜，咖哩不會因太辣，太濃味已掩蓋蟹的鮮味，抵讚！👍🏻👍🏻

菠蘿焗飯
泰餐必點之選！菠蘿本身甜，用於焗飯後再加上肉鬆，令整碟飯更有菠蘿香肉鬆甜的味道。不得不讚是飯的軟硬程度剛剛好，不會太濕，夠乾身，食到一粒粒飯香。３隻蝦亦非常新鮮爽口，令其賣相更吸引！
馬拉盞炒通菜
一般在外吃飯我都甚少點通菜，因為當你試過有９成都是「伏」時，你就寧可點其他菜都不點通菜。所謂的「伏」就是菜太老，太硬。由於現時都是通菜的季節，又為應媽媽的要求，就點了通菜。此家出奇地，通菜＊很嫩又不老＊，而用馬拉盞炒是不死配搭！

最好，當然是飲個原隻椰青！

總結，
九龍城近年因地鐵興建整路，而令多間餐廳生意慘不忍睹。
在飯後經過多間其他的泰國餐廳，都未有滿座。
而金寶，以我所見，其３間分店都滿座，可見它是有其吸引人到之處。

價格方面，夠親民價！希望它不論在食物質素及價錢方面都仍能保持一直的水準及親民。

九龍城最多就係泰國菜， 同男友蕩黎蕩去之後男友見呢間有泰國菜同越南菜夠多選擇就揀左呢間😅 (佢係兩間舖位痴埋一齊一間越南一間泰國可以互相點另一間嘅菜式)
兩個人叫咗個細酸辣海鮮湯，泰式金邊粉，馬拉盞通菜，無骨鳳爪沙律，新鮮芒果甜品同拉椰糕甜品 (其實最後都係叫晒全部泰菜🙈)
個細酸辣海鮮湯都幾足料，啲魚幾滑，味道係飲開泰式酸辣湯既味道，幾重香料味，辣度接受到，有個煲煲熱住係好好既設計，因為湯凍左真係唔好飲😀 尤其有海鮮驚凍左會腥
泰式金邊粉係我食泰國菜必叫😅 酸酸Mei Mei 好好食，又有我中意食既蝦，呢間既蝦都幾爽👍
馬拉盞通菜都係我食泰國菜好鍾意叫既餸之一，通菜脆口，配埋好微微既辣同啲蒜勁惹味😋😋
食到7788好想食甜品但係又好似食唔落糯米飯，所以叫左個“新鮮芒果”， 好少見泰國菜有得淨係叫芒果😂😂 個芒果好甜無渣，很好吃😍
至於個無骨鳳爪同拉椰糕都係男朋友食，因為我好少食沙律同埋我係好唔鍾意椰汁味🙈 不過佢話個鳳爪幾辣(佢同我一樣唔食得辣🙊) ，而拉椰糕好煙靭得黎重椰子味，佢覺得幾好😅
呢間餐廳好多選擇同埋價錢合理，都幾推薦😋👏

金寶泰國菜館
又嚟泰國🇨🇷菜
–

跟據我嘅非正式統計🔢，呢期唔知點解~~唔同嘅fd 都約我食唔同泰國🇨🇷餐廳。好彩每間都咁好好味。

我呢個朋友一入嚟呢間舖頭，就話佢細細個👦就已經喺度食，食咗幾廿年咁話喎🤭。

泰式炒粉絲（$65）
好味到🤤🤤， 停唔到口嘅味道。

泰式炒通菜（$50）

泰式串燒［6串： 雞 🐔/ 牛🐂 / 豬🐖］（$70）
如果要我比分嘅， 我會比 1.牛🐂， 2.雞🐔， 3.豬🐖。 串燒食咗， 食咗唔會係咁灌水🥛。
再點下側邊嘅黃色椰汁， 肉嘅味道咁出👍。

蒜蓉🌰法包🥖（$25）
朋友仔話見到隔離枱叫好香喎，點都一定要叫個蒜蓉包食。

越南滴滴咖啡☕［熱］（$25）
原來呢間都有呢款coffee☕， 好飲嘅當然要再飲多次喇。

招牌甜品拼盤（$80）
拼盤嘅好處，就係樣樣甜品都可以試啲， 啱哂眼寬肚窄嘅我地。

其實食店裝修唔使太過花巧， 有時懷舊 + 傳統 + 老字號嘅風味亦都得到民心😍。今日係平日都座無虛席就證明到喇😎。

呢間舖有哂服務，都無加一，真心覺得好抵🤑！！

==========

金寶泰國菜館
地址： 九龍城衙前塱道25號

一直都好鐘情泰菜，每次到九龍城吃泰菜都一定會點馬拉盞通菜，之前食過好多間泰國餐廳嘅馬拉盞通菜,已經覺得其他餐廳嘅通菜煮得好好味，但係原來高處未算高，金寶泰國菜館，既馬拉盞通菜更美味，夠鑊氣的惹味小炒，這餐廳的通菜炒得很出色，濃郁的馬拉盞醬汁，鹹度適中，讓人吃不停口🤤🤤

泰式炒金邊粉
酸酸甜甜香茅味極濃的😋開胃 惹味
還有些雞蛋🥚和豆卜一起炒 好好吃
把香草炒牛肉撈埋一齊食更加好味，牛肉粒甜甜地，yummy yummy 😋:like:

薏米龍眼冰 ，飲品味道好清甜，薏米水又可以去下濕。

甜品可以mix埋四件😋😋

越泰風味餐，啱哂港人口味，價錢亦合理，必定一試！

金寶係九龍城數一數二既泰越菜老字號，帶外國朋友嚟九龍城不錯選擇。佢都無反對，話有旅行書介紹。平日嚟到都唔洗等，入嚟覺得唔同左？！

裝修左，新潮左又不失泰國風既黃色。

冬陰公 細既 $70 大既$120

酸辣正宗，多多大蕃茄支持。煲耐d會甜，底部最好味。2個人夠飲！當中有1隻半蝦，微彈牙，唔會老得濟。

椰汁青咖喱雞 $60

泰國茄子比長茄子甜同多汁，白豆角就係軟林爆青咖喱。青咖喱唔太辣而香，帶有香茅味。唔太識到辣既人既咖哩恩物，哈哈！

雞肉嫩，無乜肥，唔錯！

椒鹽軟殼蟹 細既 $95 大既185

份量對得住個價錢！本身以為應該得4件度，點知有6-7件到。件件都脆口又有椒鹽蔥花味同紅椒點綴。軟殼蟹唔會因爲炸而乾，反而油汁夠。食到好香口，連脆脆都食哂。

清炒椰菜苗 $60

超大份量，好多椰菜苗芯好清甜。如果用蒜頭或者馬拉盞炒會更好，但因為我地見到我地今晚啲餸都好濃味，就叫佢清淡點中和中和。

泰式金邊粉 $65

有蝦外，豆芽、豆乾，櫻花蝦同蛋多。反而有火腿就搞笑點。金邊粉甜味十足帶淡魚露味，重手點會更好。

整體都幾好，又無加一！外國朋友都滿意，無帶錯佢嚟啦。

金寶泰菜之保証
與友金子往九龍城食泰菜，記得有同事曾說去過金寶泰國菜館，是很地道泰菜！好！

泰式大蝦柚子沙律，大蝦與柚子新鲜，及有脆腰果，和雜菜！味剛好！

冬蔭公，用炉上枱，熱騰騰泰式地道上菜，材料新鲜
，酸辣適中，好，友人金子是讚好味
咖喱炒蟹，一看買相很好，及至食時更是好味，多汁又夠味，蟹份量不小，我與友人也叫了飯伴汁吃，更大快朵颐，吃著咖喱汁的飯，很是滿足！

泰式炒通菜，菜嫰又入味，炒得夠火喉！厨藝確不錯，
而店也環境好舒適！

友金子說要再來啊！我當然赞成

星期四晚上 6 點左右和我的朋友來到這裡。當時這里人不多，但有人進行了體溫檢查和手部消毒。餐廳裡1.5米的距離有很多空間。服務器對於素食要求不是很靈活。唯一推薦的是素食咖哩。相反，我嘗試了不含肉的咖哩面，並點了一份蔬菜。咖哩面還可以，蔬菜也還可以。牽牛花是唯一一道我有話要說的味道不錯的菜。對於該地區來說，價格可能有點貴。不確定我會回來…除了歷史之外，這個泰國地方對我來說沒有什麼瘋狂的地方。