上戶酒場(UEDO Sakaba)

這裏的日本料理種類非常多選擇，有鐵板，一品料理，活刺身……等。
除了刺身高質素外~
今晚最令我難忘的是這裏的燻製料理。
煙燻日本豚肉
第一次吃到，驚喜又新奇的味道！瓦煲上枱打開蓋一股煙燻味撲鼻！網㗎下使用了蘋果木燻制食物的。煙腩很入味！很有特色！

煙燻五層五重芝士pizza
入口鬆軟芝士又香又滑口感豐盈，加入獨特的煙燻味……太難忘的口感！
第一次吃到如此好味的pizza！
煙燻料理非常出色！

九龍城居酒屋
A new izakaya in Kowloon City.

呢間位於九龍城居酒屋嘅食物質素及味道都很有驚喜，服務都非常好，這店內裝修都好有格調。

餐廳有多款午市定食好抵食，我同朋友分別揀咗天婦羅 & 刺身，定食跟一個前菜及一個麵豉湯，湯有海鮮味道入邊加咗蜆同埋蝦👍🏻午市時間$50任飲啤酒🍻，真係啱晒鍾意飲返杯嘅朋友。

單點我嗌左佢哋主打嘅煙熏系列，係用砂鍋裝住嘅煙燻三文魚，魚肉半生熟外脆內軟加埋煙燻嘅氣味真係幾香，味道仲唔錯添，值得一試。

另外仲試咗兩款壽司金木鯛魚&火炙吞拿魚壽司，味道鮮甜😋都係我極力推介🥢

我下次會晩市再去試得多啲嘢！

屯馬線開咗，呢輪都多咗去宋王台站，九龍城食飯，今日去咗呢間日式居酒屋，前菜系野菜伴鯷魚醬，沙甸魚及鯷魚醬充滿咸香，點醬後野菜條入口特別清甜。原條依佐木刺身配酸汁，白身魚的爽口，魚味夠鮮，油份不會太重，適合夏天吃，加上酸汁特別醒胃。泡菜炒豚肉，有啲韓式，酸酸地加埋豬肉，送酒走唔錯。煙薰厚切三文魚及日本豚腩肉，完個煲上，打開聞到勁煙薰香氣，個人覺得肥少少的豚腩肉比較配合，入口爽爽脆脆似煙肉，但層次更複雜。鐵板鮑魚配蟹肉海草汁，鮑魚夠彈牙有甜味。龍蝦味增虎蝦，面上有大量龍蝦味噌，味噌加埋龍蝦膏的甘香，味道好特別，面頭仲有好多蟹籽，卜卜趣，口感豐富。刺身剩低的依左目魚滾的魚湯，白雪雪的魚湯入口鮮味又夠熱，飲完酒飲少少熱湯特別舒服。

同事推薦過九龍城龍崗道有間大戶酒場是主打煙燻日本料理.，在宋王臺地鐵站行幾分鐘便到達。既然開了屯馬線，交通很方便，一於去試吓！餐廳四週的佈置和枱椅都是採用仿製原木，充滿日式風格，燈光效果柔和。
大戶酒場主打煙燻系列包括（羊架、牛舌、蕃薯、五重芝士、帆立貝仔、牛小排、日本豚肉腸和豚腩肉），等叫咗豚腩肉, 充滿香濃煙燻味，肉質表面煙燻至呈現微焦，且肉嫩多汁，不覺油膩😋！
日本象拔蚌刺身（原條）+象拔蚌膽炒蘆筍，個刺身好大份，肉質爽甜；師傅利用象拔蚌的膽來炒鮮嫩蘆，第一次咁食法，成了一味兩餸菜👍。
一杯甜甜酸酸的乳酸梳打是這特色晚餐最後的終結！

《🦀蟹鍋食到停唔到口🤪》

屯馬線開通後第一次搭鐵嚟九龍城😹 九龍城食店林立，朋友生完可以飲酒🍻一於啤啤佢🍺

🥕野菜條伴醍魚醬 $32
醍魚味十足，帶點開胃感覺！醍魚醬用細壺火爐熱住，溫度剛剛好！如果過熱就會有腥味🤔

🍏青蘋果蟹籽沙律 $58
呢個沙律好清爽！青蘋果超爽口，加埋有點邪惡沙律醬🤪

🔥火炙左口魚邊壽司 $24@1
火炙味香噴噴，肉質超軟腍😝

🦐赤蝦壽司 $28@1
大大隻赤蝦！辣鮮超甜

🍖鹿兒島A4和牛鐵板燒 $888
和牛烤得剛剛好😻入口即融油膩感濃郁🥰要食返啖沙律菜中和一下😂 每一口都有醇厚牛肉味道🥰

🦀香箱蟹鍋 $380
🦀蟹味噌湯底！味道超鮮甜！飲到停唔到口🤪
材料仲有蟹殻，蟹膏，蟹腳，金菇，冬菇，菜🥬蟹腳仲細心哋剪開咗，可以慢慢用筷子刮啲蟹肉出嚟！蟹殻內藏厚厚蟹身超多膏🤩

+$50 加配日本珍珠米🍚生雞蛋🥚紫菜同青蔥，呢個好值得加！將蟹鍋變做第2種食法！蟹鍋滾起後，將白飯🍚倒落蟹鍋中，將雞蛋攪拌好🥚連同蔥同紫菜倒進鍋中！熱辣辣嘅蟹鍋湯飯就完成啊🤩我哋2個人食到停唔到口，最後飯同湯都清哂🤪

🍺Suntory生啤 $58
🍻Orion啤酒 $48

📍上戶酒場 (九龍城)
九龍城龍崗道33-39號龍翔閣地下A號舖

Ig: Mylittlegourmand
Fb: Mylittlegourmandcc

有驚喜的居酒居

位於九龍城龍崗道最近開了一間居酒居，口碑不錯，開業不到一年，人流頗多，今晚和太太特意來到此店晚膳。店舖不算大，佈置充滿和風色彩，絕對是飲酒和品嚐美食的好地方。
先來冰凍啤酒，前菜是鯷魚醬野菜條沙律，蔬菜條新鮮爽口，鯷魚醬冶味。
西班牙活蠔刺身 – 兩隻巨型活蠔，海水味濃，Creamy質地，肉質肥厚，爽口，配酸酢汁，非常美味。
金目鯛刺身 – 原條金目鯛起肉 – 後，用火槍將魚肉表皮燒了片刻，厚切後放回金目鯛的骨架旁，擺盤完美無瑕，魚肉鮮甜爽口。魚頭和骨架其後再用薄粉醬酥炸，甘香鬆脆，用來佐酒，非常匹配。
清酒煑蜆 – 蜆肉新鮮軟滑，吸入清酒味道，十分和味。
鐵板魷魚鬚 – 甘香爽脆，鮮甜美味。
煙燻白鱔和雞翼 – 用櫻花木作為煙燻材料，更提升了鰻魚和雞翼的味道。
居酒屋除了食材新鮮，侍應招呼週到，每次食物上枱時，更詳盡介紹，值得嘉許！

價格太高不成正比，所以有座位。

話說這間位於九龍城龍崗道的『上戶酒場』，先生想去好耐，最近屯馬線開通，我們先到宋皇臺站參觀，再到『上戶酒場』慶祝生日，真係好興奮 ！！！😍

餐廳以簡樸的原木打造出日式居酒屋風格， 店內擺滿不同的日式清酒，很有特色，先來果味香濃的巨峰味果酒和＋一杯令人愈飲愈興奮的三得利威士忌割冰開場～～😜

餐牌內既有壽司，刺身，天婦羅，丼飯， 也有壽喜燒，鐵板燒，煙燻海鮮/肉類，
還有原條活魚刺身等一系列日式料理，選擇多元化。😎

🎯野菜條伴鯷魚醬 $32
前菜點了這款由多春魚及沙甸魚製成的鯷魚醬伴蔬菜條， 紅蘿蔔爽脆， 沙葛爽甜，沾上咸鮮幼滑的魚醬同食，令人停唔到口。

🎯磯煮鮑魚 $88
先生一直鐘愛鮑魚，這款磯煮鮑魚炆得入味，口感軟淋彈牙，富鮑魚味。

🎯燒明太子伴青瓜片 $88
平日在日式超市買到的明太子通常偏辣又偏咸，估唔到配合青瓜同食，味道清新又剛好，送酒一流。

經理介紹，店內的海鮮刺身，全由飛機直送到港，日日都有新鮮飛機貨送到～～🤹‍♀️

是日推介大虎蝦， 伊佐木魚，西班牙生蠔，款款都甘吸引，最重要係價錢合理，
一年一次，梗係要食豪 d 。😘

生蠔，我們選擇了2 種食法～🤹

🎯先生喜歡香口，用味噌燒最適合了，
上枱香噴噴，面層加入辣蘿蔔蓉，
令味道更為豐富。

🎯生蠔超大隻， 肥美又飽滿，對我來說，當刺身食用，必然是最佳選擇，入口海水味和鮮味都十分出色呢。

🎯繼肥美生蠔後，重頭戲，擺盤精美的原條活魚刺身接著上場，這日的主角伊佐木魚在白身魚來說，脂肪較為豐富，店員說伊佐木魚在夏日當造，現在食正合時。

🎯切得透薄的伊佐木魚刺身配酸汁，蘿蔔蓉，蔥花同食，鮮味瞬間提升，越食越開胃，魚身完全無骨，入口柔軟嫩滑，魚味濃厚香甜，一下子又食至清碟。👍

🎯龍蝦味噌虎蝦 $178
鐵板菜式，虎蝦個頭超大，先在鐵板煎香， 再加入厚厚的龍蝦味噌同燒，滿口龍蝦膏香， 且虎蝦肉質新鮮彈牙，帶鐵板煎過的 獨特香味，又有蟹子更鮮， 不愧是餐廳的熱門菜式。😍

🎯櫻花蝦炸豆腐 $68
櫻花蝦跟豆腐同炸，入口香，鮮，軟，脆齊集，非常好味，是一道令人著迷的菜式。😃

🎯煙燻牛舌 $98
煙燻牛舌用煲仔盛載，送上枱後，店員才 打開蓋子，焗好的牛舌真係好香， 表面煎得金黃，入口油脂豐富，帶煙燻過的獨特木香味。😁

令我最為窩心的是店員竟把伊佐木魚的魚頭魚骨，加入白魚滾湯，湯水濃郁鮮甜，魚味極濃，好好飲又好暖胃。🥰

最後送上先生為我準備的浪漫生日驚喜，包括有焦糖，芝麻，哈蜜瓜，鹽漬櫻花，4 款口味的和菓子，更有香蕉和巨峰提子味的忌廉卷蛋，款款都甜美動人，估唔到酒場除日料外，甜品都做得出色。🤓

除美食外，店內氣氛輕鬆寫意，令人感覺舒適又放鬆，員工有禮貌，收枱快，經常主動添加熱茶， 服務殷勤，也是令我喜歡的原因之一，食完一次後，『上戶酒場』榮升我最喜歡居酒屋的首位，超讚讚讚 😆😆😆

💋 上戶酒場 @uedosakaba
九龍城龍崗道33-39號龍翔閣地下A號

服務太好了，直得推介九龍城裹的日本餐廳，食物質素高！

不錯的居酒屋！

食物令人滿意的日式居酒屋

港鐵開左後，間接令到我都多左黎到九龍城搵食，除左泰國菜，其實九龍城仲有好多其他好野食。

坐底後店員就會送上一客野菜伴提魚+沙甸魚醬，可以一邊食住慢慢點單。本身擔心紅蘿白會唔會好生好難食，但出奇地好清甜，點住魚醬食最好食，但魚醬單食有點鹹。

🔸原條金目鯛

原條金目鯛刺身比以往食過既金目鯛刺身更加鮮甜，可能因為係需要食用時先進行處理，魚肉等氧化程度較低，味道自然有提升。刺身厚薄得宜，而且魚皮火炙過，魚油和魚香都迫出來了，刺身味道甘香，入口嫩滑。

剩下的魚骨也不要浪費，呢度可以提供將魚骨脆炸或做成魚湯的食法，最後我們揀了脆炸。魚骨脆炸後，不單止更加香而且骨位的魚肉也可以食。

🔸鐵板原龍蝦
龍蝦肉爽口彈牙，面頭有蟹籽，口感和鮮味更加提升。

剩下的龍蝦殼店員幫我們做了泡飯，用上味噌湯底，龍蝦殼煮後鮮味都溶入湯裡，配上飯粒，非常好食。

🔸煙燻厚切三文魚
店員送上來時已經聞到煙燻味，食落同樣都有微微的煙燻味，厚切的三文魚沒有煮到全熟，魚肉保留了少少粉色，食落嫩滑油脂豐富。

🔸味噌豬腸蘿白煮
蘿白非常入味好吃，豬腸沒有臭味處理得乾淨，但多點油脂會更好吃。

🔸明太子奄列
非常大份，切開蛋汁會流出，內裡有明太子。

🔸泡菜菜炒豬肉
少少辣，非常惹味，非常適合。

🔸巨峰梳打
沒有叫到酒精類飲品，只叫了梳打，一樣非常適合配著日式小菜吃。

最有驚喜係有某些食品菜單無的，店員會提供意見給你，再讓師父特別料理，保有少少神秘色彩，非常特別。

食物新鮮,職員態度誠懇有禮，直得一試

工作人員有禮貌，招待好好，食物新鮮，櫻花蝦炸豆腐好特別

和風煙燻上戶酒場

屯馬線開通都有一段時間，都是第一次搭港鐵來到宋皇臺站(九龍城)，據知附近有一間充滿日式風格的「上戶酒場」，當然即時進內一試。

店內以淺木色為主，放滿了酒瓶，掛滿了菜式木牌，真的由如置身於日式居酒屋之中。

前菜 – 野菜條伴醍魚醬
醍魚醬香味十足，把野菜條加上醍魚醬，入口鹹香味濃，而又食到野菜條清新口味，真是一款不錯的前菜之選。

難得約到好友來到，即時食豪d，叫番道活魚刺身原條伊佐木。
師傅即時處理伊佐木，還看到由原條一下一下切成
薄片，見到都嘆為觀止。

時令活魚刺身 – 伊佐木刺身(原條)
伊佐木薄切後份量不少，其白裡透紅、軟腍中帶點清新，再配上香蔥醬汁，更顯鮮味。

蔥吞拿魚腩蓉手卷
口感綿綿的蔥吞拿魚腩蓉蓋上手卷上，一口脆紫菜，一口幼滑吞拿魚腩蓉，口感豐富，鮮味十足。

黑松露帶子手卷
手卷上放滿了帶子、黑松露，感覺更豐富澎湃。
帶子肉厚鲜甜，加上黑松露醬咸香，令手卷鮮味更得以提升。

板燒豆腐
以板燒香燒頭腐，外層微微焦香，而內層則保持豆香嫩滑，再配上秘製醬汁，非常滋味。

最後更追加了2款煙燻茶式煙燻白鱔和煙燻雞翼，他們以特製櫻花煙燻木散發出來嘅燻煙，從而提升食物風味。

煙燻雞翼
煙燻後肉味更能突出，雞翼外皮金黃，鹹香脆口，
而肉質還有陣陣煙燻香味，肉質嫩身，一流👍🏻。

煙燻白鱔
打開煲蓋時，陣發著陣陣燻香，白鱔連魚皮燒至金黃色，燒得魚皮脆卜卜，又保留了白鱔的魚肉彈牙肉汁鮮嫩，層次豐富。

大大隻波士頓龍蝦二食~~
龍蝦刺身鮮到不得了，爽口又彈牙，又有蟹子 鋪面入口卜卜聲。回味呀～
龍蝦甲羅燒，香濃龍蝦味配埋威化餅夾到不得了。

多一個與朋友聚會的選擇

食物新鮮高質，服務態度佳，性價比高

近來疫情緩和，晚市堂食放寬，當腖然與老婆寶寶外出吃個晚飯，我們便來到九龍城新開的日本居酒屋，順道暢飲談天。

餐廳裝潢以全木系為主題，從門外招牌、各款掛牌以至餐桌坐椅均可看見其足跡。內裡環境燈光明亮，座位分開吧台和普通座椅兩種，而吧台頂端加入了大量日本酒瓶作裝飾點綴，整體設計讓人猶如置身日本的深宵食堂之中。

鈿女 天女之舞 純米吟釀
清酒是使用傳統技法精心釀造而成，其酒精含量為15%，飲用方法可以常溫或熱燗皆可，酒體順喉有層次，清爽並帶有微甜，味道米味香醇，散發花香。

野菜條伴鯷魚醬
前菜的野菜條分別有紅蘿蔔條、白蘿蔔條、青瓜條，口感皆新鮮爽脆，清甜帶汁。鯷魚醬貼心地放置於爐子上以保持溫度，醬汁魚味濃郁，鹹香且有小量魚腥，特別的味道配搭野菜條食用別具一番風味。

螢光魷魚沖漬
外觀細小的螢光魷魚沖漬正好可以一口一條，方便進食，其表面富有光澤，入口滑溜煙韌，微硬的口感甚有嚼勁，味道鹹香鮮美，魷魚味道濃郁出眾。

刺身盛合八款
刺身盛合分別為北海道海膽、牡丹蝦、帆立貝、赤貝、吞拿魚腩、油甘魚、三文魚、三文魚籽此八款，刺身皆原味出眾，新鮮可口，同時各具特色。海膽可以包裹上紫菜食用，口感豐腴鮮甜，入口即化。牡丹蝦蝦肉甜美，細綿帶爽。帆立貝厚實彈牙，清甜滑嫩。赤貝爽厚甘甜，味濃脆彈。吞拿魚腩甘香濃厚，綿密腴滑，沾舌即化。油甘魚柔軟細滑，肥而不膩。三文魚魚油豐盈，甘香爽滑。三文魚籽則明亮飽滿，鮮嫩香甜。

火炙牛小排壽司
此道壽司是餐廳的主打款式，師傅把牛小排輕微火炙後再食用，口感鮮嫩微彈，牛味濃郁，配搭上壽司飯和青蔥，則可增添鮮味同時達到緩和油脂。

煙燻穴子壽司
穴子屬於海鰻的一種，由於習慣棲息於海底洞穴因而得名。普遍餐廳師傅一般使用上三文魚包裹三文魚籽，此處則較為特別，把款式改用鰻魚配搭蟹子，並加上醋飯而成，其賣相精美飽滿，食用時味道濃郁緊實，清甜爽脆，帶有煙燻氣味。

磯燒鮑魚
廚師把鮑魚切割開四份，除了是讓顧客更容易食用外，另一方面亦為求令製作過程可以更加入味。呈現深色的鮑魚肉質是使用醬汁長時間慢煮，並再進行輕微燒灼而成，口感厚肉緊緻，濃郁彈爽，鹹香帶甜。

蔥吞拿魚腩薄脆
頂部淺粉的吞拿魚腩脂肪含量較高，入口肉質軟綿肥美，幼細香滑，魚味濃郁，伴同蔥粒食用，則能緩和腥味，底部再配搭上薄脆，則為整體口感增添了香酥爽脆。

煙燻羊架
煙燻羊架共有三件，上桌時雖已是完成燒製，但師傅額外使用食具盛裝煙燻木並放入網架，再把羊肉放置於頂部，以達到燻焗肉質的效果。羊肉肉味濃郁不騷，外層帶有輕微香脆，味道散發煙燻香氣，是道創新特別的菜式。

煙燻日本豚腩肉
日本豚腩肉與上道菜式製法相同，其外觀肥瘦均勻，肉質細緻柔軟，鮮嫩滑潤，鹹香即溶，不但有著原來的香甜氣息，燻製過後更令豚腩肉增添絲絲煙燻氣味。

炸蝦頭
師傅絲毫不浪費食材，此道菜餚便是把刺身盛合中的牡丹蝦蝦頭留下並進行炸製而成，口感香酥爽脆，蝦味濃郁，擠上檸檬汁同食，味道清新不油膩，是道伴酒一流的佳品小食。

柚子雪葩
奉上時使用冰塊放底以保持食材溫度口感，可見服務周到貼心。雪葩使用原隻柚子製造，食用時冰涼透心，入口即化，味道清甜幼滑，果香滿溢，清新芳香的甜點作為飯後結尾自然是適合不過。

總結而言，餐廳設計富日本居酒屋風味，環境方面光猛舒適。菜餚賣相精美，從食具至擺盤均可見精心製作，味道新鮮味美，製作正宗高質，價錢合理抵吃，是與朋友們聚餐和打卡拍照的好地方。

探索屯馬線第二集，發現呢邊有唔少居酒屋，同呢個隱世嘅神秘地帶好夾，有種孤獨美食家走入橫街窄巷嘅代入感。

野菜條伴鯷魚醬作為前菜交足功課，鯷魚醬全程座熱，暖暖地好有魚味，為野菜條生色不少。 尤其鍾意沙葛條好多汁好清甜，好似食緊梨咁爽脆。

刺身盛合 ($338)
作為唔鍾意白身魚嘅代表，不得不讚眼前係我見過最有光澤最新鮮嘅油甘魚，入口魚味好濃完全唔腥。 海膽亦都係超水準發揮，就係甜到連一細塊都㗳得出個甜味，雖然好有心機地配左紫菜，但空口食先唔會嘥料。

鐵板牛油刀貝 ($128)
曾經食過海鮮蒸鍋對刀貝一試難忘，本來以為清蒸以外嘅煮法會徙咗清甜嘅刀貝，但原來加牛油汁會更加香，完全唔會油膩，連汁都飲埋。 刀貝脹卜卜，爽口彈牙夠鮮甜。

雞翼串 ($28)
雞翼已經開左邊，令火力更加平均。 除咗香噴噴之外，真係一路食一路滲出肉汁，呢個手工其實賣貴一倍都唔過份。

煙燻五重芝士pizza ($108)
同樣用返呢度最耍家嘅炭爐煮法，好特別地個Pizza底真係食到炭燒香味。 食到尾依然有拉絲效果，少有地真係芝士有芝士味，唔會太鹹或者膩。

🎼【屯馬開通真的很興奮】🎶 第一次直撘由新界西來九龍城，十級方便，以後食飯選址又多一個選擇!

為慶祝測驗完畢，我倆口子當然自己出來慶祝一番! 掛念旅遊的日子，選日本餐在所難免。

小小的居酒屋，感覺很cozy。
前菜 – 鯷魚醬 ，很喜歡這個醬咸鮮感極重，配蔬菜條，很開胃。

時令生蠔 – 西班牙生蠔很肥美，點點海水味入口嫩滑。

刺身5款 – 有三文魚，油甘魚，吞拿魚，海膽，牡丹蝦 ，全部厚切，很喜歡油甘魚的味道，厚厚的啖啖肉，軟滑帶油香。

鐵板鮑魚配松葉蟹汁 – 鮑魚爽口，絕對不韌，熱熱的配上蟹汁，又帶出另一種鮮味。

煙燻三文魚腩 – 這個要試，一開蓋煙燻味很香濃，一邊魚皮香脆，一邊油香撲鼻，入口三文魚腩油在口中漏出，十級好味，邪惡感極重。

炸蝦頭 – 師傅把刺身的蝦頭炸好，非常香脆，又不油膩，我可以把整個蝦頭都吃下肚去，很少餐廳可以炸得如此乾身且不油，絕對要讚!

鹿兒島A4 和牛 – 和牛一向是我至愛，香濃牛味，入口軟淋，油香在口中迴旋。只需配上旁邊的乾蒜就夠，醬汁也不用放。

用三文魚飯團和明太子飯團配和牛吃最好，飯團結實脆面，吸一吸和牛的油，中和一下。

輕輕鬆鬆又過了愉快的一個晚上，值得encore!

上戶酒場走日本居酒屋路線, 主打休閒地飲酒, 飲酒當然唔少得佐酒美食, 燒物香口惹味及其他佐酒小食, 不錯的選擇。

**原條金目鯛刺身 ~ 金光閃閃, 金金紅紅的金目鯛攞曬彩, 宴客大方得體。魚肉很有光澤, 以火炙方式燒一燒金目鯛魚皮表面, 燒出金目鯛的魚油分, 入口更鮮更甜, 更美妙‚金目鯛魚肉質感比較軟身, 滑溜得黎有少許黏口口感, 入口甘甜鮮美, 拈2滴壽司醬油題提鮮已經非常鮮味了。

一魚2食 : 脆炸金目鯛頭及骨 ~ 食完刺身衍生出嚟的副產品, 魚頭及魚鮫炸到脆卜卜, 夠曬香口, 要嚟送啤酒一流。

**鐵板原隻龍蝦 ~ 原隻龍蝦以牛油, 少許蒜蓉及胡椒鐵板炒熟, 炒到剛剛熟再放回龍蝦殼, 上枱香噴噴的, 龍蝦肉鮮甜爽口到呢, 加上爆汁鮮味三文魚籽, 鮮上鮮, 龍蝦頗大隻, 真係啖啖, 大滿足。

*龍蝦頭爪泡飯 ~ 龍蝦頭有好多蝦膏食唔到, 唔浪費, 最好嘅方法係用龍蝦頭及龍蝦頭爪淆湯用嚟滾個海鮮湯底做泡飯, 湯頭鮮甜甘香, 加少許蔥花提香, 既飽肚又好味。

有創意的日本料理

最近與朋友談論飲飲食食，其間聽聞九龍城開了一間日本餐廳名為「上戶酒場」，此店專注煙燻菜餚和多款高質素的日本料理，是典型的日式居酒屋。事不宜遲，今晚來到此店一嚐師傅的廚藝。慶幸預先訂枱，否則會白行一趟，我們坐近bar枱，可以邊看師傅的廚藝，邊享用美酒佳餚。
由於酒量不好，飲品選擇了巨峰梳打，前菜是蔬菜沙律配鯷魚醬，由於鯷魚醬有火加熱，塗在蔬菜條上一同吃，相當滋味。
金目鯛刺身 – 此魚眼睛大大，一身鮮紅色，美艷動人，師傅將兩大片魚肉起出，切成大小相同的魚片，入口嫩滑鮮甜，油脂甘香，吃過刺身，師傅將魚頭和魚骨酥炸，味道鮮甜香脆。
西班牙蠔 – 兩隻巨型肥美的西班牙蠔，海水味濃，入口爽甜，味道濃郁，久久不散。
清酒煮蜆 – 中式會用豉椒炒，但原來用清酒煮，更能提升蜆的鮮味。
鐵板豆腐 – 嫩滑豆腐豆香味濃，用鐵板烹調，更令豆腐外脆內軟，非常滋味。
鐵板炒魷魚 – 鮮甜爽脆，配以洋蔥和蔥花一同進食，非常美味。
最後的煙燻雞翼和鰻魚是此店的招牌菜式，廚師選用頂級的櫻花木碎放在爐下進行煙燻，提升了雞翼和鰻魚的風味，相當有創意。

屯馬線通車，多咗去九龍城搵食，找到衙前圍道的「上户酒場 」，位置好容易搵，就係宋皇臺站B3 出口行數分鐘。

還好今天不用OT 早少少走， 六點鐘來到有位。

先來一杯冰凍啤酒消消暑氣～ 沖繩啤酒， 麥味比普通生啤較重，易入口， 又令我不其然掛住沖繩的美食了～

提供特色前菜， 蔬菜條配合提魚醬（ 沙甸魚和 鯷魚製成）， 個醬好正鹹鹹哋有魚味但係唔腥， 助暖之後更加惹味！

✨五色刺身拼盤
擺盤，顏色都好靚。 這裏每一道菜都有伴碟裝飾，車厘茄也雕花， 蘿蔔，蓮藕， 都經過雕飾 ，做得美輪美奐～
刺身每一件都厚切～ 海膽好甜好新鮮， 牡丹蝦肉質結實， 鮮甜度好高！特別把蝦頭切開， 方便進食又美觀。
油甘魚是很肥美，鱼油豐富。
三文魚都係難得嘅甜。
吞拿魚入口較凍， 味道最清， 建議先吃～

✨醋酢西班牙生蠔
咁大隻生蠔忍唔住都要打卡～ 簡單以柚子蓉，醋酢，蔥花帶出蠔嘅鮮味，入囗滑身爽脆， 亦有好重的海水味～ 正！😋👍

✨吞拿魚腩蓉薄脆
很喜歡吃吞拿魚腩蓉， 入口融化，這款更混入洋蔥，香味顿時增加！

餐廳亦有一系列秘製煙燻菜式～ 濃濃嘅煙燻 口味渗滿每一道菜。
✨煙燻花魚：魚味好重， 肉質結實得來算滑， 外皮焦香， 比較烤魚肉質冇咁乾， 相當回味！😍
✨煙燻牛舌： 高溫燒過，咬落好似好多油份， 爽囗有嚼勁， 配杯啤酒也是一流！
✨豬肋條： 很有肉味， 煙燻製法完全滲入，有燒烤風味！👍

✨龍蝦味噌虎蝦
日本味噌混入龍蝦膏， 吃到有少許龍蝦肉 ， 虎蝦肉質鮮甜但亦不及龍蝦膏嘅濃郁芳香～ 👍👍

✨鰻魚炒飯
炒得好香～ 乾身，粒粒分明，加上甘筍粒，蛋， 鰻魚粒，蔥花，更加惹味～😋

刺身整體新鮮高質， 煙燻料理有特色， 店員服務 醒目有禮， 不時主動斟茶介紹食材～ 很滿意的一頓日本菜！😍

日式煙燻料理 食材新鮮

屯馬線通車後，去九龍城真係好方便，今日就登等約朋友仔去九龍城「上戶酒場」食晚飯，在宋皇臺站一出就到了。

坐下後先來一個前菜

野菜條伴鯷魚醬 ($32) – 香濃鯷魚醬是用沙甸魚和多春魚混合而成，配上爽甜的沙葛、脆脆的紅蘿白條食用，鯷魚醬的鹹味帶出蔬菜的鮮甜

時令活魚(金目鯛)刺身 ($588) – 師傅把金目鯛厚切做成刺身片，再用火槍燒一燒魚皮表面，令魚食落有微微焦香，金目鯛色澤白中帶紅，肉質鮮甜彈牙，

火炙左口魚邊壽司 (2 x $24) ($48) -左口魚是我的愛人之一，魚油十足，鮮油感在口中蔓延，肉質鮮嫩，讚！

牛油果軟殼蟹卷 ($128) – 軟殼蟹炸得酥脆，唔油膩，配上蟹籽和香甜牛油果，一個卷物雙重美味

時令活蠔刺身 (酸酢汁) 🦪($176) – 來自西班牙的生蠔，清甜爽脆，配上酸酢汁來吃，恰到好處

蘆筍炒牛舌 ($88) – 牛舌味道夠濃，咬落爽口，食完口腔留著牛的香味，蘆筍爽甜

泡菜炒豚肉 ($78) – 泡菜辣辣的，用來炒薄切豚肉，十分惹味

煙燻厚切三文魚 ($78) – 餐廳用上櫻花木來煙燻厚切三文魚，滑順絲柔的油花口感，生熟程度恰到好處，帶著點煙燻的風味，香滑細緻，必點

煙燻帆立貝仔 ($68) – 同樣用上櫻花木來煙燻，帆立貝大大粒，香

煙燻番薯 ($68) – 用上了日本番薯，番薯甜美，和煙燻香氣互相輝映。

白魚湯 ($96)- 是用上時令活魚(金目鯛)刺身的金目鯛魚頭煲成，

巨峰梳打 ($38)
Suntory 黑啤 ($65)

午市定食足料抵食